فينك أراجلي لعزيز؟؟(بالدارجة المغربية)

21

حاوط ييه على خصري ونزلنا وهو كايدير ايديه فلحاشية تسروال ديالي انا تزنكت وشهقت حسيت براسي تزيرت
فيروز:نضال لا حيد ايديك
نضال:امم علاش
فيروز:وحشوما باراكا ناس كاينين
وااااااااااا
سمعت صوت صراخ مني تلفت لقيت فاتي شادا كلارا من شعرها وجاراها من المنصة
تسلت من نضال وتميت غادية بجرى جيهتهوم بنت لقحبة ديك كلامارا دايرة لحمية هي وديك لكانيشة تميت غادية لجيهتهوم ناوية على خزيد
#فاتي
بعدما نزلات فيروز و نضال تمات تابعاهوم كلارا وهازا واحد لموس صغير باتشرك سروال فيروز ملور وشوفليك لكلاخ ماعطلتهاش جريتها من لور تشعرها رفعتها على راسها حتى جابت الربحة لوقيتا ليبيت ندور بانت ليا لكانيشا جايا جيهتي ماعرفت ماندير حتى بانو ليا رجليها ترفعو فالسما وفيروز وراها عرفتها هي لي نقلاتها خليناهوم جايبين لكاو اصلا هادوك هي عويدات لحميضة هيلا ماكانوش متقلين بلحوايج والله تايديهوم لبرد جاو دغيا شي ناس تدخلو ونوضوهوم وهوما كايتحلفو
مروان:موسيو خوليو تشرفنا بلمجيء ديالنا وتايبان ليا وقت لمغادرة وصل
خوليو:نو نو نو هي بقاو
نضال(مخنزر):حنا غاديين بدون نقاش
جرونا لبرا تلحفل ووقفوني
انا وفيروز قدامهوم بحال هادوك لي دايرين جريمة بالسلاح الابيض مع سبق الاصرار والترصض بقينا نحنززو فيهوم ونضال ومروان عاقدين غوباشتهوم شويا تانحس بفيروز كاتنخض عرفت بلي صافي راه سيدة باتفركع بالضحك راها بنت عمتي وختي وانا عارفاها فهاد اللحضات كايجيها الضحك وانا كتااار منها
فيروز:بخخخخففففف ههههههههههههههه وههههههه عرفتي هههههههه فاتي وااافاتي هههههه شفتي كي تهزو ليها رجليها فالسما ههههههههه
فاتي:هههههههههههههههه واابولتي بولتي هههه شفتها ههههه لخنونة ديالها بانت ليا هههههههه
بقينا تانضحكو تانضحكو تانضحكو حتى فشلنا وكلسنا للارض ناخدو نفس
نضال:صافي ساليتو
مروان:واش عرفتو اش درتو ولا لا
فيروز:اش درنا بالسلامة مالك تاني راه هوما لي جبدونا واصلا بانت ليا فيهوم السريعة
فاتي:داك تبرهيش تلقوادا عارفينو من نيتها موس كاع حافي باتشرك بيه السروال بفف لكالاخ
نضال:صافي بلا قوة لهضرة اصلا مزيان مافيا لي يبقا فهاد لحفل تلمالال
مروان:معاك الحق هادشي بزاف معيق ولكن خاصنا نحتارموهوم
فاتي:واا انا ضرني راسي وفيا جووع
فيروز:تا انا والله اجي اش باليكوم نمشيو نتعشاو فلموقف
فاتي:واااو فكرة مزياانا ناكلو طييحاان
نضال:اش كاتخربقو انا ماغاديش
مروان:تا انا ماكانحملش الاحياء المكتضة والشعبية
فيروز:وانا غادا يالاه
فاتي:زيديني عليك اوييلي يا بجوجنا يا بلاش
نضال بعصبية:فيروز ماعندك فين تمشي صافي اصلا انا عييت من هاد لفريع
مروان:بلا تبرهيش ماغاديينش اعتابروه عقاب على هادشي لي درتوه
