فينك أراجلي لعزيز؟؟(بالدارجة المغربية)

18

فيروز:ليوما غاتقرقب عليكوم هههه
فاتي:يعععع مضاقو كايحرق ولكن بنين ارا نتا هاداك الكاس
طيرات لكاس لعمران ونزلات عليه فدقة بقات كاتحل عنيها وتسدهوم وتحرك راسها صافي بدا مفعول الشراب كايبدا
فاتي(وهي كاتنقز ومبوقة):وااو واعر بزاف فيروز جربيه راه بنين
فيروز:اه بلاتي نجيبو
نضال:غاتبتي للارض ولا نفرشخك
فيروز(تكمشت فراسها):وغااا ضاحكين هه
فاتي(سكرانة):تفرق على لبنت ونتا بيتاكلها اييخ على باشار انكوليك واحد لحاجة نتا زوييين ولكن فيك لعياقة
نضال:مرواان
مروان:فاتي زيدي يالاهي فحالنا
فاتي:نونونو ماغاديين فين احبيبي غبرتي وزيانيتي ودوك شليقمات ناااري غزاالين ههههه تالدار ونبوسك دابا كاينين ناس غايشوفونا (غمزة)
فيروز:بفف ههههههههههههههههههه صاحا نتي
فاتي:ناري اساطة كانحس برجليا فاشلين اييخ هاد لحفلة مملة بيت نغني يالاهي معايا
فيروز:هي دابا
مروان:غاتبتو للارض ولا نصدقو خاسرين
فاتي:ويينو على حبيبي شوف انعطيك بوسة و خليني (شداتو بزربة وشلقماتو) صافي يالاه هادا خلاصك زيدي نتي
جراتني معاها وبان ليها كاس تشراب هزاتو وزكحاتو
فاتي:اووووهوووو بنين هاد لحزاق ههههههه نحيد هاد طالون ضرني فرجلي
حيداتو وهي تزف بيه جا فواحد لمشياكة فلقها فراسها بقات جاراني تاوصلنا لبلاصة لي غنا فيها نضال هزات جوج تلميكروات واحد ليا وواحد ليها
فاتي:اهلاااااا واش كااتسمعووني
واحد لبنت:اديك لبنت راك صمكتيني
فاتي:سكتي لقحبة يماك لا نزف عليك بهاد لميكرو نفلقك هاد عوراجا تفو لموهييم انا وختي فيروز غانغنيو واحد الاغنية على شرفنا وشرفكوم وشرف شراف وشرف شارفات
نفس لبنت:عافاكوم شي واحد يعتق الموقف ويحيد هاد لبنت منهنا
فاتي(وهي مبوقة):لقحبة يماك فيروز اري داك الكرسي نزف على دين مها هاد لكلبة بنت لكلب سكتي ولا خرجي تقاودي فحالك اخر مرة نهضر لموهيم انغني ليكوم الاغنية ديال سومادينا يالاه مووسييقىىى
فاتي:يا عمري فيه الغيرة
فيروز:يكاريلي فسينيما
بقينا كانغنيو ونتمايلو مع لموسيقى اصلا فاتي صوتها غزال وهاد الاغنية كنا كانغينوها من وحنا صغار ناس بداو كيتفاعلو معانا وحنا كانضحكو وناشطين وفاش كانوصلو للمقطع لي فيه«انا نعشق انا ندلق انا نساعف انا نسايس» كانتعانقو بجنب ونهزو رجل ونحطو رجل وحنا الضحكة واصلا لينا للودن شويا وحنا نتجمعو بنص وطحنا للارض وحنا ضاحكين
فيروز:ههههههه والله ايلا حنا لخر
فاتي:ههههههههههههه احسن حااجة ههه هي هادي (حطات لميكرو عند فمها)بصراحة شحال هادي ما ضحكت بحال هاد الضحك مني كنت انا وفيروز مع بعضياتنا حنا عمرنا تفارقنا ولا فرطنا فبعضياتنا كل وحدة مكملة لوخرى دوزنا احسن طفولة واخا ماكانو عندنا لا فلوس لاوالو شحال سكينا لما من سقايا فليالي وشحال من مرة دينا طاةات لقريشلات للفران كان فيروز عزيز عليها تاكل لعجينة ديالهوم وشحال من مرة دينا لخبز للفران وحتا كانضربو ضورة عاد نتمو راجعين للدار وناكلو لعصا انا متاكدة بلي طفولة لي دوزناها مادوزها تاواحد فيكوم حيت حنا بنات الشعب نلاكلو لخبز اعلا قبلسعادة عايشين وفق مبدا االفقر واللشجاعة ولكن مني تزوجنا وتفارقنا خلات بلاصتها عليا كنت عارفا بلي غايجي نهار لي نتفارقو فيه اهئ اهئ اهئ اهئ
