فينك أراجلي لعزيز؟؟(بالدارجة المغربية)

16

فقت صباح وانا نحس بشي يدين محاوطيني بقيت متبعاهوم بعينيا حتى وصلوني لمروان لي كان معنقني وناعس ياحلييليي كيتايبان اجي بعدا ايمتا انا وصلت لهنا بعدا عاودت تلفت لعندو وبقيت كانقيس ليه فلحية ديالو وفشعرو شويا عينيا نزلو لشفايفو لغوزيين
فاتي:احح على شليقمات هي توع لبوسان
مروان:تادابا بوسيهوم
فاتي:واااا خلعتيني ازبل تفو
مروان(حاوطها بيديه):ناري خلعت لحبيبا ديالي
فاتي:اوييلي كون تحشم
مروان:راه نتي لي خاصكي تحشمي لي كنتي بيتبوسيني وانا ناعس
فاتي:اناااااا؟لااااا
مروان:اممم يااك
فاتي:اجي شكون جابني لهنا؟
مروان:انا رجعت معطل ولقيتك ناعسة وانا نهزك وجبتك لهنا
فاتي:ماعرفتش علاش عندي احساس خايب حيت لبارح عيط ليك نضال
مروان:اش بغيتي تعرفي؟
فاتي:كولشي وماتخبيش عليا
مروان:ففف دابا(عاود ليها كولشي)
نضت قافزة من الناموسية كنت عارفا بلي واقعا شي حاجا ماشي هي هاديك لفيروز يعلم الله دابا اش طاري ليها
فاتي:شتي اش كلت ليك دابا اشنو لمعمول خاصني ندور ليها اه ندور ليها
هزيت تيلي ودوزت لابيل ياااس تايصوني
تووت تووت تووت
فيروز:الووو قحيبة
فاتي:فيرووز كيدايرا واش سافا نتي بيخير مامتيش
فيروز:صافي حبسي فراني ماواقع ليا والو انا كانفطر دابا تال من بعد فالشركة ونهضرو صافي
فاتي:واخا وقطعت
ناض مروان لعندي وجرني لعندو
مروان:كالم طوا راه هضرت معاه وتانتي هضرمي معاها تكراطي شويا راه تاهي لسانها مبري منها .دابا خلينا منها ولبسي حوايجك باش نفطرو برا صافي
فاتي:واخا
باسني فحنكي ودخل يدوش وانا حليت بلاكاري نجبد مانلبس وعقلي مشوش ماعرفت فيروز كيداير حالها
#فيروز
فيروز:ياودي ياودي على بيت نصوب لفطور من نيتك
نضال:اووووف سكتي شويا راك طيبتي ليا مخي بلفريع
فيروز:راك عالة على الكوزينة شو كيرونتيها على قبل جوج بيضات شتي لفشوش كيداير خاصك تكون ولد الشعب بحالي
نضال هز لموس وزف بيه جا حدا رجليا وخنزر
نضال:بربي وما تسكتي ياحتا ندريسيك بالله
فيروز:هاهي زماتو
بقا تايخربق تايخربق تايخربق تما وروينة نوضها .سالا داكشي لي كايدير وحط ليا طبسيل تلبيض نصو محروق ونصو خضر واتاي صفر كي لبول وحتى هو حط ليه بحالي بقا تايشوف فيا بمعنا كولي بصراحة فيا مايهز داك طبسيل ويزف عليه بيه ولكن ماكاينا معنا سيد نايض وتايوجد لفطوروانا نعيرو حشوما جريت طبسيل وواحد طرف تلخبز ولما وبديت كاندفع كاندفع كاندفع فيه للمعدة وتقيا شداتني هو بقا مصدوم فيا بقيت مع طبسيل تاساليتو كبيت ليا كاس ديال اناي وزكحتو فدقة وحدا
نضال:كيجاك زوين
فيروز:كي وجهك والله
نضال:وجهي انا زوين ادن جا زوين
فيروز:انتفاهمو على واحد لقضية لكوزينا خط حمر ماتبقاااش طيب فيها صافي
نضال:عمرني مانباقي نطيب ولا نحزرك ولا ندير فيها جنتلمان لهلا يقلب بيك
فيروز:تانكيو يالاه نوض ديني
