فينك أراجلي لعزيز؟؟(بالدارجة المغربية)

29

نضال(كايفطر):دابا جرات عليكوم بمرة
فيروز: للأسف ههههههههههههههه ولكن انتاقمت لراسي ولفاتي منهوم نوريهوم إخلعونا والضريب تبارك الله
نضال: ديك لحنة موحال تحيد ليهوم من وجههم دغيا
فيروز: والزنقة ماغايخرجوش ليها ههههههههههههههه عبرنا عليهوم
نضال: أش غاديري ليوم؟؟
فيروز: والو غانجمع الدار ونتفرج اولا نرسم شي تصاميم 😒😒ملل في ملل
نضال: أنا خارج غنمشي نشوف لخدمة فين وصلات ونشد شي كونجي
فيروز: واش دابا نتا ماتخافش لا يجريو عليك؟؟
نضال: أنا هو مول الشي وحسن منهوم ومن كولشي تاحد ماعندو لحق يهضر معايا أنا لي نأمر فهمتي
فيروز: ننننننن أوف باز ليهوم معاك كمارة تنحس
نضال: ايوا هاد لكمارة هي ليغاتبقا معاك حياتك كولها أمراتي لعزيزة نخليك دابا ماتحلي لباب لحد وتيليفونك خليه شاعل كولشي هنا عندك نرجع نلقاك شاعلة العافية ولا دايرة شي موصيبة
فيروز: ماتخافش غانشرك ليك هي حوايجك ونكب عليهوم ليصانص ونحركهوم ماشي فالدار فالجردة
نضال: فيرووووز ماكانضحكش😠😠😠😬
فيروز: يوووه صافي سير معاياش غاترجع
نضال: مع لوقيتا لي يكولها ليا راسي يالاه باي
فيروز: تلاح
خرج بلا كانبغيك أحياتي ولا تهلاي فراسك ولا حتى بوسة داير كي التراكتور بفف ردخت الباب ودخلت واااا مرحبا بالملل اش غاااندييير اللول اممم طلقت لمزيكا علجهد لبست شورط مقزب وحيدت تيشورت بقيت هي بالسوتيامات وبديت بالكوزينة جمعتها وأنا كانحنقز بيان سيغ هرست شي طبيسلات هادي عادة قديمة فيا جمعت الدنيا ورديت الدار نقية حيت هي أصلا نقية شفت شحال فالساعة لقيتها 15:30 دخلت للدوش ندوش درت شي مرطبات وباندوش تلفريز تشلبخت فلما حتى دخل ليا لمناخري ولفمي وتخنقت هزيت لفوطة ولويتها عليا جمعت لحمام خرجت لبيت النعاس حليت بلاكاري اش غااانلبس ؟؟؟؟
تررن ترررن
فيروز: ألوووو فاتيتوووو
فاتيي:لحيبانة ديالي مبروك علينا مادرنا فدار جدة
فيروز: لله أش كالو ليك؟؟
فاتي:والسباان من لحزاام للتحت ولكشاكش حلفو علينا لاباقي عتبنا تم
فيروز: ناااري ههههه لموهيم ضحكنا وصافي فين كاينا نتي؟
فاتي: فالشركة خداما دورات عكوزتي لمروان😑😑
فيروز: ايه واش كالت ليه ؟؟
فاتي: عارضة علينا ليوما بليل
فيروز: عاوتاني الإتيكيت ولفشوش وداك تخربيق
فاتي: اه اووف ماعندي ماندير بايكونو حتى دوك جوجات كلارا وتريشا بفففف هوايشي وجنوني غاينوضو عليا
فيروز: مكرهتش نجي معاك ولكن اش دخل حماري لأسبوع الفرس
فاتي: باتبدا هي كاتخرا عليا عارفاها ماكتحملنيش يعني عادي عندي هي هو تفوتني عليها وماتجبدنيش ولا نكركب الشارفة تمها من الدروج
فيروز: فاتي ماتهوريش هي ليلة وحدة وغادوز صافي كالم طوا
فاتي: يالاه نخليك أحبي تهلاي فراسك فيناهو داك كحل لعفطة
فيروز: خرج هناني الله على راحة يالاه تلاحي
فاتي😘😘
هي قطعت معاها وهو يضور الجن بو صلعية
نضال: معامن كنتي كاتهضري
فيروز: مع حبيبي 😜
نضال: غانكرضك نتي وياه ونلوحكوم للكلاب😒😒
فيروز: واو نهار على نهار كانزيد نتأكد أنني مزوجة بمجرم
نضال: حاجة باينة للعمى
فيروز: كنت كنهضر مع فاتي وكالت ليا بلي عارضة عليها خالتي رفيدة
نضال: فراسي بحرا دزت للشركة حلي واتساب بيت نهضر معاك أبيل فيديو ودابا
