فينك أراجلي لعزيز؟؟(بالدارجة المغربية)

1

صبح صباح زين بصوت داير كي الدجاجة هيلا جاتها لعواية
فيروز:وااااااع قودناها يا لكلبة ليوم يجري علينا الكلباوي
فاتي:مك مك مك كولشي بسبابك انا لي درت فيك عقلي وخرجت تابعة صحاب العرس تفو على دين مك
فيروز:ولكن بيني وبينك عالجنا المعدة خخخخ
فاتي:واييه داك دجاج بنين و حتى لحلوى
فيروز:راه خبيتها فواحد لخنشة و درتها تحت سداري حتى هيلا جانا جوع
فاتي: ونوضي يا لقحبة راه تمنية قا تولوت يااالاااه
  ناضة كايتجاراو بشعكاكتهم و ريوكهم دايزين كايعطرو فلبزاقل
فاتي:اهياتا مابانش ليك الطالون لكحل ؟
فيروز:لا ونتي مابانش ليك سروالي زرق ؟
فاتي: لا ناري تانتي نلبسو لي كان
لبسات فيروز اول حاجة بانت ليها لي هي سروال كحل مع تيشورت بيض و كونفيرص بيضا وكاسكيطا كحلا اما فاتي لبسات كسيوة فلبلو مارين فايتة الركبة مع طالون بيض و طالقة شعرها جاو زاز لوز نزلو تايجريو بلا فطور وصلو لكاراج جبدو واحد لموتور كايبكي على يامو معاهوم "سوينك" فاتي:انا لي غانسوك
فيروز:لقلاوي باش ديري بينا كسيدة بحال ديك لمرة انا لي غاسوك
دغيا زربات عليها فيروز وركبات بقاو شحاال عاد ناض ليهوم لموتور وزادو طيارا فطريق شحال من سطوب حركو ايوا كولشي على قبل باش مايشوفهومش سي لكلباوي من بعد و تعرفو شكون .هي وصلو و هي تنزل فاتي كي السكرانة غادية و تعطر حتى وصلات لبوسط ديالها مع وقفات مع تم داخل سي لكلباوي بقا كايطلع فيها و يهبط وهو يقول ليها
الكلباوي:لمرة جايا لاباقيش تحرقو سطوب ولا غانخرج فيكوم نتوما و ديك لبرويطا ليهازاكوم . ودخلي ليا لملفات
  وزاد خلفة فاتي بقات مدهشرة وجمعاتها تا جمعاتها وهي تنخم على باب لبيرو
فاتي:الله يخليها سلعة شويا كاتبان ليها فيروز كطل بعويناتها على فاتي وحابسة ضحكة
فيروز:خخخخخ شلضك الساطة
فاتي:تفو على زبل كيداير سعداتك فلتي منها
فيروز:اشناهوا وراه كاليا (كاتعيبو) لمرة جايا غنقص ليك من لخلاص
فاتي:على خلاصو زين و قودي لبيروك و خليني ندي ليه الضواسا لي بغا
فيروز: يالاه نتقاشعو 
#سطوووب نعرفكوم على الابطال دياولنا
فيروز: بنت زويونة شهبة عينيها خزيين و شعرها زعر  عندها تقبة تزين طويلة ورقيوقة التترمة و السدر شبه منعدمين ضريفة و ضحوكية و لكن لسانها مبري منها فعمرها 24 كتخدم مصممة ازياء مبتدئة وكالة من الدرجة الاولى كاتصرع الطياب ولكن زيرو فشقا
فاتي:بنت عندها حقها من الزين سميمرا و شعرها كحل و طويل عينيها كحلين طويلة ولفصالا هي هاديك كتخدم سكريطيرة ديال لمدير و عارضة ازياء مبتدئة فعمرها 24 كتصرع شقا مرا و كادة و لكن الطياب ههه السم و بنين عليه
الكلباوي: هو المدير سميتو مروان شاب غزال فن لوز زعر و عينيه زرقين عندو لعضلات و طويل و لحية نعام الالة اححح قلبي و شعر رطب و ديما مطلعو هو كنيتو العلاوي و حيت مكايحملوهش كايعيطو ليه الكلباوي عندو اكبر سلسة تاع الشركات فلعالم تاع الازياء هو من اب روسي و ام مغربية فعمرها خمسين عام سمستها رفيدة و اخت سميتها مريم فعمرها 22عام وهو فعمرو 32عام #نعوووود للقصة
هزات فاتي لملفات و وقفات قدام لباب شهيق زفير شهيق زفير و دارت اكبر ابتسامة مبهللة فلعالم و دقات
دق دق دق
مروان:دخول
فاتي:سلام هاهوما اسيدي لملفات
مروان:(خنزر فيها): فين هاد تعطيلة كولها شتك ضسرتي
فاتي: سمح ليا اسيدي (فخاطرها) الله يعطي لمك لباسر يا ولد الكلبة