فيروز قربات عند نضال وتعلات على قرون صباعها وحطات يديها على وجهو
فيروز:نضال(بلحن)
نضال بخبث:بلا ماتحاولي
فيروز:وعافاك الكبيدة ديالي المرارة ديالي الكانصة ديالي
نضال:ههه رديتيني دجاجة
فيروز:ههه عارف لجفاف لعاطيفي ومايدير وانا طلبتك ها تعز عليك خاطرك تخليني بلاكة وانا فيا جوع ومشهيا طيحان واصلا شحال هادا ما خرجت عافاك هيلا كنتي كاتبغيني واخا غير شويكيكا
نضال:بففففف عرفتيني كيداير واخا يالاه بلحق راك غاتردي هادشي وبضوبل (غمزة)
  كاع هادشي وقع تحت انضار فاتي مني شافتو وافق بديك الطريقة كالت زعما تاهي دير شي طريقة باش تكسبو
فاتي:ميرو ديالي
مروان:لموصيبة ديالي بلا تبلحيس ماغاديينش
   عرفات راسها ماغاتقور والو من هاد طريقة لدلك قررات دير الخطة الاحتياطية كلسات فالارض وبدات كاتبكي ودير دموع التماسيح زعما تقنات دور بقات تبكي وتنحط وضرب فسدرها
فاتي:اهئ اهئ اهئ اهئ يااك هادي هي ماعزتي عندك اهئ اهئ وكاتكوليا كانبغيك ونتا ماقديتي تديني هي حتال لموقف ناكل الطيحان اهئ اهئ كون بقيت فدارنا كون داني عماد معاه للحانوت وناكل حتى يخرج ليا من ودنيا اهئ اهئ عقل مزيان على فعايلك كاتحكرني الحكار اجي ياا ميمتي شوفي اش كايدير ليا اجي ياا بويا تشوف حال بنتك حبيبتك
  سيدة تقنات دور ملمزيان حتى كاتقطع فلقلب مسح مروان على وجهو ونزل للارض وعنقها وبقا تاحزر فيها
مروان:شششش صافي احبيبتي صافي مايكون هي خاطرك ماتباقيش تكولي بحال هاد لهضرة راكي الحب ديالي راه هي مع لعصب ولفقسة ولكن مايكون هي خاطرك مانبقاش نشوف هاد لعوينات كايبكيو صافي
فاتي:صافي ياك غانمشيو للموقف ناكلو طيحان ؟
مروان:اه غانمشيو
نضت كانحنقز ونغوت وفيروز كاضحك وتصفق عرفات لبلان كيداير بقاو كايتعانقو يحنقزو قرب نضال لعند مروان لي مصدوم منها
نضال:طلعاتها بيك العشير
مروان:ماشفتيش راسك نتا هه دارها لحب
فاتي:ولكن انا مانقدرش نمشي بهاد لكسوة هاكا للموقف
فيروز:ساهلة (حليت واحد سويكي ضو كنت هازا فيه لبسة ريزيرف)هاكي
فاتي:فيروز والاحتياط اول مرة
فيروز:ومالها راه نفعنا هاكي هاد لحوايج ولبسيهوم
طووط طووط
تلفتنا لقينا طوموبيلت نضال ومروان جابهوم شيفور
نضال:تقدر تمشي
مروان:مزيان مني صيفتي ليهوم
فيروز:جاو فوقتهوم فاتي تفضلي تلبسي لحوايج
#فاتي
دخلت نلبسهوم تم شحال تعنكشت وتشنتفت وتخنقت كانت جايبا معاها سروال كحل شارلي و تيشورت بيض وصندارا تصبع تلخريج لبستهوم تقريبا جاوني هوما هادوك خرجت من لوطو وانا مخنوقة من زمت حليت شعري وجمعتو كعكة مهملة حيدت طوانك ولعقيق وبقيت سامبل وطبيعية
فيروز:بورفيكت مزيانا
مروان:هههه وتشوفي راسك كي جيتي
نضال:حوايج فيروز كايجيو هي مع فيروز ولكن ماكاين باس نتي لي بغيتي
فاتي:هاهاها هيلا ساليتو لهضرة خليونا نمشيو