فينك أراجلي لعزيز؟؟(بالدارجة المغربية)

32

فيروز: حاااااملة واااااااااااااا وأخيرا ههههههههههههههه مبروووك عليك
فاتي: اوه ماي كود عرفتي باقا مصدومة ومامتيقاش عرفتي حتا مروان ماقداتو فرحة نتي أول شخص كايعرف
فيروز: عرفتي خفت هيلا يكون هادا حلم وصافي أجي ياكما مشهيا شي حاجة نقادها ليك
فاتي:لااا كبيلا لي شميت ريحة بطاطا والبيض وعركتهااااا مع قرعة كوكا احح بنين
فيروز: إيوا أختي تهلاي فراسك وتهلاي فالبيبي نتلاقاو غدا موواااح عليك
قطعت مع فاتي وأنا فرحانة والله وهاد البعلوك لي غايتزاد وماعيط ليا خالتي ياتانخوي ليه الضراس جمعت لحوايج ومشيت للبيرو عند نضال حليت عليه بشويا لقيتو كالس فلمكتب وعاقد غوباشتو وتايقرا فشي كتاب
فيروز: واااا الحاج تقلية تافين سارح
نضال: ماعلموكش والديك الدقان؟؟
فيروز (كلست فالكانابي):اه مع الناس الزوينين والمحتارمين اما الناس الهمجيين كالوليا لي ضربك ضربيه😉
نضال (عينيه عالكتاب):أش بيتي ؟؟
فيروز: فراسك فاتي حاملة
نضال (بابتسامة):إيوا مبروك عليها وعلى مروان
فيروز: أه فرحت ليها بزاااف دابا عاد باتبدا تفشش عليه من المزيان
نضال: عندها الحق حيت غاتكون هازة طرف منو جمعتي لحوايج؟؟
فيروز: جمعت كولشي أش كاتقرا؟؟
نضال: كتاب تاع كيف تقتل زوجتك في ربع ساعة
فيروز: أنا فايتة قارية كتاب تاع كيف تحرقين زوجك وهو حي
نضال: واو تصحابني نتي أمية
فيروز: كايبان ليا ماغاتساليش اووووف جاني الملال
نضال: سيري تلعبي فشي قنت
فيروز: امممم أجي كاتعرف تلعب كارطة
نضال: اووو قمارة من لفوق
فيروز: واهي باش نحارب الملل نضال: وأنا مالي
فيروز: تفو على ماركة كيدايرة
نضت خرجت وزدحت لباب وأنا معصبة إييخ على راجل دخلت للكوزينة حليت الثلاجة كانقلب على داكشي لي بغيت امممم هاهي قهوية وكاتلمع نووتييلااا هزيتها وهزيت معيلقة مشيت للبيرو ديالي هزيت البيسي ومشيت للبيت ديالي دخلت لليوتوب وكعدت كانتفرج فلن أتخلى أبدا وأنا كانتبنن فنوتيلا وخالقا جو خاص ليا
ترن ترن
فيروز:ألو شكون معايا
ياسين: داك لي
فيروز: الحمار لاخور ههههه أكيداير صافا
ياسين: اممم تال دابا عاد صافا مابقيتي كاتسولي ما والو
فيروز: راه بدلت لاكارط والتيلي منين جاتك نمرتي
ياسين: من عند الحاملة دورات للدار كولها كالتها ليهوم واخا ديك الفضيحة لي درتو فرحو ليها بزاف ...
