فينك أراجلي لعزيز؟؟(بالدارجة المغربية)

13

اصبحنا واصبح الملك لله
#فاتي
فقت قبل من مروان بقيت كانضور فعويناتي تانستعقل فين انا عادا وصلني الميساج وليت نضت غسلت وجهي وحكيت سناني جبدت حوايج لخدمة كلت اش ندير ماندير ارا نوض نطيب لفطور دخلت للكوزينة ماعرفت منين نبدا هزيت دكيك ولخميرة و بديت نعجن مسيمنات صافي غادا على نيتي قاديت لمسمن ودرت قهيوا
مروان:تبارك الله على الحادكة
فاتي:مازال ماشفتي والو راني طيابة من داكشي الرفيع
شويا حتى كانشم ريحة لحريق درت وانا نلقا لمسمنة تحركات ناريي كشماتني
مروان:هههه لالا حادكة اري بعدا ندوق داك لمسمن
هي حطو ففمو بدا تايمضغ وشي تعابير على وجهو دايرهوم صافي عرفت داك لمسمن مافيه مايداق
مروان: فين عمرك شفتي مسمن مسوس وفيه خمارة حمرا
فاتي:هااء صافي طمر علينا تفو
مروان:ايوا من لول لاتبقايش تجبهي على والو لبسي حوايجك تال تم ونفطرو
خرجت من الكوزينة وانا كانلعن زهري لبست### وخليت شعري على راحتو ولبست طالون كحل و درت شوية الماكياج هزيت صاكي وخرجت كانتسناه عند لباب شوية حتى تايبان ليا خارج بلباس رسمي### وطلع شعرو وداير ريحتو الرجولية والماكانة تايبان فن سبقني للوطو وتبعتو كي لحمقة ديماراها وبقينا غاديين وحنا ساكتين
مروان:دورتي لفيروز
فاتي:اه لبارح وراها بيخير
مروان:هه كانتمناو تبقى بيخير
وصلنا لشركة دخلنا وكل الانضار علينا دخلت معاه لبيرو وجلست وتاهو جلس دوز لمكالمة وطلب لينا مانفطرو
مروان:هاهو لفطور غايجي سمعيني غانتعاملو عادي كيكنا قبل الزواج ديالنا ماغاديش ياتر على الخدمة فهمتي
فاتي:اه فهمت
سمعنا الدقان دخل السيكيريتي جايب لينا لفطور طحت فيه عميا ماتكعدت تاساليتو
مروان:لحكي لبوسط ديالك يالاه
فاتي:صافي عاود ضربك جن وهاني مشيت
   مشيت لبوسط ديالي وبديت خدمتي كما العادة جاتني ناقصة حيت ماكايناش فيروزتي اييه ماعرفتش هاش غاتكون كادير
#فيروز
فقت وانا كانتووووسل مع راسي وشعكاكتي طالعة لفوق شادة الريزو درت واحد جوج حزقات صباحيين تاطلقتهوم عادا وعيت بلي ناعس داك الزمر معايا دغيا جمعت لوقفا حنززت فيه لقيتو نااعس نعسا تلبراءة وحجبانو معقودين وشعرو نازل على جبهتو اححح عليك اتيتيز حليت شرجم باش لحزقة تخرج دخلت لحمام غسلت وجهي وسناني وجمعت شعري وقاديتو نزلت لتحت وااو لهدوء هه دخلت لكوزينة وانا فرحااانة حيت كوزينتي كبييرة جبت دقيق ولكمح و لخميرو والزيت كاااع داكشي لي غانحتاجو جبتو وبديت تانصاوب المسمن و الحرشة وخبيزات صغارين توع لفطور درت قهوة مقطرة قاسحااا ليه هو  حتى دخل عليا
فيروز:اووف خلعتيني
نضال:مسكينة
فيروز:كعد هادي بيت نحط لفطور
