فينك أراجلي لعزيز؟؟(بالدارجة المغربية)

20

فليموزين مع 18:30
فيروز:واا لخلعة طلقي مني والخلعة طلقي مني هههه
فاتي:هههه هادشي ماموالفينش بيه والله القادية حاامضة
نضال:لا ماتخافوش ومادهشروش هادشي والو
مروان:اه رتاحو واهم حاجة خاصكوم ديروها هي تنافيق تم غايكونو هي اهم رجال الاعمال واهم شي بعدو على المشاكيل
نضال:مانضمنش ليك ولكن فيروز غاتبقا حدايا
   بقاو كايهضرو ومروان كايعطيهوم مجموعة ديال التوصيات باش مايفسدوش الحفل ولكن اسي مهضرتك غاتضرب فعرض لحائط حيت داكشي لي غايديروه ماعارفو هي سيدي ربي . وصلو لمكان الحفل اقل ما يقال عنه روععة كان كايبان من بعيد عامر بالضواو و صوت الموسيقى الراقية تملا المكان حل ليهوم لكارد ليموزين وتمو هابطين بكل اناقة والصحافة كايصورو فيهوم كولشي لابس لباس تلحفل الا دوك جوج نضال وفيروز ستقبلهوم موسيو خوليو وهو هاز كاس تشراب لغالي
خوليو:اوو سي نضال وسي مروان مشرفين لحفل ديالي
مروان:ايوا ضروف لي اضطراتنا
خوليو:هاهاها هادشي قليل فحقكوم
نضال بخبث:ماكدبتيش لانو ماشي من مستوانا نقدرو نشريوك نتا وهادشي ولكن ماعندناش لوقت
  خوليو تزير لانو عارف شكون نضال وعارف شحال حقير وخاصو يتسالس معاه باش يخرج باقل ضرر نضال هاكا طبيعتو الوحيدين لي كايتعامل معاهوم مزيان هو مروان و فاتي وحبيبتو فيروز
فاتي:ههه لينا الشرف اموسيو خوليو
خوليو:اولالا ما بيلا جيتي زوينة بهاد لبسة
فيروز:تصميم ديالي هادا حبيتها تكون قنبلة لموسم وهاهي قدامك
خوليو:كنت متاكد من القدرات ديالك هاهاها
  #فاتي
ايوا بقينا تما مع داك حوليو ولا خوليو ماكاين هي سبغني نسبغك قلة لعراض وصافي انا وفيروز هي تانبحلقو فعينينا  عيباد وعيبادو شويا تمو جايين واحد جوج مينيكات بلاتي بلاتي فايتا شايفاهوم اييه ديك لكانيشا وكلامارا اش جايين يديرو هنايا
فيروز:اهياتا مال هادو جايين لهنا
فاتي:ماعرفتش ولكن لحاجة لوحيدة لي عارفاها هي ان هاد لحفل ماغايدوزش على خير
جات ديك لكانيشا سلمات على ناس لي كانو معانا بيديها وصلات تال نضال وهي تلاح وباستو فحنكو
تريشا:او نضال غبرتي علينا توحشتك
نضال:ايوا انا مزوج ومابقيتش مسالي ليكوم
تريشا:تفو على هاد زواج لي بعدك عليا
فيروز:لي بعدك عليا؟؟
تريشا:اووه نتي هنا؟
فيروز:لا لهيه اش هاد لحموضة ولبلادة لي فيك ههه
تريشا:حبيبة هه ماتتخديش من جيهتي نضال عزيز عليا وبزاااف وكانحسبو كتر من خويا
فيروز:لا حسبيه هي خوك وباراكا ونصحك نصيحة اي راجل مزوج يستحسن تسالمي معاه هي بيديك لانو مانقدر نضمن ليك مراتو اش تقدر دير ليك
تريشا(بتكبر):نضال تانعرفو قبل منك ماشي نتي يالاه جيتي وبيتعلميني اش بيندير
فيروز(بغرور):الواجب ديالي هو نعلم لمكلخين بحالك مستوى الرقي
تريشا:هاهاها الرقي ماشي بنت جوع هي لي غاتعلمني الرقي شوفي هي راسك اش لابسة
فيروز:هاه اوبس تانا ماشي بنت لقحبة وبنت لبار لي تعلمني اش نلبس الاسد يمشي وحيدا بينما الخراف تمشي في القطيع
   تريشا مارضاتش بلهضرة لي تقالت عليها كدام نضال لي كان مستمتع عارف فيروز لسانها سليط وجاب ليها الله فاش تفرغ لموهبة ديالها نخليو هاد جوج كايتعايرو ونمشيو عند لوخرين
كلارا:دائما كيفما عاهدتك امروان فالقمة وكاتستاهل دائما ما احسن هي هو كايباليا زربتي فزواج من هادي
فاتي:النفوس اذواق احبيبة تانتي غايجي نهار لي غايديك جي واحد معميين ليه لعينين مايبقاش فيك لحال
كلارا:نعام كاتهضري معايا واش عارفة نتي معامن داوية
فاتي:اه كانهضر مع هيكل عضمي شخصيا هاهاها
كلارا:سمعيني اديك لموسخة بربي وماتبعدي من ساحتي ياحتا نمحيك من دنيا فاتي:هاهاها داويا منيتك تايبان ليا مازال ماعرفتيش بنت لقاع ولباع لي هي انا سمعيني مزيال وحلي ودنيك لاغانطرطقهوم ليك لاتستحقر احدا وترى نفسك في القمم فكلنا من طين والتراب نهاية كل البشر
كلارا:هاه هاحنا غانشوفو كانقسم ليك بلي غاندمك
فاتي:هيلا وصلتي قزيبتك لحسيها وانا كانتحداك
كلارا:همجية كيدايرة
خوليو:ايوا نشوفو العرض اش باليكوم
فيروز:مرافقة
  فوق المنصو تلعرض بداو تايدخلو لبنات لابسين لكساوي لي صممات فيروز و بالصدفة كانو مزيج كابين لحمر ولكرونة كانو اكتر من هائلين

