نقطــة تحول 🌹
الحلقـة │ 13 │🍃
هـي لآيك قبـل ما تقــرو 🙈
.
.
.
.
ويقطع علاها صوت الباب يطق ✨ ..
ناضت بسنت و قعدت تمسح ف دموعها و تطلع بتفتح الباب / و كان علي بالها عمها رجع ونسو حاجةة ..
فتحت الباب وتلقي قدامها سَوسن / أول ما شافتها نزلو دموعها ونطت ضمتها ✨ ..
سوسن : بيسو حبيبتي خيرك !!
بسنت " حاضنتها وتبكي ومقالت شيء 💔 "
" خ حواء وخ نعيمة كانو وراء سوسنْ و وين شافو بسنت ضمت سوسن خكي / إلتفتو وشافو ل بعضهم 💔 " ..
سوسن : حبيبتي صايرة حاجة ؟ 😔
بسنت " مسحت دموعها " : خشي توا نحكيلكم / أسفةة بدل ما نستقبلكم ب ابتسامة قعدت غير نبكي ونكدت عليكم
سوسن : معاش تقولي هگي ❤
بسنت : هههه خالتي كيف حالك ❤
" وقعدت تسلم عليهم / بعدين خشو داخل وقعمزو على الصالون " ..
خ حواء : شكلك فرحانة ب الجية ل حوشكم
بسنت : أكتر مما تتصوري قداش ستاحشته منرتاحش إلا فيه ❤
خ نعيمة : وين بيلسان
بسنت : مقعمزة تلعب ف دارها
سوسن : بيسو من أمس مشغولة عليك ، علاش تبكي شن صاير
بسنت " تنهدت " : من موضوع فتحه معانا عمي
خ حواء : خير إن شاء الله ؟!
بسنت : عمي ِف المزرعة قالنا ....." وقعدت تحكيلهم "
.
.
خ حواء : وأنتي شن رايك ؟
بسنت : منبيش يا خالتي مش مفكرة ف الموضوع هذا مرة وحدة
خ نعيمة : واهو من كلامك شكله عمك مُصر
بسنت : هادي المشكلة
خ حواء : والله ما عارفة شن نقولك يا بنتي
بسنت : مش عارفة شن ندير / بابا وماما ماتو وخلونا واحني قاعدين ف حوش عمي وهو اللي دار باله علينا كل هَ المدة و وقف معانا وسافر معانا ف مرض بيلسان و مسيبناش وكان لينا زي بابا ، مش عارفة شن ندير 😭 و كيف ه نقوله ما نبيش وهو دار معانا هذا كله / ف الآخير قاعدين عنده ومنقدرش نرفض ونقول لا 😭 و هو من كلامهم كلهم فلك و هما كيف يقولو لو أصر علي حاجة ف لابد ينفدها وميقدر حد يقوله لا 💔 وكلامهم خوفني ومش عارفةة شن ندير
خ حواء " ضمتها " : خلاص اوششش أهدي معاش تبكي 😔
خ نعيمة : بما انه الولد كويس و ولد عمك وافقي وخلاص
بسنت : منقدرش يا خالتي هوا ... " وسكتت "
خ نعيمة : أكيد ولد عمك وكويس و ما عندك ما تقولي عليه توافقي عليه هوا خير مما يجي حد تاني ما تعرفيشي ويطلبك من عمك و يوافق شن بديري وقتها
خ حواء : و شكلها حتي مرت عمك مش مرتاحة معاها صح ؟ 😔
بسنت " شافتلها و وطت راسها ومقالت شيء 💔 "
خ نعيمة : علي الاقل تتزوجي وتقعدي ف حوش بروحك ومرت عمك مضايقكش / هو هكي انتي قاعدة معاهم ومش مرتاحة اكيد كل ما بتطلعي او بتنزلي تقعدي تبدلي ومتقدريش تقعدي بلا حجاب ف حوش فيه شباب صح وله
بسنت " ساكتة وخلاص ودموعها ينزلو 💔 "
خ نعيمة : وافقي يا بنيتي وخلاص علي الاقل تبدي مرتاحة أكتر و ولد عمك وتعرفيه ومع الوقت تتفاهمو
خ حواء : يابنيتي ما تمنيتكش تنحطي ف موقف زي هذا لكن كلام خالتك صح واحسن ليك
سوسن : خلاص خيركم علاها 😳
" وناضت شدت بسنت و وقفتها "
سوسن : خلو البنت تفكر بروحها وانتو قعدتو تتكلمو تتكلمو لين اني بروحي دخت 💔😳
خ نعيمة : ننصحو فيها يابنتي
خ حواء : هههه خلاص خوداها معاك أنتي تفهم عليك أكتر
سوسن : هذا اللي بيصير / هي تعالي بيسو
" قعدو خ نعيمة وحواء يهدرزو / و سوسن وبسنت خشو للمطبخ و وقفو اتكو "
