فينك أراجلي لعزيز؟؟(بالدارجة المغربية)

24

🌞🌞🌞🌞🌞باش أنك تفيق ونتا فرحان أحسن حاجة فلوجود وتلقا كولشي مقاد وباغي هي معمامن تشارك فرحتك وتمازح معاه حاجة غزالة ولكن هيلا تقلب هاد لمزاح لحاجا أخرى لي هي خايبة أش غايطراا؟؟
فتيليفون📲📲📱
فيروز: اه ليوما غادي ندوز لمرجان نشري شيحاجة لمالين الدار كاملين
فاتي: داكشي لي لقيتيني كانفكر فيه اش غاتشري ليهوم
فيروز: غانشري للبراهش لبسة كاملة والناس لكبار نشوف شي حاجة لي تعجبهوم
فاتي: إذن تا أنا غاندير بحالك
فيروز: أش كاديري دابا
فاتي: فقت بكريي وتفرجت فلوصفات فليوتوب تاع الماكلة وراه كاديت شي لعيبات ومروان فيقتو ودابا هو كايدوش
فيروز: تا أنا فقت بكري ووجدت فطور ملكي ودرت ليه قهوة مقطرة وعييت مانوضو ولكن ماباش ينوض
فاتي: عندااكي يصدق مفوت فيك شي دقة من داكشي الرفيع
فيروز: ههه لالالا ماتخافيش غانفيقو بطريقتي
فاتي: فيروز والله ايلا كاتقلبي عليها
فيروز: تانتيااا ختك دايرة كي لحمار موالفة بلعصا
فاتي: فيروز ...مروان هضر معايا
فيروز: وراه ديما كايهضر معاك
فاتي: والخراااا راه كاليك أنا مرتو ......
فيروز: هييي صافي صافي فهمت لبلان بيتفركعو رميميناااا ونتي أش باليك
فاتي: ماعرفتش خايفة ومتوترة هو الصراحة مروان واخا عصبي ولكن حنين وبزااااف وكاليا ماعندكش مناياش تخافي
فيروز: وأنا لي نكوليك هو يسري معاه الراجل هيلا مالقاش التيليفون فالدار كايمشي لتيليبوتيك ديال الزنقة
فاتي: اه والله معاك الصح منها نيت نسد فم ماماه ونتي
فيروز: تا أنا جبد معايا داك الموضوع وكلت ليه تانهار لحد ومن عند سيدي ربي صدق هو نهار لعراضة ديال جدا ههههه
فاتي: عندك الزهر يا الجنية يالاه باي خليني نعطي لفطور لحبييبييي باش نمشيو لمرجان
فيروز: ايه ليطليك بيه باي
#فيروز
ساليت لابيل مع عوراجا ديالي وهاداك كحل لعفطة حلف بحلوفو ماباينوض هادي رابع مرة كانوضو عاودت دخلت لبيت النعاس لقيت السيد مشبح فوق الناموسية على ضهرو وغاارق فالنعاس ايه أولدي نتا لي واتاتك وانا فين عمرني فقت بكري حتى لخدمة كانوض معطلة وكاع مدروسة بالنعاس 🚨🚨ناااري جاتني واحد الفكرة جهنمية👿👿نوري سي نضال النعاس أش كايسوى خليت الباب محلول ونزلت للكوزينة حليت لفريكو لقيت حوتاا مجمدة هزيتها وهزيت مكعبات الثلج صغييرة من بعد كبيت لما باااارد فواحد السطل صغير ودرتو عاوتاني فواحد لقرعة تلميكة وتقبتها من الراس هزيت داك السطل وعلقتو فوق الباب يعني هيلا حل الباب غادي يتكب عليه ودخلت بتسليتا هازا لحوتا وثلج غمضت عيني ونزلت ليه شورطو حطيت لحوتا والثلج فوسط الشورط وطلعتو بشويا وهزيت القرعة وانا نبدا نشهد ياااربي السلامة خليت الباب مشقوق واحد الشويا باش هيلا خسر لبلان دغيا نهرب مع أنا رقيقة باتجيني سالكة وهو يحصل فيه الباب صافي كووولشي مقاد وركت