فينك أراجلي لعزيز؟؟(بالدارجة المغربية)

15

وصلنا للدار وشد ليا بيديا وطلعني لواحد لغرفة حلها بسوارتو كانت عامرا غبرا ومضلمة مشا نيشان لواحد لكارطونا هزها بيد وحدا وليد لوخرى شد بيها يديا ونزلنا لتحت لواحد لكلسة تما وخوا ديك صندوقا كانت عامرة بتصاوري؟؟؟
فاتي:كيفاش؟
مروان:كنت ديما كانسيفط ليصورك بتخبيا اي حاجا درتيها اي حاجا كيفما كانت كانت كاتوصلني ولكن مني رحلتو من تم ومشيتو لبلاصة اوخرى مابقيت عارف عليك والو (شد ليا فيديا)عرفتي افاتي شحال تعذبت وشحال تمحنت فلخاريج بيتي كولو كان عامر بتصاورك كوولووو كنت مجنون بيك ماتخايليش فرحتي كيدايرا والله انا دابا اسعد رجل فحيااتي
فاتي(كاضحك وسط دموعها):ماشتي انا فراسك عمرني مابغيت شي واحد من غيرك عرفتي...هه...ماعرفت...باقي مانكول
مروان:شششش انا عارف يكفي ان الله بغا يلاقينا وهاحنا تلاقينا اتفيفيحتي
هزني بين يديه وبقا كايدور بيا كيشي بنيا صغيرة وانا كانضحك
فاتي:هههههه مروان ههههه عااافاااك راه غانطيح
وقف ونزلني وبقا تايشوف ليا فعينيا وبدا تايقرب تلاقات انفاسنا تم تلاقت شفاهنا لندخل في قبلة عميقة عامرة بالمشاعيير والاحاسيس
مروان:انا كانبغيك افاتي
فاتي:تا انا كانبغيك
تووت تووت تووت
مروان:الو نضال
نضال:جي عندي لبلاصتنا لمعتادة
مروان:مالك ياك لاباس
نضال:تاتجي ونهضرو
توت توت توت قطع
فاتي:مالو
مروان:والو يمكن جاتو لقنطة وبغا لي يونسو
فاتي:واخا سير عندو
مروان:حبيبة بقاي فايقة تانجي صافي
فاتي(بخجل):واخا
باس ليا راسي وخرج هي خرج وانا نبدا نغوت بلفرحة ونحنقز نحنقز نحنقز واااو واخييرا رجعنا مع بعضياتنا هزيت تيلي بيت ندور لفيروز ساعاتك تفكرت بلي تيليفونها خاسر طلعت لبيتي دوشت ولبست بيجاما ونزلت نجمع ديك لكارطونة ودخلتها لداك لبيت دخلت لكوزينة تصحابكوم بيت نطيب نونونو هزيت نوتيلا ومعيلقا ومشيت لواحد لكلسة اوخرى وشعلت تلفازا وكعدت تانتفرج ففيلم هيندي نااري كانموت على لهنود
#عند نضال ومروان
مروان:كيفاش دابزتو عاود ليا اش طرا
نضال:ماعرفتش اصاحبي ماعرفتش كانت كاتهضر هي وولد عمتها وباركين عليا بحبيبتي مات حبيبي وانا كاين حداها ومادارت ليا تا اعتبار و انا نوض بديت تانحيح صرفقتها وصرفقاتني (وعاود ليه كولشي)
مروان:ومالك نتا سوقك ياك نتا لي كلتي ليها ماندخلوش فبعضياتنا شيييت ودابا حالتها كيدايرا
نضال:ماعرفتش خليتهاتم تاتغوت وتهرس فلماعن
مروان:حكل فاتي حسات بيها وتادور ليها فتيلي وماكاتجاوبش
نضال:هرست ليها تيلي و لبيسي ودكدكت ليها لبيرو
مروان:حشوما عليك اصاحبي و عيب عليك علاش درتي ليها هاكاك
نضال:هي لي ستافزاتني
مروان:اشمن ستافزاتك ولا لحبس اصاحبي زعما ماشي من عوايدك سير وشوف ياكما وقعات ليها شي حاجا
نضال:تفركع كاع وانا مالي