دخلت لمكتب ديالي هزيت ضوسي ليفيه لوراق دياول تصاميم وخرجت لقيتو كايتسناني فلوطو ركبت معاه ديمارا طلقت لمزيكا وبقينا غادين حليت لفاصمة لي كانت فيديا لقيت جرحة برات بقا غي لاطراس ديالها
فيروز:نضال شوف دغيا برات
نضال:اه حيت درت ليك واحد لمضاد حيوي فعال دغيا تايبري لجرح
فيروز:وااو خاصني شي واحد بحالو
نضال:لاش؟
فيروز:هاكاك وصافي للحالات الطارئة
بقا تايشوف زعما من نيتك انا ميقت فيه وجهدت لمزيكا وبديت تانغني معاها
فيروز:جاي نكوليك جوج كلمات وغانمشي حيت كلبي حيت قلبي كره كولشي
نضال:ايوا صاافي اش هاد لحموضة من نيتك
فيروز:وماالها بلعكس زوينة
نضال:وقتما سالا شي قزقوز نصو يجي يبدا يهضر على لحب اصلا لحب كاع ماكاين لحب داروه ولاد لقحاب باش يحويو فاابور ديريها فبالك
فيروز:اسغفر الله اش هاد لهضرة داوي منيتك انا ماتانهضرش على داااك لحب لي فبالك انا كانهضر على لحب لي مبني على الثقة والاحترام والتقدير و لي مافيهش مصالح فهمتي ماشي نتا حيت عمر شي وحدة ماحباتك غتكره لحب بحال انا كانحب
نضال:وشكوون بسلامة
فيروز:راسي كانحب راسي خخخخخ من نيتك مني نلقا داك ليقدرني ويعطيني نقيمة غنفديه بروحي
نضال:مممم نزلي راه وصلنا للشركة
نزلت وانا دواسا دخلنا للشركة تحت انضار الجميع تاجهنا للبيرو ديال مروان مع ختكوم خراااجة دخلت كي الاعصار وهو يبان ليا لمونكاااار بان ليا مروان معنق فاتي وقريييب يبوسها
فيروز:هاااااااااا اوييييليييي اش كاديير ليها بيتي تغتاصبهاااا وهنا هااااا بلا حشما بلا حيا
فاتي:فيروز جيتي بقيت مشوشا علي...
فيروز:سكتي نتي سكتي مخلياه تايقرب منك بغا يدوق لحلوة ونتي عاطياه راسك ها دويييي
مروان:نضال دي مرتك من نهنا وفسر ليها اش كاين
قبل مانهضر جرني نضال من يديا لبرا وسد لبيرو
نضال:واش كاتعرفي مراد لي كان عمك صلاح ضربو حيت كان تابع فاتي
فيروز:موووراااد؟اه عقلت حبيب فاتي مالو كاتعرفو
نضال:مراد هو مروان
فيروز:هيهي كاطنز عليا
نضال(بملل):هانتي شوفي
جبد تيليفونو ووراتي تصويرت مروان وهو جون وملاسقة معاها تصويرتو حاليا طيرت ليه تيلي وكانزومي وكنحقق فيه
فيروز:هو والله تاهو واااااو واخييييرا نااري
حزااقت ليه للبيرو وعاودت فرشختو لحمد لله لقيتهوم كالسين وتلاحيت علا فاتي تانعنق وتانبوس وتاهي ماشي من لعاكزيين
فيروز:تووووحشتك اقحبتهووم ومبروووك عليك رجوع لحبييب
فاتي:حتا انا الكلبة كيبقييتي من تفرشيخة لي دار ليك سيدتهوم سي نضال(خنزرات فيه)
فيروز:صافي افاتي ماطرا والو راه سوينا الامور وولات علاقتنا مزيانا اوكاي
فاتي:واخا يالاه راه بقات خمسة دقايق للاجتماع
خرجنا من لبيرو وتاجهنا كولنا لقاعة الاجتماعات وحتا نضال كاليك بايشوف هاد التصاميم لي معنززة بيهوم دخلنا وهوما يتبعونا هادوك الناس لي درنا معاهوم تعاقد كلسو فبلايصهوم يالاه بيت نبدا وهو يتم داخل واااااااااحد تيتيز واحد لجمال اللللللله عليك يخرب بيتك شو حبيتك عرفتو غزال غزال غزال عينيه زرقيين وشعرو صفر وهو بيض وطايحين شي خصلات على وجهو وداك لفيم شحال غزالل ولعضلات بايتفركعو موحالش واش عربي هادشي ماتايدورش هنا فلموغرييب تم داخل بكل هيبة
