فينك أراجلي لعزيز؟؟(بالدارجة المغربية)

10

في مكان اخر فدار لا حكيمة
حكيمة:دابا خاصنا غدا نمشيو لصالون نديرو سبا من بعد لا سيغ اه ونشوف شي لبيسات لينا والماكياج
نضال:اوووف الوليدة صافي ماضرينيش فراسي باراكا عليا هي هاديك المسطية مرضات ليا مخي
سمية:اوووه من فخييغ بايتزوج
نضال:لالالا انا عييت انا طالع لبيتي
طلعت لبيتي دخلت تلاحيت على الناموسية تانفكر فهاد لبلان لي خرج ليا وهاد لموصيبة لي لسقاتني وحلااا معاها ولكن غادي نكاد ليها عضامها من لمزيان
بااق باااق بااق
سمية:خووويااا حبيبي كبرتي وبيتي تزوج .وتلاحت حدا خوها وعنقاتو
نضال:وبيت نتزوج بموصيبة وصافي
سمية:ويلي اخويا بلكس بيتعيس الحياااة مع حبيبتك
نضال:اهياتا ضساريتي
سمية:هي كانضحك معاك ولكن شتك زربان لعرس بعد غدا؟؟
نضال:اه هي باش نتفك من الواليدة
سمية:اهه ايوا عندك شي تصويرة ديالها
نضال:لاش بيتيها؟
سمية:نفوسخها وبغيت هي نشوف مرات خويا عااافااك ا بيبي
نضال:ماعنديش وتال غدا وغاتشوفيها يالاه عافاك اسوسو خليني راني عياان
سمية:راه هي حيت عيان اما والله لا تفرقت منك يالاه باي باي العريس
خرجات سمية  ودخلت لدوش دوشت وحيدت عليا تعب اليوم لبست شورط وتلاحيت فبلاصتي هزيت تيلي كانقلب فلكونطاكت حتى بانت ليا "الكارثة" كلت نضور ليها نفكرها باش ماتخرجش عارف الزبل مسبيطر
تووووت توووت توووت
فيروز(بصوت ناعس):امممم
نضال:اهياتا عنداكي تخرجي بلا خباري وغدا انا لي غانجي نديك ماشي الشيفور نلقاك فايقة مع التمنية مفهوم
فيروز:نضال ياك؟
نضال:اه
فيروز:فيك لفريع اصاحبي او لغوات بصباح لغوات بليل واش ماكاتقاداش سير شرب ليك شي كاس تلويزة وبرد اعصابك و نعس و خلينا نعسو شويا راه عيانين
نضال:انا دابا كانهضر معاك و..
فيروز:عارفاك كاتهضر ماشي كاتغني ولكن احمباك فيا النعاس ومافياش لي يبدا يتناكر معاك خلي تال غدا و نتفاهمو مزياااان يالاه تلاح ومادورش ليا وانا ناعسا وغدا التمنية تلقاني فايقة يالاه تلاح.وقطعات
   بنت لحرام قطعات عليا وانا مزال ماكملتش هضرتي هي بلاتي الالة فيروز هانتي قربتي تولي بين يديا اووف وا نتكا انا حيت باقي تابعني نهار طوييل
#فمكان اخر ففيلا مروان
رفيدة:وشكون هاد البنت؟
مروان:بنت عادية ضريفة وداخلا سوق راسها وعارضة ازياء عندي فالشركة
هاشم:واش نتا عاجباك هاد لبنت ؟
مروان:اه عاجباني كلتها لعائلتها ليوم
رفيدة:ليووم؟
مروان:اه مشينا انا و نضال وحكيمة حيت تاهي خطبات ليه بنت عمتها
مريم:شوف اخويا هيلا كانت عاجباك وكاتبغيو بعضياتكوم يسرو
مروان:انا دابا خاصاني هي لموافقة ديالكوم
هاشم:ايوا اش غانكول ليك الله يجعل كولشي مبارك و مسعود
رفيدة:اييوا نوجد لهاد لحفلة لي كلتي بعد غدا لولولولوي ولدي بايتزوج ندور لحكيمة ونقادو الامور...
    #الكاتبة
ايوا اسيادنا كولشي كايوجد لهاد لحفلة على قدم وساق لالة حكيمة تاصلات بيها رفيدة وكعدو كايخططو كاتسولها كيدايرة البنت لي غايتزوجها مروان وتاهضرو كذلك على اللباس لي غايلبسوه وعلامن غايعرضو تافقو على انا العئلة بوحدها لي غاتجي وغايديرو الحفلة فلفيلا ديال مروان حيت دايرة بحال شي قصر وغدا غايتلاقاو فصالون مع بنات العائلة نبعدو من هاد لفرييع كولو ونمشي انا نعس تال غدا ونشوفهوم اش غايديرو B-)