فيروز: كمل أش بيتكول
ياسين: بصراحة كولهوم تايكولو بلي نتوما تزوجتو دقة وحدة وهي حملات ونتي لا
فيروز: امممم مزيان
ياسين: علاش؟؟
فيروز: بصراحة أنا باقا بنت
ياسين: كنت عارف والله ايعلم الله داك الراجل أش كايدير فيك
فيروز: لاااا بلعكس واخا هو السلبيات ديالو غالبين عالإجابيات ولكن هو ضريف وحنين واخا شرير واستفزازي
ياسين: أنا لينكول ليك ردي البال لراسك غدا غانتلاقاو فدار مروان غايعطيونا لوطو فاش نمشيو
فيروز: أه غادوز عطلة زوينة
ياسين: أه يالاه تهلاي
قطعت معاه ورجعت لعالمي الخاص
نضال: شرير كاع؟
فيروز: بقيتي ليا غي نتا سير قيب عليا
نضال: مممم مابغيتش
فيروز: مشي
نخلتو وكعدت كانتفرج جا حدايا ماعبرتوش كعد كايتفرج
نضال: أش هاد لحموضة مخلي هادا غادي مع حبيبتو للمطعم ومخلي مرتو فالدار أش هاد لحموضة
فيروز: أولا سكت تانيا سكت تالتا سكت
نضال: رابعا مابغيتش
تيين تييين
لقيتو ميساج من عند فاتي أوديو
فاتي: حوبي غدا جيو مع السبعة تصباح اوكي
فيروز: أوكي
نضال: ننن اوكي
فيروز: واااابعد مني
نضال بخبث: لااا انا جاي ليك
نخليو هاد جوج يدابزو ونشوفو لاغد ليه اش كاين
#عند فاتي فالصباح 🌞🌞🌞🌞
فقت بكري لبست لبستي وانا مبتاسمة لبارح فرحت لعائلة ومروان دور لمو وكالها ليها بانت ليا ماعجبهاش لحال أما باه فرح بزااف لبسنا حوايجنا وحاولت نبدا نلبس البلا حيت لحمل اللول هادا
مروان (باسها فعنقها):حبيبتي مرتاحة
فاتي: اه مرتاحة وأخيرا غانولدو وليدات ونكونو أسرة
مروان: هادا حلم وتحقق يالاه نزلو لتحت راه الشيفور نزل الباليزات
ترن ترن
نزل مروان يحل لقيناهوم جاو نزلت بشويا عليا ترمات عليا التقليتة بواحد التعنيقة
فاتي: واااااهنقتيني
فيروز: هاد التعنيقة قسميها على جوج وحدة ليك وحدة للبيبي
نضال: عذري الحماق ومبروك عليك
فاتي: ميغسي
ماجد: اوووو بقات ليك هي الحمولية
فاتي: ومالها كيجيتك
ياسين: كي التيقليتة لي سارطة زيتونة ههههههههههههههه
ضحكو عليا ولاد الحرام ايه هاهي فيكوم
سمية: يتربا فعزك أختي
مريم: صاحا مرات خويا
فاتي: ميغسي ختيتواتي
كلارا:ماتفرحيش بزاف
فيروز: اه خفتي لاتجرحك حيت نتي بايرة مسكينااا
تريشا:تلاقينا تاني
فيروز: اه ولمرة الأخيرة غاتكون
عمران: هاني جيت مبروك عليكووم يتربا فعزكوم
مروان: ليحفضك أعشيري
نضال دابا كل جوج غايمشيو فلوطو أنا وفيروز فلوطو ومروان وفاتي بوحدهوم وسمية ومريم فلوطو كذلك ياسين وماجد واخيرا نتوما بجوج فلوطو متافقين
عمران: اه وغانستاراحو فكازا ونباتو فلوطيل ومن بعد نكملو للشمال
ياسين وماجد: موافقين
#فيروز
ركب كل واحد فلوطو وهو هاز بالزو أنا بعدا هزيت مانقسي فالطريق السقاطة وداكشي ومشينا على بركة الله السكات والسقييل
نضال: تقاداو ليك الحجرات
فيروز: لا هي دايرة توفير البطارية
★★تسريع الأحداث
وصلنا لكازا قرابت الليل مشينا لواحد لوطيل سانك إيطوال كل جوج فغرفة
المستقبل:مرحبا بسيادتكوم شرفتونا
مروان: حجزتو لينا الغرف
المستقبل: اه كولشي هو هادا
طلعو لينا البالز لبيوتنا لي كانو راااائعين بمعنا الكلمة وبااردين
مروان: ياكما عييتي
فاتي: لا بلعكس عاديا ونتا
مروان: لاا عادي جدا نستاراحو ونخرجو أش باليك
فاتي: اه علاش لا انكولها للبنات صيفط ليهوم ميساج كولهوم علمتهوم بلي غانخرجو