مروان:اش عندي ليوم؟
فاتي: عندك اجتماع مع الشركة لي بغات دير شراكة معانا و بات تشوف تصاميم جداد قبل ما يخرجو لسوق باش تمولهوم غيبدا الاجتماع من دابا عشرة دقايق
مروان ناض و قاد لكرافاط و لبس لفيستا و هو عاقد غوباشتو اححح كيبان زوين اويلي افاتي نعلي شيطان بقيت حالا فيه فمي حتا سمعتو كايغوت
مروان:واا لحاجة فين حالة فمك و كتفرنسي كي الراس لمشوط تبعيني و عيطي على هاديك المسلسعة تاع فيروز و دغيا جي .وخرج
اش بيت ليك الكلباوي بيت لهلا يسهل عليك ياربي مشيت على وعدي و سعدي عند فيروز دخلت كي لكار و كما لعادة لقيتها كاتلعب بداك لكرسي لي كايدور
فاتي:وانتي لي واتاتك
فيروز:ويييي ناري ياختي واعر اجي جربيه
بقييت كانشووف فيه والله تانلعب فيه كعدت فيه و فيروز كضورو بيا حتى دخت
فاتي:ناري واااعر
فيروز:شتي اجي لاش جيتي عندي
فاتي:نااري لكلباوي باغينا فجتماع و تعطلنا هزي التصاميم دغيا و تبعيني
هزينا داكشي دغيا و دخلنا لقيناهوم بداو كيدخلو و مروان كيخنزر فيا درت فحالا ما شفتوش قاديت الداتاشو و فيروز كتعاود تشوف التصاميم و شاداها لخلعة حيت هيلا درنا الشراكة معاهوم غترسم فيروز فالشركة و تعود تشد لخلصة بحالي حيت حتا انا درت عرض الازياء متلت فيه شركتنا و ربحتها و ترسمت معاهوم ياربي يعجبهوم نخليكوم مع فيروز
فيروز#
نارييي والخلعة طلقي مني اووف لبولة و لحزقة شاداني كاتبان ليا فاتي كطمني بعينيها و داك مروان مغوبش اصلا فين عمرو ضحك نهار يضحك تقوم القيامة خخخ صافي دخل كولشي لقاعة .هوما اجانب نكالزة ننضت و كعدت كنسبيكي عليهوم
فيروز:hello iam fairouz I work her and I have a new faschion staille for you.....
بقيت كنعبر و كنوريهوم تصاميم يعني هوما داخل فيهوم لعصري مع نكهة من الكلاسيكي و بالاضافة للمسات ديولي كنشوفهوم كيحركو ريوسهوم و كايهضرو بيناتهوم مرة مرة كايسولوني و كانجاوبوم سالاو التصاميم و هضر معاهوم مروان
مروان:لموهيم كيفما كاتشوفو هادو جزء من مجموعة ديال التصاميم دديالنا فريدين من نوعهوم و قريبا غيخرجو للاسواق و دابا نتوما و كانتكوم اش كاين؟
الرجل: بصراحة عجبوني بزاااف خصوصا ديك لي بلحمر غزالا
المرا:وي متافقة معاك كاتبان ليا المصممة متمكنة بزاف
مروان:ادن؟
الرجل:موافقين فيناهوا لعقد نوقعوه
عطاتهوم فاتي لعقد و انا باقا مصدومة و قعوه و تسالمو معانا و خرجو
فيروز: اواااااااااااااااااااا باركييي ليا تقبللتتتتتت
فاتي: لولولولولي مبروك عيك اختي لحبيبة
بقينا تما كنتعانقو و نحنقزو تا سمعنا التحنحين ناري مروان باقي ليوما يشلضنا
مروان:مبروك عليك ترسمتي معانا و كتهنئة غانخليك تخرجي بكري نتي وصاحبتك وغدا دوزي عندي تاخدي اول خلصة ليك وخرج
  
مروان كايبارك ليا صدمة تلعمر و خلاني نخرج انا و فاتي ناري سبحان مبدل الاحوال
فاتي:هي كبيلا كان كيشلض فينا
فيروز:اه هاد السيد مشير حقلمعبود وايلاهي نمشيو لدار نيت راه مفطرناش خرجنا فحالنا و الضحكة واصلة حتا لوذن هزينا الموتور عاوتاني ماضيمارا حتا كانت فاتي غاتزف بيه كسيراتور واحد وصلنا لدار غي ضورت الساروت و حليت الباب و هوما يصماكو ودنينا بلغوات ديال لبراهش دخلنا كانجريو و طلعنا لبيت نجبدو مانلبسو فدار و اصلا هادي و قييت لغدا لموهيم نعرفوكوم على العا ئلة الكريمة . عائلة "ايت حيدة"
