نُقطة تحوُّل .

الحلقه |8|

نقطـة تحول 🌹
الحلقـة │ 8 │🍃
هي لايـﮓ قبل ما تقــرو 🙈
.
.
.
بسنت : فلك اني بنخش
فلك : خيرك شن " وسكتت "
وشافت فلك وراء بسنت وقالت : اوو سليم جي

وتلتفت بسنت وراها وتشوف  ..
الشخصية الطويل و العضلات ولابس نظاراته الشمسية و اللي جاي ناحيتهم
ونحي النظارات ✨ ..

سليم : السلام عليكم
كلهم : وعليكم السلام
سليم " شاف ل بسنتْ " : اكيد أنتي بسنت ؟!
بسنت : أها اي
سليم : الحمد لله علي السلامة
بسنت : الله يسلمك
" وكانت المعاملة ما بيناتهم رسمية لأنهم ميعرفوش بعضهم هلبا " ..
سليم : بيلسان !؟
بيلسان " كانت مقعمزة جنب جهاد وشافتله "
سليم " قعمز علي ركابه " : تعالي
بيلسان " ناضت ومشتله "
فلك : البنت مستغربة أول مرة تشوفك 😂
سليم : عادي توا نتفاهمو مش هكي يا بيلسان وله 😎
بيلسان " هزت براسها "
سليم " طلع من جيبه طرف شكلاته " : هادي ليك ❤
بيلسان : ليا أني 😍
شكرا ☺
سليم : ههه العفو ❤  / بوي ف الفيلا فلك ؟
فلك : إي
جهاد : من أول ما جي يسأل عليك قال كيف ميجيتش 
سليم : قلتوله شغل ؟
فلك : قلناله لكن شكله واخد موقف 😂
سليم : يستر الله اهو خاشله
" وشاف ل بيلسان " : نشوفك بعدين يا حلوه ❤
بيلسان : باه ❤

" و خلاهم ومشي خش " ..

فلك : زعما بابا يكلمه
جهاد : اشبح عاد 😂  لكن اكيد حرجان منه
فلك : مش صعبه عليه توا يراضيه زي العادة
بسنت : كيف يعني ديما يتعاركو ؟!
فلك : لا مش هكي ، بالعكس سليم ديما  إدير ف الحاجة اللي  يبيها  بابا و يحب يخليه فخور بيه ، لكن عاطي من وقته ل شغله أكثر من الازم و ديما يضيع ف المناسبات اللي زي هادي متلا بابا روح بعد وقت ومشافاش ممكن من وقت طوييل من أخر مرة بابا ممكن مشاله ف بريطانيا من سنة وهذا اللي مخلي بابا يزعل منه ، لكن ديما يتصالحو ف الأخير 💛
بسنت : اها
جهاد  " شرين فُونه ومشي من بحداهم ورد عليه ، وطلع بعدها بدون ما يكلمهم " ..
بسنت وفلك كانو يشوفوله وبعد ما طلع  ..

بسنت : خيره جهاد ؟! 😒
فلك : لاحظتي حتي أنتي 😂  / هذا ليه فتره قعد متغير حتي معانا لكن ف الفترة الآخيره بدي يرجع زي قبل يعني نقولو
بسنت ف عقلها " يعني قعد معآي غير اني هكي ! 😒 "
فلك : هي نخشو حسه سخن الجو
بسنت : أوك
بيلسان " كانت شادة الآيباد وتلعب "
بسنتْ : بيلسان هيا ولا بتقعدي ؟
بيلسان : بنخش معاكم ☺

وناضو خشو وبسنت وبيلسان ركبو ل دآر فلك / و فلك مشت للمطبخ ِل أمها ✨  ..
لقتها واقفه ع الطنجرة / جت وقفت جنبها ..

فلك : ماما
ع ماجدة : نعَم
فلك : بنقولك بس خالات بسنت بيجو ف العشيه
ع ماجدة : أمتي قالت بِسمْ الله باش تبدا تعزم ف الناس ! 😒
فلك : ماما !! 😳 هيا قالتلهم ما يجوش لكن أني قلتلها قوليلهم يجو / عييب البنت مروحه من سفره وليهم مدة طويله مشافوهاش ومشافتهمش وبعدين سمعتي بابا قاللهم الحوش حوشكم /ولعلمك  لين أصريت ع البنت باش وافقت حسيتها حست كأنه مش مرحب بيهم و هذا من بعض الناس -.-
ع ماجدة : من تقصدي ؟
فلك : أنتي وولدك جهاد طبعا / حست البنت مش غبيه
ع ماجدة : باه اللي طلعت تفهم والله
فلك : ماماا خيرك أستغفر الله ، شن ريتي منها البنت حرام عليك
ع ماجدة " مقالت شيء "
فلك : وبعدين أنتي  ماهو  مدايرة  عزومة  لخواتك يعني شن فيها لو جو أهل البنت
ع ماجدة : خواتي ولوو ؟ مش خالاتك ياقردة  😒
فلك : مقصديش لكن مستغربه فيك ومنفعله 😔 / شن ريتي منها البنت باش كارهتاها
ع ماجدة : لا كارهتها لا شيء ، خلي يجو امالاها  شن دخلي اني
فلك " بصوت واطي "  : ربي يهديك يا ماما بس
ع ماجده : شن حسك قلتي ؟
فلك : سلامتك 😌
ع ماجدة : باه بري ديري لوده ع الصالة وقولي ل بنت عمك تساعدك
فلك : توا نديره بروحي ، البنت تعبانه خلي تتريح
ع ماجدة : ما شاء الله بديتي المحاميه متعها ولا كيف ؟ 😒
فلك : حتي هيا بنت عمي  😌❤
ع ماجدة : باه بري بدل دوتك الزايدة هادي 😒