فينك أراجلي لعزيز؟؟(بالدارجة المغربية)

7

فيروز:مرواان عافاك عتقني عرفتي لفرادة و ديك اللوطو كانت با ضربني وواحد الكلب ضربني على كرشي حتى صيفطني للاخرة ناري وواحد البنت مسكينا بقات كاتغوت اهئ اهئ اهئ عافاك شوف كيدير ليها عتقها واخا تيرا فيها عتقها
  بديت كانبكي وديك المرا كاتعنقني وكاتسكاني قرب حدايا مروان كيمسح ليا على راسي
مروان:صافي تهدني تهدني وعاودي لينا اش وقع
فيروز:واخا واخا انا فقت بكري و مالقيت مايدار كلت ندير سبور وفين فالخلا باش تشوف الكالاخ كيداير جريت واحد الشوي وانا نسخف بقيت كانتمشا وحتا التيلي قرب يطفا شويا كانسمع صوت لغوات تاع واحد البنت فداخل الغابة دخلت بانو ليا شي رجال كايغتاصبو واحد البنت بوحشية وكايتناوبو عليها
حكيمة:ياربي السلامة اييه كملي
فيروز:ومن بعد اهئ اهئ جبدت التيليفون و صورتهوم وهوما كايغتاصبوها وفلخر قتلوها ومع لخلعة غوت وهوما يسمعوني وبقاو تابعيني وتيطلقو فلقرطاس وانا عاطيا لاطاك حتى وصلت لشانطي وكانت علاين ضربني واحد اللوطو وخرج منها وااحد صعصع هاز السلاح وبدا كايتيري فيهوم واناطحت غيبت مابقيتش عاقلة على تاحاجة
مروان:هاهو داك صعصع راه ولد عمي نضال وهادي ماماه
فيروز:شكرا حيت عتقتيني
نضال:ماعتقتكش انا درت لي كايكوليا راسي
فيروز:بزعط يالاه مالك كاتخزز عليا تم ياه على ماركة كون هي بحال مك سمحيليا اخالتي واخا ولدك ولكن انا لي فقلبي على لساني
نضال:واش عارفة راسك اش كاتكولي
فيروز:اه وهيلا بيتيني نعاودها هانيا
حكيمة:ماتديش عليه ابنتي راه هاكا داير لموهيم ابنتي الحمد لله على السلامة
  يالاه بيت نشكر لمرا حتى كانسمع لغوات ولباب تحل على جهدو ودخلات العائلة الكريمة بولادهوم بحزاقهوم كولشي جا
فيروز:الله الله خبيوني
كريمة:بنتي كيدايرة واش لاباس واش ضاراك شي حاجة؟
فيروز:لا والو
جدة:فين كنتي اصكعة ها وعلاش خرجتي بكري كاما مولفا ليك ادوي
عمي نور الدين:اتفرقي الالة على لبنت خليها عليك
ياسين:فيروز واش صافا بيخير
ماجد:مازال مابيتي تموتي خلينا ناكلو هي كسكسو
فيروز:تموت نتا نشاء الله هاه شوف واقفة على الصح
خويا نبيل:اختي لحبيبة
فيروز:سير عند مك وباراكا من الطنز
خويا نبيل:بنت لحرام مايليق معاك والو
عبد الجليل:اش وقع ابنتي؟
فيروز:والو هي دابا كنت كاندير الرياضة ووو
نضال:وكانت باضربها طوموبيلتي ولكن فرانيت قدامها وتصدمات وسخفات
اه اه اه على كذبة مدااخمة شويا وهي تدخل فاتي وخناينها دايزين بلبكا ولابسة بيجامة
فاتي:لحبيييبة ديالي (وتلاحت عليا بتعنيقة)
فيروز:اي اي اي الكلبة تانا كنت غانمشي لجهنم هي بوحدي
فاتي:وعلاش ما نوضتينيش نخرجمعاك؟
فيروز:لا بيتبقاي كاتماوتي عليا تما لاهما بقاي ناعسة
فاتي:اوا الله ينعلطبونمك
فيروز:هي جيتيني قدام الناس وصافي ولكن تال دار ونتفاهمو اجي بعدا جبتو ليا دانون و سقاطة؟
جدة:جبنا ليك الزمر علاه بعدا خرجنا بعقلنا