على القرعة وبديت كانطوش عليه بلما باااارد ناض قافز لوقيتا لي وقف بدا تاينقز تنقيزة الهنود أنا شفتو بديك الحالة خريت عليه بالضحك الثلج هابط ليه من بين فخاضو ولحوتا كاتلعب مع لحنش لخراااا تضحك هي شافني وهوما يوليو جنونو كايلعبو فالسما وعينيه حمارو تم جاي جيهتي ناوي على خزيت عطيت رجلي للريح وخرجت من الباب بلا مانحلو هو تبعني مع حلة الباب مع السطل تكب عليه من لفوق تال لتحت درت شفت فيه لقيتو جامد كايشوف فيا شويا وهو يغوت
نضال: فيرووووووز غانقتلك برب حتى غانصفيها ليك
واهيا ناري وااهيا العمالة وقودتها وعيطو لويط ويط تديني تم جاي جيهتي بحال شي ثور هايج حركت الديجانكتورات وهربت تانجري تانجري تانجري حتى رجليا ولاو تايضربو فضهري درنا الضار كولها هو تابعني حتى كايبي يشدني ونزلق ليه عاودت هربت لبيت النعاس وسديت عليا كانفكر كيف نخرج من هاد الموصيبة جاهو تايردخ فلباب
نضال (بعصب):حلي هاد لقلاوي لاغانفرعووو
فيروز: وعافاك هي بيت نضحك معاك
نضال(بعصب): تا انا بيت هي نضحك معاك حلييييي
بقا تايغوت مني شافني ماحالاش ركل الباب بركلة وحدة وهو يفرعو ناااريييي ميمتي أش داني ولاش مشيت تم جاي جيهتي وهو داير ديك الإبتسامة لي ماكاتبشرش بلخير انا بقيت كانتراجع كانتراجع بان ليا الشرجم مشيت طايرة ليه حليتو كايبان ليا كولشي عالي الله الله على اخر يامي وليت قردة
فيروز: أهياوا والله وما تبعد مني حتى نحنقز
نضال: أنا لي غادي نرميك منو
تم جاي جيهتي بزربة أنا بديك لخلعة تدهشرت وأنا نقز منو تخايلو معايا من ليطاج التاني للسفلي صافي كلت هادي هي لخرة ليا ومادايرا لالدنيا لا لأخرة تفكرت كاع داكشي لخايب لي درت شكلاط لي شفرت لكذوب لي كذبت الليمون لي كنت كانزفو على عيباد الله من السطاح ولحجر لي كانزفو على التيتيز الله الله هي الضواسا لخايبين بااق طحت للأرض حسيت بالدوخة والدنيا كولها دايرة بيا وبواحد الألم فيديا ماكايتصورش كانسمع صوت نضال كايعيط بسميتي وكايضربني على حنكي باش مانفقدش الوعي
نضال: لااا فيرووز ماتموتيش ماشي دابا فيرووز حلي عينيك
بلكت فيه عينيا وأنا كانحس براسي ثقييل
فيروز: سير أوا سير كالاك نموت أييييي أنا غانبقا حية حتى ندردك ليك على قبرك أييييي نااااري كانحس بالألم وعزراين أعباد الله ومابغاني شداتني الدوخة أنضال باي باي أخر حاجا عقلت عليها هي هادي من بعد الدنيا كولها ضلامت عليا
فسبيطار🏥🏥🏥
فاتي: كيفاش تاوقع ليك هادشي
فيروز: هي بشوية عليا أودي الضحك الباسل ومايدير
مروان: تانتي كاطيري واش ماعندكش لفرانات ماباليك هي نضال
فيروز: قلة لعقل وصافي خخخخخ
الطبيب: الحمد لله على السلامة ماوقع ليك والو يديك ليمنا لي تفدعات ليك أما داكشي لاخور مزيان حاولي ماترهقيش راسك بزاف
نضال: شكرا أدكتور يالاه زيدي نتي (قرب حداها)غانتفاهمو مزيان فالدار
