فينك أراجلي لعزيز؟؟(بالدارجة المغربية)

9

فيروز:اووف موافقة
نضال(بابتسامة نصر): مزيان هاكا تكوني لي غانكول ليك هو انك خاصك ماتخرجيج لزنقة
فيروز:هاااا؟كيفاش وخدمتي؟
نضال:ماتحتاجيش تخدمي انا غانعيشك فلخير
فيروز:لا لا لا سمح ليا ولكن انا كانبغي ناكل من خيري ومن دراعي
نضال:ديك عزة نفسي بخري بيها انا هضرت والاهم هو اننا غاننزوجو بعد غدا
فيروز:بعد غدا هيهيهي يا حبيبي لالا هادشي كتيير
نضال:انا مامساليش لهضرت لبراهش ديالك انا هي علمتك ماشي كانتشاور معاك
   يالاه بيت نهضر وهو يخرج نارييي على زربة زرب عليا واواو نزلت وانا باقا فحالة صدمة وتانحس بالسخونية طالعا معايا دخلت للصالون لقيتهوم كايشوفو فيا و حابسين الضحكة
فيروز:مالنا ياك لاباس
درت هاه ففاتي لقيت وجهها حمر وحتى عينيها واه مال هادي شفت فياسين لقيتو تايدير ليا بيديه زعما قفرتيها
حكيمة:لهوهيم ابنتي اش قررتي
فيروز:موافقة
جدة:لولولولولولوي على سلامتنا فيروز وفاتي غايتزوجو برجال علامزيناتهوم
فاتي:اهئ اهئ اهئ صافي دغيا بيتي تفكي منا
جدة:الا ابنتي راه سنة لحياة هادي
فيروز:نتي ضوري ضورة وكولي سنة الحياة
عبد الجليل:اوا ايمتا لخطبة؟
مروان:بصراحة ماكرهتش نديرو خطبة وعقد
فيروز:ولعرس؟
نضال:لا ماكاين بو عرس غانديرو خطبة وعقد وكل يدي مراتو
فاتي(طلعات ليها لكناوية):اش نااهوا سمع اسمحمد اا قدور والله وماكان العرس لا مشيت بالله
فيروز:هاكيني هاكاوا عندنا نهار واحد نفرحو بيه بيتو تحيدووه تباااارك الله
نضال:فيروز بلا ماتبقاي تحيحي لا نصدقو خاصرين غاتكعدي لارض قبل مانوض ليك
جدة:هاكاك اولدي الله يعز لحكام
فيروز:كيفاش ياااك
نضال:راني هضرت سافي سدينا
   ناري على لحكرة كيدايرة تفو كنحاول نحبس دموعي ولكن نزلو بدون اندار تا انا بنت تا انا بغيت نفرح براسي تفو طاح عليا الضيم ياك خاسرة لقادية لاهوما نخسروها
فيروز:تقودو كاع نتوما بربي وماكان لعرس لا مشيت ولا والله تانتاحر
عبد الفتاح:استغفر الله اعوذ بالله من الشيطان الرجيم
فاتي:سكت نتا ماكاينش شي شيطان كدك
مروان:اهياتا حتارمي راسك وكادي اسلوبك قبل مانكادك مع شي حيط
فاتي:حرررررربش تقرب والله تاندير ليك فضيحة بتهمة الاغتصاب
فيروز:اه وانا فيا طناش لشاهد
نضال(بعصبية):فيروز نتي وياها طلعو نهضرو على انفراد
فيروز:ماكاين بو انفراد
نضال:اذن ندير شرع ايديا
#نضال
كاتبان ليا هاد البرهوشة غتعدبني معاها وماغاتزكاش ضراتني فراسي هزيتها على كتفي كدام كولشي وحتى مروان ماشي من لعاكزين طلعناهوم فدروج وهوما كايتعربطو حليت البيت ولحتها على السداري
فيروز:اييي الله يعطيك الهرس الكيدار تصحابك هادا ريش بوند هادا غير اللواط
مروان:فيروز قادي دابا شناهو المشكيل
فاتي:المشكيل اسيدي هو اننا مابغيناش الزواج بلا عرس
نضال:ونتوما عارفين بلي هادا هي زواج على لوراق وهي ديكور
