نقطــة تحول 🌹
الحلقــة │ 14 │🍃
لايــك قبل ما تقرو <3
.
.
.
" و يخش سليم ل الفيلا / والكُل يشبحوله " ..
ع مصطفي " حط نظاراته وسكر الكتاب "
سليم : قالولي تبوني شن فيه !!
بسنت " تشوفله و تشوف ل ع مصطفي وتشوف شن بيقولو وقلبها بيطيح "
.ع مصطفي : أكيد رتحت وفكرت ف الموضوع اللي قلتهولكم
سليم " ضحك ضحكة هزوة " : وأنتَ الباين مُصر على رايك
ع مصطفي : قلتلكم اللي مش ه يوافق مش ه نرضي عليه / ه تتزوج بنت عمك ولا لا ؟
سليم : يعني هَ تجبرنا ع الشيء هذا
ع مصطفي : جااوب بس ب إيه أو لا / ه تتزوج بنت عمك ولا مش ه نرضي عليك
سليم " سكت / بعدين قاله " : دير اللي يريحك 😏
ع مصطفي : خلاص معناها اليوم الآحد ، يوم الخميس الجاي ه نديرو تلبيسة تبدو بيها مخطوبين رسمي
بسنت " كانت تشبحلهم وقلبها ب يطيح وقت سمعت ع مصطفي قال هكي لين النفس قريب هرب علاها / وتشوف وحالة عيونها ومش قادرة تتكلم من الصدمةة "
جهاد " كان واقف ومتكي علي الحيط ويديه ف جيوبه / وقت سمع بوه قال هكي ، شاف ف بسنتْ و حس ب برود بكل ،، و أستغرب ف نفسه كيف الخبر مأثرش فيه ل هادي الدرجةة ،، يعني صح وجعاته أنه طلعت من نصيب خوه وعارف مهما تكلم او ناقش او قربع مش ه يستفيد شيء لأنه ع مصطفي مش ه يغير رايه ، وه تصير مشاكل بينه وبين خوه بس // وقعد حاير ومستغرب ف نفسه وأفكار واحاديث تدُور ف راسه // ليش قرر يستسلم ب السهولة هادي و يسأل ف نفسه سؤال >> هل أني قاعد نحبها أو مشاعري تغيرو إتجاهها ؟!! وشن اللي غير هذا الشيء ؟! أو من اللي سمعه منها من الكلام اللي وجعه خلى مشاعرة تتغير ، وقت اللي كانت تعامل فيه ك أخ بس ومبادلاتاش الشعور ، خلاه يحس هكي ! لانه مش حابب يجبرها تحبه بالسيف ، لأنه الحب مش بالسيف ولا عمره ه يكون ،، ويقول ف خاطره لو كانت تبادلني نفس الشعور لا كنت درت المستحييل و وقفت ف وجهه الكل باش ناخدها ،، بس هيا متحبنيش !! علاش ندير ف مشاكل و نخسر ف أهلي وخوي ،، سيروه مع الوقت ه ننسي أني ونتقبل أنها مش ليا ! مرلت خوي يكون نصيبها ويقدر يسعدها وتحبه .. // "
.
.
سليم " أول ما قال بوه هكي // لف و طلع من الفيلا و ركب ف السيارة ومشي " ..
.
.
ع مصطفي : خلاص أنتي يا ماجدةة وتّي ل البيان يوم الخميس بأذن الله
ع ماجدة " تغلللي و تبقبق داخلها / بس هذا ع مصطفي وما تقدرش تقوله لا 🙊 / هزت ب راسها باهي وخلاص "
ع مصطفي " شاف ف بسنت " : بنتي !!
بسنت " منصدمة وسارحةة و من الصدمة مسمعاتاش أصلا "
فلك : بيسوو " واشرتلها ب يدها "
بسنت " شافتلها "
فلك : بابا يكلم فيك 😅
بسنت " شافتله و وجهها رايح أحمر و واضحةة عليها الصدمةة "
ع مصطفي : أنتي كويسة يا بنتي ؟!
بسنت : ا ا ا اه ؟؟!!
ع مصطفي : قتلك حاسة روحك كويسة ؟ جيبيلها مياه يا فلك
فلك : حاضر
" و مشت فلك للطاولة اللي قدام بسنت وكان فوقها مياه وقعدت تصبلها و ع مصطفي قاعد يكلم فيها "
ع مصطفي : يا بسنت عندك اعتراض علي الكلام اللي سمعتيه ؟؟ أني ندير ف اللي صالحكم ومش ه نلقي ل ولدي خير من بنت خوي ،، وبوك كان عنده علم ومتناقشين ف الحاجة هادي لكن توفي الله يرحمه
بسنت " زمطت ريقها و دموعها ب ينزلو خلاص "
ع مصطفي : شني بنتي عندك اعتراض ؟؟
فلك " كانت واقفة بحدا بسنت وف يدها طاسة المياه وتستني ف بسنت ترد باش تعطيها الطاسة "
بسنت " هزت ب راسها ب لا " : دير اللي يريحك يا عمي " ومعاش قدرت تشد روحها ونزلو دموعها // وقفت وركبت تجري ل فُوق 💔 "
ع مصطفي : الحقيها يا بنتي شوفاها
فلك : حاضر
" و ركبت ب طاسة المياه لحقتها "
.
.
جهاد " كان يشوف ل كل شيء و ضاحك ضحكة هزوة ومش عارف هو بروحه علي شنو // ممكن علي شعور القهر اللي حسه ،، خدي مفاتيحه وطلع من الفيلا بدون ما يقول شيء " ✨
.