مروان:ماتكونش اناني وخايب تال هاد درجة شو هي كي مطيبا ليك لفطور ولقهوا ولغدا وتسنطات ليك وشحال من مرة قمعتيها وهنتيها ونهار لعرس تاتشوف فيك باش تكوليها يالاه نرقصو ونتا منخلها تادخل باها و دابا ضاربها ضرب خايب واز عليها سلاح تبغي نتا شي حد لي يدير فسمية هاكا دوي
نضال:نقتلو انايا
مروان:اييه وهي ماعليهاش الله وغدا عندنا اجتماع شييت تلقا يديها ماتقدرش ترسم بيهوم
نضال:اووف مابقيتش عارف ماندير
مروان:سير وعتاذر ليها وتهلا فيها ماتنساش بلي خاصك تحميها من لمافيا ماشي شي حد لي خاصو يحميها منك
نضال:اووف واخا شكرا اعشيري
مروان:هانيا واكول ليا مبروك
نضال:علاياش
مروان:لقيت ديك لبنت لي كانبغي
نضال:لله فين وشكوناهي
مروان:هي فاتي لي تزوجت بيها(عاود ليه كولشي)
نضال:سعداتك اعشيري الله يجعل كولشي مبارك وسعود يالاه نخليك انا غانمشي
#نضال
خرجت من لبواط وركبت فلوطو وكسيريت دورت لواحد لخدامات يجيو يجمعو دنيا ضغيا ووصيت لي كارد يحضيو معاهوم تايساليو تاجهت لمرجان دخلت مشيت لجيهت الايليكترونيات وخديت تيليفون اخر ماكاين وبيسي اخر  ماكاين خلصتهوم وركبت فلوطو وقفت فواحد سطوب وهي تضربني ريحت شوا وانا نتفكر لخبز فيه طيحان نزلت تاشريت جوج خبزات ولمونادا كوكا وخا كاينا فدار جبت ليها داكشي لي بغات ركبت فلوطو وتاجهت للقصر نزلت من لوطو وانا هاز فيديا داكشي جا عندي لكارد وكاليا بلي لخدامات سالاو شغلهوم دخلت لداخل وطلعت لبيتي حليتو مابانتش ليا دخلت لبيت لاخور بانت ليا ناعسة ومكمشا على راسها عرفتو كرهت راسي فهاد لحضة والله قربت حداها حركتها بشويا باش مانقسحهاش حلات عينيها وبدات تادورهوم كعدات وهي كاتقسح
فيروز:اححح اي اي اي اعضامي ولد لحرام عوقني الله يعوقو
#فيروز
بقيت كانتوجع كعدت يالاه بديت تانتوكض وهو يبان ليا وانا نتصدم كان كاعد كدامي وتعبير وجهو ماتايتفسروش
فيروز:جيتي تاني اش باقي باغي بغيتي عاوتاني ندابزو هيي صبر عليا يتكادو عضامي الحكار تفوو على حكار
نضال:علاش ديما خاصكي تبداي تغوتي وتسبي علااش علااش هااا علاش خاصكييي  تعصبي دين مي على والووو ها دويي علاش علااش ماكاتصنتيش للهضرة علاااش علااش خاصنا فينما نهضرو نقلبوها صباط علااش
فيروز:نتا ليهيكاتقمعني وكانسكت كاتكوليا مادخليش ليا فخصوصياتي ونتا كادخليا فيهوم كانهضر معاك كاتبدا تنفخ وزايد مكملها ومجملها ضاربني وكاتعايرني ومهرس ليا تييليفوني وبيسيا مالك واش مدابزا معاك على لورت ها علااش تبغي نتا لي يدير هاكا لختك دوي
نضال: سمحي ليا
فيروز:ومازال ... ها اشنو كلتي
نضال:سمحي ليا اصلا انا عصبي وماكانعرف غير العنف وحتى لمهنة ديالي هادشي لي كاطلب مني لذلك كانعتاذر صافي
فيروز:امم صافي سامحتك اصلا انا قشابتي واسعا وناكانهزش فقلبي ولكن واعدني اخخخر مرة تحط يديك عليا ولا والله مايعجبك حال
نضال:صافي بلحق تانتيا ماتعوديش تعصبيني يالاه نوضي ندوش ليك
فيروز:اشنااهوا دوش ليااا ؟
نضال :اه زيدي باش نعقم ليك لجروح
فيروز:لا ولكن...