فيروز:اه عارفين ولكن شكون يضمن لينا نعاودو نتزوجو العرس هو لعرس
نضال(بصراخ):سدييي فمك كلت ليك لا هي لا
فيروز(بصراخ ):وانا كلت بغيت لعرس يالاه تفركع
  عصباتني ما شعرت براسي حتى هزيت يدي بيت نضربها وهو يحبسني مروان مسحت وجهي بعصبية
مروان:كالم اصاحبي
نضال:بربي ايلا غانقتلها
فيروز:بيتي ضربني تبااارك الله
فاتي:مروان مايمكنش ليها تعيش معاه شوف كي دغيا كايتعصب شي نهار يصيفت لينا هي رجليها عافاك تزوج بينا بجوج
مروان:لاا واش من نيتك نديكوم جملة بنت ليك كنشري السلعة هالعار هينكد عليك
نضال:مروان هضر نتا ،نتا لي كاتعرفهم نخاف هي لانفقد اعصابي ونصدق قاتل شي وحدين
فيروز:حنا ماطلبناش شي حاجة كتيرة بغينا عرس و صافي
نضال:ياهاد لخليقة راه هيلا درتي لعرس لمافيا دغيا غايلقاوك وغايهزوك من قلب لعرس
فاتي:لمافياااا
فيروز:من بعد و نعاود ليك ،شوف على الاقل نديرو حفلة فيها اللعابات
مروان:من نيتك اللعابات
فاتي:اه واهادا ناضااار مايمكنش لينا نمشيو حرفيين
نضال:ياك بيتو دابا حفلة فيها اللعابات
فيروز:اه اه
نضال(بخبث)؛ادن بعد غدا الخطوبة ولعقد ولحفلة
مروان:وغاتمشيو معانا مباشرة لدار
فيروز وفاتي:اشنوووو
نضال(مربع يديه):اه لكل شيء مقابل
فيروز:اش باليك افاتي
فاتي:واش نتي مسلكاك القضية
فيروز:وهو بصراحة عادي ومن الاحسن نيت نخويو الدار ونوليو بدارنا تاحنا ونتفكو من هاد الشارفة
فاتي:اه معاك الصح اجي والشروط
فيروز:اه والشروط تاحنا بغينا نتشرطو
نضال:موصيبة دابا نضرب دينمكوم بجوج
فيروز:اشناهوااا بيضربني فملكي وفحوزي والله يامك تانلوحك من الضواية
نضال جاي تاني بايضرب فيروز تاحبسو مروان
مروان:ياهاد البنت ديري عقلك راه والله تايقتلك
فاتي:ومالها اصلا شروط الزواج ضروريين
نضال:يالاه اش بيتي تشرطي كاع بيتي لفلوس عارفينكوم طماعا
فيروز:هييه حدك تما انا الحمد لله خداما وبدراعي ومانتجداكش اصلا وفلوسك بخر بيهوم
مروان:اييه واش بيتو؟
فيروز:واهانتا هضرتي شروطي بسيطة جدا بغيت كل نهار خبزة فيها الطيحان مع كانيطة الموناضا و بغيت مرة فالصيمانا تخرجني للبارك ونتلاقا انا وفاتي نلعبو تما وبغيت عمرك تحط عليا يديك واهم شي تخليني خدامة انا ماغانمشيش للخدمة على حساب دوق القتالا انا غانقاد التصاميم هي فالدار ومني يبغيهوم مروان تديهوم ليه
#نضال
دابا واش هادي نيت بنت تسحابني واش غاتبغي شي دهب بيض ولا صفر وشي لوطو ولا شي حاجة غالية ساعاتك صدماتني فغيمون البنت مسلسعة
مروان:صافيي هادشيي ليبيتي؟
فيروز:اه ونتي افاتي؟
فاتي:تا انا نفس الشروط هادشي لي عندنا كلناه والباقي عليكوم
نضال:واخا الالة ولكن تا انا عندي شروط
فيروز:واخا الرجال ماكايتشرطوش ولكن نعطيوك فرصة تفضل
نضال:ماغاتخرجيش من الدار ابدا تانخرجك انا و ماتبدايش تستافزيني وتاواحد مايدخل فخصوصيات لاخر مفهوم
فيروز:اممم اوكي عادي جدا
