فينك أراجلي لعزيز؟؟(بالدارجة المغربية)

35

مروان:اوو ياك بحرى كنتي خارجة كاتبكي وماحاملة تاحد يهضر معاك ودابا راجعين معانقين
نضال: اش غاندير أخويا مروان قلبها هشيش وماقدراتش تقاومني هههههه
فيروز: ياك إيوا انا غادية
نضال: أجي لهنا مازال ماشبعت منك
#فاتي
كانو معانقين وجرها عندو وباسها قدامنا وهي عجبها لحال وكاضحك لالالا صافي طاح على راسو
فاتي: بلاتي بلاتي عتارفتو لبعضياتكوم وسالات الحرب ياك
فيروز: اه اختي ههههه فيناهو ياسين وماجد؟؟
عمران: خرجو مع البنات
فاتي: الناس ولاو رجليهوم خارجين للشواري
تريشا: هه إذن قبل كنتو هيكاتمتلو
كلارا: كنت عارفة
فاتي: إيوا مني كنتي عارفة ديها سوق زكك
فيروز: تصفيقات حارة عليك أبنت العم عطيتيها العاصير
عمران(بتخنزيرة):كولشي يقطع الحس نسمع شي وحدة فيكوم كاتهضر نقطع ليها لسانها سمعتو
حمر فينا عينيه وضربنا الطم
مروان: الليل هادا والجو بارد يالاه نكعدو برا ونلعبو لعبة
فيروز:موافقة انا غانجيب قرعة
فاتي: وانا غانجيب مانفرش ونتوما سبقونا
خرجو هوما جبت مانفرش ودخلت على فيروز للكوزينة
فاتي: كري بكولشي ودابا
تاهي ماشي من العاكزين عاودات ليا كوولشي
فيروز: ودابا حنا ولينا مزوجيين تبصح
فاتي (عنقاتها):ايوا مبرووووك عليك يالاه زيدي
خرجنا لقينا دوك الزويملات تم فرشات فيروز حيت انا ماقدرتش نتحدر وكعدنا مدورين
فيروز (المصاصة ففمها):شوفو هاد الراس كايعني لي غايسول والقزيبة لي غايجاوب
بدات اللعبة وجا السؤال ففيروز والجواب ففاتي
فاتي: الله أكبر
فيروز: نيهاهاهاها اش ناهي أكبر غلطة درتيها فحياتك
فاتي: هي مني خرجت أنا ويااك للسيبير وحصلنا اللحية
فيروز: هههههههههه الشوهة لي دار لينا مامنهااش
عاودات دارت القرعة وجات بين كلارا لي غاتسول نضال
كلارا:كون ماتزوجتيش واش كنتي غادير علاقة مع تريشا
نضال: ممم لا حيت هي ماشي نوعي المفضل
فيروز: اووووو ضربة قاااضية
عاودات ضارت القرعة وجات فنضال لي غايسول مروان
نضال: طحتي بين يديا كون لقيتي فاتي تزوجات أش غادير
مروان: ساهلة غانسيفط شي حد يقتل راجلها ونتزوجها انا
فاتي: هاااا
مروان: اه
دارت القرعة وجات ففيروز غاتسول عمران
فيروز: عمراان يا عمران يانور كل البلدان واش عمرك طحتي فلحب
عمران: اه هاد لقلب لي حجرة ختارقاتو بنت لي كان غلط أني نبغيها ولكن القلب وما يهوى وماغانمشي حتى ناخدها
فيروز: هاكاك دافع على حبك
نضال (حيد ليها المصاصة ودارها ففمو):جبتي ليا الأرارة طلقيها
فيروز(جبدات وحدة أوخرى):ها لوخرى
     سرررن سرررن
تريشا: أهلاا كيداير سافاا....موا أوسي....بصاااح....تاأنا فالشمال نتلاقاو غدا.....يالاه تهلا فراسك
كلارا:شكون
تريشا: واحد الصديق يالاه جا من ألمانيا وبايستقر هنا ونزل فالشمال باش من بعد يطلع لمراكش ودرت معاه نتلاقاو
فيروز: الله على راحة بحرى يهنينا من خطية بحالك
تريشا: إيكس كيوز مي
فاتي: إكس كيوز مي موسيو جونو سيبا هههههه
فيروز: معلماااا