قطع عليا ولد الكلبة كاليك أبيل فيديو وأنا لاوية عليا لفووطة حليت واتساب ودور أبيل فيديو
نضال: أش كنتي كاديري؟؟
فيروز :كنت كاندوش
نضال (بخبث):دوماج ماكنتش باش نغسل ليك😉😉
فيروز: سير سير يا الماسخ لاخور نتا لي بقيتي ليا
نضال: اوو لحبيبة ديالي مقلقة وحشمانة
فيروز: عرفتي لمن كاتشبه فهضرتك لأمير
نضال: شكون أمير تاني؟؟
فيروز: أمير كوزجيو أوغلو لي كاين فحب أعمى
نضال: أش هاد لحموضة حب أعمى
فيروز: مالك أحسن مسلسل والنهاية ديالو بكاتني حيت مات البطل والشرير تاهو وبقات البطلة بوحدها😢😢😢
نضال: واو بكيتيني 😒😒
فيروز: عديم المشاعر كيداير تفو
نضال: كادي فمك لا نهرسو ليك لموهيم واحد الساعة ونرجع
فيروز: بلاش بقا تم
نضال: جاي لداري ماشي لدارك ديريها فبالك
قطع عليا الحماري الكلابي لاخور لحت التيلي حليت بلاكارو كنت شفت عندو واحد تيشورت فلكحل وااعر هزيتو لبستو ليه جاني عريييض غطاليا فخاضي اصلا نضال بايتفركع بالعضلات مشيت هزيت الصاك لي جمعات ليا فيه فاتي لحوايج لي خاصيني ولي عزاز عليا بقيت نبقشش نبقشش نبقشش تا لقيت شويريط حتال الركبة فلكحل هزيتو ولبستو بديت كانجمع لحوايج ونرجعهوم للصاك حيت مافيا لي يطوي تا طاح واحد الكتاب العنوان ديالو هو أحسن لحضات حياتي هزيتو بابتسامة وكعدت كانقلب فلوراق تصويرتي وأنا محيدة سناني لقداميين وتصويرت فاتي ووجها مزرق حيت ضربها باها تصاور ياسين وماجد وهوما بايلين فسراولهوم وبزااااف تاللحضات لغزالة لي فيه كانت إبتسامتي واصلة لودنيا وأنا كانشوف التصاور شويا كاع ديك الإبتسامة تحولات لغضب مع الحزن مع البكا لقيت تصويرتي وأنا معنقني واحد الشاب وهازين الصوفا فالبارك وحنا ضااااحكين وناشطين ايه أنا وحبيبي القديم فراس هزيت ديك التصويرة ويديا كايترعدو كانشوف ديك الضحكة لي كانت من قلبي وهو بجنبي ضاحك لحضات زينة دوزتها معاه فديك الفترة الغدار الخائن دورت الصفحات ولقيت تصاور أخرين معاه فجامع لفنا هازين اللفاعي وعاوتاني فلافاك علاااش باقيين هاد التصاور علااش ياك هاد الزبل كولو لحتو وشركتو علااااش ياك حاولت نتخلص من شبح هاد الذكريات لي كانت أحسن حاجة فحياتي أما دابا ولا ماضي أسود مخبي فأسوء بلاصة فداكرتي هزيت داك الألبوم وزفيت بيه وليت كولي كانترعد كانترعد كانترعد خاصني شي مهدء مايمكنش عاوتاني ترجع ليا نفس لحالة كالم طوا فيروووز لااااااااا كانكرهك أ فراس بقيت كاندور فالدار كي شي حمقة خاصاني شي حاجة نشربها تهدأني دخلت للبيرو ديال نضال بلا وعي بقيت كانقلب على شي مهدء والو ماكاينش شويا بانت ليا قرعة الشراب اه كايكولو بلي الشراب كاينسي اه خاصني نساه بديت حياتي بلا بيه خاصني نكملها بلا بيه هزيت قرعة حليتها شربتها كوولها فدقة وحدة واخا هي مارة ولكن لمرارة لي عشتها كتر منها بديت كانشوف فالبيرو بان ليا كولو كايدور بيا قلبت على قرعة وخرى وشربت نصها وليت كانحس براسي طايرة صافي سكرت من المزيان وليت هي كانضحك هي كانضحك بوحدي هزيت قرعتي وتميت غادية ونتمايل ونغني "وانا لي كلت حبيبي هؤ عاامروو ماينساني مااينسااني هؤ ودار فيا كتر من اللي دااروو هؤ فيااا عديااني فيا عدياني"هههههههههه فراس حبيبي حياتي وعمري علاااش اهئ اهئ اهئ علااش درتي لياا هاكا الغدااار علاااااش هزيت واحد الفاز ولحتو حتى تشتت وأنا كانشوف فدوك التصاور كانغوت ونحيح تاسمعت واحد الصوت
