نقطـة تحـول 🌹
الحلقـة │ 37 │ 🍃
م تنسوش لايـك قبل ما تقـرو 🙈
.
.
.
لف سليم وركب فوق // اما بسنت ف حولت عبايتها وقعدت مقعمزة بالبيجامة
قعدت تتفكر ف اللي صار ومش فاهمة اللي حاسة بيه 🙈
وهيا مقعمزة يرِن فون سليم و كان ع الطاولة جنبها ، قدمت وشافاته ولقاته رقم غريب والغريب انه نفس رقم يومها !! م قاومتش وردت
الرقم : آلوو
بسنت >> صوت بنت !! " ونزلت الفون من وذنها "
الرقم : آلوو
ردت بسنت الفون علي وذنها وقالت كلمة وحدة بس
بسنت : من ؟
الرقم : سليم ؟ انا اميرة
الكلمة هادي خلت بسنت ترجع ب ذاكرتها ل ليلة من الليالي 💔 وكانت هادي الليلة من اول الايام اللي كانو فيها سليم وبسنت عايشين مع بعض .. تذكرت كيف قعد يقول في اسمها هاديكا الليلة .. " اميرة " .. وكيف هيا م رقدتش هديكا الليلة من الدموع والبكي
ارتخت يد بسنت و نزلت بالفون و هيا قاعدة مصدومة .. اميرة ؟؟ كيف طلعت توا ؟؟
كانت واقفة وتشوف جيهة الدروج وقت سليم نزل وشافها واقفة وفونه في يدها و وواضحة عليها الصدمة
سليم : بسنت ؟!
بسنت " وقتها شافتله ومدتله فونه " : تفضل .. هادي اميرة ع الخط
سليم " وضحو علي وجهه علامات الاستغراب والصدمة !! كيف بسنت نطقت ب اسم حد كان ناسيه مرة وحدة وقعد ساكت فترة "
سليم " قدم و وقف قدامها " : بسنت شوفي
بسنت قاطعاته : طبعا م كانش قصدي نرد علي حبيبتك
سليم : شن تقولي انتي ؟؟
بسنت : اها يعني تحسابني م نعرفش / هلبا مرات سمعتك تقول الاسم هدا و م تكلمتش " و دموعها اللي شادتهم بدو ينزلو "
سليم : ي هبلة افهمي قبل
بسنت : فاهمة كل شيء م فيش داعي تشرح
سليم " واضح عليه عصب و وجهه بدي احمر / خدي الفون من يدها وفتحه وطلع الشفرة وقسمها نصيين "
بسنت " قعدت تشوف ومصدومة !!"
سليم : وهادي الشفرة " ولوحها و قدم شد وجه بسنت بيديه الاتنين ويمسح ف دموعها ويشوفلها "
وبسنت تبكي و ترشف في دموعها 💔
سليم : قتلك معاش تبكي / مَ نتحملش نشوف دموعك " ويرجع يمسحهم"
وبسنت هدت شوية
سليم : ديما هبلة انتي هكي وتبكي علي كل شيء ؟
بسنت : يعني انا طلعت هبلة !
سليم : هبلة و ه تقعدي الهبلة اللي نحبها // علاش منزلة عيونك شوفيلي
بسنت " حست قلبها ه يوقف ، حطت يداها علي يديه اللي شاد بيهم وجهها بيناتهم وتبي تنزلهم وهوا م تحركش "
سليم : خيرك تتجنبي تحطي عيونك في عيوني ؟
بسنت : سليم ممكن تبعد شوية " و حسّت النفس ه ينقطع 💔 "
سليم : علاش تبعدي فيا ؟ شوفيلي
رفعت هيا عيونها و قعدت ساكتة و قلبها ه يطلع 🙊
سليم : اعرفي حاجة وحدة مَ فيش غيرك في حياتي والباقي كلهه ماضي ونسيته و ماليشي اي قيمة عندي ، انتي حاضري ومستقبلي لا اميره ولا غيرها يقدرو يبعدوني عليك
بسنت " من قوة نبضات قلبها وسرعة ضخانه للدم كانت ه تدوخ 💔 "
سليم " نزل بيديه علي كتافهها و وقاللها وهوَ يشوف في عيونها " : انتي ليا .. و انا ليك .. افهماها !