فيروز: سي الطبيب واش هيلا عاود طرا ليا بحال هاكا غانموت
الطبيب: وي بيان سيغ
فاتي: يعني ماكاينش التحنقيز من الشراجم
فيروز: الله الله ليوما لبلان خااسر
فاتي: واش محتاجاني نبقا معاك
فيروز: لا أختي هي سيري كابلي لحيبان ديالك امدرا شريتي داكشي
فاتي: اه وراه ليوما غانفركعو الرمانة
فيروز: اووو الساطة دسرات
طووطوووط
فيروز: نمشي عند سي نضال لمسامحة أختي
فاتي: تهلاي وخلي يديك فهاد اللعيبة لي هازاها باي
مشيت للوطو لي فيها نضال دخلت بان ليا مخنزر ولكن ساكت ديمارا كسيراتور واحد وصلنا للدار دخلت سبقتو ساعاتك معامن صوتو زعزع ليا القلب من بلاصتو
نضال: أجي لهنا
مشيت عندو وأنا حادرة راسي
نضال: عجبك لحال دابا هاا فين كان عقلك فيين واش حمقة ولا مسطية ولا والدينك فسبيطار لحماق
فيروز: وأنا ماتصحابنيش واش غايطرا ليا هاكا كلت غانحنقز ومغايطرا ليا والو
نضال: اييه سبيدرمان نتيا هاداك ضحك عندك نتيااا انا عدويا وعدو بنادم يدير ديك تفليا تلخرا
فيروز: ونتا لي داير ليا فيها فلم رعب كون شتي راسك كون ماشي هي حنقزتي من الشرجم كون شنقتي راسك
نضال: علاه أنا كانخلع تال هاد الدراجة
فيروز: ولكدوب على الله حرام شي حاجا فوق كاتخلع وتبت أصحبي معانا
نضال: ونتي لي كنتي غاتسطيني ماعرفت باش تبليت ومكملاها ببايباي واش نتي فو فعقلك
فيروز: بصراحة تخلعتي عليا الحبان ديالي ياك
نضال: بربي ماعندك لعقل وشوفي يدك بيتبقاي هازا هاكا فيروز: ماعندي تاخيار أخر
نضال (مسح وجهو بعصبية):مووشكيلة هادي تفوو
بصرااحة السيد عصبتووو من لمزيان كون مت ليه هنا كون دارو ليه جناية مع سبق الإصرار والترصد زدت فيه شويا أولا؟؟ قربت حتا لحداه وشديت ليه فيديه بليد لي مامضروباش فيها وأنا واصلا ليه لسدرو تفوو على لقصر
فيروز(بحنية):نضال سمح ليا هيلا قلقتك أولا عصبتك أنا كنت بيت هي نضحك معااك ولكن نتا هجرتيه ليا وأنا هجرتو ليك
شاف فيا بنص شوفا ونطر يديه هناااا بالضبط فهاااد النقطة مارضيتش بقيت كانشووف فيه وأنا نضرب دومي تور وتميت غادية شوية حتى كانحس بشي واحد هزني لقيتو هو مبتاسم
نضال: أخررر مرة ديريها وباراكا من لمزاح الباسل صافي
فيروز: صاافيي
قرب ليا ببطء ودار منخرو على منخري وباسني بقينا مدة عادا حيد شفايفو على شفايفي نضال: دابا هاد ليد عنكشاتني
فيروز: ماعندك زهر شوف نضال أنا خاصني نمشي لمرجان ضروووري
نضال: وعلاش بالسلامة
فيروز: دابا كي شتي دارنا عارضين علينا غدا وخاصني ندي ليهوم شي حاجا فهمتي
نضال: امم واخا يالاه
فيروز: وانزلني خليني نمشي
نضال: لا انا غانزلك فلوطو ههه
بقا هازني ومرة مرة ولد لحرام كايخلعني
🚧🚧🚧🚧🚧🚧🚧🚧🚧
البارت ساالاااا كيجاكوم زوين ولا خايب ولا مابيهش أراؤكم كاتهمني بزاف وفوتيو ليا باش تشجعوني ومبرووك عليكووم العيد 🐏🐏🐏🐏🎉🎉🎉🎉👋👋👋بااي