..
.
نقطـة تحول 🌹
الحلقة │ 6 │✨
لايك قبل ما تقرو 💞
.
.
.
تآني يوم الصبحْ ..
نآضت خ حواء هيآ وسوسن وناضو معاهم بسنت وبيلسان ..
جابلهم أمجد فطور وفطرو مع بعضهم ..
بعدْ ما كملو ، قعدو يظمو ِف حاجات بيلسان ..
، بسنت وهيا قدام الغرفة تشوف جهاد كان واقف مع أمجد وأمجد جاته مكالمة ومشي يرد ع النقآل ✨ ..
بسنت : علاش جيت !! 😳
جهاد : الناس تقول صباح الخير
بسنت : صباح الخير
جهاد :صباح النور 😌
بسنت : علاش جيت
جهاد : جاي ع خاطر الإجراءات
بسنت :مفيش داعي ، أهيا خالتي اهني
جهاد : معاش تكتري الدوى بري بيلسان تنادي عليك
بسنت : باه متقوليش حتي عمي أهني ؟!
جهاد : لالا مجاش 😂 مشي ل حوشكم غادي لما قتله مروحينْ
خ حواء : بسنت ترا تعالي
بسنت مشتلها ..
خ حواء : أنحطو هادي اهني ولا أهني ؟
بسنت : زي ما يعجبك خالتي
جهاد نزل للاستعلامآت وتم كل شيء ، بعدها نزلو وروحو ..
لمآ وصلو للحوش ..
نزلو كلهم وخشو ، وبسنت قعدت آخر وحدة ..
وقفت قدام الحوش وتشوفله وتفكر ، " كيف كانت حياتهم قبل اللي صار ، كيف هَ تكُون حياتهم بعد اليوم ؟ هل ه يقعدو عايشين ف حوشهم ولا شن بيصير ؟ ، بيلسان ه تشفي من السرطان ولا لا ، أمها وبوها وكل شيء " ..
كانت واقفة وتفكر ، وجهاد كيف وصل نزل من سيارته وسكر الباب و شافها 🍃 ..
خ حواء : هيا يا بنتي شن تستني
بسنت " شافتلها وخشت " ..
قعدت تشوف ل كل زآوية ف حوشهم كأنها تشوفها لأول مرة ، كأنها مش نفس البنت اللي خشتله ..
لين فاقت ب خالتها حضنتها ..
قعدت بيلسان تبكي فترة ع خاطر تبي أمها وبوها ، بس هدت ف الآخير 💔 ..
و رقدت ف دارها ..
كآنو العيلة كيف مدايرين فطور ومقعمزين يفطرو ..
ومطلعين للرجالة ف الصالة اللي برا ..
خلتهم بسنتْ وخشت ل دآر آمها وبوها و سكرتهآ ..
قعدت تلود فيهآ وهيا تمس ف كل شيء وتتفكر ف أمها وبوها ودموعها ينزلو 💔 ..
رقدت ع سريرهم و هيا تبكي ومفيش صوت إلا شهقاتها 💔 ..
.
.
خ نعيمة : وين بسنت ؟!
خ حواء : كانت اهني ِبسم الله
سوسن : توا نخش نشوفها
خشت سوسن ف ممر المعيشة وقعدت تفتح ف الديار و أدور عليها ..
بس وين وصلت ف دار خ هناء ، لقتها مسكرة و عرفت أنه بسنت فيها ..
سوسن : بسنت ! بيسوو ! أنتي اهني؟!
ردي عليا ياروحي 😔
نسمع ف صوتك تبكي راه أفتحيلي !
بيسو يا عمري مديريش هكي 😔
" و قعدت اطق طق" ..
سوسن : بسنتْ ؟! ردي
خ حواء جت : لقيتيها ؟
سوسن " اشرتلها ع الدار "
خ حواء : بسنت بنيتي أفتحيلي هآدي أني !
بسنت ؟!
بسنت : نبي نقعد بروحي معليشي
" شافو سوسن وخ حواء ف بعضهم " ..
خ حواء : خلاها توا تطلع
سوسن : كان تدير ف روحها حاجة ؟!
خ حواء : ميصيرلها شيء تعالي
كانت بسنت راقدة وحاضنة المخدة ومخليتها كلها دموع 💔 ..
قعدت عَ الحال هذا لين نعست ورقدت ..
.
.
قآلت سوسن ل خ حواء ع مرض بيلسان ..
تفاجئت خ حواء وقعدت تبكي وتدعيلها 💔 ..
بعدين قالت للباقي العيلة وكلهم وجعتهم وتفاجئو و تأترو 💔 ..
بس مش نفس حالت بسنت ..
اللي عايشة ع خوف أنها تفقد أختها الوحيدة بسبب المرض هذا 💔 ..