مازال ماكملتش هضرتي وهو يهزني ودخلني للدوش
نضال:فيك كترت لهضرا سكتي وخليني ندوش ليك
بدا تايحيد ليا فبينواري وانا هي بدو بياس تزنكت تزنكت تزنكت وهي مكنززة
نضال:مالكي هي مكنززة عادي ترخاي وخليني نوش ليك ونداوي ليك
عمر لبانيو وحيد حوايجو بقا هي بشورط وتخشينا فلبانيو تعكرت فلحمي جبد داك مرطب لحم ودارو ليا وبقا تايغسل ليا بواحد لحنياا ياسلام ماتكولش واش هادا هو لي فرشخني كبيلا وجبد ليا لمشطة وسرح ليا شعري وغسل لياا مزياان ودوش تاهو معايا سالينا ناض هو لول وتلوا بلفوطة وعاوني حتى نضت وكلكمني فلبينوار وهزني تاخرجا من لحمام حل لماريو وجبد دو بياس فلكحل ولبسهوم ليا وانا حشمانا خرج وجاب معاه علبة اسعافات وبدا تايداوي ليا بواحد لحنية لقيت يديا مفلحين بالزاج عقمهوم ليا وداواهوم وشي بليصات تاهوما ودارليا فصما فديا
نضال:هاهو داويتهوم ليك
فيروز:يااااه شحال حنين كون هي كني هاكا ديما
نضال بابتسامة جانبية:هه فيك مايخرج
فيروز:دابا فليل؟
نضال:اه
فيروز:هي لولا ولكن شكون لي غايلبسني حوايجي؟؟
نضال:انا
مشا وحل لبلاكار وجبد سروال تلكوير فلكحل مع مايو كحل وتجيكيتا تلكوير فلكحل
فيروز:واو جبدتي داكشي لي كانفكر فيه
سلت ليا لبينوار ولبسني سروال ولمايو وتجيكيتا وهز سبرديلا كحلا وتقاشر ولبسهوم ليا وشعري نشفو ليا بلفوطة مزياان وخلاه مكريبي حل بلاكارو وجبد واحد صباعيات ماعندهومش صباع عندهوم هي لقاع
نضال:هادو باش يغطيو ليك يديك
فيروز:واو كيتانبان سانك سانك
نضال:ويي يالاه تسنايني برا مابين نلبس حوايجي ولا ياكما بيتي تلبسيني
فيروز:لالا لبس راسك
نزلت لتحت كلت ارا نطل على داك لبيرو دخلت لقيتو مجموع ولفيترينا مبدلا وكولشي مستف ومقاد تصدمت قلبت على تصاميم لحامدو لله لقيتهوم كولهوم فواحد ضوسي خرجت من لبيرو ودخلت لكوزينا لقيتها كاتلمع وكاع داكشي ليهرستو كاين ماحسن منو اهياوينا ياكما الدار مسكونا لوقيتا ليبيت ندور وانا نلقاه كدامي
فيروز:سهاال نشاء الله خلعتيني
نضال:علاش مالكي
فيروز:اهياوا ياكما الدار مسكونا راه كاع داكشي لي دكدكناه تقاد
نضال:هه لا راه صيفت لخدامات وجمعو دنيا هاكي هادا
لقيتو تيليفون اخر ماكاين وفيه لاكارط ديالي
فيروز:واااو واش ديالي
نضال:اه ديالك
فيروز:ياااااس احسن حاجا درتيها واهيا ناري وتي فينك افاتي تشوفي تيليفوني نااري غانهيب عليهوم
نضال:يالاه زيدي زنتي داويا كي لحمقا
سبقني هو وانا تابعاه كانحنقز كي لحمقة وصلنا لباركينغ وقفت برى كانتسنا فيه تاخرج منو بواحد لوطور من دوك لماتر لكبااااارين لي كايزعزعو دنيا وراكب فوتو مع تاهو لابس لكحل ولوطور كحل وفيه شوية لحمر ناااري كيتايبان
نضال:كيجاك
فيروز(كاتنقز بلفرحة):واعر واعر واعر بزاااااااف عرفتي كيتاتبان فيه اوسووم كوول