شد لرسي و كعد عليه بالمقلوب وشعرو طايح على جبهتو وعينيه باقين معسلين بالنعاس عطيتو كاس ديال لقهوة قاسحة باش يتوكض
فيروز:هاك شرب هادي باش توكض
نضال:فراسك بلي ريحتها هي لي فيقاتني
فيروز:ههه واهاي اسيدي
ساليت لمسمن وحطيتو فطبسيل وحتى لحرشة حطيتها فطبسيل ودرتهوم فوق الطبلة ومعاهوم لخبيزات ونضال هي حاضيني جبت من الثلاجة لفرماج و لكوفيتير وزبدة وشكلاااااااط ستفت كولشي فوق طبلة وجبت لماس تاهوما ولكيسان وحبيبي اتاي
فيروز:يالاه زيد تفطر
نضال:ايمتا فقتي
فيروز:شي نص ساعة بحال هكاك
ترن ترن ترن
جبدت تيليفوني من سدري لقيتها ماما
فيروز:الو ماما
كريمة:الو بنتي كيدايرة لاباس عليك
فيروز:من الحاميدين الشاكرين
جدة:اديك الصكعة صباحية مباركة ياكما تقصحتي
اناااا هيي كالتها لياا ودنيا تاني صماكو ونضال تايشوووف فيا كايتسنا ردة لفعل ديالي راه تيليفوني تايسمع ولد لقحبة
فيروز:جدة قيبي عليا ليرحم باك
جدة:واتي مالكي حشمتى را عادي را...
قطعت عليها وخشيت تيلي فسدري وبديت تانخشي فوجهي بلفقصة
نضال:اهياتا واش نتي ديما كاتخشي تيليفونك تما؟؟
فيروز:اه باش مايتوضرش ليا
درت تانشوف فطبسيل لقيت السيد دخل فنص ديالو طلعت فيه عينيا لقيتو تايخنزر
نضال:مالكي تاتشوفي فيا
فيروز:لا...لا ...والو
ولا ناض دخل لبيتو وانا بقيت كاناكول مني ساليت جمعت طبلة و غسلت لماعن وجمعت لكوزينا حتى تاضربني ريحة نضال خرج سيد زاز لوز بقيت حالا فمي كان لابس### والريييحة يا سلااام ونضاضر بدون شعور كلت ليه
فيروز:نااري اصاحبي كاتبان بوكوص
هاك افمي هاك افمي هاك افمي دار هو ديك نصف ابتسامة وكال
نضال:ماتخرجيش من دار وخلي تيليفونك حداك غانجي مع وقيت لغدا فهمتي
فيروز:اه وفين غادي
نضال:سوقك خصوصياتي بقاي بعيدا عليهوم لمصلاحتك
   قمعنييييييي ولد لحرام وحمر فيا عينيه وخرج لااالا بقاليه غايضربني تفووو توحشت فاتي غاتكون خدامة غانسيفط ليها ميساج»حووبيي توحشتك وقتما ساليتي دوري ليا ماااح عليك«
سيفتو ليها يااااه دابا اش ندير انوجد لغدا باش من بعد نمشي نعوم فلابيسين برى هزيت الراديو لي طيرتو لفاتي حطيتو فلكوزينا وطلقت لمزيكا "وعيطولي لمدامتي راني موحشها وهاهاها" بقيت تانغني معاها وتانتمايل جبت لحوت من لفريكو والسردين حطيتهوم يطلقو وجبت لخضرا لخص خيزو.بطاطا.جلبانا.ماطيشا.لخيار.وجبت دوك لحكاك توع الماييس و المخلل غسلت لخضرا وقطعتها طريفات كبيت عليها صوص والمايونيز والمايس درتها شلاضا باردة خشيتها فثلاجة مابين تبرد هزيت لحوت لقيتو مفسول الله بعدا تهنيت عاودت غسلتو وشرملتو ودرتو فثلاجة وسردين فسلتو تاهو وطحنتو وشرملتو وحطيتو فثلاجة مابين يقرب يجي داك الزمر .جبت لفواكه لفريز والبنان واليمون والسيطخون والكيوي كرضتهوم طريفات وطحنت عصير ديال البنان والفريز جبدت كيسان كبارين وحطيت ليفخوي فيهوم وكبيت عليهوم لعصير ودرت فاقهوم لاكريم شونتيي ودردرت عليهوم شكلاط دخلتهوم يبردو فثلاجة قطعت بطاطا فريت وطيتها تاهي تايقرب يجي باش ناكلوهوم سانساليت وجمعت لكوزينة خليتها كاتشعل