      سالات الأمية ديال الأبطال وكل واحد طلع للغرفة ديالو باش ينعس
فيروز: وااا علا نهار طوييل
نضال: اييه ولكن بالنسبة ليا أحسن نهار وخاصو يترسخ فداكرتنا
   قرب لحداها ودار يديه على خصرها
نضال: فيروز واش مستعدة؟؟
فيروز (فهماتو):ماعمرني كنت مستعدة فحياتي حتال ليوم
نضال بخبث: ومالكي كاترعدي ههه
فيروز: واااا راه أول دري كايقرب مني
نضال (همس حدى ودنيها):وأخر دري
     سلماتو راسها ودوزو أحسن ليلة فأحسن نهار وفأحسن مدينة نخليوهوم ياخدو راحتهوم ونمشيو لبلاصة أوخرى
ترررن ترررن
البوص:أش كاين؟؟
الشخص:راه الكمية كولها وصلات وتا النوعية والجودة ديالها كولها ممتازة
البوص(بهدوء قاتل): يالاه كملو شغالكوم نلقا شي حاجة ماشي هي هادك نخرج لدينمكوم مصارنكوم قدامي (قطع) زاد هز كاس أخور تاع الفودكا وشربو ببطء وهو مخنزر
البوص: يا إما تكوني ديالي يا إما ماتكوني لتاواحد
🌞🌞🌞🌞🌞🌞
صبح صباح جديد على طيور الحب لي فلفيلا
نضال: صباح لخير أحياتي
فيروز: صباح النور هه
نضال (بابتسامة عذبة):علاش كاضحكي
فيروز: حيت أول مرة كانفيقو وحنا ماقالبينوش صباط
نضال: اه معاك الصح البارح كانت أحسن ليلة دوزتها فحياتي كنتي زوينة وبزااف
فيروز (بخجل):لا نضال
نضال: يااه كاتحشمي يالاه نوضي باش نفطرو
نضت وانا فرحانة دوشنا بجوج السيد حلف بحلوفو لاخرج لبسنا حويجنا ونزلنا
فاتي: انا كلت ليك الكلامارا بلي بنات الشعب فينما حطيتيهوم تعولي عليهوم
تريشا: أشنووو علاه أش غايكونو كايعرفو فالأناقة واللباقة بحال هاد الهمجية نيت لينازلة
فيروز: عينيك فيهوم هي لما دابا نتقبهوم ليك ونطفي ليك ضو عينيك هاد لخانزة هادي
فاتي: حبي صباح الخير
فيروز: صباح الورد والياسمين
مروان: نضال تجهدتي علينا
نضال: اش ندير العدوى ديال نضال دغيا كاتنتاشر ههه
عمران: مزيان أسيدي
#فاتي
الداري مرة مرة يهضرو ويضحكو وأنا فيروز قربنا نخرجو لدوك عوراجات الشيب لخضر
تريرين تون
قرات تريشا لميساج
تريشا: هاهو قريبمن لفيلا نعرض عليه يدخل ويفطر معانا
كلارا: اه
خرجات كاتلوا ناضت فيروز عيباتها وكولشي تفركع عليهاا بالضحك
نضال: زعما والله ماكاتعياي
فاتي: مازال ماشتي والو
عمران: انا بعدا كاطيحو ليا لعجب
ماجد:ما شفتيش فالدار اش كايديرو هيلا حصلهوم اللحية طالقين شدى تيفي
ياسين: ماكاضحكني عي فيروز لي كادير موتا حماار وكاتخلي فاتي ههههه
فاتي: اه يالحكارة هههه
تريشا:هاني جيت دخل مرحبا بيك أفراس
#تخيلو بلعرض البطيئ
هزات فيروز راسها وهي مبتاسمة وتلاشات ليها الإبتسامة مني شافت داك الشخص لي واقف قدامها بشعرو لزعر وعينيه لعسليين ولفورمة تصدمات تلفتات عندها فاتي تاهي بصدمة
فيروز: فراس
تلفت عندها وحقق فيها بصدمة تاهو
فراس:فيروز !!!،
©©©©©©©©©©©©©©©©
داام دااام داام داااااااا شفت أنا هاد الصدمات تاتجي وحدة تابعا لوخرى فراااس رجع أش بغا ؟؟علاش جاا؟؟اش ناهي علاقتو بتريشا؟؟اش غاتكون ردة الفعل ديال:
نضال،فيروز،فاتي،ياسين،ماجد؟؟