فيروز(بدموع):لا احبيبتي حنا غانبقاو كيف كنا ماتنسايش بلي نقدر نجي عندك وقتما بغيت تصحابك بلي هينتي بوحدك لي حاسا بهاد لفراغ راه تا انا كانغي ندير شي موصيبا ومني كانعيط فدار بسميتك ما كانسمع تارد كانحس بلغربة بلا بيك اهئ اهئ اهئ ختي فاتي
فاتي:ختي فيروز
تعانقنا وحنا كانبكيو وكاع داك الماكياج لي كنا دايرينو تجلخ الناس تاهوما بكاو حيت لهضرة لي كاتكون من لقلب كاتوصل للقلب فعلا دوزنا طفولة رائعة و بريئة نضال كان كايشوف فينا بياس نقضر نكول بلي درنا ليه شوهة اما مروان شد فراسو باينا كايتحلف على فاتي اما عمران بقا مبتاسم ها سيد هي كايفرنس تم جاي مروان جيهتناهز فاتي على كتفو وهي كاتغوت وتعربط ليه
فاتي:وطلااق مني اهئ اهئ اهئ علاش تزوجتي بيا
مروان:لهضرة ماشي هنا لهضرة فدار
#مروان
هزيت هاد لبرهوشة لحتها فلوطو و ديماريطها طلقت راديو بعدما كانت كاتبكي ودايرة مندبة قلباتها شطيح وغنا
فاتي:ههههه وبلاش بلاش درتيلي صداع راس تبات عليا عساس شهدو ياناس
مروان:سبحان مبدل الاحوال
فاتي:هههههههه عطيني نسووق
مروان:غاتسكتي لا نصمك مك لهضرة فدا. ماشي هنا
تكمشات فاتي فبلاصتها وزماتو عرفات راسها قوداتها
بعد مدة وصلو للدار هزها على كتافو حيت ماقادراش تمشي دخلها لبيت هبطها فوق ناموسية والصدمة هي انو لقاها ناعسة
مروان:هههه زعما هاد لبنت حالة خاصة بلحق باقي غدا فين غانهضرو
قرب تال عندها وباسها بوسة خفيفة قادها فبلاصتها وغطاها وسد لباب نمشيو لبلاصة اوخرى فلوطو منين منروان دا فاتي خرج تا نضال و فيروز
نضال:دابا مالكي كاتبكي
فيروز:اهئ اهئ كنت عارفاها موحشاني كيما تا انا موحشاها
نضال:ههههه نتوما درتو لينا كنازة تما
فيروز:ايوا هادوك سميتهوم المشاعر ابو كلوخ
نضال:اممم اش باليك مني يدوز الحفل غدا تجي هي نهار لاخور وتبات معاك وتوانسو
فيروز(بصدمة):بصااااااح كادوي منيتك
نضال بابتسامة:اه غانقنع مروان ويجيو بجوجهوم ونتوانسو
فيروز بفرحة:ياااااااس هوليي هولي هولي انت معلم وحنا منك نتعلم
نضال:ههه كولشي علا قبل هاد الابتسامة
فيروز بخجل:هه فين غاديين؟
نضال:غانمشيو لواحد ماركت نشري ليك شي كسوة على قبل المناسبة
فيروز:ممممممم ماكانحملش لكساوي وماكانحملش هاد لمناسبات ولحفلات ديول ناس الاغنياء وديول لعمل حيت موومييلييين بزااف
نضال:حتى انا وماكانحملش لباس رسمي كايخنقني فففف
   وصلنا للمركز التجاري نزانا من لوطو كان مركز كبيير وعامر بالناس واخا ليل وباين هي ديال الناس الهاي دخلنا مشادين فليدين وانا حشمانا(الله يمسخني) واي واحد تم دايز كايسلم على نضال باين سيد شي شخصية هنايا
