فينك أراجلي لعزيز؟؟(بالدارجة المغربية)

33

الأبطال ديولنا فاقو بكري وشدو الطريق للشمال بالظبط طنجة عروس الشمال وصلو فوقت زوين وريحة البحر عاطية وقفو قدام واحد الفيلا كبيرة
عمران: مرحبا بيكوم فداري كانتمنا ليكوم إقامة زوينة
فيروز: شتي نتا طووب(عنقتو)شكرا ليك
حسيت بيه تصدم وتخربق ماعرفتش علاش زعما هو كايبان راجل عندو هيبة وتايق فراسو مممن ماعرفتش دخلنا الداخل كان واعر بزااااف وعامر بالبيوتا
كلارا:اممم زوين مابيهش
فاتي: تبارك الله عالأداب لي معلماه
تريشا:على أساس نتي معلماه
فيروز: الجمل ماكايشوفش حدبتو كايشوف هي حدبت غيرو سيري قلبي ستة فتسعود وقيبي على ختي لا نرفع دين مك
تريشا:يالاه هاني فرجيني
عمران: هيه البنات صافي قاديو راه جينا باش نشطو ونضحكو
نضال: فيروز يالاه نطلعو راه الشيفور طلع الباليزات بيدون مناقشة
فيروز: ليعميها لشي بعضين
#فاتي
طلعات فيروز منورا نضال وهي مخنزرة فالكانيشا ياسين وفار الدقين طلعو للفوق وشفتو غمزها عنيبة لاخور نتفاهم معاه من بعد عمران طلع حتا هو كانو الخدامات فلفيلا وجدو الماكلة #بعد نصف ساعة
نزلنا للتحت وشي محامل شي ومخنزرين كلست بهدوء حيت أصلا الطبيبة نصحاتني باش مانتعصبش الجو مكهرب بزااف
ماجد:مريم ماكليتي والو واش نتي بيخير
فاتي: حصلتييييي اعنيبة
هي كلتها وكولشي زاد كايضحك هو مقزدر كتر من القياس وهي حشماات
مروان: اش كاين؟؟
فاتي: اش نكوليك ختك وولد عمي كايحبو بعضياتهوم
ماجد: لاااااا كذابة
فيروز: نتا لي كذاب مالك شفناك غمزتيها لا نتا لاداك الكيدار لاخور
نضال (بتخنزيرة):اش هادشي كانسمع
فيروز: تهدن أنضال
ياسين:انا سمية عجباتني وانا وياها علا وفاق وناوي معاها المعقول انا ماشي من داك النوع لي يتفلا على بنات الناس حيت طبيعتي وتربيتي ماتسمحش ليا وراها فأمان معايا(شد ليها يديها)
نضال: ختي توقع ليها شي حاجة نذبحك
ماجد:انا كانعرفك وكاتعرفني مزيان امروان
مروان:كانتمنى تكون عند حسن ضني
عمران : اش باليكوم نخرجو ندورو شويا
فاتي: بصراحة انا مافياش خلي تال غدا
فيروز: انا غانبقا معاها نخاف عليها من المخلوقات العجيبة
كلارا :مزيان أنا غانبقا هنا ماعندي مايدار
تريشا: تا انا
فيروز: يعطيك الهانة نشاعالله
سمية: تا انا غانبقا هنا
مريم: موا اوسيييي
نضال: سظعي نتي والله ونلقا شي موصيبة يا حتا نقودوها
فيروز: ها سير
مروان: فاتي نتي هي مولات العقل
فاتي: ايه انا هي لي هارب ليها الريزو
     خرجو من الفيلا وخلاو العافية بيناتهوم
فيروز: اش بان ليكوم نديرو مصارعة حرة
تريشا:من نيتك بففف
كلارا:من واحد الجانب غانبردو سمنا فيك
فيروز :ههه خفت هي علا وجهك
سمية: انا مالاعباش
مريم: تا انا
تريشا:انا ضدك اش بان ليك والفائزة غادي تبوس نضال 💏💏
فيروز: اووو موافقة
وقفنا ضد بعضياتنا وبدينا المصاااارعة الحرة كاتحاول تريشا تنتف ولكن والو حيت هي هي كاتهاجم ماكاتدافعش انا كانقاوم كانتسناها هي تسخف وتاهي دغيا عيات هههه وعاودي كولي لخص شديتها عطيتها ملخة تاعت لعصى
فاتي: والفائزة هي فيروز
سمية: واااااا عتقوووني
مريم: فاار فاااار
كلارا:لاااااا
تريشا:اهئ اهئ اهئ
#عند الدراري
ياسين: خاصنا نرجعو قبل مايموت شي حد
ماجد:اه
نضال: هي دابا
رجعو الدراري للدار هي حلوها سمعو السقيل
عمران: البنات
فيروز: ششششش سكت بقاو تما تاواحد مايتحرك
مافهمو والو وزادو تصدمو مني لقاو سمية ومريم وكلارا وتريشا وفيروز دايرة فوق راسها كاسرونة وهازا مقلة ولقاط وفاتي لاوية على كرشها المخاد بقنبة وهازا شطابة وبالة
نضال: اش واقع
فيروز: سكت قطع حسك
لحضاات صمت في المكان وكولشي كيترقب اش غايوقع
فاتي: رااهو راااهو
فيروز: شتو شتو ليوما نقتل مك
الفار بقا تايجري وهو محنقز تلاحيت على مو انا وفاتي هي ضرباتو بالشطابة تا حنقز وانا نتلاح عليه بالمقلة حتى داخ شداتو الصدمة هزيت الكاسرونة لي كانت فوق راسي وسديت عليه بيها جابت ليا فاتي قرعة الجاج هزيت الفار وحطيتو تما وسديت عليه وبقيت ننخض ونعطي لفاتي تنخض بقينا عليه هاكا حتى سخف مسكين
مروان: اش واقع ؟؟
فاتي واحد الفار ولد لحرام خسر لينا اللعب وكانتاقم منو
عمران: وماخفتيش منو
فيروز:انا ؟؟لا هو خلع لينا الأميرات ههههه
فاتي: اري ليا القرعة جات نوبتي نلعب
فيروز: ههه لعبي مزيان
خرجات لفار لي داخ مسكين وتمات غادية لكلارا
فاتي: هاااهو جاااي ليييك بوووع
غوتات حتى حلاقمها بانو خرجاتها منها فاتي اما تريشا انا متأكدة انها بالت الدراري خراو بالضحك عليها
فيروز: غانخبيه وفينما تبداو تديرو هاه ولا هاه نجبدو
نضال: بيت نعرف نتي واش بنت ولالا
فيروز: لا مرا ونص اجي بعدا 💏
نضال: علاش
فيروز: تحاطيت انا وديك الكانيشة على لي غلبات فالمصارعة غاتبوس نضال ساعاتك غلبتها
ماجد:البنات ضلام الحال وعيينا بالطريق نعسو باش غدا تصبحو هوما هادوك ونمشيو للبحر
فاتي: ياااي حلم حياتي يتحقق طلع كل واحد لبيتو شي ضاحك وشي فرحان وشي بال فسروالو بالخلعة غدا غايكونو أحداث جديدة ومشوقة احضات لا تنسى غاتكون تابعونا
ΠΠΠΠΠΠΠΠΠΠΠΠΠΠΠΠΠ
سلام لبنات درت هاد البارت حيت شجعتوني وفرحتوني وبيت نفرحكوم تانتوما بغيت نستاشركوم اش بان ليكوم تسولو الشخصية لي عجباتكوم فكومونطير؟؟لي وافق ايكولها صاافي