فاتي:ونتا امروان
مروان:انا مع لوقت غاتعرفيهوم
نضال:دابا كولشي تفاهمنا عليه ياكما باقا شي حاجا الالة فيروز
فيروز:لالا حاليا والو
مروان:ايوا يالاهو نزلو
#فيروز
سبق مروان وفاتي ونضال بقا كايخنزر فيا
فيروز:مالك كاتخنزر
نضال:باقي خاصك تروداي مزيان شدي تيليفونك داكشي ليبيتو منو راه هزيتو
فيروز:هااا قجقالي لحبيب ناااري توحشتو
نضال:يالاه كدامي
  نزلنا لتحت وكولشي كاحنزز فينا غاديا بيت نكلس فبلاصتي تاجرني نضال حداه تصدمت وتصدم كولشي قاطعنا هي صوت جدة
جدة:امدرا اش درتو؟
فاتي:صافي تافقنا بعد غدا خطبة وضريب الصداق
فيروز:ولكن راه دايرين حفلة انا لي غانعرض فيها
جدة:اييه ابنتي وعلامن غاتعرضي؟
فيروز:غانعرض عليهوم كولهوم الا نتي
جدة:وعلاش
فاتي:هاكاك علاه نتي باغا تفكي منا ونعرضو عليك
جدة:شتكوم ضسرتو
فيروز:نتي لي ضسرتي اشعيبية
نضال:لاعنداك الحاجة مرحبا بيك راه بغات هي ضحك معاك ياك؟
فيروز:هيهي اه الميمة هي ضاحكين
كريمة:و وشروط الزواج؟
مروان:درناهوم اخالتي وكولشي هوا هاداك
عبد الجليل:هي هو اولدي نضال فاش خدام
نضال:عميد روسي من المخابرات السرية
فيروز:وايليي صاحا نتا جيم جيم
نضال:واش بعقلك نيت
ياسين:شوف اخويا لبنت مرا مرا كايهرب ليها الريزو
حكيمة:صافي دابا واش كولشي متافق
فيروز:اه
نضال:متافقين
مروان:حتا حنا
عمي نور الدين:ايوا تاحنا مانزيدوكوم هي لخير
جدة:وفين باتكون لحفلة
حكيمة:فالفيلا ديال العائلة غايحضرو فيها والدين مروان و العائلة كولها ومرحبا بيكوم ونتوما غدا غانسيفط ليكوم الشيفور يجيبكوم عندي
   سالاو الهضرة وناضو باستني خالتي حكيمة وتسالمت مع مروان نضال خنزر فيا وكاليا ماتخرجيش تانا نخلتو ودخلت طلعت مباشرة لسطاح خليتهوم كايجمعو الروينة مع هاديك لعشية السطاح تايكون مغربي طلعات تا فاتي درنا واحد جوج برامل طلعنا فوقهوم باش نطلو على الزنقة ولبرد كايطير شعرنا
فاتي:صافي افيروز .دابا هادشي لي مكتاب لينا نتزوجو وبلا حب
فيروز:واييه والموشكيلو منين نطلقو فين غانمشيو
فاتي:باقي لحال على الطلاق
فيروز:فاتي غانتوحشك والله اهئ اهئ اهئ
فاتي:صافي اعشيرتي ماتبكيش اهئ اهئ اهئ بايفارقونا ولاد لقحاب
فيروز:الله ياخد فيهوم لحق اهئ اهئ اهئ
فاتي:يالاهي نمشيو نعسو اصلا عيينا وغدا تابعانا تامااارا
فيروز :يالاهي
نزلنا لبييت لقينا ياسين وماجد واقفين كايتسناو سولونا اش وقع عاودنا ليهوم لبلان كيداير وكولشي بالتفصيل
ياسين:شتي نتي افيروز مرضعاك سحارة والله
فاتي:زهرها هاداك
ماجد:ودابا تافقتو على كولشي
فيروز:اه هادي هي لي غاتولي حياتنا جديدة
ياسين:فيروز ردي لبال لراسك(وباسها فجبهتها)
فيروز:ماتخافش ودابا يالاه برى تال غدا ونكملو لهضرة فينا النعاس
خرجوهوم وتلاحو ينعسو حيت عياو كل وحدة حطات راسها على المخدة ودموعها سايلين خايفين من المستقبل لي كايتسناهوم