فينك أراجلي لعزيز؟؟(بالدارجة المغربية)

22

ركب كل واحد فلوطو ديالو غاديين مزكين ناشطين و فرحانين علاش لي مايفرحوش وهوما غاديين يعمرو المعدة ويمشيو للموقف وصلو لحدا بيبان مدرسة العودة وصطاسيوناو تم خرجات فيروز وهي كاتشوف فالمدرسة تا تمات جايا عندها فاتي ووقفات حداها
فاتي :عقلتي عليها ههههههه
فيروز: ماعرفتش علاش فينما نوقف حدا مدراستنا تاطيح ليا فبالي ديك اللقطة تاع المديرة سروالها مشرك من جيهة القزيبة وكولشي كايشوف فيها
فاتي :هههههههه ناري زعما داك النهار واو واحنا ماكناش ناويين نديروها ليها ولكن هي لي مابغاتش تخلي الحارس العام يطبع لينا
فيروز: ههههه صدقنا حنا لي طابعين ليها
نضال: ما عندناش الليل كولو يالاه سربيونا
مروان: يالاه راه الوحدة تليل هادي
مشاو البنات سبقو القدام والدراري وراهوم كايشوفو اسبتين ودازو للدخلة الموقف اكتر حاجا كايتشهر بيها الموقف هو الزحااااااام والدخاخن تلماطر والسبان والطوموبيلات تايكلاكصونيو ما دازو من تم حتى كانو غايطرطقو خصوصا داك عديم الصبر تاع نضال وصلو للحانوت ديال عماد لقاوه كايحسب شحال دخل ومكونسونطري مع داكشي
فيروز: هاااااا حنا جينا(نقزات عليه)
فاتي: لاتكولووو ماجينا(نقزات عليه)
سيد ماعرف باش تبلا قفز تا طاحو ليه الفلوس فالأرض
عماد: سمحماراحيم اتف اتف أش بيني وبينكوم نزلتو عليا كي الباطل
فيروز: أيهاي هاي على ولد العم
فاتي: كايحسب فلحصيصاا شتك درتي لاباس
عماد: الله على راحا مني غبرتو عليا وانا زايد بالحانوت لقدام
فيروز :إيوا فراني قبل مادير كسيدة توحشناك الشلاهبي
فاتي :اه والله
عماد: هههه بصراحة تا أنا خليتو الدار خااوية ماكاينش لي يبدا يغوت ويحيح و يجمع مزيان ويطيب البنة
فاتي: عارفين عارفين هههه
فيروز: ماكاينش ياسين وماجد ؟؟
عماد: بحرى لقيتيهوم مشاو وكنا نيت جابدينكوم شتي نتوما والله مارجلة
فاتي وفيروز:علاش؟؟
عماد:نتي افيروز بدلتي النمرة و مابقيتي كاضوري ولا كاتسولي اما لالة فاتي مخاصمة مع التيلي مالكوم كولو هي السلام ولا أبيل موا
فيروز: أنا تيليفوني طاح ليا فلما وكاع لي كونطاكط تمحاو حيت شريط تيليفون وأكارط جديدة
فاتي: وأنا تيليفوني دايرة ليه الطيارة حيت كنت مشغولة هاد الأيام والله
نضال: عندك الحانوت سخونة بزااف
مروان:اه ومزموتااا
عماد: اووو موسيو نضال هنا سمح ليا والله ما رديت ليك البال
نضال :ماشي
مشكيل شوف لينا هي هاد البرهوشات باو يكاكلو طيحان
مروان:وكول لمول الطيحان يديرهوم فشي حاجا تال الدار وياكلوه
عماد: اه اه اه مول الطيحان ساد
فاتي: نو واي بلا كدوب
فيروز: ودابا انا أش ناكول فيا الجوع
نضال: غاترجعي للدار وتنعسي نوريك لفشوش تاع والو
فاتي: خلي عليك الدرية فتيقار
مروان: سكتي نتي بيناتهوم
عماد: لااا نتوما فضيافة عماد مول اللوبية أش حب الخاطر
فيروز: هههه ياااي نحبك انا احم أنا بغيت خبزة فيها اللوبيا كتر فيها الحار وليدام وواحد دكة تاع أتاي
عماد: هاهي ألالة وها أتاي
فاتي: أنا بغيت خبزة فيها اللوبيا ماديرش ليدام دير ضغميرة ديال الدجاج وكاس ديال اتاي
عماد: جاتك الغزالة ونتوما العرسان
نضال: لا ماكاناكولش هادشي كايضرني فلمعدة ومدسم بزاف
مروان: تا أنا ماعنديش مع اللوبيا
فاتي: إيوا خليكوم هاكا
فيروز: ضاعليكوم نص فعمركوم
عماد :لااا عرفتي إيمتا ضاع ليهوم نص فعمرهوم هيلا ماشافوش أش كاين فهاد لموضيم
فيروز: أش فيه ؟؟
عماد :هادا لكادو ديال لعرس لي ماعطيطكومش سي نضال هاك هاد الأمانة غتفرج فيها نتا وفيروز ومروان وفاتي ضرووووري تكونو مجموعين حيت فيه حواايج خطييرة
فيروز (كاتمسح فمها):عماد هاد الشوفة ماكاتبشرش بلخير
فاتي: اه اش داير
عماد: خليها مفاجأة
نضال: اممم داكوغ اصلا أنا غدا عارض على مروان وفاتي يباتو معانا ونتفرجو فيه
فاتي: واااو بصااح
فيروز: ياس بايبي
مروان: ياك كليتو يالاه خويا عماد في امان الله
#فاتي
سالينا المعانقة ومشينا للبلاصة لي حطينا فيها اللوطو توادعت مع فيروز ودرت معاها غدا نجي للدار
#الكاتبة
الأبطال ديولنا تاجهو لديورهوم وخصوصا البنات فرحااانين باغيين غير إيمتا يصبح الصبااح باش يتلاقاو ولكن غايكونو مفاجئات فانتضارهوم تابعونا
×××××××××××××××××××××
سلاام لبنات سمحوو ليا على هاد التأخير ولكن غانعوضكوم وغانزل فصل فليل مليء بالاحداث الشيقة بغيت نسولكوم إينا كوبل لي عجبكوم
فيروز ونضال
فاتي ومروان
أي كوبل بان ليا مذكور فليكومونت غاندير ليه احداث راائعة بغيتكووم تفجرو البوسط