نضال: فيروز أش هاد الحالة😬😬😬
فيروز(كاتبكي بمرارة ووجهها حمر بالبكا):نضال علااش علاش دار فيا هاكاا اهئ اهئ اهئ ووواش أنا خايبة علاش أنضال اهئ اهئ اهئ
نضال (عنقها):شششش صافي أفيروز تهدني شششش أري ديك القرعة أريها
#نضال
بقيت كانسايس معاها تاعطاتها ليا بانت ليا لقرعة  مرميا حدا الباب ماعرت مالها تاني بانت ليا فحالا.....منهارة و مدمرة هاد البنت لي كاطير ولسانها سليط وجوابها على نابها كاتبكي بهاد الحرقة فحياتي كولها عمر مابقا فيا شي حد كايبكي ولكن هي علاش بقات فيا؟؟واش حيت ولفتها ضاحكة وكاتعاير معايا؟؟ بقاات كاتبكي وتضرب ليا فسدري وواحد التصويرة مكمشاها فيديها
نضال: بشوية عليك وعاودي ليا مالكي أش واقع ليك ياك عاد كنتي بيخير
فيروز (كاتبكي بحرقة):علاااش درتي فيا هاكا أفرااس علاش
هي كالت فراس وهو يضربني الضو تصدمت وتعصصصصبت حاولت نتهدن ونعرف أش واقع
نضال: شكون هاد فراس عاودي ليا ماتعرفي يخفاف عليك الحمل
فيروز: فراس كان أول حب ليا كنت كانبغيه بل وكنعشقو أول مرة شفتو كنت فالسطاح وهو دايز كانت فيا واحد البلية خايبة هي أنني كانكب الما على الدراري من السطاح كبيتو عليه وخليتو تم تايغوت ويتحلف ههههههههههههههه عبرت عليه النهار لي تابعو كان عندنا أول نهار فلافاك كنت غادية أنا وفاتي تاشوي شي حد زف عليا بدوك النبولات لي فيهوم السبايغ زف عليا بوحدة فيها السباغة حمرا ونتاقم مني بقينا معاديين ديما تافلخر طحنا فحب بعضياتنا اهئ اهئ اهئ كنا أحسن كوبل فراس وفيروز كنا كانخرجو ندورو ونضحكو نديرو المصايب بجوج كوولشي بجوج واها هاكاك كانت فاتي وياسين كاينبهوني منو ماجد كان فكازا عندو شي حاجا تما نبهوني منو وكنت ديما كاندور فيهوم وكانكول ليهوم بلي راه كانبغيو بعضياتنا كان هو داير تخصص هندسة شركات وأنا دراسات الأزياء كان مواعدني بالزواج وشحال من مرة كال ليا نسبقو داكشي علا الزواج لأنو فنهاية المطاف غانتزوجو وكنت كانرفض ديمااا والنهار لخر ليا فلافاك شديت الديبلوم تاع مصممة الأزياء هو تعصب مابغانيش نكمل اهئ اهئ اهئ
نضال: كملي علاش مابغاش؟؟
فيروز: كاليك بلي انا غانولي عاهرة وبلي هي القحبات هوما لي كايخدمو فهادشي تناقشنا وتخاصمنا وهددني كاليا يا انا يا تصميم الأزياء خيرني بين الحب والمستقبل مشيت وبقييت كانفكر وتاخدت قرار بلي غانتخلا على مستقبلي على قبلو بصح دوك لي كالو الحب أعمى كايعميك عالحقيقة هاداك النهار عمرو يتنسا ليا خرجت بليل أول مرة وكولشي ناعس كنت كانعرف فين كايكون كالس خرجت ببيجامتي والشتاااااا خيط من سما مشيت ويا ريتني مامشيت لقيتو مع واحد البنت فالجردة وكايتباوسو وفموقف خايب تصدمت وتخلطات دموعي بدموع السما بقيت كانغوت ونحيح علااش درتي فيا هاكا شدني من يديا وسرفقني وكال ليا كلمة عمرني ننساها
نضال: أش كاليك😠😠
فيروز (بحرقة):كال ليا عمرك تنساي مستواك الفقيرة أصلا شكون غايشوف فوحدة بحالك مافيك لا زين لا والو مافيك مايتعجب نساي بلي كاتعرفيني وشوفي لالاك كي دايرة لي مسخ وولد لفقر ديما كايبقا هاكاك
هاديك الهضرة واخا كانت موجهة ليها ماشي ليا ضرااتني هادا ماشي راجل لي يكول بحال هاد الهضرة ولد القحبة هاد الرعوااني لي كال ليها هاكا نطرطق لدينمو لعضام مازااال ماتزادش هادا ليكول ليها هاكا العافية شعلات فيا