فيروز:اهياوا كايباليا كولشي هنا كايعرفك
نضال:اه اصلا عائلتنا واصلنا معرووف والفلوس كادير كولشي
فيروز:حتى انا وفاتي معروفين عند مالين لحوانت هههه بكترة سقاتا لي كانشريوها ونطلقوها على بابا وبابات فاتي
نضال:ههه اش باليك نشري ليك لبسة كاملة مكمولة من اختياري وتا نتي تشري ليا لبسا كاملة من اختيارك
فيروز:وااو موافقة
نضال:وما خفتيش مني لا نختار ليك شي حاجا خايبة
فيروز(بمبالاة): عادي هي فوت ليا لكساوي وطالونات وصايات لقصار
نضال:هه وني فوتي ليا هي لباس رسمي
فيروز:متافقين
   كان لمحل ديال رجال بجنب لمحل ديال لبنات دخلنا وحققنا لكرونو على نص ساعة دخلت بلهفة كانقلب و نعبر بعينيا ونهز كل بياسا ونفليها واش تجي معاه ولالا والرجال كايحنززو فيا بسة وستين كشيفة تالقيت لبسة لي تجي معاه مفركعة خرجت مع لخرجة ديالو
فيروز:ساليتي ؟
نضال:اه هاهوما حوايجك
فيروز:انشوف
نضال:لاء تال دار هه فيك جوع بيتاكلي شيحاجا
فيروز:لا بغيت هي نرجع للدار ونعااااااس ياكما فيك نتا جوع
نضال:ويي
فيروز:يالاه تال دار ونقاد ليك شي حاجة
نضال:بلاش مانعدبك
فيروز:الله الله على نضال لحنين هههه
نضال:كايعجبك هي لي يشلضك
فيروز:لا هههه ويالاه
تنينا غاديين ضاحكيين تاوصلنا للوطو وصلنا للدار دخلت تاجهت نيشان للكانابي وتلاحت عليها
فيروز:يااي واخييرا
نضال(تلاح حدايا):وليتي معكازا
فيروز:لااا هه ناري سقيل فدار كون دابا فدارنا ههههه ودنيك ايطرطقو بصداع
نضال:كاعما باقي دورتي لداركوم
فيروز:تال من بعد بلاتي بعدا عندي واحد لحاجة بيت نتشاور معاك فيها
نضال:اشناهي؟؟
مشيت للمكتب بزربة وجبت معايا واحد ضوسي ورجعت حدا نضال
فيروز:شوف انا عارفة تصاميم ديولي ماعاجبينكش ولكن .. دابا... انشرح ليك .. فاتي مايمكنش ليها تقدم تصاميم كولهوم وهي لابساهوم خاصها حاجة وحدة تلبسها وخاصها هاد لبسة تكون وااعرة وبغيت ناخد راي ديالك فشي وحدة منهنا نديرها هي الواعرة
نضال:تصاميم ديولك واعرين كنت بغيت هي نستفزك ودابا اري نشوف
  بقا تايقلب وهو عاقدهوم ويقارنهوم حتى وقف على وحدة فلبلو مارين زوينة فلحقيقة
نضال:هادي زوينة عجباتني
فيروز:هه وعندك ذوق العفريت
   هزيت تيلي وصورتها صيفتها لبنت لي غاتكون كاتصاوب تصاميم ودورت ليها
فيروز:ندى صافا
ندى:اهلا بلحيبان لحمد الله
فيروز:شوفي واحد تصميم ديال واحد لكسوة سيفتو ليك فواتساب عااافاك صاوبيها وعنداك شي حد يشوفها وغدا صيفتيها ليا مع عمر الشيفور لهاد لعنوان****** عنداك مروان يسيق لخبار
ندى:شي بلان جديد هادا
فيروز:وااييه نعول عليك
ندى:ديما يالاه تلاحي
فيروز:تلاحي تانتي
قطعت معاها ودورت مباشرة لمروان تحت انضار نضال المتعجبة
فيروز:الووووو مروان
مروان:مالكي هههه توحشتيني
فيروز:توحشك لفعة شوف ملخر غدا فاتي تكون عندي فدار مع لوحدة
مروان:لاش بسلامة
فيروز:من بعد وتعرف لي خاصك دير هو تجيب ليا فاتي يالاه سير فحالك
مروان:ول..
