نقطـة تحـول 🌹
الحلقـة │ 29 │🍃
لآيـﮓ قبل ما تقـرو ❤
.
.
.
.
ع ماجدة : كنت نكلم في خالتك مفيدة كلمتني
فلك : اي ؟!
ع ماجدة : قالتلي تبي تخطبك ل احمد
فلك : كيف !؟؟
ع ماجدة : خيرك ؟!
فلك : ما نبيش يا ماما توا اني 😅
ع ماجدة : علاش ماتبيش ؟؟!
فلك : يا مامـا
ع ماجدة : يا ماما شني ! // احمد شاب ياسلام عليهه ب شغله و حوشهه و اخلاقه و احترامهه و من العيلة و نعرفوه كلنا ماشآء الله عليه ماعندك ماتقولي ! علاش ماتبيش ؟!
فلك : مش هكِ 😪
ع ماجدة : اماله شنو هي احكي !؟ عندك موضوع تاني قولي !
فلك : لالالا ياماما خليني نحكي قبل باه ماعطيتينيش مجال 😳
ع ماجدة : نسمع فيك
فلك " شافت لوطا و ع الجنب و واضح متلبكة " :: مانبيش الموضوع هذا توا انا / يعني مش رافضة احمد لكن مانبيش نتزوج توا
ع ماجدة : وعلاش ان شآء الله ؟! عمرك مناسب ماتقوليش لا ! ما عندكش سبب مقنع للرفض
فلك : افهميني / مانبيش توا ، نكمل قرايتي قبل ما يجيش هكِ 😪
ع ماجدة : ويقعد يستناك هوا ولا كيف ؟! وشن موقفي و موقفك قدام خالتك و شروق و الباقي ؟! رافضة هكي ل سبب تافهه قرايتك تقدري تكملاها حتى عنده واكيد مش ه يبطلك هوا
فلك : يا ماما افهميني / توا لا ما تتضغطيش عليا 😢
ع ماجدة : وتبكي ؟! والله ما فهمتك اللي تديري فيه مش منطقي ! فيه اللي يجاها راجل زي احمد و ترفض
فلك : مش قتلك عادي انا اللي تبيهه / لكن مش توا
ع ماجدة : و ل امتى ان شاء الله ؟!
فلك : لين نتخرج 😢
ع ماجدة : وهوا توا يحط رجل علي رجل و يستناك اماله
فلك : لو جدّي في الموضوع هَ يستنى
ع ماجدة : بيستنى سنتين ومعاهم تاني ع خاطر باش تتخرجي !؟ // باهي وافقي ونديرو حاجة رسمية و ابدو مخطوبين بِسْ ماتحشميناش قدامهم
فلك : خيرك مش فاهمتيني ! // الزواج و الخطبة حاجة جدية و انا مانبيش توا نكمل قراية قبل 😭
ع ماجدة : بتهبليني انتِ ! / و شن الفرق بين بعدين و توا ربّي يهديك
فلك : انا عندي تفرق
ع ماجدة : يعني توا شن تبيني نقوللهم موافقة لكن مش توا ! // دلاش هذا و حركات ماليهاش منطق لا واقع ،، مانقدرش نقوللها موافقة لكن مش توا شن لعب صغار هوا ؟! يا ايه يا لا ؟!
فلك : لا توا حاولي تفهميني 😢
ع ماجدة " وقفت " : شن موقفي ه يكون قدام اختي توا !! ممكن ما يصير بيناتنا شيء و مانتحسسوش لكن نقولهالك ه تضيعي شاب ماشاء الله عليه
وهلبا بنات يتمنوه // اكيد مش ه يستنى لين تتخرجي و تدلشي عليه مش لعب هوا !؟ صدقيني ه تندمي و اهو قتلك " و مشت طلعت وخلتها "
فلك : اووففف افهموني 😭 // علاش هكِ بس يا احمد
وشرين فونها جنبها / شافت المتصل و حاولت تمسح دموعها و ردت ..
احمد : مشفشفة / كلماتك امك ؟! 😎
فلك " تبكي و تمسح ف دموعها " : علاش هكِ درت 😭
احمد : بِسمْ الله ! خيرك تبكي
فلك : علاش ماقتليش قبل 😭
احمد : غير بالشوية مافهمت شيء / اطلعي انا برا كيف جيت
فلك : وين ؟
احمد : ف المزرعة تلقيني ف الصالون اطلعي " و سكر "