لالة فاطمة: هي كبيرة العائلة و هي الجدة المحترمة الموقرة(الله يمسخني) ضحوكية و مقزدرة عندها حداش لولد نعرفوهوم
نور الدين: هو لكبير ضريف بزاف شايب واحد الشوية كان كيشري لينا ضانون ديال درهم  عندو جوج ولاد بنت سميتها ابتسام مزوجة ماكايناش فالدار و ولد سميتو عماد ضريف و ضحوكي عندو حانوت تاع اللوبيا فلموقف مزوج و ساكن معانا فالدار
عبد القادر: هادا كل مرة وحال مرة ضاحك مرة خاسر و صعيب و لكن واخا هاكاك كيضور معانا ب عشرة دراهم خدام فلمحطة تلكيران عندو تلاتة لولاد الكبير سميتو ماجد زعر و عينيه قهويين خدام كوافور معروف فمراكش بديبلوم مرة مرة كيطلع للخاريج عمرو 27  وليوما غايرجع هو و فاتي وانا الكليكة لحمقة و اصحاب المشاكل وكاينة دكرى بنت غزالة داكشي تاع ماما غطيني و كاينة ختها هبة الله ينجيكوم منها
سمحمد:ضرييييف تال اقصى درجة و ضحوكي سنانو لقداميين مهرمشين ماتقدرش تكعد حداه فالطبلة ديال الماكلة من غير هيلا كان عندك قلب صحيح  خدام بناي عندو تلاتة لولاد يحيى و المهدي و كريمة
كريمة: مرا جدية وعزيز  الانضباط و لكن ضحوكية عندها ربعة تاع لولاد زهير مريض مانغوليان و فيروز و نبيل قدو قد دكرا عندهوم طناش لعام و ياسمين تسع سنين عبد الفتاح: الداعيشي خخخخخخخ عندو اللحية هيلا دخل للدار كولشي كايولي مسلم ماكاتبقا لا سامحيني لا الزعتر لكحل ماكاين غير قال الله قال الرسول خدام فباولو عندو تلاتة لولاد عثمان قدو قد نبيل قد دكرى  و ريحانة قد ياسمين و اويس ربع سنين
صلاح:وما ادراك ما صلاح عمرني فحياتي ما شتو ضاحك من غير هيلا سكر الصحة و لقلدة بحال عبد الفتاح خدام فلبازار عندو تلاتة الدراري فاتي و عبد الرحمان قد نبيل و دكرى و عثمان و فرح قد ريحانة و ياسمين
عزيزة: هاد السيدة دايرة كيشي حشايشية هي ضاحكة و ضريفة عندها جوج ولاد ياسين فعمرو27 بيض و شعرو قهوي مغلوق بحال عينيه عندو لعضلات بحكم انو فلعسكر كنت كنضحك عليه انا وفاتي كانكول ليه و الله و مشيتي لعسكر حتى يشحفوك يخليو فيك هي لكادر و هيلا شديتي التاقاعود يدكو ليك لبرة تلحماق تولي بحال عبد الرزاق لي ساكن فالزبالة خخخ  داخل مع  و قال لينا بلي  غايجيغايجيلرباط حيت عطاوهعطاوهوماكونجي كاتقرا فلافاك
يوسف:هاد السيد داخل سوق راسو خدام نجار ضريف عندو تلاتة لولاد زينب قدها قد ياسمين و ريحانة و فرح و كاين عمر كبر من اويس بشوي و كاين نصير قد اويس
خديجة: كانعيط ليها بطيخة حيت غليوضة ضريفة و ضحوكية و شماشرية عندها جوج ولاد عبد الودود قد عمر و وليد هو الصغير فلعاىلة صغر من اويس و لكن لهضرةتبارك الله من لحزام لتحت اصلا هادو هوما لمغاربة
عبد الاله: ضريف ماكايكونش بزاف فالدار بحكم لخدمة ديالو فلبوليس
وئام: الصغيرة فيهوم تاهي مانغوليان ديما ضاحكة و ناشطة و بالتالي هادي هي العائلة الكريمة كلنا سانين فدار وحدة كتكون من اربع طوابق يالاه تهز هاد خير ربي لبراهش فينما تحط رجليك تعسف على واحد وتبارك الله حنا ساكنين فمراكش البهجة فالفخارة لي قريبة لباب الدباغ كانعيشو الحمد لله بيخير ماعندناش وماخاصناش واخا كتارين ولكن في الكثرة فرحة و اهم شي بيتكوم تشوفونا وقيت الغدا #نعود للقصة
………………………………………………

فتياات حبيباات بطيخاات فليفلاات كيجاتكوم البدية ؟؟ هاد القصة غاكون لفرييع وااعرة منيمتا وانا كانفكر فيها نتمنا من الخوادريات يصوتو و يكومونطيو و يشجعونا يالاه اتوت الوغ