قطعت عليه وانا نتهد باريحية
نضال:اش كايدور فداك راس عندك
فيروز:غاتجي فاتي وغاتجي لبسة وغاتلبسها وتقاد وغاتكون هي قنبلة الموسم
نضال:فيروز كيجاك لخاتم
   عينييا وعينيه تلاقاو بقيت كانشوف فيه وحتا هو نزلت عينيا للخاتم لي فصبعي كان رااائع بزاااف
فيروز:غزاال بزااف
نضال(شد ليا فيديا):نتي هي احسن حاجا وقعات ليا فحياتي ماكنتش كانضن اني غانبغيك شي نهار ولكن هههه القلب والحب ماكايخليوش لعقل يخدم انا كنبغيك افيروز
   هي كالها ليا وهوما يتسمكو ليا ودنيا وخرجت عينيا حتى كانو غايطيحو نااري هاد لبوكوص كولو ديالي وكايبغيني الله عليك يا شيخ
نضال:شوفي انا عارف بلي لبدية ديالنا كانت خايبة ويقدر يكون ضغط لي فلحفل هو لي خلاك تقبلي وعارف راسي غلطفيك ولكن ...
فيروز(حطيت صبغي على فمو):ششششش شتي انا كون مابغيتش غانرفض بكل سهولة ولكن مني نتا قد وقامة وعرض وهاما كاتبغيني اش غانكوليك.غانكوليك حاجا وحدة «يخرب بيتك شو حبيتك من وسط الناس انا ختاريتك»
  هي بديت كانغني ليه وهوما ينوضو ليا هوايشي ونضت كانحنقز ونغوت حسيت ببزاف تلمشاعر الفرحة والسعادة والتوتر واهم شي لحووووب لي ماكنتش كانضن اني غانحصل عليه شي نهار وقف نضال وهو كايضحك من اعماقو باينا فيه لفرحة ولكن كايحاول ايحافض على لجدية ديالو شدني من يديا وجرني لعندو تا قربنا لبعضياتنا بزااف
نضال:ناري نتي قصيرة بزااف واصلا ليا لصدري
فيروزبغنج:لا انا طولي طبيعي راه هي نتوما لي طوال بزاف
نضال(بهمس):واخا هاكاك كاتعجبيني عطيني بوسة
فيروز(بخلعة):هاااا اوييلي حشوووما
نضال:لا عادي انا راجلك ونتي مراتي وحقي هادا
فيروز:نتا راجلي؟ ههههه نتا راجلي نااري كانسا واش انا مزوجة
نضال:ليستر فيناهيا بوستي
فيروز:شووف لا مانقضرش ماكانزعمش وفهمتي اول مرة ليا نونونو
نضال بهمس مثير:دابا اشنو غاتخليني هاكا
فيروز:ناري ماتبقاش تهضر هاكا كاتقتلني اووف وكرشي كاتهرني و شاداني دوخا
نضال:حيت اول مرة كايقرب منك شي دري ياك
فيروز:اه شوف احمباك خليني هي حتا نبدل حوايجي ونقاد لماكلة ونعطيها ليك احمباك احمباك احمباك
نضال:امم وهيلا ماعطيتيهاش ليا نضيع انا
فيروز:همممم خودها صحا
نضال:اممم عرض زوين يالاه سيري بدلي حوايجك انا غانبدل حوايجي فبيتي
