نُقطة تحوُّل .

الحلقه |15|

نقطــة تحول 🌹
الحلقــة │ 15 │ 🍃
هــي لآيك قبل ما تقــرو 💗
.
.
.
.
" استنت بسنت لين شافتهم  طلعو من الباب البراني ل الفيلا //  وهيا مربعة يداها وسقعانة ..
بسنت : شكلها بتمطر ❤
" وهيا كيف بتلف وبتخش // تشوف ضي شاعل من الصالة الخارجيةة { كانت الصالة ل الرجالة و هيا ف الفيلا غير بابها من برا وقريب من باب الفيلا الدخلاني } ، المهم استغربت علاش الضي يشلع و عارفة انه ما فيه حد ف الفيلا توا يعني الاولاد وعمها برا / جاها الفضوول و كانت تحساب الضيء والع بس ،، ومشتلها وكيف خشت  تلقي سليم مقعمز ..

بسنت : 😳😳😳
سليم : 😳
بسنت : اا هه اه 😰
سليم : شن جاية تديري اهني ؟!
بسنت : اا ماهو " و تأشر ب يداها ل برا "
ماهو لقيت 😰  قصدي شفت الضي يشلع واستغربت جيت نطفيه بس 😅 " وتضحك وخايفة تاكل تكشيخة "
سليم " يشوفلها وعاطاها شبحة " : باه بري علاش واقفة  😒
" و رجع يشوف ف فونه "
.بسنت " واقفة مصدومة وما عرفتش حتي كيف تطلع 💔 / طلعت جري من بحداه وكانت قاعدة ب فستانها وتسريحتها وكله وتحشمت وتلبكت  منه لما لقاته وما كانتش تندري انه ف الفيلا مرة وحدةة // بس كلامهه واسلوبه البارد معاها وكأنه مش مستحملها ويعامل فيها كانها اشبح منوو وجعتهاا بكلل و حست ب كرامتها نمست وكانه مغصووب علاها ومش متحملها ولا طايقها بكل 💔 // خشت ودموعها ينزلو و ركبت فوق وما شافها حد تبكي  ..

بس وهيا راقية من الدرج / شافتها فلك من الخلف راقية ..
فلك : بيسوو !!
" استغربت ليش راقبة تجري ، ولحقتها "

خشت بسنت ل دارها ولوحت الكعب // بعدين شافت ل بيلسان وهيا تمسح ف دموعها بالك من صوت خبطة الكعب ناضت / قعدت واقفة وتتفكر ف الموقف وتبكي بدون صوت 💔  ..

فلك " طقت بالشوية علي الدار " : بَسِنَتْ !! بيسو ؟
بسنت " مسحت دموعها ب يديها وردت عليها ب هدوء من وراء الباب  : ن ن نعم
فلك : خيرك ركبتي صايرة حاجة ؟ :/
بسنت : لا بس ح حاسة روحي ت تعبانة وب نرقد
فلك " سكتت وحست أنه فيه حاجة / لانه بسنت من شوية لما كانت مقعمزة بحداهم كان جوها حلوو "
فلك : اوك كيف ما تبي
تصبحي علي خير !
بسنت " ب صوت مليان دموع " : قدامك الخير 

قعدت فلك واقفة شوية ، بعدين لفت ونزلت ..

أما بسنت ف من لما سمعت فلك مشت // نزلو دموعها وهيا تتفكر ف الموقف و حاقدة عليهه ، وتقول ف خاطرها >> علاش دار معاي هكي ؟! شن دايرتله أني ؟! 😭  قاتلتله حد ؟! لو كان ما يبينيش قال من الاول !! هذا اللي كنت خايفة منهه اني // ما نتحملش حد يعا ملني هكي // بدل ما يقول كلمة كويسة يعامل فيا وكاني غاصباته وقتله تزوجني بالسيف ؟! قال ل بوه من الاول علاش يديرلي أني هكي !! هذا اللي كنت خايفةة منه من الاول يصير 💔  ،، ما نبيش نعيش حياتي هكي اني 😭  " ..

وقعدت تبكي شويةة لين ارتاحت / بعدها ناضت و وقفت قدام المراية ، وكان ما فيش ضيء إلا ضيء السهارة شاعله ، وشافت كيف المسكرا ساهت و حالتها تبهدلت هانت عليها روحها كيف تبكي ف يوم المفروض أو تحلم انه مفروض يكون من أحلى أيام حياتهها 💔  ..
خدت كلينكس ومسحت المسكرا والمكياج السايح علي وجهها وعيونها وخدودها // و فتحت الدولاب ب هدوء خدت توتة وخشت ل الحمام ب تدوش ..
.
.
.
.
.
أما لوطا / ف من لما نزلت فلك خشت جنب بنات خالاتها وقعدت تهدرز معاهم و ف داخلها مشغولة علي بسنت ،، شن اللي قلب جوها هكي فجاءة ؟؟!