ترن ترن ترن
فيروز:الو
نضال:هانيا؟
فيروز:لحمد الله
نضال:صافي
فيروز:شوف مني تقرب تجي ضور ليا
نضال:علاش
فيروز:باش نقاد لماكلة
توت توت توت
قطع عاوتاني هاد سقرام مافيهش مايكمل لهضرة كي بنادم طلعت لبيتي وهزيت بينوار ولبست دو بياس باش نعوم اصلا ماكاين تاحد خرجت لجردة فين كاين لابسين قعدت فوق لكوسان تانتشمش شويا بقييت مدة كانتصنت لعضامي وانا نوض بجراااا وتلاحيت فلابيسين كان دااافي بقيت كانتشلبخ كانتشلبخ كانتشلبخ نجرب جميع لعومات لي كانعرف
#نضال
فقت مع صباح بقيت كاندور عينيا فلبيت مابانتش ليا هاديك اواه فين مشات نضت دوشت وخرجت ضرباتني ريحت لقهوى دخلت لكوزينة بانت ليا كاتقاد لفطور لمسمن و لحرشةو لخبيزات شديت لكرسي وكعت عليه بالمقلوب كانشوفها كيفاش كاتمايل وكاتقاد طبلة عطاتني كاس ديال لقهوى مقطرة الله اول مرة كادير شيحاجا زينا صاوبات لاطابل وكعدنا كانفطرو تاصونا ليها تيلي وخرجاتو من سدرها؟؟ بااز ليها احسن حاجا فتيليفونها انو كايسمع هضرات معاها جداها وسولاتها دوك الاسئلة البايخين ماديتهاش فيها دقت لحرشة ناري جاتني بنييينا دخلت فيها طول وعرض وحتى لمسمن وااو ماكلتها اكت  من روعة مني سمعت حسها تقطع شفت فيها بانت ليا مصدومة وانا نحمر فيها ونضت مريتش تشوفني كاناكول ماكلتها دخلت لبيتي لبست حوايجي وقاديت شعري خرجت لقيتها كاتجمع دنيا شافت فيا بقات حالة فيا فمها وكالت ليا بلي جيت تيتيز انا عجبني لحال عرفتها قالتها لا اراديا حمرت فيها ووصيتها باش ماتخرجش سديت لباب مورايا واتاجهت للوطو ديماريتها ومشيت نيشان لشركة ديال مروان دخلت بكل هيبة وكاع لبنات تايشوفو فيا وانا مامعبرهومش دخلت عنمروان لقيتو عاقدهوم وتايشوف فلملفات
نضال:ايوا اسي لمدير مانشوفوكش
مروان:اوولالا نورتينا مني جيتي بيتي شي قهيوا
نضال:لا شربتها فدار
مروان:ايهاي هاي على شربتها فدار .كيدايرا لمادام
نضال:راهي فدار كالسا تافقنا على شي قوانين باش مايطراش بيناتنا صداع
فيروز:واحتارماتهوم؟
نضال:لحد ساعا فاقت مع صباح وجدات لفطور عرفتي اصاحبي ماكلتها شحال بنينا
مروان:سعداتك اعشيري
نضال:ونتا كيدايرا معاك لمادام
مروان:هه لبارح وقع ليها واحد لبلان لقات جداها دايرا ليها فلافاليز هي دوبياس
نضال:هههه حتى فيروز لقاتهوم فباليزتها دورات ليها وحيحات عليها
مروان:تا فاتي ماخلاتش من حقها ومع الدار كانت مروناناضت وجمعاتها رداتها تاتشعلللل ومابغاتش لخدامة