   طلق مني بشويا ونا نعطي رجلي للريح دخلت لببيت لي دارو ليا سديت لباب و وتلاحيت على الناموسية وانا كانتفكر دوك اللقطات نااري تبوريشة كاطلع معايا نضت كانحنقز بلفرحة بدلت حوايجي ولبست شورط قصير ديال لبيجاما و تيشورتها جمعت شعري كوب شوفال نزلت للكوزينة حليت تلاجة امممم اشندييير ؟سباكيتي ؟ جبتها كانت طايبة نص طيبة هزيتها دغيا وجدتها ووجدت ليها لاصوص بالكفتا حطيتها فطباسل وجبت جوج كيسان وقرعة لموناضا
نضال:اممم سباكيتي
فيروز:زوينة ريحتها؟
نضال(قعد):اه اري فيا جووع
بقينا كاناكلو فجو تاع ضحك حيت كان تايعيبني فاش كنت كانبكي انا وفاتي وفاش تعصبت عليه
فيروز:والله ايلا حشوما عليك
نضال:حشوما هي مرت شيطان انا الصدمة ديالي هي فاش عرفت مرتي لحبيبة كايعجبها النوع السافل
فيروز:ناااري حشووما عليييك بنت لحرااام حشماتني و مركاتني
نضال:علاش عادي نديرو انا وياك سفالة(غمزة)
فيروز:كول كول وسكت انا شبعت
نضال:تا انا شبعت
  هزيت طباسل وحطيتهوم فلافابو مافيا لي يغسلهوم تال غدا تميت غاديا جيهت لباب تلكوزينة وهو واقف كايشوف فيا و مبتاسم ديك الابتسامة لي ماكاتبشرش بلخير طمرت عليه ساعاتك معامن هزني ولد لحرام علغفلة
فيروز:اوييلي نزلني اش كادير
نضال(وهو طالع لبيت):نونونو خايف لا بوستي تهرب
  بقيت نتركل نتركل نتركل والو جبل لا يتزعزع دخلنا للبيت وسدو ولاحني فوق ناموسياوتلاح حدايا
نضال(تلفت لعندي):احم  احم صافا؟
فيروز:ليستر (بستو فحنكو) ها بوستك يالاه تصبح على خير . وتقلبت لجيهة لوخرى ساعاتك مع من انا جرني لعندو و بزربا لقيتو فوقي
نضال:كاتبوسي باك ولا شنو لبوسة ها كي كاتكون
نزل لشفايفي كايقبل فيهوم برقة انا اول مرة كانحس بهاد شعور شعور رائع مخلط مع صدمة شحاال عاد حي شفايفو باش يتنفس
نضال:هاكا ناس كايتباوسو
فيروز:اا..فف.....بب....
نضال:مالكي
بقيت كانشووف فيه ناري كايبان مثير درت يدي على عنقو وعنقتو و زيرت عليه
فيروز:هيللا نتا كنتي كاتعبر على لمشاعر ديالك بلبوسان فانا كانعبر عليهوم بتعناق انا كانبغيك انضال
بادلني تاهو لعناق وزير عليا ناض عليا وتقا فبلاصتو وتخشيت فعنقو وعنقني
فيروز:نضال عنداك شي نهار تخلا عليا والله تا نقتلك
نضال:هه كوني هانيا وا نعسي لا تبقايش تهضري هاكا حدا عنقي راه غانتهور
ضحكت وماحسيت براسي تا نعست
_

___________________________________
سمحو ليا تعطلت عليكوم حيت طراو ليا بزااف تلمشاكل من طلاق وصداع ومرض اياياياي لموهيم ليوما بارت وغدا غايكون بارت ناااار مليئ بالاحداث المثيرة تسناوني مع تلاتة صباح غايكون لبارت