نضال:يالاه طلعي
طلعت فيه وهو يكسيري بقينا غاااديين بواحد سرعة جنونية وانا كانغوت بلفرحة وشعري كايطير ومرة مرة كانوقف ونغوت كي لمسطية وقفنا فواحد سطوب وواحد لمعواقات كايتغامزو على نضال وانا نتكا عليه وزيرت عليه تانقلي ليهوم سم شعل ضو لخضر وكسيرينا مشينا لجامع لفنا وانا فرحانا نسيت تفرشيخا ونسيت كولشي شد ليا فيديا وبقينا غاديين بحال شي كوبل جبدت تيليفوني وكعدنا تانتسيلفاو و هو مرة مرة كايضحك لموهيم جبنا ضورا معتبرة مارجعنا تال جوج تليل دخلنا وبدل ليا حوايجي وجبد ليا بيجاما قصيرة حيت هادشي ليععندي ولبسها ليا
فيروز:شكرا انضال دابا مسامحاك من قلبي
نضال:امم ادن كبيلا نافقتيني
فيروز:لااا هي شويا فراسك خاصك تبقا تعامل معايا بحال هاكا باش نتعامل معاك مزيان والله
نضال:هه واخا الالة اه غدا عندك اجتماع مع طناش باش تعرضي التصاميم
فيروز:وااايلي لحمد لله ديجا كنت خداما على شي وحدين اما كون قتلتك ماغانقدرش نرسم وحتى غدا مانقدرش نقاد لفطور
نضال:ماشي موشكيل انا غانقادو
فيروز:اهيا بانت ليا هاد اللطافة ديالك فشيي شكل
نضال(بتخنزيرة):مالكيي
فيروز:لا صافي هي رجع ضريف
نضال بابتسامة:هه يالاه تنعسي
فيروز:وقاد ليا بلاستي فالارض
نضال:لا غاتنعسي حدايا
فيروز:لا فالارض
نضال:حدايا هي حدايا بلا نقاش
فيروز:اووف واخا تلاحيت على الناموسية
فيروز:اححح ايياياياي على عضامي
نضال:باقا مقصحة فيهوم بزاف
فيروز:هي شويااا زيد تركد
جا نعس حدايا وتقابل وجهي مع وجهو وعينيا مع عينيه ولاول مرة تانحس بقلبي دق دقة تاعت لحب
فيروز:نضال واخا نقيس ليك لحيتك
نضال:لا
فيروز:عافااااك وعافاك وعافاك
نضال:اووف واخا
قربت يديا ببطء تحت نضراتو وقست لحيتو كانت زوييينة وكاتهر طلعت يديا لنيفو لي حاد من بعد لحجبانو وهو كايشوف فيا نزلت يديا لشواربو تانقيسهوم كانو غوزيين وزوينين هز يديه وشد ليا يديا وحطهوم على شعرو وقرب لعندي
نضال:حكي ليا شعري ونتي غاديا لشواربي عمرني ماعرفتك منحرفة
درت ابتسامة خفيفة وبقيت كانلعب ليه فشعرو
فيروز:واش غدا غاتبقا هاكا ولا غاتبدل
نضال:غانبقا هاكا قررت نبدا انا وياك صفحة جديدة غانحتارمك وتحتارميني ونخليو علاقتنا مزيانا
فيروز:احسن حاجا اجي وديك لمافيا باقي تاتقلب عليا
نضال:اه ولبوص شخصيا تايقلب عليك خاصكي تردي بالك وني فدار
فيروز:امم وعود خرجني معاك
نضال:تانفكر ودابا خليني نعس
بقيت تانحك ليه فراسو تاداني انا نعااس ونعسنا بجوج فبلاصة وحدا
#فمكان اخر فتركيا
الشاب:بوص هاهي تصويرتها
هز لبوص تصويرة لي فيها فيروز مبتاسمة واحد الابتسامة جذاابة لبوص شافها هاكاك وتزعزع عليه قلبو
البوص:فيروز اش درتي فيا وعلاش نتيا .جيبوليا كاع لمعلومات لمتعلقة بيها دابا ووجد ليا طيارة للمغرب .همم انا فطريقي ليك
..... يتبع