فينك أراجلي لعزيز؟؟(بالدارجة المغربية)

30

#فاتي
نزلت من اللوطو وأنا متوترة ماعرفتش علاش حاسة بلي هاد لعراضة ماغادوزش على خير ياربي السلامة وصافي حسيت بشي يد كاتسلل وشدات ليا فيديا تاقفزت
مروان: فاتي كالم طوا مالكي هي كاتقفزي اش غايطرا كاع فملك الله عجبهوم ماعجبهوم الحال نقلب عليهوم الدنيا ونخرج لي ماعجباتو مرتي يعاود لكرو
فاتي: اووف كانتمناو ماطرا تاشي حاجة
دخلت وأنا هازا راسي للسما واخا لابسة الطالون مروان طول مني درت مشية عارضة الأزياء استقبلاتنا الخدامة ووجهاتنا لطاولة الأكل ههه دخلت لقيت تبارك الله اللفاعي مجموعين كلارا وتريشا ومريم  وعمران؟ماعرفتش أش جابو لهنا وبيان سيغ عمي هاشم بابات مروان ورفيدة استقبلني عمي هاشم بابتسامة كبيرة وعنقني كي بنتو
هاشم:أهلا بمرات ولدي كيدايرة لاباس عليك
فاتي: الحمد لله أعمي ونتا كيدايرة صحتك
هاشم:ههه هاني أبنتي صحيح فصيح هي هو ديك مراتي حيدات عليا السكر
فاتي: عمي لحياة بلا سكر كي التلفازة بلا ضو
رفيدة:احم احم مرحبا بيك أولدي
مروان (عنق مو):شكرا الواليدة
جيت بيت نعنقها كي درت مع عمي بنت لقحبة ماطات ليا يديها بشياكة نااري مارضيتش وتزيرت مديت ليها تانا يديا ودغيا جراتها وبعدات عليا هزيت حاجب فيها زعما أش خريتي شافت فيا بتكبر ها بلاتي على لقحبة يماك أنوريك الشيكي
مريم:فااااتييييي حووبي
فاتي:سليعفانة كيدايرة توحشتك (عنقتها)
مريم:عقلي كاع ما ضورتي ليا ماسولتي فيا أولا دارها خويا 😉😉
فاتي: هههه لا هههه تقريبا ولكن  لخدمة كترات علينا مؤخراا
مريم: اممم ليوما نكعدو مجمعين وموانسين عندي ليك بزاف مايتكال
فاتي: نو واي ليوما تكري بلي كاين ولي ماكاين
عمران:ختي فاتي ومدة ماشفناك
فاتي: أهلا كيداير صافا غبرتي علينا
عمران: أودي هي الأشغال وصافي ههه فيناهي فيروز ونضال
رفيدة:ماعرضتش عليهوم أنا لموهيم عندي هو ولدي والباقي هي زايد من غير عمران لي داير كي ولدي
كولشي دار شاف فيا بيمعنا راه لهضرة عليك مارضيتش هادي ماعرت علاياش كاتقلب
فاتي: هههه شكرا أخالتي على لعراضة كايبان ليا جمعتي عائلتك وحبابك ياكما قربات ساعتك ولقبر بدا تايعيط هههه
تزيراااات وتزنكاتتتت ومارضاتش هيلا كان لسانها ماضي أنا لساني مقدة كاتهرس الريوسا
كلارا:تا بنات الزنقة ولاو كايهضرو وتحل ليهوم الفم
فاتي:بلاتي شكون لي كايهضر نتي؟ سمحيليا مع أنا كانشوف هي لفوق مابنتيش ليا علاما سمعت ديك الشوهة لي ضربت ليك خلاتك هي مخبية فالدار
تريشا:اييه لزمي حدودك وعرفي أش كاتخرجي من داك الفم
فاتي: اوه سميتك كانيشا ياك
تريشا:تريشا ليخليك
فاتي (رجل فوق رجل):بحال بحال فلخر راكي كاتشبهي لواحد لماركة تلكلاب لموهيم أش كنت بيتنكول ليك اممممم اه أش حرك شطايطك من لخر
عمران (بهمس):جر مراتك للطبلة تلماكلة راه غايديرو الشوهة
مروان: واخا حياتي أجي نتعشاو باش نمشيو دغيا حيت را عيانين
تاجهنا كولنا لطبلة لعشا تفووو ماكاينش لخبز أش قدا ليا لموس ولفورشيط كلسات الشارفة وحداها عمي هاشم بجنبو بنتو وكلارا مقابلا معاهوم تريشا وأنا ومروان وعمران بدينا الأكل بصمت هي صوت لمعالق ولفراشط ولماس تاقاطعنا صوت هاشم
