فينك أراجلي لعزيز؟؟(بالدارجة المغربية)

3

فاتي: ماااااجددد لحمار لكلب توحشتك
  مشعرت براسي حتى تلاحيت عليه كانعنق ايهايهاي على السيد كبر وولات عندو اللحية مطراسيها كي ديال لعتروس شحال هادي ماكانتش كاتكبر ليه كنا كانعيطو ليه هي لمكرط اما دابا ولد لحرام زيان و بايبدا يدفعو على لبنات كبير فرحت بزاف حيت منيمتا ماشفتوش
ماجد:الحلوفة غلاضيتي وراك قجيتيني
فاتي:يالحمار ماتبقاش تكوليا غلاضيتي غانقلبها معاك اجي خاصنا غي ياسين
   شوية وحنا نسمعو غوات فيروز مشينا كانجريو لقيناها تلاحت علا ياسين معنقاه و طايحين فلارض
ياسين: اديك لمشعككة نوضي دابا تغتاصبيني ههه
فيروز:ياك الحمار وانا لي موحشاك صافي بعد مني خليني نوض
  #فيروز
يالاه بيت نخرج وهو يجرني تايضحك و عنقني وتيضحك
ياسين: ههههه تقلقتي راه تانا توحشتك الهبيلة ههه راكي ديما فلبال نتي و ديك قلم الرصاص
   درنا عناق جماعي و انا ماقاداني فرحة حيت تجمعنا . شوية تانسمعو تنحنيح تلفتنا لقيناها جدة هازة لهروادة
ياسين: امالكي اجدة؟
جدة:اش بيتنكول الله يحرق طاسيلتكوم الكلب تصحابني غي الشفارة
فيروز: من نيتك شكون هاد الشفار  لي يزغبو الله و يجي لهنا
فاتي: اه شوفي شحال من عم كاين
جدة: اوا الله يعطيكوم لعما نتي لي والداهوم
ماجد:اه معاك الصح ماشي هي لي.كانت مكوزة على ودهم
جدة:جيتي اداك فار دكيك را لكوزينة هيلا شاطت شي حاجة كولوها و قطعو حسكم و تال غدا و نديرو ليكوم الاستقبال الحار السلام عليكم
  خرجات خلاتنا كانشوفو فبعضياتنا حتى تفركعنا بالضحك
ياسين:هههه واش هادي نتي لالة فاطيمة جدانا
فاتي:هههه لا هادي ولات فطيطيم الضاسرة
ماجد: تبدلات الحاجة غبرنا شهراين و ولات دايرة لعجب
فيروز: هههه ويييه اجيو لكوزينة نقلبو على ماناكلو
ماجد: بفف قلبناها و مالقينا والو لحيسة داروها لماكلة لحمد لله كليت قبل
ياسين: حتى انا اصلا عيان و بغيت غير نعس غانمشيو لبيت الضياف نعسو تما
فيروز: تاحنا عيينا ضلينا خدامين مع عماد فلحانوت
ماجد: علاه ماخدمتوش فالشركة
فاتي: لا خدمنا و حيت فيروز تعينات معانا تم يعني غاتولي تخلص خلالينا نص نهار كولو
ياسين: اوا مبروك عليييك
فيروز: الله يبارك فيكك هههه
فاتي: اجي نتا وياه شحال عندكوم فلكونجي؟
ماجد: انا شهراين و نشاء الله غانبقى فمراكش حيت ترسمت يعني غي فلمناسبات الهاي فالخاريج هوما لي غانمشي ليهوم
ياسين: تا انا عطاوني شهراين مع ترقية و كمكافئة ليا عطاوني نختار مدينة نخدم فيها وانا نختار مراكش
فيروز: برااافو صاحا نتوما
فاتي: واخيراا تجمعنا و الله
ماجد: معاياش خدامين غدا
فيروز: تمنية
ياسين:ومازال ماناويين تنعسو را جوج ونص هادي يالاه تصبحو على خير ا زيونات.
