فينك أراجلي لعزيز؟؟(بالدارجة المغربية)

37

#مروان
كنت نايض بيتنشوف فاتي مالها تعطلات تاشفتها طايحة من الدروج والدم خرج ليها من راسها فشلت وتلفت مابقيت عرفت اش ندير منين نبدا ومنين نوخر هزيت عينيا بانت ليا كلارا تعصصصبت بزااااف كنت ناوي نوض ونفرشها ولكن صوت الصراخ ديال الواليدة والواليد هو لي فيقني هزيتها بين يديا وانا كانترعد خايف لانفقدها خايف لاحب حياتي تموت فكرة تاعت انها تمشي وتخليني كاتقتلني ألف مرة ركبت فلوطو وركبات معايا الواليدة وركت توريكة وخدة للكلينيك هزيتها ودخلت
مروان: جيبو الباياص يا ولاد القحااب دغيااا اش كاتسناو
ناضو كايجريو دخلوها لغرفة المستعجلات
الطبيب: ممنوع الدخول اسيدي
مروان (شدو من حوايجو):عرفتي وماتخرج مراتي حية كانقسم بالله حتى هاد لكلينيك غانريبو فوق راسك
الطبيب تخلع وولا هي كايفيبري دخل وانا بقيت غادي جاي غادي جاي
رفيدة:تهدن أولدي
مروان: سكتي نتي سكتي تلقاي بلي نتي هي لي حرشتي هاديك الموسخة عليها كانقسم بالله وماتخرج حية ياحتا نسا انك مي فهمتي
#فيروز ،فقاعة الصبور فلفيلا
كانت كالسة فلكرسي وهازة الشكلاط ولمعيلقة تاكاتكل ونضال كايتريني
فيروز: دابا واش كاتضرب من نيتك ولا هي كاتضرب عادي
نضال: بجوج
فيروز: واش ماعييتيش راه ساعتاين ونتا هاكا انا وعييت
نضال: علاش اش كاديري بالسلامة ياك هي كاتاكلي الشكلاط هادي القرعة التالتة تالشكلاط واش ماعييتيش
فيروز: واااا خضيني سملاه عليا اش ندير هيلا كان الشكلاط هو حبي الأول والأخير
نضال (قرب حداها):وانا؟
فيروز: ههههه نتا لقلب ديالي
دار منخرو على منخرها كايهرها بيه
نضال: شي نهارات ناكلك
فيروز: هممم تشهيت الشهدية والدلاح نمشي نقلب عليهوم ناكلهوم
نضال: راه غاتغلاضي وتوحلي فيا ههههه
فيروز: واحلة فيك من زمان
يالاه بيت نوض وهو يضرني قلبي وتزير عليا حتى تخنقت وطحت على ركابيا نضال تخلع وجا حدايا
نضال :فيروز واش نتي بيخيير ؟
فيروز: انا بيخير ولكن فاتي ماشي بيخير
نضال: اش كاتكولي؟؟
فيروز: نضال دور لمروان قلبي مامطمنش ليا
نضال: اووف واخا
هز تيليفون وبقااا مدوز لابيل
نضال: الو مروان هانيا .......علاش.....فين.....اوكي هاحنا جايين
فيروز: اش واقع
نضال: فاتي فلكلينيك طاحت فالدروج
فيروز: اشنوووووو كلتهااا ليك شتيييب اهئ اهئ اهئ
نضال: صافي يالاهي نمشيو
#فلكلينيك
نضال: هاحنا مروان امدرا
مروان: خرج عندنا الطبيب
فيروز: كووول اشواقع
مروان:الحمد لله فاتي والجنين بيخير تضربات شويا فراسها علعموم هي بيخير خاصاها هي الراحة
فيروز: اووو ياربي الحمد لله كيطرا ليها
مروان:كلارا دفعاتها فالدروج
فيروز: اشنوووو دفعاتها
شويا بانت لينا كلارا مع هاشم جابها انا هي شتها هوايشي ناضو ليا مشيت وتلاحيت عليها كانتف فيها بزغبة بزغبة مازال ماتزاد هادا لي يدير لختي هاااكااا تدخل نضال ومروان وحيدوني عليها بقيت نغوت نغحيح حتى سخفت وغيبت
#فاتي
حليت عينيا ببطء شديد وراسي ضارني بان ليا نضال ومروان كالسين هو هي شافني قرب حدايا وشد ليا فيديا
فاتي: اييي اراسي اش وقع ؟
مروان: شششش نتي بيخير ماوقع والو
فاتي (تفكرات كولشي):اه ديك الكلبة دفعاتني مروان ولدي واش هو بيخير؟؟؟
مروان: بيخيير ماتخافيش خاصك هي ترتاحي
رفيدة:سمحي ليا ابنتي
فاتي: نعاام؟؟
رفيدة:سمحي ليا ابنتي خيت عدبتك وجرحتك ماكنتش قاصدة سمحي ليا بزاااف
فاتي: سمحت ليك غانديرك فمقام الواليدة
باست ليا على راسي واعتادراات وااا على شعوور غزاال
فاتي: نضال فينها فيروز
نضال: هاهي حداك
تلفت بانت ليا ناعسة فلباياس
فاتي:مالهاا؟؟!؟!!
