فينك أراجلي لعزيز؟؟(بالدارجة المغربية)

39

دخلت وانا كانحيح على دين مهوم
نضال: ياالاه القواادا تحركوووو نتا جهز الوحدة ألفا ياالاه تاشي قواد مانلقاه هنا
المدير:سي نضال برد اش كاين
نضال (شنق عليه):كاتكوليا تهدن وهو مراتي عندو هااااا بربي حتى نحوي دينمكوم كاااملييين
المدير: وااخاا.....اش كااليك....
نضال: غدا فلمستودع****غاتكون تماااا انا غانرجع مراتي وننتاقم منو
المدير:ياالاه جهزو كاع الوحداات يااالاه كولشي يتحرك
نضال: صبري افيروز انا غانعتقك
#فيروز
حليت عينيا وانا كانحس براسي تقييييل فحالا دايرا الكالا دورت عينيا فالمكان انا فبيت كبييييير رجولي بامتياز دورت عينيا بان ليا واحد الشخص فالضلام كايكمي الكارو
فيروز: اويلي فين انا؟
ناض داك الشخص وخرج للضو وكان عمران
فيروز: عمران فين انا وفيناهو نضال
عمران(كايكمي):ههه علاش بيتي نضال ياك انا معاك مناش خايفة
فيروز: لا ماشي هاكاك ولكن انا كنت فالدار و....
عمران: هههههه انا لي صيفت واحد من رجالي يجيبك لعندي
فيروز: كيفاش وعلاش؟؟
عمران (قرب لعندها وحط يدو على وجهها):حيت انا كانبغيك (ناض باش يكمل)حياتي كولها وانا كانقلب عليك وماغانفرطش فيك
فيروز: عمران واش نتا حمق ولا شنو؟
عمران: نتي لي حمقتيني شفتك مرة وحدااا وخديتي ليا عقلي
فيروز: إيمتا شفتيني
عمران: واحد المرة كنت فلوطو وجا عندي واحد الفقير بغا لفلوس عيرتو وجريت عليه ونتي كنتي جايا وشفتي الموقف كنتي هازة الخضرا وماعجبكش التصرف جيتي عندي وكلتي ليا"عاافاك شري من عندي ماطيشة" طلعت فيك وهبطت ورفضت بوقاحة اما نتي بتاسمتي ابتسامة فشكل هزيتي واحد ماطيشة وعضيتيها وخمجتيها على وجهي وهربتي وديك الساعة كان عندي اجتماع هام ووسختي ليا حالتي تحلفت عليك وكنت ناوي ندمك تبعتك بلوطو تال باب الدار بقيت كانتسنا حتى بنتي ليا هربانة ونتي حفيانا وجداك تابعاك بالصندارة وكاتعيرك ونزف بلحجر بصراحة داك الموقف ضحكنييييي وبزاااف حيت دارت ليك الشوهة كلت اقدر غاتكوني تقلقتي مني حققت فيك بنتي ليا ميتااا بالضحك بصراحة ضحكتك حركاات ليا قلبي وفديك اللحضة ضرب ليك بقيت ديما كانجي لتم باش نشوفك غالبا كانلقاك يا كاتجري نتي وفاتي وجداكوم تابعاكوم يا إما كاتكبي على الناس الما من السطاح واحد النهار جيت لتم ومالقيتكش سولت عليك كالو ليا رحلتي تعصبت وبزااااف صيفت رجالي يقلبو وااالو مالقيتكش ولكن شاءت الأقدار ولقيتك نهار كان بايضربك نضال بلوطو داك النهار وصلاتني صورة ديالك وكنت عازم انني ناخدك ولكن بالطريقة الصعيبة نكسب قلبك ولكن مني تزوجتي بنضال وكلتي بلي كاتبغيه النااار شعلات فقلبي وخصوصا مني عرفتك حاملة منو وقررت باش ناخدك بالطريقة الساهلة نخطفك وتولي دياالي لياا بوحديييي
فيروز: نتا هو داك الشخص لي خمجتو بماطيشة!!!! بلاتي بلاتي نتا كا...كات...كاتبغيني..!