ماجد: خليوني نمشي نعنق حبيبي الطليق تصبحو على خير
فيروز و فاتي: وانتوما من اهلو
مشا كلا واحد لبيتو ونعسو فرحانيين ماقاداهوم فرحة
....نمشيو لبلاصة افقصر العلوي
مروان كالس مع عائلتو كايتعشاو فجوج تليل حيت كايتعطل هو و باه فلخدمة ،دايرين بلمائدة تاياكلو غير داكشي لي غالي و بسكات حتى نطق الاب ديالو
هاشم:ولدي سمعني مزيان انا راني عييت و صحتي بدات كاتمشي ونقدر نعيش نقدر لا
مروان:الله ينجيك لينا الواليد
هاشم: انا عندي وصية
مروان: اشناهي
هاشم: هيلا بغيتيني نرضا عليك و تاخد الورث ديالك و الشركات تاهوما و تزيد بيهوم لقدام حيت انا تايق بيك خاصك تتزوج
مروان: عاوتاني الواليد نفس الهضرة واش مامليتيش انا فبلاصتك نمل عييت نفس لهضرة نفس الديسك
رفيدة: حنا اولدي باغيين ليك مصلاحتك بيناك تاسس عائلة و نشوفو حفادنا قبل ما يغطي و جهنا التراب
مروان: دابا نتوما كاضربوني فلوتر لحساس يااك راه غادي تندمو والله
هاشم: دابا هضرنا و سالينا عندك مهلة تاع صيمانا تزوجتي هو هاداك ما تزوجتيش عمرك تدخل لهاد الدار
رفيدة:هاشم عافاك
مروان: واخا عقل على هضرتك الواليد
ناض مروان و ضرب الكرسي بالارض و خرج هز اللوطو ديالو وزاد فالطريق بسرعة جنونية تا صونا ليه التيلي
مروان:نعام اخويا نضال
نضال: افين اعشيري مالك كاتبان ليا معصب
مروان:اودي هي لواليد و القضية تاع الزواج تاني تفوو
نضال: زيدني عليك بحرا الواليدة كاعدة عليا تزوج اوليدي باغيا نشوف حفادي و كادير السبة بلقلب مرضاتني ندماتني علاش جيت
مروان:اواه امتا جيتي ؟
نضال: جيت لبارح بليل فطيارة و مع وصلت عيان طحت طيحة وحدة ومني فقت بدات عيا لواليدة بهاد لموال دابا نتا فينك
مروان:غادي لبواط******
نضال:نتلاقاو تم هاني فطريق
  بعد نصف ساعة تلاقاو تم كالسين فوق الطبلة كاس من ورا كاس
نضال(كيمسح وجهو بعصبية):والله هي حيت كاتجيني الواليدة و عندها غير انا و ختي سمية و حيت كانحتارمها اما و الله تانقودها معا شي حد
مروان:راه هادا هو المشكيل كايضربونا فلوتر لحساس (شرب الكاس فدقة وحدة)كايبان ليا بحالا حياة العزوبية غاتسالي ونحلو هاد المشكل فاقرب وقت  
نضال:اه و موشكيلة كبيرة يالاه بعدا نزهاو
بقاو كايشربو يضحكو و لقحبات هي كايضورو بيهوم والدراري دايرين ليهوم كي لكلبات . بقاو هاكاك تال ربعة تصباح عاد رجع كل واحد لدارو نعرفوكوم على نضال
نضال32سنة عميد روسي و عميل سري عالمي دو اصول مغربية عاش عشرين عام من حياتو و هو فروسيا عقلية غربية اضافة لشخصيتو القوية والغامضة عنيف بزاف و حياتو كلها عنف متيعرفش يهضر بفمو ماكاين غي التفرشيخ مكلف بقضايا المافيا نضرا للكفاءة ديالو وحيت باغي ينتاقم للموت ديال باه من مافيا التارسيغر نقلوه للمغرب باش يتبع الفروع تاع المافيا وهو متخفي  ،هو سميمر و عينيه كبار و كحلين و اللحية مطراسية و لفيم غوز و السنينات بيضين و الشعر رطب و مرجعو للور و لعضلات كبارين اي حاجة لبسها كاتججيه مزيرة و طويل خلاصة القول السيد زاز لوز عندو ام سميتها حكيمة فالخمسينيات من عمرها ضريفة و مبشورة و عندو ختو فعمرها 21 كادير تخصص هندسة زويونة بيضة شابهة لماماها و عويناتها عسليين هو ولد عم مروان و صحااب الروح بالروح و هوما بجوج بوكو عاقة ،اوا نشوفو كيفاش غايفكو هاد لحريرة تاع الزواج