نقطـة تحـوّل 🌹
الحلقـة │ 45 │🍃
ما تنسوش الآيك 🙈
.
.
.
.
.
سمع صوت تخبيط لوطا .. و وقت ركز عرف انه صوت الباب / قعمز و مسح علي شعره بعدين ناض ونزل وقعد يمشي ل عند م وصل في الباب و أول م فتحه يلقاه جهاد
جهاد : هو انت قاعد اهني " وخش "
شاف سليم المطر تصب برا / سكر الباب و قدم ل الصالون
جهاد : شن قاعد تدير اهني و بسنت في المستشفى ؟
سليم : علاش صايرة معاها حاجة ؟؟
جهاد " رفع حواجبه ونزلهم " : كانك خايف علاها علاش درت معاها هكي ؟!
مسح سليم علي شعره ل عند م وصل ل رقبته و قعمز ع آخر درجات وقعد ساكت
جهاد : حكتلنا كل شيء
سليم م دارش ولا اي ردت فعل
جهاد : قداش مرة بنقولولك أتقي ربك في ه البنت .. خسرت امها و بوها و بدل م تتحسن حياتها معاك زدت الطين بلة
سليم : جهااد !
جهاد : امك تسأل عليك و بوك رقاله الضغط تبي نزيدك ؟ ولا نسكت
وقف سليم وركب فوق // و جهاد طلع وسكر الباب
.
.
.
.
.
.
.
بسنت : رقدت ؟
سوسن : اها
بسنت : خودي هادي غطيها بيها
سوسن : تمام
سوسن : بسنت ؟
بسنت : نعم
سوسن : نسألك سؤال
بسنت : لا لو سمحتي
سوسن : تمام تمام // دافية هكي و لا نجيبلك حاجة تانية ؟
بسنت : لا صحيتي " و تحركت " اه
سوسن : خيرك ؟
بسنت : بطني وجعتني
سوسن : اها ااه عادي
بسنت : وين ه تباتي انتي ؟
سوسن " ابتسمت " : جنب بيلسان
بسنت : م فيش داعي انك قعدتي المفروض روحتي مع خالاتي
سوسن : اكيد مش ه نخليك بروحك ي هبلة / ولا مضايقاتك 💁
بسنت " ابتسمت " : اها مضايقتيني 🌚
سوسن : مش من قلبك 🔫🌚
بسنت : هبلة 😂
وفي وسط الضحك سوسن قالت
سوسن : بيسو سليم م دخلاش في اللي صارلك والطيحة وله ؟
بسنت " قعدت ساكتة بعدين شافتلها " : أبداََ ولا يقدر 😊
قعدت سوسن تشوفلها بينما هيا التفتت ل الجيهة التانية وغمضت عيونها // طلعت سوسن ولقت امجد مقعمز
سوسن : انت قاعد ؟
امجد : لالا روحت
ربعت سوسن يداها وقعمزت ف الجيهة التانية
امجد : خيرك قعمزتي اهني ؟
سوسن : رقدو
امجد : وخيرك انتي م رقدتيش
سوسن : الساعة قاعدة 9 🌚
امجد : خشي داخل نازل نجيب قهوة ونجي
سوسن : بيخطفوني متلاََ كان قعدت اهني 💁
امجد : كلمة هيا
سوسن : باه احسبني معاك
امجد : خشي باه و متحوسيش اهني و اهني
سوسن : حاضر بابا 🌚 " و خشت جري "
\
.
\
.
\
.
خشت وراهم و شافت بوها ركب و امها قعمزت في الصالون // لوحت الشال وقعمزت
فلك : شن ه يصير توا ؟
ع ماجدة : شن بيعرفني انا " و اتكت "
فلك : المفروض م روحناش
ع ماجدة : هكي احسن باش م تزيدش المشكلة / م شفتيش عيلتها انتي
فلك : اها يعني شن كنتو متوقعين يسكتو ع اللي صار و يحطو رجل ع رجل ؟
ع ماجدة : تكلمي كويس ي بنت
فلك : علاش شن قلت انا ؟؟ تبي تقنعيني انه اللي داره سليم صح ؟
ع ماجدة : ومن قال انه غلط
فلك : م فهمتش شن تبي تقولي ؟؟
ع ماجدة : م نبي نقول شيء بنركب اني
فلك : دقيقة قبل م تركبي 😅 // قصدك انتي مصدقة انه بسنت ممكن تدير هكي ولا كيف ؟؟