الناس عجبوهوم بزاف جاو هائلين واخر وحدة كانت فاتي داخلة كاتمايل بغرور وهي هازة لميكرو
فيروز:مرحبا بيكوم فلحفل لي دارو موسيو خوليو تصفيقات حاراا عليه كنتمنى ان العرض يعجبكوم وتكونو ستمتعتو بيه وبالتصاميم دياول المصممة الموهوبة فيروز
  زاد كولشي كايصفق انا واقفة ورجليا كايتفافاو فالمنصة هي بوحدهوم ولكن عجبني لحال مني شفت مروان صيفط ليا بوسة فلهواء جاب ليا الضحك اما واحد لكلامارا سم لقاطع تايقطر ليها من مناخرها هي ولكانيشا ناديت على فيروز باش طلع جرخا نضال وطلعات معاه حيت كان فيها لخوف عطيتها لميكرو وهمست ليها باش ماتخافش
فيروز:ههه سلام انا فيروز مصممة ازياء مبتدءة ..ام...ههه ماعرفتش مانكول فيا .التوتر
نضال(شد ليها لميكرو):مرحبا بيكوم فهاد لحفل المجيد لي دار على شرافهاوشرف موهبتها تستاهل اخسن حاجا نبغيو نوجهو تحية لمنضم الحفل ولعشيري مروان ولفاتي احسن عارضة ازياء وهيلا شي صحافي عندو شي سؤال يقدر يتفضل غانجاوبو عليه
غمزني نضال وعتقني من الموقف بجدارة شبكت يديا فيديه وبدينا كانجاوبو على الاسئلة
صحافي :مدام فيروز واش واجهتي صعوبة فلبدايات ديولك خصوصا انك كنتي كاتعيشي فلفقر
فيروز:ضروري ولكن بنادم خاصو يتاخد بالاسباب باش يوصل للنجاح
صحافية:مدام فيروز سمعنا بانك ماقدرتيش ترسمي بسبب ضربة فيديك علاش؟
فيروز:طرات ليا كسيدة وانا فوق موتوري ومني طحت طاكيت بيديا وخصرو
تريشا:سمعنا بلي زواج ديالك من نضال كان اجباري وتاع مصلحة ونتوما عايشين غريبين على بعضكوم فدار وحدة بصاح
فيروز:بصيفتك شكون كاتسوليني
تريشا:معاك افضل صحافية
فيروز:بزعط ههههه
زاد كولشي كايضحك عليها وعلى الرد الطفولي لي تلقاتو مني
فيروز(ضغيا جمعت الضحكة):غانجاوبك لا طرطقي هنايا هاد لحاتم لي فيديا تاع الزواج لي حقيقي ونعيش كيفما بغيت انا وياه ماسوق تاشي بنت لقاف فيا
كلارا:تبتي لينا
نضال بخبث:نتوما لي بغيتو وانا خاصاني هي سبة
حاوط يديه على خصري وشلقمني وباسني بوسة رومنسية ماكاينش بحالها قدام كولشي جاني الضحك والله بعد عليا وغمزني وانا نطلق واحد الضحكة من قلبي
نضال:كانضن بلي هادا افضل دليل يالاه باراكا عيينا
حاوط ييه على خصري ونزلنا وهو كايدير ايديه فلحاشية تسروال ديالي انا تزنكت وشهقت حسيت براسي تزيرت
فيروز:نضال لا حيد ايديك
نضال:امم علاش
فيروز:وحشوما باراكا ناس كاينين
وااااااااااا
سمعت صوت صراخ مني تلفت لقيت فاتي شادا كلارا من شعرها وجاراها من المنصة
############################
كيجاكوم الفصل تسناو التتمة ليوم