نُقطة تحوُّل .

الحلقه|5|

.
نقطـة تحول 🌹
الحلقة │5│✨
هي لآيك قبل ماتقرو 🌸
.
.
.
سكرت وشآفت جهاد و فيه  بنت واقفة عليه ..
وف طريقها ليهم ، مشت البنت  ✨ ..
جهاد : جيتي
عطلتي نحسابك مش نآزلة !
بسنت : كنت نصلي وأني نازلة جتني مكالمة ، مقصديش نعطل
جهاد : لا عادي ، قعمزي
عندك حاجة معينة تحبي تفطراها ؟
بسنت : عادي اي حاجة
جهاد :  أني طلبت  ، قلت بالك تبي حاجة معينة
بسنتْ : لا لا عادي

وِسكتو شوية ✨  ..
جهاد : من منو ؟
بسنت : شن هيآ !!
جهاد : قُلتي جآتك مكالمة بكري ،  مني ؟
بسنت : اه من خالتي ، بس علاش السؤال ؟! 😳
جهاد : لا شيء عادي مجرد سؤال

و وصل الفطور  ..

ع مصطفي وقتهآ جي و ركب ل عند بيلسآن ولقاها راقدة ومفيه حد معاها  ..
كلم جهاد وسأله ، وعرف مكآنه ونزللهم  ..

فطر معآهم و بسنتْ كانت تساير فيهم  ..
ع مصطفي لقي الوقت ممكن منآسب بآش يقول ل بسنت ..

ع مصطفي : بنتي بسنت ِف حاجة ضروري تعرفاها
بسنت " خافت شوية وأنتبهتله " : شن فيه عمي !؟؟
ع مصطفي شآف ف جهاد ورجع شافلها : ممكن هَ تتفاجيء منه الشيء هذا أ بالأحري ه تكون صدمة ليك ، بس متخافيش مفيش حاجة مليهاش حل ومنبيكش تفقدي الأمل أو تحسابي
بسنت " مخلاتاش يكمل " : عمي خوفتني شن فيه ؟؟!!
ع مصطفي : يا بنتي  .. 😔
بيلسان عندها الخبيث 💔
بسنت :  ا ههه مفهمتش خبيث شنو ؟؟!
جهاد : لمآ جابو بيلسان ع المستشفي ودارولها فحوصات واللازم .. أكتشفو أنه عندها بداية سرطان ف  الكبد ، بس متخافيش المرض قاعد ف بدايته ومنتشرش ونقدرو نبدو ف العلاج من ..
بسنت " مخلاتاش يكمل " وناضت من ع الطاولة ومشت ..
ع مصطفي : الحقها يا جهاد
نآضو همآ الأتنين وجهاد لحقها من قبل ما ع مصطفي يقوله ..
جهاد : بسنت ؛ بسنت !
قعد يمشي وراها وهيا متردش وكأنها مش ف وعيها ..
جبدها من مرفقها باش يوقفها ، بس فكتها وكملت مشي ..
قعد يمشي معاها وهيا كأنها مش فايقة ..

أما بسنت كآنت ماشية وف عقلها مش مستوعبة اللي سمعاته ، كانت تبي تمشي ل بيلسان وتقعد جنبها ِبسْ 💔 ، حست كأنها محتاجتها وتنادي فيها 💔  ، و ف عقلهآ مئة سؤال و علامات آستفهام ؟ ، " علاش ياربي يصير معانا هكي ، أحني شن درنا باش يصير معانا هذا كله ، بس باهي علاش بيلسان ؟ علاش مش أني ؟ ، أختي قاعدة صغيرة بيبي 💔 ، مش ه تتحمل الوجع هذا كله 💔  ، علاش ؟ ، لو جي فيا أني مكنتش ه نقول حاجة , بس أختي ؟ بيلسان قاعدة صغيرةة ومتتحملش الي قاعد يصير ولا المرض ، علااش ياربي 💔 " 

وصلت بسنت ِل غرفة بيلسان وفتحت الباب وخشت رقدت جنب أختها وحضنتهآ بالقووه  ..
كأنها تقوللها متسيبينيش 💔 ،  أقعدي معاي 💔 ، منقدرش بلاك ، متخلينيش حتي أنتي 💔 ، مش ه نخليك تمشي ، ه تقعدي معاي ! إي هَ تقعدي معاي 💔 ، مستحيل نخليكك #أبداا 💔 ..

جهاد كان معاها ويشوف فيهآ وواجعهه اللي قاعد يصير ، بس شن بيده  ~

ع مصطفي : جهاد
" تلفتله جهاد " ..
ع مصطفي : شن صار وين بسنت ؟!
جهاد " شافلهم " : مقالت شيء جت و قعمزت جنب أختها زي ما شايف
ع مصطفي : لا حول ولا قوة إلا بالله 😔
.
.
.
.
.
.
.
.
.
نوال : ماما
خ نعيمة : نعم !
سوسن : ف مرأه جت وتسأل عليك
خ نعيمة : هي هي أني طالعتلها
" وطلعت للصالة "  ..
خ نعيمه : نجاات !!! 😳😳
نجاات وتبكي : نعيمهه 😭
" وحضنو بعضهم ويبكو " ..
خ نعيمه : مشت وخلتنا يا نجاات 😭 مشت وخلتنا 😭
نجات : قلتلها ؛ قلتلها لما كلمتها آخر مره لما نروح ه نتلمو مع بعض زي زمان ، بس من قاال ه تمشي وتسيبناا
الله يرحمك يا هناء 😭 الله يرحمكك 😭
" قعدو يبكو لين هدوء شوية وقعمزو " ..