.
ع مصطفي قعمز وقعد يفكر // و ع ماجدة ف المطبخ تغللي وتفش ف غلها ف تينيز " الخادمة " مسكينةة 🙈
.
.
أما بسنت ف ركبت ل دارها و قعمزت تبكي ومش عارفة شن تدير ..
عمها متقدرش تقوله لا و تتمني لو كان بوها توا معاهم بس هو الوحيد اللي يقدر يدافع عليها و يوقف اللي يصير ،، بس عرفت انه كان جزء من الاتفاق هذا 💔
" خشت فلك وراها / حطت الطاسة وقعمزت جنبها "
فلك : خلاص بيسو متبكيش 😔
بسنت : كيف ما نبكيش بس كيف 😭
فلك : صدقيني سليم خوي ونعرفه صح عصبي بس والله حنين ومستحيل يديرلك حاجةة ❤
بسنت : يافلك خوك يبي وحدة تانية ! خيركم متفهموش ! 😭 هكي عمي يلعب ب حياتنا و ينهي علي حياتنا احني الاتنين معطاناش خيارات بكل
فلك : باه خلاص أهدّي بس ،، سليم بما أنه ما عارضش هلبا أكيد صار شيء ف موضوع البنت اللي يبيها
بسنت " شافتلها " : كيف شن ه يصير متلا
فلك : مرات صار شيء بينهم و خلاهم يسيبو هذا علاش سليم معاركش ولا عاند هلبا
بسنت : لكن أكيد قاعد يبيها ما يجيش هكي
فلك : باه وأنتي ؟!
بسنت : خيرني اني
فلك : علاش تبكي هكي ومدايرة عزي / تبي حد حتي أنتي ؟
بسنت : لاا لكن ما يجيش هكي خوك يبي بنت تانية مهما كان ولما تزوجونا مش ه نرتاحو أبداا وحياتنا تفسد وتضييع بس
فلك : سألتك انت شن تبي مش سليم شن يبي
بسنت : يافلك اني الحاجة الوحيد اللي نبيها ما نفرقش بين زوز يبو بعضهم ونكُون السبب ف تعاسةة بنت تانية مستحيل ندير هكي ولا نتخيل روحي مدايرة هكي / هذا اللي نبيه ! و نبي نكمل قرايتي مزاال يا همي مش مفكرةة ف الزواج مرة وحدةة
فلك : خلينا منها البنت هادي ، من قالك أنها كويسة توا و ما تلعبش علي خوي وانتي بتخلصيه منها
بسنت : معاش تقولي هكي
فلك : يابسنت احتمال كبير أنها تطلع مش كويسة ومرات تطلع كويسة الله أعلم لكن أنتي ل خوي أكيد خير من بنت ما نعرفوهاش
بسنت : يافلكك البنت اللي تحكي عليهاا خوك يحبها سليم يبيها فهمتي / شن دخلنا اهني كويسة ولا مش كويسةة
فلك : لا دخلنا
بسنت : فلك خلاص عاد
فلك : يابسنت ما تنكديش علي روحك / هيا مرة ف العمر ه تتزوجي و
بسنت" قاطعتها " : اهو أنتي قلتي مرةة بس ف العمر ولو ما تفاهمناش يا فلك يحب وحدة تانية خيرك
فلك : خليني نكملل كلامي 😪
سليم لو حب وحدة مستحييل يسيبها و ه يدير المستحيل باش ياخدها واني نعرف طبعه / لكن زي ما شفت واستغربت كيف ما قال شيء وقال ل بابا دير اللي يريحك / يعني اشبح شن شاف منها البنت هاديكا هذا علاش
بسنت " ساكتة تشبحلها وخلاص "
فلك " كملت كلامها " : وزي ما قتلك هيا مرة ف العمر وبابا خلاص مقرر و حدد حتي موعد البيان زي ما سمعتي ومعاش نقدرو نديرو شيء ،، افرحي و اضحكي ما تديريش هكي الله غالب وهذا كله يعتبر نصيب شن بتديري
بسنت " حطت يداها علي وجهها "
فلك : توا مش عاجبك سليم حتي شوية 😂
بسنت : نفس جو سوسن سبحان الله
فلك : 😂
يعني مهدرزين علي خوي واني ما نندريش 😌
يابيسو افرحي عاد شوية ما تنكديش والله سليم كويس هي و خوي اني زيادة شن تبي 😂 ❤
بسنت : 😂
فلك : بتولي كنتنا ❤
بسنت " أبتسمتلها وتساير فيها / لكن من داخلها مش مرتاحة وف عالمها سارحة وتفكر "
.
.
.
.
.
.
.
.
.
.
.
.
.
" ف الشركةة / خش سليم ل الشركة ويلاقي السكريتيرة "
سليم : شن عندنا ؟
السكريتيرة : كيف وصلو مسؤلين من شركة "....." ويستنو ف حضرتك ف غرفة الإجتماعات
سليم : تمام
" خش سليم ل مكتبه طلع شوية أوراق و ملفات علي خاطر المشروع وقال ل السكريتيرة تجيبهم ومشي ل غرفة الاجتماعات // وهذا كله يدير فيه و بسرعة باش ما يفكر ف شيء تاني ما غير الشغل "
خش ل غرفة الاجتماعات وبدي الإجتماع ..
.
.
.
.
.
.
.
.
.
.
.
" ف الڤيلا " ..