فيروز:اصلا بعدا ماتهضروش معايا ياك كنتو بغيتو تفكو مني ها يالاه انا خليوني نموت يالاه بعدو مني
عمي محمد:نعلي الشيطان لالا مابغيناك تموتي
فيروز:لا انا بيت نمووت يالاه خليوني عليكوم فاتي عيطي على طبيب نتبرع بلقلب ديالي
ياسين:اهياتا شتك عيقتي دروك نجمعها معاك بشي تبربيقة
فيروز:تفو على باشار ديك الساعة خليهوم يحزروني
ماجد:غادي هي تزيغي
  هاد الحديث كولو تايدور بيناتنا حنا العائلة ونضال ومو و مروان تايشوفو فهاد العلاقة لي بيناتنا و البساطة ديالنا شويا دخل الطبيب و كاليهوم بلي نقدر نخرج ليوما فلعشية و طلب منهوم يخرجو حيت غايزعجوني عجبني فيهوم بقات معايا غي خالتي حكيمة و مروان و نضال
فيروز:هه سمحو ليا على الديرونجمون لي دارتو العائلة حيت اصلا كايبغبوني و مايقدروش يتخلاو عليا
مروان:اسكتي ياتا سكتس ياك هوما بافيين يزوجوك ويتهناو منك ها فاتي فكيتها بقيتي هي نتي
فيروز:نتا هي سكت فهمتي وحنا غانفكو هاد لعصيدة
حكيمة:علاش ابنتي مالكي
فيروز(تقادات فلكلسة):اوا هيلا بيتيني نكوليك اش كاين صيفتي ليا لشي حاجا ناكولها شي خبزة فيها لفرماج مع عاصيري الله يرحم ليك الواليدين و نرجعها ليك فساعة الخير
حكيمة:اييه ابنتي نضال جيب للبنت داكشي لي بغات
نضال:على اساس انني خدام عندها
حكيمة:نضال شوف حالة البنت كيدايرة
نضال:وانا مالي فيها
فيروز: صافي اخالتي هيلا مابغاش بلاش عليه ماشي هو بوحدو لي كاين كاينين سيادو صحاب لحسنات خويا مروان الله يحفضك عتقني بماناكول
مروان:هي حيت مريضة غانمشي نجيب ليك
فيروز:الله يحافضك
نضال قرب تال حدا ودني قدام كولشي وقال
نضال:مازال غاتندمي على هضرت و انا لي غاندمك
.وخرج معا مروان خلاني كانجبد فعويناتي هادا مالو هي كانضحك معاك ياكو البنات ضحكي باسل
حكيمة:هاد لولد هاكا داير هي عدريه ابنتي
فيروز:عادي اخالتي تانتي خاص لي يكاد ليه عضامو يحسن عوان مراتو معاه والله
حكيمة: اصلا عييت معاه يتزوج مابغاش تا كلت ليه ها السخط وها الرضا و كلت ليه انا لينخطبها ليك وبلكشايف
فيروز:اييوا اخالتي تا انا هاد لعائلة لكريمة كالت ليك بغاو يزوجوني وحاشاك بمن بولاد لا حليمة دوك الشمكارة وهاداك لي فايت مزوج شفتي لحكرة شفتي
حكيمة: الله على بنتي الله اييه واش درتي
فيروز:لبارح جاو كاليك بايديرو خطبة و عقد فدقة وحدا وبلبكا ولخناين باش كالسين حداهوم لموهيم بان ليا لعدول داخل وانا نقز كلت ليهوم حبسو عليا هاد لخرى وكلت ليهوم بلي انا كانبغي شي واحد وخوه كايبغي فاتي و بلي السيمانا الجاية غايخطبونا
حكيمة:وبصااح نيت؟
فيروز:الاا هي كذبن عليهوم ولات فاتي هضرات مع مروان المدير ديالنا عاودات ليه داكشي لي طرا و كاليها انا نخطبك ونتزوجو منها نسكتو واليدينا ومنها هاحنا مستورين
حكيمة:ايه ونتي؟
فيروز:اودي انا هاني عالله
حكيمة:اوا ابنتي نتي ضريفة وعلى طبيعتك و زويونة بصراحة ماكرهت..