هاشم:ايوا أولدي الشركة غاديا للقدام ومتصدرة الصدارة ربيت راجل من داكشي
مروان: شكرا أالواليد
فاتي: اه راني شاهدة على التميز ديالو
عمران: تا مروان عرف أش ختار أختي فاتي
رفيدة: أش ختار وحدة بلا أصل ولا مفصل لي يجي معا مستوانا كنت باغيا ليه كلارا شوف بنت شهبة غزالة ومن العائلة مالها حسن من هاديك
فاتي (باستفزاز):ههه كايكولو بعد من دمك لا يطليك مابقاتش فلفلوس والجمال حيت لفلوس غايمشيو وهيلا مشا الزين كايبقاو حروفو ماشي البوطوكس ولحجبان ملحوسين وعضيم الطيو الراجل كايبغي فين أيشد ويشيط لخير الحمد لله حنا كبرنا هي بلخبز ولمرقة وهانتي الرشاقة
مروان:الواليدة صافي قادي جايين باش ندوزو أمسية زوينة إيوا خلينا هانيين
كلارا:مرواان غبرتي عليا
مروان: عندي حاجة أهم منك(شد يدين فاتي)
هاشم:صافي أجيو جمعو الطبلة سالينا
دزنا لواحد لكليسة كانت مفرشة بفراش أوروبي رائع مروان خرج مع عمران وهاشم للجردة يهضرو فأمور الخدمة وأنا خلاوني مع دوك اللفاعي
تايخنزرو فيا
رفيدة:شحال بيتي؟؟
فاتي:كيفاش؟؟
رفيدة:شحال نعطيك وتبعدي بمرة على مروان
فاتي:هه ماشي كولشي كايتشرا بلفلوس ارفيدة أنا وولدك كانبغيو بعضياتنا وماغايفارقنا هي الموت فلوسك عطيهوم للفقراء ودي الأجر فهمتي
تريشا:لفقراء بحالك؟؟
فاتي:انكوليك واحد القدية عمر الفقر ماكان عيب ولا عائق بالنسبة ليا عمر لفلوس ماتشري السعادة أنا عشت سعيدة وعايشة سعيدة وغانبقا عايشة فالسعادة شوفي راسك هي نتي
كلارا:لسانك ماضي هاه
فاتي: مضى من السيف شوفي راسك واش قادة عليه
رفيدة:إذن تايبان ليا ماغاتجينيش بالطريقة السهلة
فاتي:هه عمر الطريق الساهلة ماكاتوصل ليا
رفيدة:غادي نسعا بيديا حتى نفارقكوم كلارا لمروان ومروان لكلارا فهمتي ديريها حلقة فودنيك
فاتي(ببرود):شكرا
عمران: اش كاديرو
فاتي:هه كانتناقشو فشي أمور
مروان:اقتارح عليا عمران نسافرو معاه أنا وفاتي ونضال وفيروز
كلارا:ماكرهتش نمشي معاكوم أنا وتريشا عافاك أعمران
عمران :اممم واخا وغانديو معانا مريم وسمية
فاتي:خويا عمران ماشي موشكيل هيلا عرضت علا ياسين وماجد
عمران:ايه مرحبا بيهوم
رفيدة:ضروري تلسقو فيكوم هادوك(علا ياسين وماجد)
مروان:أه مني هوما من عائلتها وبحال خوتها بحال كلارا وتريشا بحال خواتاتي 😒😒
عمران:أنا غانكولها لنضال غدا صافي
مروان:صافي حبيبتي يالاه مشينا
فاتي:يالاه أحياتي
نضت عنقت مريم وعطيتها نمرتي باش تكول ليا البلان كي داير درت ابتسامة تحقير ليهوم قربات كلارا لعندي وكالت
كلارا:مروان ديالي أنا بوحدي
فاتي:هيلا وصلتي لودنك عضيها
درت يدي فيد مروان زعما راه ديالي سلمت على عمي هاشم وعمران وخرجنا هي ركبت فلوطو وجنوني وقفو ليا
فاتي:مك كاتجبدني
مروان:هه عارف يعني كان خاصك تكوني عارفة بلي الواليدة غاتبدا تهضر وتانتي لسانك سليط
فاتي:اوووف غانحاول نساها أجي فين غانمشيو وإيمتا
مروان:بعد غدا ولمدينة بحرية الشمال
فاتي:ياااااااس واااااااو الشمااال مووووح عليك
مروان:ههه كاتعجبني ضحتك أ حبيبة
فرحت وماقداتني فرحة وأخيراا البحر واو من دابا كانفكر أش غانلبس وفيرووز كاتحماق علما انشاء الله غاندوزو أحسن عطلة تماك