بعد نصف ساعة نزل ياسين وماجد تبعوهوم سمية ومريم
سمية :كلارا وتريشا مابغاوش كاليك عياو وخاصهوم يحافضو على صحتهوم
مريم: اه مساكن
فاتي: هناونا ماعرت فيناهي هاديك
مروان: هاهي جاية باينا تاني هادوك مشادين
عمران: واش هادو ديما هاكا
فاتي: للأسف
فيروز: نتا دور دورة وبدا تهدد
نضال: هضرنا وسالات الهضرة😠😠
عمران: مالكوم
فيروز: لاعنداك كاليك ماغانخرجوش حيت غاندير الشوهة ومع هو شخصية مرموقة مارضاش
نضال: منين كاتفهمي نتي من شي بلاصة اوخرى كلت ليك تبتي للأرض نتي دابا راك مزوجة
فيروز: ماصوقيش يالاه
نضال: غانخصر عليك جوج تصرفيقات ونرجعك ونخلي ليك خناينك دايزين
فيروز: هاكيني هاكاوا كاليك يضربني
ياسين: صافي قاديو فيروز معاه لحق تبتي شويا راكي كبرتي وراه هو راجلك وحتارميه صافي
فيروز: اوف صافي
فاتي: ايوا يالاهو
جيت بيندير راسي غضبانة ساعتك جرني من يدي وشد فيها وتم غادي وهو عاقد غوباشتو بصراحة عجبني لحال حيت دار هاكاك هزيت يديه ودورتها على كتفي معنقني
نضال: مابقيتش عارف منين نشدك
فيروز: هههه بقيتي فيا أراجلي لعزيز
دار ديك هه ديال السخرية
تلفت بان ليا ياسين شاد فيد سمية وماجد شاد فيد مريم مساكن كنت عارفة بلي بيناتهوم شي حاجة ولكن ماكنش ضانة انو العلاقة تطورات عمران جا تمشى حدانا
عمران: نتوما حال وعقل وصافي
نضال بخبث: اش ندير مراتي وكانبغيها
فيروز: الله الله طيحني فغرامو فاتي :لايستر
مروان: نضال تبدل
فاتي: كيفاش
مروان: تاواحد ماتايقد يدير هاكا معاه من غيري انا كون كان شي حد أخور كون محاه من الوجود ولكن كون ماكانت كاتعني ليه شي حاجة مايديرش هاكا
فاتي: زعما يكون...كايبغيها
مروان: اه
فاتي: هههه اقدر تاهي
مروان: ههه كملات
#فاتي
بغينا غاديين كانتزهو بان ليا بولو تشهيتو خديت جوج كاناكول ونكول ماكليت لاحضت بلي داك الكيدار وفار الدقيق عايشين الرومانسية تحت مسمى الصداقة وياللمفاجأة لقينا مهرجان الشواطئ وعامر فيه الفنانين تخشينا تاحنا مع عيباد الله فلول رفض مروان حيت الزحام وكاليك ناخد ليكوم بلايص أمامية حيت هو معرووف ولكن رفضت انا بنت الشعب وعزيز عليا الزحام
فاتي: واااااا فيروز زهير بهاوي ووووووووااااااااا
فيروز: فيناهو اوففف لينعلبو القصر نتي بان ليك
فاتي: بيان سيغ انا طول منك
زهير باهاوي:يااالا ألي ناس كازا يا كيف الهبيل فنصاص الليل تحت الدار جبدت الموبيل
فاتي: باش نشوف ونسمع مابلوند مالورازبند سالا ليا السوولد
فيروز: واااا بيت نشوف
شدني نضال هزني بكل خفة ودارني فوق عنقو واو تايبان ليا
فيروز: واااو زهييير ياوكيف الهبيل فنصاص الليل تحت الدار جبت الموبيل باش نشوف ونسمع مابلوووند مالورازبند سالا ليا السولد يااااي
بقيت نخنقز ليه فعنقو ونتلوا وهو مسكين صبر كنت فرحانة لاني اول مرة نحضر لمهرجان طلبت منو ينزلني خفت لانكون عييتو
فيروز: شكرا وسمح ليا هيلا كنت تقيلة عليك
نضال: هههه موالف نهز ما تقل منك
ضحكنا ونشطنا ديك الليلة من المزيان تعشينا برة ورجعنا معطلين طحنا طيحة وحدة ماعاودناش لخبار
########
هاد البارت هدية لكاع الناس ليشجعوني💖💖💖💖💖
مواااح عليكوم وكايسلم عليكوم نضال المتكبر
نضال بخبث: نتافهمو من بعد
الكاتبة:استسمح وحتى مروان وفاتي وفيروز كايكولو ليكوم بلي العطلة قربات تسالي ومعاها غاتسالي القصة😢😢