مروان:اووه عمران صاحبي غبرتي علينا
عمران(بصوت رجولي):هاهاها افين اعشيري وغبور هادو
مروان:هاحنا هي مع الانشغالات ولي زافير اووه سي العميد هنا
نضال:هه وغبروك هاد ليزافير علينا شحال هادي ماشفناك
عمران:ههه ويي مون امي ايوا شكون هاد لبنت؟
مروان(عنق فاتي):هادي حبيبتي ومراتي فاتي
عمران(سلم عليها):متشرفين بيك امدام لعمراني .وشكون هاد زوينة
نضال(شد ليها فيديها):هادي مراتي فيروز
عمران(باس ليها على يديها):متشرفين بيك افيروز
   اول مرة شي راااجل وبوووكووووص كايبوس ليا يديا موالفين هي ولاد عمامي ليكانكول ليهوم بوسو يديا ونعطيكوم بيمو واخا كايعمروها هي خنونة حسيت بتبوريشة ودغيا حيدت ايديا وزيرت على نضال ماعرفتش علاش حسيت بشعور فشكل ماخايب مازوين
مروان:اش باليك اصاحبي تكعد معانا فالاجتماع ومن بعد نمشيو لشي قهوة نهضرو
عمران:امم ماعنديش شي مانع
دخلو الناس لي درنا معاهوم تعاقد كوولشي كاعد الا انا لي واقفة وكانهضر وكنعرض تصاميم بكل ثقة واخا مافيهومش مايتشاف كايحركو راسهوم كدليل على لفهم ساليت سفقو كلهوم
الرجل:رائعيين عجبوني غادي نعرضوهوم بعد غدا
المرأة: ولكن خاصانا عارضة
فيروز:فاتي احسن عارضة وانا متأكدة انهوم غايعجبوكوم فيها وغايجيو معاها
مروان:اه تا انا متافق
المرأة:اذن بعد غدا غايكون لحفل لي غاتعرض فيه فاتي
فاتي:شكرا لثقتكوم فيا
سالينا مع دوك الناس وخرجو بقيت هي انا وفاتي ونضال ومروان و عمران
مروان:برافو عليك بعدا عجبوني دوك تصاميم
فيروز:ثانكيوو كيجاوك انضال
نضال:معجبونيش
فاتي:كيفاش ماعجبوكش واش منيتك
فيروز:بلا ماتعدبي راسك معاه هو هاكاك داير ديما انا نشرق وهو يغرب
نضال:ايكزاكط
فيروز:ونتا اسي عمران؟
شاف فيا واحد شوفة فشكل غرييبة بلحق ماخايباش دايرة بحال شوفة تلعاشق لولهاان
عمران:زوينين وبزاف عجبوني ماضنيتش انك غاتكوني بهاد لقدرة
فيروز:هههه شكرا شكرا اخجلتم تواضعي
نضال:صافي سكتي باراكا من لهضرة ويالاه نمشيو فحالنا
فيروز:كيفاش فحالنا
فاتي:اه كيدرتي ليها خليها علاقل تمشي معانا للكافي
نضال:لا غانديها للدار بدون نقاش
فيروز(كعدت فالاض ):لا انا ماغاداش
مروان:وخلي عليك لبنت تفوج شويا
نضال:مافياش لش يتحمل هضرتها وفريعها عمران:انا غانتحمل هضرتها وفريعها وغانهضر معاها صافي
فيروز:شتي نتا اعمران طوب ميغسي
نضال(مخنزر):عقلي على هضرتك مزيان فلخر غانبقا هي انا وياك بوووحدنا فدار
  ناري خلعني فكرني فنهار فرشخني تفوو على زفت كيداير وليت نضت وخرجت وردخت الباب وقفت قدام لوطو ديالو وانا شاعلة خاص هي لي يجبدني فجاة حسيت بشي يدين على كتفي
فيروز:ماتهضرش معاها الحكار تفو عليك شتي نتا وااح...
