نقطــة تحول 🌹
الحلقـة │11 │🍃
لآيك قبل ما تقـرو 🙈
.
.
.
ف الليل مع الساعة 11 عطشت بسنت وبتنزل للمطبخ / و كانت لابسة توتة فكرت توا بتبدل غير غ خاطر النزلة ! ، توتتها كانت واسعة لبست الكبوس متعها و نزلت ..
" الحوش كان مظلم و السهارات بس يشعلو فيه " ..
خشت للمطبخ و خدت طاسة و شربت مياه و كيف حطت الطاسة / تسمع صوتْ الباب ينفتح 😳 ...
" وكآن الباب الكبير متع الفيلا " ..
ولت هكي >> 😳😰 / " بسنتْ كانت تخاف هلبا ومتحبش الظلام ، وهيا نازلة للمطبخ قعدت غير تقول بِسْم الله بِسْم الله 🙈😂 / لابال سمعت الباب نفتح والمخيلة بدت تشتغل 👻😂 " ..
خافت و ملقتش روحها إلا خدت عصاة المكنسة و لبدت جنب الباب متع المطبخ وتحسابه خناب وهكي ..
ويخش للمطبخ وهيا تضربْ بالعصاة 🔫 ..
سليم " شد العصاة بيده و هو مذهول " : ت تي خيرك بسم الله 😳😳
بسنت " ف هديكا اللحظة تمنت الأرض تنشق وتبلعها / ومعاش عرفت شن تقول " ..
بسنت : ااا ن نحسابه خ خ خناب
سليم : 😂😂😂
ربّي يهديك خناب شني ؟! و البواب برا و الحوش مسكر / يعني لو خناب كان هَ يفتح الباب بالمفاتيح متلا 😂😐
بسنت " واقفة وراسها لوطا ومعاش عرفت شن تقول / وف سرها تقول شن اللي حطني ف ه الموقف بس ، ياحظي 💔 "
سليم : ع العموم حلوه الفكرة متع العصاة وع أساس دفاع وجو افلام ههههههههههههههه
بسنتْ " حست روحها ف موقف بايخ بعد قعد يضحك / وهيا من النوعية اللي تتحسس " : ا اسفة مقصديش
وردت المكنسة / وكيف بتفوت وهو كان واقف قدامها وعند الباب ..
سليم : شن نازلة تديري ف ه الوقت انتي ؟!
بسنت : كنت نشرب ف مياه 😒
سليم : اها ههههه باه معاش تعاوداها الحركة الدفاعية هادي قريب شوهتيلي وجهي
بسنت " ف داخلها تغلي و تنرفزت بكل وتقول ف سرها > ياريتها جت فيك 😒 "
بسنت : باه ممكن تحول من الباب
سليم " تحرك و خلاها تفوت وقاعد يضحك من الموقف " ..
ركبت بسنت / و سليم يتفكر ف شكلها ويضحك ..
شرب مياه حتي هو وركب ل داره دوش ع السريع و رقد ، ونسي الموضوع من اساسه ..
أما بسنت فَ من لما ركبت وهيا تغلي وتوَتوت 🙊 / قعدت تمشي ف الدار وماشية جاية و تتفكر فيه كيف قعد يضحك علاها ومتنرفزة هلبا وتتمني ف انه حصل الضربة بالعصاة علي وجهه 💁
كانت ه تكون مرتاحة اكتر و بدات بعد موقف كيف قعد يتمسخر عليها
.
.
.
قعمزت بعد ما هدّت وحطت راسها على المخدة و خداها النوم ..
.
.
.
.
.
.
.
.
" تاني يوم الصبح وكان جمعةة ✨ " ..
.
.
نآضو الكل بكري الصبح ..
وقعمزو كلهم علي الطاولة وبيفطرو " ع مصطفي وع ماجدة و فلك و بسنت و جهاد و سليم / أما بيلسان ف قاعدة مريضة وقعدت راقدة ..
.
.
ع مصطفي : يا سليم عندك علم هَ نمشو للمزرعة اليوم ؟
سليم : لا والله / علاش ماشيين ؟
ع مصطفي : تغيرة جو لينا هلبا متجمعناش العيلة كلها مع بعضنا و مشينا للمزرعة
سليم " لقاها حتي فرصة يحكي مع بوه ف موضوعه " : تمام باهي
فلك : قداش خاطري فيها المشية ،
استاحشت ساشا 😍
بسنت : من ساشا ؟!!
فلك : هادي حصانتي 😍😎
جهاد : حصان يادماغ 😂
فلك : عادي زي بعض / اني نبي نقوللها حصانتي شن المشكلة 😒
جهاد : توا ترضي أنتي حد يقولك ولد !؟
ع مصطفي : خلاص عاد
فلك : ثانكيو بابا ❤😌
جهاد : ظلم وخلاص / اخرتها يقولو للحصان حصانتي
فلك : هو حصانك ولا حصاني -.-
جهاد : شن جد عليك توا بدي حصان 😂
بسنت : 😂
فلك : يا بسنت يعني ميجيش توا ندلع حصاني حصانتي شن فيها حرة اني
بسنت : 😳😅
جهاد : البنت معاش عرفت شن تقول 😂
قوليلها قوليلها
بسنت : عادي شن فيها
فلك : أصلا عارفة مش هَ يفهم عليا حد الا انتي 💖
بسنت : 😂 💖
جهاد : تساير فيك بس
" و سليم كان يفطر وميتكلمش / وكل شوية يشوف فونه ويفركس ويتصفح "
ع مصطفي : الحَمدُ لله / بعدين وتو رواحكم سليم وجهاد بنمشو للجمعة مع بعض
سليم وجهاد : إن شاء الله
ع مصطفي : ماجدة انتي والبنات وتّو رواحكم ، نجو من الجمعة نتغدو ونتوكلو للمزرعة
ع ماجدة : إن شاء الله 💛
