نقطــة تحول 🌹
الحلقــة │ 17 │🍃
لآيـك قبل ما تـقرو ❤
.
.
.
.
طلعو هما الأربعة // و يلاقو أحمد كيف ب يخش ل الصالة الخارجية متع الرجالة ويتكلم ف الفون ✨ ..
فلك : بنات نسيت حاجة نمشي نجيبها ونجي
شروق : اوك
" دارت فلك روحها ب تخش / و بعد ما شافتهم لفو ومشو ل الجنان من الجنب وين ما كان الصالون ،، طلعت ومشت بالشوية ل الصالة الخارجية تبي تسمع أحمد شن يقول 🙈 ..
و صلت جنب الحيط و وقفت و سمعاته يقول ...
أحمد : اي / باه هههههـ إن شاء الله ياعُمري
فلك " لما سمعاته يقول هكي ستاكت 💔 // وكانت متكية على الحيط وجنبها غرسة ، ناشت الآجآر " الإصيص " وطاح تكسر // و أحمد سمعها ..
أحمد " فِ الفُون " : هيا مشغول توا سلام " وسكر ع طول "
" فلك لما طيحت الغرسةة قعدت مستاكية و ولت هكي >> 😳😰 \ ولما سمعت أحمد ،، لفـت ب سرعـة و بتمشي
بس أحمد لحق علاها ✨ ..
أحمد : فلك !!!
" ولحق علاها وشدها من مرفقها ولفها ليه "
أحمد : شن كنتي تديري ؟!
فلك " مطبسة راسهآ و وقت قاللها هكِ شافتله " : شن كنت ندير ؟؟! :/
أحمد : ههههـ تستغبي ولا كيف / كنتي تتسمعي عليا صح ؟ 😂
فلك : هه وعلاش بنتسمع عليك مثلا !!؟ -_-
أحمد : وين نندري عليك علاش أني ! أنتي قوليلي 😌
فلك : لا والله ! 😒 ما كنتش نسمع فيك ولا نندري عليك داخل أصلا ، جيت بنآخد حاجةة وسمعتك بالصدفةة بس ونشت الغرسة
أحمد : أهاا صار هكي 😂
فلك : إي و سووري يعني قاطعت عليك
أحمد : قاطعتي عليا شني ؟! اه المكالمة ؟
فلك " شافاته قاعد شاد مرفقها / فكت يدها وقالت " : اي المكالمة مش كنت تكلم ف حَبيبتكْ
أحمد : حَبيبتي !!؟ 😳
فلك : أها حَبيبتكْ خيرك !
أحمد : 😂😂
فلك : قلت حاجة تضحك أني ؟! 😐
أحمد : تي اللي قلتيه كُله يضحك صار حبيبتي 😂
فلك : معليشي يعني أني مش فاضية بنخش
أحمد : وعلاش شن عندك ؟
فلك : حاجات خاصة يعني 😌
أحمد : شن هيآ هَ الحاجات الخاصة يا خاصة أنتي
فلك : شن دخلك
أحمدث" غمض عيونه وفتحهم " : فلكك !! متعصبينيش وتكلمي
فلك : اووفف عندي مكالمة مهمة بنديرها خلاص هكي
أحمد : عاودي عاودي
فلك : عندي م ك ا ل م ة مهمـة عرفت ؟ ، و شخص مهم نبي نكلمه 🙊 ،، نستأذنك توا " ومشت بسرعة قبل ما يقول حاجة "
أحمد : فللكك يا فللللـكك تعــااالي
تي خيرها هادي ناويةة تموت !!
" ولحقها وكانت ماشية وين ما كآنو شروق وسعى وبسنت وسليم وجهاد "
.
.
.
.
.
.
.
.
.
.
.
لما مشت فلك ل أحمد // البنات مشو ل الصآلون وين ما كانو جهاد وسليم ..
سهى : خييير 💁
جهاد " شاف " : سهى ، شن الجو
" كانو تلاتة كنبات / و ع شكل مربع محطوطات ،، جهاد وسليم كانو مقعمزين ف نفس الكنبةة ع الجنب بس بعاد ع بعض ،، لما جو البنات قعمزو بسنت وشروق ف الكنبةة اللي قدان سليم وجهاد وكانت بعيدة عليهم و ما بيناتهم طاولة // و سهى قعمزت بحداهم ع الحاشية "✨ ..
