فينك أراجلي لعزيز؟؟(بالدارجة المغربية)

5

عرفتو ملي كاتكونو كاتفرجو فشي فيلم واعر وكاتجي ديك اللحظة اللي كايبغي البطل يعتارف للبطلة بلي كايبغيها و كايقاطعهوم داك الشرير و كايفسد اللحظة هادشي لي طرا للبطلات ديالنا مني رجعو من لخدمة فرحانين بالفلوس خرج ليهوم واحد البلان يا سلام لقاو ولاد لا حليمة فالدار كاليك حكا ما حكا مزروبين بيان سيغ البنات بداو كايحيحو و تا جداهوم كانت عارفاهوم غايديرو هاكا داكشي باش ناضو عمامهوم داوهوم للبيت و عماتهوم لبسوهوم صحا و نزلوهوم تاني للصالون صحا و كلسوهوم بيناتهوم مخليينهوم تايبلكو فعويناتهوم اما واحد ياسين و ماجد خاريين عليهوم بالضحك
لا حليمة:تبارك الله على بنياتي حبيباتي كبرتو وزيانتو
فاتي:اهئ اهئ اهئ وغانترزاو فالزين لي فينا
رشيد(ولد حليمة لي دخل للحبس):ما تخافيش يا لحبيبة لي ضراتك كوليها ليا نقتلو و ندخل على مو للحبس
ياسين:هههههههههههههه شتي افاتي حبيبك غايدخل عليك للحبس
فاتي:سكت نتا تفووو
حميد(ولد حليمة لي كان مزوج):ونتي الزين ماتخافيش معيا غانتهلا فيك
فيروز:اهئ اهئ اهئ تهاليتي تا فراسك تهلا فيا
جدة:لموهيم اوليداتنا بما انكوم زربانين راه لعدول جاي
فيروز وفاتي:لعدووووول؟؟
لا حليمة:اه كيشتي ولدي رشيد هربان من البوليس و باغي يعيش فلعروبية
فاتي:لعرر لعرووبية؟؟
رشيد:اه احبيبة وحتى حميد حيت حنا ماكانتفارقوش
فيروز:oh mon dieu
ترن ترن
جدة:هالدول جا
#فيروز
ناااااااري صافي هادي هي لحلقة الاخيرة من حياتي غانتزوج بواحد ديجا داخل بوحدة صافي ناري دموعي هي نازلين كايبان ليا كولشي فرحان و لبراهش هالي لابس تكاشط هالي لابس جاباظور  هالي هاز دانون اهئ اهئ اهئ وانا هي الضحية كانجبد فرجليا باش نغز فاتي ساعاتك نغزت حميد ويلي ويلي شوهتك يا لكلبة سيد تحلاتليه ولا هي تاينغز تايقيسني بريجليه ما بغاش يحبس صافي عييت بلا شعور نضت كلت ليهوم حبسو عليا هاد لخرا
جدة:اهياتا سكتي وحسني الفاضك مالنا ياك لاباس؟
فيروز:ما نقدرش نتزوج بيه
حميد:وعلاش بالسلامة؟
فيروز:حيت....حيت...