   قبل ماتكمل هضرتها دخلو الدراري انا هي بانت ليا ديك لخبزة وانا نتلاح عليها وهزيت قرعة مونعيش و كعدت كانفتارس و هوما معجبين فيا و مصدومين ما هزيت راسي حتا ساليت عاد هزيت راسي كايبانو ليا مصدومين
مروان:كاتاكلي و ماكايبان فيك
فيروز:اوا سملاه عليا
نضال:يالاه راه كالو ليك خرجي هيلا بيخرجي الواليدة يالاهي فحالنا
حكيمة:و البنت مسكينة
نضال:البنت عندها رجليها
حكيمة: الااا تانديوها لدار عاد ندوزو فحالنا ماتناقش معايا
نضال:او وف يالاهي
   خرج مروان ونضال مابين نلبس حوايجي سبحان اللله هاد لمرا ضرييفة لبست حوايجي مابقيتش بعدا مقسحة خرجت وركنا فلوطو وتبعنا مروان وبقيت كانعت ليهوم حتى وصلنا دخلنا وكما لعادة الدار عامرة بلبراهش هالي تايجري فالدروج هالي تايغوت هالي تايدور عريان بحال داك لبرهوش وليد الناس بقاو مصدومين تلفت عندهوم
فيروز:سموحات ولكن هادي هي دارنا و هادي هي عائلتي
حكيمة:تبارك الله سعداتكوم
فيروز:شكرا
نضال بقا هي تايشوف فلباشار و حتا مروان شويا وهي تجي ختي ياسمين مشات عند نضال
ياسمين:قرب نكول ليك
نضال:نعام
ياسمين:فراسك بلي نتا بوكوس والله تهلا فراسك ومتبقاش مغوبش اوكي
نضال(بصدمة):اوكي
ناري على لبعلوكة بلاتي على مها
حكيمة:ايوا ابنتي ماسخيتش بيك وماكرهتش نهضر معاك فواحد لموضوع مهم نتي ولعائلة
فيروز:اييه اخالتي غدا جي ضرووري ومرحبا بيك عندنا
حكيمة::اييه ابنتي الله يكبر بيك غانجي انا وولدي
فيروز:اييه مرحبا بيكوم
   توادعت مع لمرة وعرضت حتى على مروان صافي وطلعت ليتي طلعو عمامي و عماتي وجدة طمنتهوم على حالتي وبلكشايف تا نزلو شويا وكف عليا ملك الموت فاتي و ياسين و ماجد
فيروز:مالكوم ياك لاباس
فاتي:كولي لحقيقة بلا كذوب
فيروز(تنهدات):حيت عارفاكوم ماغاتخليونيش فخاطري ف(عاودت ليهوم كولشي)
ياسين:اشنوووو وفيناهو تيليفونك
فيروز:ماعرفتش قلبت علييه تاعييت مابانش ليا
ماجد:ودابا خاصكي تردي لبال لراسك وبزااف
فيروز:وي عرفت ومن تم لتم ربي تم خليوني نعس راه عييت وغدا عارضة على الناس تصبحو على خير
فاتي:واخا ونتي من اهلو احبيبة
وهاديك نعستي حتا لاغد ليه لي عامر صدمات للجميع