ويلي ويلي عمران هو لي قاسني مركت مركت مركت هو بلعكس بقا مبتاسم وتقبة زين بانت ليه وسنينات بيضين اللله عيطو للاسعاف
عمران:هه بردي هاهو جاي وديك ساعا عيريه لموهيم انا عارض عليهوم وعليك تانتي للحفل ليدايرو بمناسة رجوعي من تركيا
فيروز:واااو علاه نتا تركي وحكلي كانكول بلي هاد زين ماشي مغربي
عمران:ههههه شكرا عجبني لحال حيت مدحاتني بنت زوينة بحالك لموهيم نتلاقاو فلحفلة ضروري تجي صافي
فيروز:داكوغ غانكون تما
  بقا تايشوف فيا وهو مبتاسم ومن بعد مشا بقيت سااهية فيه ياه شحال ضريف ومتواضع وكلامو حلو ماشي بحال داك جلاخة مايسد فمو مايوزن كلامو
نضال:هييه فين ساهية
فيروز:ماتهضرنيش ابدا ابدا
ضربت فيه وطلعت للوطو تسحابكوم حزرني ولا دواني ولا حاشاه ليا نونونو وتكول خلاني كي لكملة وصلنا للدار دخلت وانا كانخبط فرجليا حدا جرني لعندو وتصاطحت مع صدرو
نضال(بعصبية):مالكي تاني كاتهزي وتحطي عليا ياك لاباس
فيروز:لا والو باس واش منيتك هي دوي معايا عرفتي كيتاتصرف معايا بحال شي جارية ولا شي جفاف
نضال:واش منيتك باغية تكعدي معانا فلقهوة
فيروز:راه فاتي حتا هي كاينة ومن غير هادشي اش تكون حتى تعير ليا التصاميم ديالي
نضال:من نيتك تاهادوك تصاميم
فيروز(بعصبية):ماسوقكش كون ما نت لي خصرتي ليا يديا كون راني راسمة حسن منهوم وكاتهيني كدام بنادم بلا حشمة بلا حيا
نضال بعصبية:بلا ماديري دابا ملحبة قبة صافي قادي
فيروز:دور دورا وكوليا قادي هادشي لي كاتعرف ماكاتعرفش بلي بنادم عندو احاسيس والو عرفتي علاش حيت اصلا ماعندكش ماكاتعرفش بلي راك كاتجرحني واخا ماكانبينش وكانبقا ضاحكة شوف سيد كيتايهضر بلباقة
نضال بعصبية:شتك نتي تحلات ليك مني كاليك جوج كليمات زينين وتايشوف فيك انا كانكول داكشي لي فيك وماغانزوقش ليك لهضرة ماعجباتكش تفركعي
فيروز:اها وااااشووكرا اراجلي لعزيز كاتعرف تغمز و تبتاسم هي لمن بغيتي تصحابك ماشفتكش شفتااك وطمرت عليك علاقل خلي هي حتا نطلقو وسير عند لقحبات يادلي هادا هو سوايا فراسك زواجي بيك كان اكبر غلطة درتها
نضال:تادابا هيلا بغيتي طلاق وراقك راه غايوصلوك تالهنا بلا ماتبقاي تفرعي ليا كري تصحابك هي نتي لي جاك كي لغلطة حتى انا ونزيدك انا هي كدبت عليك ماشي ضاروري نحميك انا درت هادشي هي حيت لقيتها فرصة نتهنا من فريع لواليدة
ناري كان هي تايلعب بيا !!علا قبل مصلاحتو وماخلا مادار ليا ناري شمتاا شحال خايبة
فيروز(عينيها مغرغرين):ياك انضال هادا هو سوايا تتفلا عليا ها دابا نتا تفليتي على بنت الناس يااك
نضال بابتسامة جانبية:نتي لي بغيتي هادشي