نضال: او من بعد
فيروز: تصدمت صدمة العمر كرهت راسي وكرهت الجنس الأخر بصفة عامة وليت كانشرب الدوايات باش ننسى تعقدت بزااف اهئ اهئ اهئ لقيت بجنبي عائلتي لي سانداتني حيت كانو عارفين بعلاقتنا فاتي كانت أكبر دعم ليا ياسين حتى هو وقف معايا أخر حاجة سمعت عليه هي أنو مشا لكازا اهئ اهئ اهئ
نضال: صافي أفيروز ما يستاهلش صافي ماتبكيش
فيروز (بدموع):نضال واش أنا خايبة هاا واش أنا كي بحال البنات ولا لا ها كوول ليا الحقيقة واش أنا خايبة واش خاصني حتى نتعرى ونماكي ونتبع الدراري عاد نكون بنت هاااا كول ليا عارفاك صريح (دارت يديها على وجهو)كول ليا الحاقيقة تانتا ماحاملنيش عارفاك هازني فوق من قلبك وهي متحملني وكلتي ليا ديك المرة ديك الهضرة هي باش نكون مرتاحة معاك نتا ماكاتبغيني ماوالو نتا .....هي ولفتيني وصافي أصلا شكون لي غايبغي وحدة بحالي ماكايجيو من وراها غير المصايب ياك أنضال نتا عارفاك صريح كول ليا الحقيقة أنا خايبة ؟؟
نضال (شاد ليها يديها):فيروز انكوليك واحد الحاجة نتي واحد البنت لي ماكاينش بحالها ماكاتشبهيش للبنات بصفة نهائية كاديري داكشي لي بغيتيه عنيدة ضحوكية وطيبة فشكل وبزاااف كنت كانضن بلي نتي من دوك البنات لي تابعين لفلوس ساعاتك لاا نتي عندك كبرياء وطريقة اللبس ديالك كاتجي معاك ماعندك ماديري بداك الحزاق كولو نتي زوينة هاكا وعجبتيني بطبيعتك الخايبة والزوينة فهمتي وأي ولد القحبة كاليك شي هضرة غانشرك ليه فمو سمعتيني دموعك غاليين وبزاااف رجعي ديك فيروز لي خالقة السعادة لراسها هي بوحدها (باسها فجبهتها)
فيروز:شكرا أنضال شكرا بزاااف
هزيتها وحطيتها فوق الناموسية وغطيتها جيت بيت نوض وهي تشد فيا
فيروز: بقا حدايا عافاك
تكيت حداها وحطيت ليها راسها على صدري وبقيت كانلعب فصبعانها الصغيورين كلت نستاغل أنها سكرانة نسولها عليا نشوف راسي أش كنسوا
نضال: فيروز كيتانجيك أنا بصفة عامة
فيروز: نتا مممم متكبر وحاس براسك متنمر فيك لفريع ومتطلب خاصك تواضع شويا واستفزازي
نضال: ياك😠😠
فيروز: اه والله ولكن تاني نتا ضريف بزاف مرة مرة وفينما درت شي موصيبة كاتحلها ممم صبور بزاف لأنك تحملتيني طول هاد المدة بوكوص وعندك تقبة الزين غزاالة بصراحة نتا كاتعجبني وعزيز عليا نستافزك واخا كاع فيك هادشي كاتبقا عزيز عليا ونقدر نبغيك دوماج ماتلاقيتكش قبل ياك أنونو؟؟
نضال: نونو؟
فيروز: اه اسم دلع ااااا فيا النعاس غني ليا صوتك زوين اشلاهبي
نضال:ههه غانغني ليك بلحق بشرط بيتك ترجعي ديك فيروز لي طنت عارفها ديك الداسرة
فيروز: امممم جاتك غانحاول
نضال: لحبيبة ديالي نتيا هاديا لعزيزة لغالية الإمبراطورية ويلي ويلي كيتشيكا لوكا ويلي ويلي بلا بيك غانتبلوكا
بقيت كانغني ليها تاحسيت بيها ترخات تلفت لقيتها نعساات تال غدا وتشوف راسها أش غايدير ليها بالصداع ههه هبيلة انا كايبان ليا طحت على زنافري وبديت كانبغيك افيروزة💖💖💖وغاندير المستحيل باش ضحكي لأنو بضحكتك غانضحك وبما أنك عتارفتي ليا بإعجابك غاتجيني القدية ساهلة تصبحي على خير
#عند فاتي فلوطو غاديين لعند رفيدة
فاتي:حياتي كانتمنى كواشي يدوز زين
مروان: ماتخافيش غايكون خير(باس ليها إيديها) هاحنا وصلنا