نقطـة تحـول 🌹
الحلقـة │ 38 │🍃
لآيــك قبل ما تقـرو ❤
.
.
.
.
و م تحسش الا ب حد فاتح الباب وخاش وكان علي بالها خوها " انس وعمره 23 " // وهيا مستمرة تغني رفعت راسها وشافت واحد واقف مصدووم زيهها من المنظر 😳
روان << 😳😳😳
لوحت القوما وخشتت تجري وستر ربّي انها كيف مكملة تسييق 💁
.
.
روان " ويدها علي قلبها " : ي ربّي هذا هُوَ نفسهه !!
قعدت من الصدمة تتنفس بسرعة و الموقف لا يحسد عليهه 💔
وقت سمعت صوت خوها قعدت تراقب فيهم من بعيد جنب الحيط ،، و من كلامهم عرفت انه صاحب خوها انس // سُبحان الله ! من بين الناس م يطلعش الا هاني صاحب خوها ؟! اها هاني اللي خبطت فيه وبسببه تكسر فونها
روان >> بعد م شافني ب المنظر هذا ، كيف مزال ه يشوفني ف الجامعة / عليك حظ عندي ،، برستيجي ضاع بحح تبخر فِ الهواء 🔫
وقت شافتهم خشو للمربوعة الخارجية ، خشت للحوش و م زالت مش مستوعبة الموقف
انس : خيرك مخليه الدنيا مقلوبة في الجنان ؟؟
روان : اها ا
انس : ديريلنا زوز قهوة
روان : انت ومن ؟ 😅
انس : صاحبي // م تعطليش بيها
روان : تمام
طلع خوها وهيا مشت للمطبخ و كانت تلقى تغطي وجهها من الموقف اللي نحطت فيه // جي انس وخدي القهوة وطلع و هيا قعمزت في دارها تفكر تحول من الجامعة 💔💁
.
.
.
.
.
.
.
سليم : بسنت
بسنت : همم
سليم " يلبس ف ساعته " : نوضي
بسنت : الساعة كم // انا وين ؟
سليم " قعد يضحك " : الـ 5 ونص
بسنت : حيحي
سليم : مَ تستعجليش / انا نازل
اتكت بسنت وشافاته طلع ،، ناضت ساوت لبستها و ساوت شعرها و وشاحها و طلعت من الدار
وهيا ماشية في الممر قعدت تسمع في اصوات هدرزة ودوشة لوطا وهيا بحدا الدروج جتها فلك طالعة من دارها ..
بسنت : فكفك شن الاصوات هادي ؟
فلك : خالاتي والبنات لوطا هي ننزلو
نزلو هما الاتنين مع بعض و خشو للصالة وبسنت قعدت تسلم و قعمزت ولقتهم يهدرزو علي عرس حسن ولد خالت سليم
سهى : بيسو شن اخبارك ليك وحشة
بسنت : انتي بالأكتر <3
سهى : شن اخبار عروستنا
بسنت : من ؟
سهى : سوسن
بسنت : اها ههه كويسة
.
.
.
.
.
شروق : فلك !
فلك " تصب في الحليب وتدير ف نسكافي " : نعم ؟
شروق : زعلانة مني ؟
فلك " حطت اللي ف يدها وشافتلها " : زعلانة !! علاش بنزعل منك ؟
شروق : امم ع خاطر موضوع احمد
فلك " ولت مشغولة ف النسكافي وتتكلم " : اي موضوع ما فهمتش ؟
شروق : انه خطب يَ فلك
فلك : يعني
شروق : كيف يعني ؟ مش زعلانة !
فلك : مش شني بنزعل ي شروق بالعكس ههههـ حتى امس جي اهني وباركتله عادي علاش بنزعل ؟
شروق : ماهو كلنا عارفين انكم تحبو بعض و كنتو ه تتزوجو بس مش عارفة شن صار
فلك : شوفي ي شروق هذا الموضوع تسكر ليه فترة و م صارش نصيب وتوا هو خاطب و ه يتزوج م فيش داعي ل الكلام هذا كله
شروق : باهي و لو فسخ الخطبة !
فلك : كيف هادي م فهمتكش ؟
شروق : يعني لو سيبها
فلك : شروق ! علاش تحطي ف الاحتمالات هادي و حتى ولو / انا واحمد خلاص مش ل بعض و مستحيل نرجعو ل بعض وبعدين هوَ خاطب ي شروق عيب ف حق البنت نتكلمو هكي " ومخلتهاش تتكلم " .. خلي نرفعو النسكافي " ولفت طلعت "
.
.
.
.
فلك : شن تحكو " وقعمزت "
سهى : نسال في بيسو علي العروسة وهكي
فلك : من العروسة ؟
سهى : نحكي علي سوسن وجهاد
فلك : ع السيرة هادي بكري كلم ماما " وشافت ل بسنت " و قاللها ب نحددو موعد البيان الخميس الجاي 💁
سهى : اوو الف مبروك
بسنت : امتى صار ؟ انا وين
فلك : قالها ع الغدي 😂
بسنت : اها 😅🌚