نضال: خدات بالثأر ديالك وسخفات
فاتي: واش هي بيخير اش كاليك الطبيب
نضال: تاتفيق ونكوليك
فيروز: ايي اراسي اش وقع فين انا
نضال: أميرتنا الصغيرة فاقت
فاتي: فيروز ههه توحشتيني لدرجة تنعسي حدايا تا فالسبيطار
فيروز: ههه واييه الخوادرية
نضال: إدن نكوليك اش كال ليا الطبيب نتي الالة حااملة
فيروز: أنا؟؟؟؟؟
نضال (قرب عنها وعنقها):مبرووك علينا احبيبتي (هزها وبدا كايدور بيها وهي كاضحك
فيروز: ههههههههههههههه انا حااملة ههههههههههههههه نضال عنداك غانطييح ههههه
هبطني للأرض وانا فرحتي فرحة ماتصورش واخيرا انا هازة طرف من نضال من حبيبي
فاتي: لولولوي هيهو مبروك علينا هادي البداية مازال مازال
فيروز: ههههه تخربقو ليك الفيزيبلات تاع راسك تايبان ليا
الطبيب خلا مروان يدي فاتي للدار بحكم انها مامقصحاش بزااف حيت هي واخا رقيقة قوية وحيت موالفة طيح فالدروج رجعت للدار وانا فرحاانة
نضال: اش تشهات مراتي لعزيزة
فيروز: امم الشهدية والدلاح
ناض لاكوزينة وجابهوم ليها مقاديين هي هي شافتهوم عينيها حوالو كاتخشي فوجهها بالمعنى الحرفيي وتبنن
نضال: هي بشويا عليك راه غاتوحل ليك
فيروز (فمها عامر):لاا بنيين بزااف
نضال: ماغاتعلميش عائلتك؟؟
فيروز: مخاصما معاهوم
نضال: علاش؟؟
فيروز: حيت كلت لماما ماتباقيش دوري ليا
نضال: غانضرب مك تاضوري شدي نوريك الهضرة كيدايرة
شديت التيلي وانا كانضحك كايبان نضال غزااال ناري جاني لوحم عليه خفت لا نولد نضالة وتخرج فيا الشيب
فيروز: الو ماما
ماما:يعطيك الغمة اش بيتي
فيروز: انا حاملة
ماما:لولولوي واااا الناااس بنتي حااملة
بقيت كانسمع الغوات والزغاريت وجدة كاغوت لموهيم الروينة
ماما:راه كولهوم كايباركو ليك باغيين يعرضو عليك ولكن على اخر مرة حلفو بحلوفهوم لا عيطو عليكوم
فيروز: هههههه تا أنا والله لا جيت يالاه تهلاي فراسك
قطعت لابيل  وانا باغيا هس ناكل
فيروز: نضال شعرك زوين ورطب حسن من شعري
نضال (عنقني):ههههههه غدا غانعرض على مروان وفاتي وعمران اش باليك ونخرجو شي خريجة
فيروز: اه علاش لاا ههههه
نعست على صدرو وانا كانحس بالأماان ومرتااحة معاه مع حب حياتي
#########################
غانشر غي فصل ليوم بلكشايف تاكتبتو حيت معصبة وطاالع ليا الدم ماعالينا🙅🙅😬
كيجاكوم هيلا كلتو خايب مانلومكومش لي نكوليكوم هو انا النهاااية قرباات وبزاااف 😭😭
صوتو وديرو كومونت تشجيعي يالاه سلاام