فيروز عينيها دمعو:عقل مزيان على هاد لهضرة عقل مزيان غدا بغيت براتي توصلني
زدت خلفة وضربت فيه وزدت ولكن شدني من يديا
نضال بخبث:لا مابقيتش بغيت نطلقك عجباتني لعيشة معاك هاكا اصلا خاص ليونسني
فيروز :طلق مني حيد ايديك
نضال:ماغاتمشي فين غادخلي تبدلي حوايجك نمشيو للحفل ومن بعد نهضرو من لمزيان
  خنزرت فيه واحد تخنزيرة ماضايراااش ودخلت لبيتي بقيت كانمشي ونجي كي لمجنونة حليت لماريو وبديت نقلب على مانلبس تاحاجا ماعجباتني بانت ليا واحد لكسيوة هزيتها بقيت كانشوف فيها كلت علاش مانلبسهاش لبستها جاتني فنة مع سبرديلة بيضة ودرت سويك كيوت درت لشعري بوكلي خرجت لبرا لقيتو كايشوف فتيليفونو وهو مبتاسم طلع فيا عينيه وهبطها
نضال:من ايمتا وني كاتلبسي لكساوي
فيروز:مني كالها ليا راسي
خرجت لبرا كانتسناه كان لابس قاميجة بيضة مع سروال وصباط جا واعر ركبنا فجو من التوتر نمشيو لبلاصة اوخرى
ف

لوطو##
مروان:اش هاد لباس وهاد لعرى دابا نتي اش ساترة
فاتي:بلا ماتبقا تغوت قبل ماكنتيش تاتحيح فاش كنت تانلبسهوم
مروان(ضرب لفولون):داكشي فات وكان قبل مانعرفك اما دابا اختالف الامر
فاتي:يادلي تايعجبوكوم هي بنات الناس يتعراو وتشوفو لحمهوم
مروان:بربي وماتسكتي يا حتا نقلب بيك هاد لوطو لهضرة ماشي دابا لهضرة فدار وعندك زهر حيت وصلنا بلحق تانشوفك درتي هاه ولا هاه نتفاهمو
خرجت من لوطو وجرني لعندو ودار يديا فيدو وهو مغوبش دخلنا كان حفل راااقي اذن هو ممممممممملللل تلقى لينا عمران
عمران:اوووه مون امي ومراتو مشرفين حفلتي
مروان:هادشي قليل فحقك اعشيري
دخلنا للداخل لقيت فايروز مقندشة وتادابز مع نضال
فيروز:قيب عليا تاني انا معصبة وشاعلة راه غاندير ليك شوها هنا
نضال:بصااح مافراصيش بلي انا هاز معايا شوهة متنقلة
فيروز:راه غانضربك اوقسم بالله
نضال:متأكدة نخاف هي على دوك صبيعات لا يتهرسو
فيروز:اهياوا اش جاك عليا هاد نهار سييير فوتني عليك
فاتي(فجاة):هااناااا جيييت
فيروز:الله على لحيباان ديااالي
تعاانقنا وتباوسنا اصلا انا توحشت فيروز وجاتني لقوة بلا بيها
مروان:ختي فيروز لابسة لكسوة؟؟
نضال:ياك شفتي بعدا
فيروز:ومااالها
عمران:جاتك زوينة
فاتي:اه والله هاد لون جااك فن خاصك هي شي عكر
نضال:ديريه ليها نهرسو ليك
فيروز:يالاه واديري شي حاجا
فاتي:عافاك اعمران فين جات طواليت
عمران:سييري طواالا وعلى يدك ليسر
جريت معايا فيروز ومشينا لطواليت
فيروز:اوووف اختي اوووف انا عيييت ومليت
فاتي:امالكي ياه ياكما جاتك زملة لمبكرة
فيروز:قلبي تايضرني والله
فاتي:مالكي اختي
فيروز:درت حاجا خااايبة
فاتي:اوييلي ماهي
فيروز:بديت كانتعلق بنضال وجاني صعييب نتفرق عليه