فاتي:حيت فيروز كاتبغي واحد الدري وواعدها بلي صيمانا الجاية بايخطبها
الكل:شنووووو
  اويلي على الكلبة اش دارت ومنين غانجيبو ليها ناري اويلي اويلي اويلي حل الضوسي ووجد لبروسي
كريمة:اييه ابنتي و شكون هادا ومالكي ما كلتيها؟
فيروز:حيت زعما بغيت تايجي هو وخوه لي كايبغي فاتي
نعيمة:كيييفاش
فاتي:ههه اه لا دابا كال ليا بلي غانجي انا و خويا نخطبوكوم فهمتي داكشي باش هه
عمي نور الدين: سمعوني ابنياتي لي غانكول ليكوم هو السيمانا الجايا خاصهوم يجيو ولا راكوم عارفين اش كاين
لا حليمة:لالة فطيمة اش هاد اللعب تاع لبراهش
جدة:لا حليمة مانلقاو ماحسن من ولادك سيمانا جايا جيو ونشوفو هاد لمهزلة ديالهوم فين باتوصل وهيلا ما خطبوهومش هادوك هاكو ديوهوم بلا عرس
لا حليمة:واخا ا لالة فاطمة
   #فاتي
خرجات لا حليمة هي وولادها وبقينا كولنا مجموعين فالصالون شي كايشوف فشي حتا نطق عبد الجليل
عبد الجليل: بنتي فيروز عندك شي تفسير لهاد شي؟
فيروز:بابا شوف ممكن تجي معايا نهضرو انا وياك و فاتي بلييز
عبد الجليل:يالاه
   مشينا للكوزينة و ربع يديه و كايشوف فينا
عبد الجليل:يالاه كانسمع
فيروز:سمعني ابابا حنا هاد الزواج مابغيناهش لانو اصلا ما بقاوش لبنات كايتزوجو بحال هاكا
فيروز:اه اخالي شوف حنا هي كذبنا كبيلا هي باش تعطيونا مهلة عافاك حاول تقنعهوم على الاقل يصبرو هي حتال الصيمانا الجايا
عبد الجليل:راني عارف و فاهم و راني هضرت معاهوم ولكن كيفما كاتعرفو مني كايتجمعو كايوليو هي كايخرفو
فيروز:عافااك ابابا حاول معاهوم
عبد الجليل:اوف غانحاول لموهيم نتوما استاغلو هاد المهلة و شوفو كيف ديرو
عنقتو انا وفاتي و شكرناه طلعنا مباشرة لبيتنا مع حليناه كايبان لينا ياسين و ماجد كايضحكو و كايتفرجو فالتيلي
فيروز:هاهاها ضحكونا معاكوم
فاتي:وريونا تاحنا نضحكو
ياسين:هههههههه والله ما نعطلوكوم
#فاتي
مشينا كنتفرجو لقيناهوم ولاد لحرام مصورين كولشي بدون شعور بديت تانضحك تانضحك على التعابير دياول وجاهنا و ديك اللقطة تاع فيروز فاش بدا تا يقيسها حميد ناريييي و انا فاش بديت كانبكي لخر بعدا ضحكنا على راسنا و فوجنا
ياسين:ناري زعما نتوما لخر
ماجد:اجي بعدا شكون هاد حبيب القلب
فيروز:بففف هي طلقناها وصافي
فاتي:الدراري بيت نكول ليكوم شي هضرة
ماجد:اش واقع
فاتي:لمدير ديالي بايخطبني
الكل:شنووووووووو
فيروز:اويلي واش مروان؟
فاتي:اه كاليك بلي حتا هو واليديه بزو عليه الزواج ومني عاودت ليه اشنو طرا قتارح عليا نتزوجو ماشي دااك الزواج لي فبالكوم زعما هي باش نسكتو واليدينا
ياسين:فاتي واش مسلكك هادشي؟
فاتي:ماعرفتش اصلا هو كال ليا فاش تقرري ردي عليا لخبار
فيروز:فاتي هي قبلي لعرض ديالو
ماجد:كيفااش
فيروز:اه حيت هي اكتر وحدة عارفة الطبيعة ديالو غاتقدر تحملو
فاتي:يعني دابا هي نيسر و نهضر معاه؟
ياسين:اه هي هضري معاه
ماجد:دابا هانتي لقيتي لحل و هاد البايرةلوخرة ؟
ياسين:وانا اش كاندير مانخليش حبي تبقا بوحدها