عمران: بل وكانحمااق عليك اخطر رجل فلمافيا طاح فحب برهوشة هه خايبة ياك
فيروز: انا ماقادرااش نتيق هادشي ماقادرااش نستوعب الأمر
عمران (شعل الضو):شوفي الحيوطا
كانو عاامرين بتصااوري فجميع حالاتي فلافاك .فالزنقة.فلمدينة .جميع انواع تصاوري كاينين نضت كانشوف داكشي وكانحقق فيه تصدمت وبزاااف تلفت للحيط لاخور وتصدمت كتر كانت فيه واحد الرسمة كبيرة فيها أنا ضاحكة واحد الضحكة تلفرح قربت حداها وانا دموعي هابطين كيفااش هادشي وعلااش ومنين خرج ليا هادا تاهو حسيت بيه حط يديه على كتفي تلفت عندو مخلوعة هادا مسطي ووليت خايفة على راسي
عمران: شفتي تالاشمن درجة وليت طايح فحبك انا مجنون بيك
فيروز (بدموع وخوف):ولكن انا كانبغي نضال مايمكنش ليا نتخيل حياتي مع شي واحد أخور من غيرو
هي سمع هو هاد لهضرة وهو يجعر وهرس شي فيزان وبدا كايتحير عليا وانا لخلعة شداتني من صبعي الصغير شويا جبد السلاح وحطو ليا عند راسي
عمران: غاتبغيني بزز منك فهمتيييي ليوم غانمشيو للمستودع وغانقتل نضال وداك الحب كولو غايولي ليا انا سمعتيييي
انا هي شفت السلاح وسمعت لموت ونضال فكلمة وحدة لبوولة نزلاات بلخلعة شدني من يديا ونزلني للتحت دخلني للوطو وسد عليا الباب شويا تايبانو ليا دوك القتالا راكبين تاهوما شي قشلة وعرمة تابعيناا اكيد غاتكون مجزرة تم بقيت كانطلب فيه
فيروز: عاافاك أعمرااان بلاش شووف حطني هي هنا وكانقسم ليك حتى ماغانكول والو
عمران: سكتيي اصلا بيني وبينو حسابات انا لي قتلت ليه باااه انااا عرفتي علاش حيت بسباب باه بابا فقد الحيات ديالو  ودابا جا الدور تاع الولد باش يتبع باه
صاافي ليوووما نموت بسكتة زكية ماهي تاقلبية وصلنا للمستودع كان خاوي فيه هي الضلام وكبيييير وقفو بطونوبيلاتهوم بقيت نعصر فعويناتي نحقق فيناهو بانو ليا البوليس وشي وحدين اخرين بحال البوليس مطوقين الدنيا شويا بان ليا نضال راجلي
نضال: فييينك البوووص يالاااه خررررج فيينها مرتييي
نزل عمراان وجرني معااه هي شافو نضال وتصدم عمران بقا جارني من يديا وحط السلاح فوق راسي
نضال: الخاائن علااش درتيي هاكاااا علااش
عمران:هههههههه بغيت نرجع بالثأر ديال الواليد لي حرمتيني منووو با لي كان بوص وباك لي كان خدام فالمخابرات السرية قتلو وفهاد المستودع ههه نتاقمت منو وبصراحة بان ليا باك خاصاه لوناسة
هز كولا واحد السلاح موجهو للاخور عمران مزير عليا وحاط السلاح فوق راسي
نضال: طلق منها خلينا رااجل لرااااجل نشوفو الرجلة تاعت البوص فين واصلة
عمران: هههه واخا اسيدي نتا أجي شدها وماطلقهاش هيلا طلقتيها نخوي هاد الفردي فراسك
شدني واااحد مولاي صعصع يفركع لمي مصارني شدني مزياان وحكمني كانشوف نضال لي مافيه حتى ذرت خوف مني تأكد من الأمان ديالي بقا شي كايشوف فشي
عمران: كوولشي ينزل سلاحوو يالاه
رجالو نزلو سلاحهووم وحتى رجال نضال دارو بحالهوم
عمران: نديرو واحد اللعبة زوينة هاد المؤقت فيه قنبولة فيها ربعين دقيقة وبدات من دابا غانتواجهو بالسلاح هيلا ربحت غاندي فيروز ونتاغاتنكون تيريت فيك وعلى فراش الموت وغاتموت فانفجار فهاد المستودع وهيلا ضربتيني بالسلاح غاتربح فيروز ولكن ماشي لمدة طويلة لانو هي ملوية عليها قنبولة المدة ديالها ثلاتين دقيقة وتتفركع ثلاتين دقيقة باش توادعو لانني بغيتها لهيه تونسني هاهاهاهاهاها
نضال دار فيا نص شوفة تحدرت لقيت واحد الحاجة ملوية على كرشي الله الله غانتفركع انا وولدي
عمران: واا بدأ العداد
فيروز: لااااااا أعمرااان لاااااا حشوومااا علييييك واااعتقووووه ادوووك الزواااامل لاااااا
نضال: فيروز بشويا عليك احبيبتي راكي حاملة
فيروز (ببكاء):لااااا انضاااال مااانقدرش نعيييش بلاااا بيييك اهئ اهئ اهئ طلااااق مني يااا القلااوي يااا لكحلوووشي طلاااااق
نضال: هه تهدني بغيتك تعرفي حاجة وحدة بلي انا كانبغيييك وبزاااف تهلاي فولدناااا صافييي
انا يقيت هي تانغوت ونتعربط كيفاش وحبيبي كانشوفو غايموووت
عمران: بقات تلاتين دقيقة تيك تووك
#الكاتبة
نضال هاز السلاح بتجاه عمراان كايتسمع هي صوت الغوات والبكا ديال فيروز وصوت المؤقت ديال القنبولة ثم تسمعاات باااااق صوت طلقة الرصاص
فيروز (ببكاء):لاااااااااااااا نضاااااااال لاااااااااا