نضال:تاهي مابغاتش لخداما
مروان:وناضت مع صباح كالت ليك بادير لمسمن ساعاتك حركات نصو وخااايب مافيهش مايداق
نضال:هههه صافي اصاحبي بيتكعد بلا ماكلة
مروان:هههه لموهيم هي بنت ضريفة كنت هاز عليها نضرة فشكل ولكن بلعكس خاصك غير تفارقها على فيروز وتولي دريويشا
نضال:انا لموهيم عندي هو تكون كاتصنت باش ماتجيبها فعضامها
مروان:اجي بعدا خاصني نيت نتاصل بيها علىقبل غدا تكون عندي عندنا اجتماع وخاصها تجيب شي تصاميم باش تشوفهوم الشركة لي درنا معاها الشراكة
نضال:بلاتي نيت نضور ليها نشوفها اش كادير فيروز:الو
نضال:هانيا
فيروز:هانيا الحمدالله
نضال:صافي
فيروز:شوف هيلا كنتي جاي علمني باش نقاد لغدا
ساليت معاها وقطعت
نضال:تال دار ونكولها ليها
مروان:ماتبقاش تعامل معاها هاكا راها ضريفة وماتستاهلش
نضال:انا عارف اش كاندير
شويا تادخلات عليهوم فاتي شافت نضال وهي تلاح عليه
فاتي:اهياا كوليا ياك ختي بيخير ماخاصها والو هاا
نضال:راها بيخير وحيدي يديك عليا
فاتي:على بنادم كيداير باز ليها معاك
مروان:اش خاصك افاتي
فاتي:احم احم راه كولشي واجد لغدا خاصك هي تعلم فيروز
مروان:راه نضال غايعلمها
نضال:اه يالاه نخليكوم خاصني نمشي
خرجت من الشركة ركبت فلوطو وتاجهت لدار بلاصيت اللوطو فباركينغ حليت لباب
نضال:فيروووز
عيطت ماجاوباتنيش دخلت لكوزينا ماكايناش قلبت بيروها ماكايناش فيه وحتى بيت نعاس تخلعت اواه فيناهيا دخلت لصال دسبور ماكايناش سمعت صوت تشلبيخ فلابيسين خرجت طليت عليه كاتبان لياا كاتعوم فيه بكل مهارة واو صدماتني وجسمها لبيض منعاكسا عليه اشعة شمس تداركت راسي وقربت تال حداها وربعت يديا خرجات رتاسها من لما وتصدمات
فيروز:اااااااه اليعطيك غبارا تفو
نضال:عاودي اش كلتي
فيروز:قيب عليا تانتا خلعتينا ماعرفناك جن ماعرفناك بنادم ياك كلت ليك علمني هيلا كنتي جاي
نضال:داري هادي نجي وقتما بغيت
فيروز:بزعطا هليلا كانت دارك
نضال:لاتعصبينيش راه غانزل ليك
فيروز:نننننننننن فيك غادوي يالاه نزل هيلا قديتي
نضال:جنيتي على راسك
السيد بدا تايحيد فحوايجو وبقا هي بشورط
فيروز:اويلي تستر اولد لعبد
نضال بابتسامة جانبية:هاحنا غانشوفوك اش غاديري
تلاح فلما وتم جاي على كودي وختكوم ولات تادير عومت لحجرة فلواد ونص تلابيسين شربتو بلخلعة بقيت تانعوم على كودي وتانغوت
فيروز:واااماااي واماااي واعتقووننييييي والموت جايا غررر غر ررر
شدني ولد لحرام من رجليا وجرني لتحت تاشربت لما شديت فيه شدة لعما فضلما
نضال:هاا فيناهي جبهة ولهضرة لخاويا يالاه دوي
فيروز(وهي معنقاه):وشتي انا بنت لقحبة حيت بغيت نضحك معااك لميييمة ايلا ماطلقني
نضال:تصحابك دخول لحمام بحال خروجو جمعي نفس حيت غادي نغرقك