فيروز:هاهاهاها ميغسي حبيبة
ماجد:اهياوينا منين جينا ماخرجنا يالاهو نضربوها بشي ضورة فاعلة تاركة ماحد هادا الليل و جامع لفنا كاتكون مفركعااااا
فاتي:اوكي خرجووو خليونا نلبسو
فيروز(وهي كاتدفعهوم):يالااه برى برى
خرجو البنات الدراري و حلو داك الماريو لبسات فاتي سروال ديال الدجين فزرق مغلوق مع ميني بوط فلبيض فوقو تجيكيتا زرقا و كونفيرس بيضا طلقات شعرها اما فيروز لبسات سروال عريييض فلكحل مع مايو مزير فلبيض. و كونفيرس بيضا ودارت لشعرها كوب شوفال.رشو باغفانهوم نزلو لقاو الدراري توت ياسين لابس قاميجة بيضة مبينة لعضلات مع سروال كحل و سبرديلة بيضة اما ماجد فهو لابس تيشورت خزي مع سروال دجين زرق و سبادري زرقا تايبانو كولهوم زاز لوز بقاو غاديين فالطرق كولهوم ضاحكين و كاع الناس كايشوفو فيهوم كايبانو بحال شي كوبل ياسين معنك فيروز وفاتي معنكها ماجد و خالقين السعادة ماتكولوش واش هادو هوما لي كانو عاد غايتخطبو ويتزوجو وصلو لجامع لفنا و ياسين هز لحنش كايتصور بيه و مرة مرة كايخلع بيه فاتي من بعد مشاو لعند مالين الشوا كلو الصوصيط و باولو  عركوها من المزيان ودربو تفجيجة معتبرا رجعو للدار مع الطناش ديال اليل وطاحو طيحة وحدا نعسو ماجابو خبار حيت عياو و للبنات غدا عندهوم روبو
¬نمشيو لمكان اخر فواحد لبواط كايتسمع فيها غير الزديح فواحد القنت فيه جوج تالاشخاص كولا واحد و زينو و كل واحد قلدة واشمن قلدة
نضال:بصااح اصحبي سعداتك لقيتي لي تمتل معاك
مروان:اودي هي حيت حتى هي دارو ليها عائلتها مهزالة هي و بنت عمتها
نضال:ودابا هي ردات عليك الهضرة؟
مروان:لا هاني دابا انضور ليها
تووت توووت توووت
فاتي(بصوت ناعس):شكوون؟
مروان:فاتي؟
فاتي:سمح ليا نمرة غالاط
مروان:فاتي ما تعصبييينييش
فاتي(قافزة):اه سي مروان راني كنت ناعسة وزيادة مالك كاتغوت حنا ماشي فالخدمة
مروان:ومن بعد فاش نكون كانهضر معاك توكضي لموهيم اش كلتي؟
فاتي:مواافقة اصلا منين جيت لقيت ولاد لا حليمة جاو تاكنا غانتكاتبو خخخ
مروان:هه زربانين و اش درتو؟
فاتي:كالت ليهوم فيروز بلي هي كاتبغي شي واحد وبلي هو و خوه بايخطبونا السيمانا الجايا
مروان:وكذبة واشمن كذبة ونتي هانتي فكيتي راسك وهي
فاتي:ماعرفتش والله كالتليك خليها مولانا ربي دابا تقلب عليه فافيتو بوان كوم خخخخ مروان:اصلا ما نخافش عليها لموهيم السيمانا جايا غانجي انا وواليديا
فاتي:صافي واخا يالاه تلاح خليني نعس وقطعات
نضال:اووه الناس كايبتاسمو
مروان:اودي عرفتي هاد لخليقة هي وبنت عمتها كاتجيب ليا الضحك زعما عالام اجي علاش مانشوفش ليك مع بنت عمتها
نضال:مروان عارفني ماكانحملش النوع المستهتر وهي كايضحك اصلا نشوف كي غايتحل هاد الزبل لموهيم نخليك دابا حيت غدا الواليدة غانديها لسبيطار دك ليبرة ديال السكار
مروان:تهلا العشير
نضال:نتقاشعو العريس
تفارقو ابطالنا وكل واحد شد طريقو وكايتاملو خير وبلي الغد يكون افضل و لكن غدا غايكون مليء بالمفاجئاة #انتظرونا