  مازال ماستوعبتش كلامو حتى تخشينا بجوج تحت لما بقييت كارزا علييه وتانضرب فيه تانضرب فيه حتى طلعنا
فيروز:واااااكواك اعباد الله عتقو الروح وطلق مني وطلاااق خليني نمشي فحالي
نضال:لااا مازال ماسخيت بيك انا وياك فلابيسين وعريانين فرصة لاتعوض
   صافي ختكوم مني سمعات هاد لهضرة ولاو جميع الوان قوس قزح ضربو فيا وهو كايبتاسم بخبث بان ليا السيد بدا تايقرب تايقرب وانا نشنق عليه من لمزيان وتخشينا فوصت لما وانا كانحاول نتسلت منو بلكشايف تاطلقني هي طلقني وانا نطير كي الزواق وشديت فلحافة ديال لابيسين كانكحب حيت شربت لما تلفت تانقلب عليه مابانش ليا كلت يمكن مشا حتى خرج ليا من تحت لما ووقف قدامي مباشرة
نضال:يحساب ليك دغيا غاتفلتي مني
فيروز:واش منيتك حيد عليا انضال
نضال(بخبث):احح على نضال كي جات من فمك عاوديها
فيروز:مييمتي مييمتي صافي هادي لخرا ليا وابعد مني ابنادم ماتصحابنيش نتا هوكا داير نضال:اش بيتيني ندير ها
فيروز:عافاك حيد عليا
نضال(زاد قرب):لاء انا بغيتك
فيروز(بخوف):وااااااحيد القلاوييييي وااعتقوني
بقا تيقرب تيقرب وانا كاندفع فيه بحالا كاندفع فشي حيط وانا نستسلم وها يخشيني فلما وعاود طلعني بقيت مدهشرة
نضال:هههههههه خاصك تشوفي وجهك كيولا دايرر ههههه
فيروز:باراكا عليا من هاد التفلية تفو طيرتيها مني
نضال:ههه تصحابك واش غانغتاصبك ديزولي نتي ماشي لماركا ليتاتهيجني
فيروز:مزيان احسن حاجا حيد خليني ندوز
  بقا تايعوم حتى وصل لحافة تلابيسين  وطلع ولما نازل منو ناااري سيد كيتايبان
فيروز:ارا ليا داك لبينوار
نضال:طلعي ليه
فيروز:وارا بلا تبرهيش
نضال:شدي ماعرت شكون لبرهوش فينا
عطاه ليا طلعت ولبستو جاني حتال الركبة نشفت شعري بواحد لفوطة اوخري
نضال:طلقي ليا فوطة
فيروز:جيبها راسك
نضال:فيرووز
فيروز:هاك وسكت ايخ وليت تانكره سميتي لحتها ليه وهربت دخلت لكوزينا وانا مكلكمة فلفوطة مابين هو طلع يلبس حوايجو خرجت سردين ولحوت ولفريت باش نقليهوم درت جوج مقلات فيهوم الزيت باش دغيا نسربي وبديت تانقلي طلقت لمزيكا ديك الاغنية "مادا بيا نولي مرتك نتزوجو ونديرو دار.."بقيت كاندندن معاها تاساليت لقلي وقليت لفريت تاهو درت فطبسيل لحوت طبسيل لفريت وطبسيل كويرات سردين قاديتهوم فطبلة جا دخل داك جحموم
نضال:ماغاتلبسيش حوايجك
جا باينقب لفريت وانا نضربو ليديه
فيروز:حيد ايديك هالماكلا باتحط مازال ماغانلبس حيت باقا بيت نعوم
نضال:اهياتا شتك ضسرتي
فيروز:مالك تاني سير كلس مابين نجبد لكاتشاب والمايونيز و شلاضا
مشا كلس وهو مغوبش عمرت طبلة بما لد وطاب وكعدت
فيروز:تفضل امول الدار
بدينا تاناكلو فجو من الهدوء حتى صونا تيلي كان محطوط فوق لبوطاجي هي شفت شكون تايضور وانا نقز بلفرحة...يتبع