فينك أراجلي لعزيز؟؟(بالدارجة المغربية)

36

كولشي كالس فلكلسة شي كايشوف فشي كاين لي فاهم وكاين لي مافاهم تاوزا
فيروز: لاش رجعتي ؟
فراس: رجعت من ألمانيا حيت بغيت نستقر فالمغريب ونرجع نقلب عليك
نضال (نايض ليه) :اش كاقود عليا هناا واش عااارف معامن كاتهضر
مروان (شدو حبسو):تكالما وخلينا نفهمو أش واقع
عمران (بتخنزيرة):اش بينك وبينها؟؟
فراس:حبيبها لقدييم
فيروز: هانتا براسك كلتي لقديم يعني انتاهات ليك الصلاحية إدن لاش رجعتي بغيت الصراحة(بحدة)
فراس: أوكي أنا مني فقدتك فقدت لمعنى ديال لحياة لأنك كنتي بنت مختالفة على لبنات لي كانعرف ضلمتك معايا وبزاااف خرجت للخاريج كملت قرايتي وواعدت راسي بلي مني نكون راسي نرجع نقلب عليك وبفضل تريشا لقيتك
فاتي: بفضل تريشا؟؟
فراس: اه هي لي كالت ليا بلي كاينة هنا وجيت باش نرجعها ونتزوجها
فيروز(بسخرية): ههنسات ماكالت ليك بلي أنا مزوجة وكانبغي راجلي
فراس:اه كالتها ليا ولكن أنا عارفك مانسيتينيش
نضال: هاد ولد القحبة
فيروز: نضال صافي خليني نتكلف
نضت بكل هدوء وثقة مشيت عند فراس حطيت يديا على وجهو وكولهوم مصدومين
فيروز: اه بصح دوزنا بزااف ديال اللحضات والذكريات ولكن أنا مانسيتكش انا محيتك من حياتي كأنك ماكنتيش أصلا فهمتي حثالة بحالك ماشي من مستوايا الحقير يضل حقيرا حتى يموت ✋✋
صرفقتو بكل قوة هو تصدم ونقدر نكول بلي نضال ارتاح وابتاسم مشيت عند تريشا ووقفت قدامها بكل شموخ
فيروز: عند بالك هيلا رجع ليا الحب القديم غانسى نضال باش نتي تضوري بيه تؤتؤتؤ أنا هيلا بغيت شي إنسان كانبغيه من قلبي ونضال هو الحب الحقيقي فهمتي القحبة كاضل قحبة واخا تكون بوكو حبة لذلك ماغانعطيكش شرف نصرفقك ونحط عليك إيديا انا غانجري عليك من نهنا وكانواعدك بلي هيلا شفت كمارتو ولا كمارتك غانقتلكوم بكل بساطة فهمتي
هنت ليها الكرااامة ديالها مارضااتش تلفت وهي تم جايا ليا باتنتفني شداتها فاتي شعرها من لور وشنتفااتهاااا من المزيان
فراس:أخر هضرة عندك ؟؟
فيروز: اه
فراس:إدن خليت ليك الراحة هه
مشي عند تريشا وعاونها تاناضت وخرجو تحت أنضارنا
فيروز: إذن كولشي سالا
درت جوج خطوات وأنا نحس بالدنيا كولها ضارت بيا وطحت فقدت الوعي بكل بساطة
👐👐👐
حليت عينيا ببطء دورت عينيا لقيت راسي فلبيت نضت بشويا ونزلت لتحت سمعت الهضرة غلا غلا غلا
فيروز: سلام
ناض عندي نضال وباسني
نضال:شويا خلعتيني عليك
فيروز: يخليك ليلي
فاتي: كلت ليهوم بلي ملي كاتخلعي وتوتري وتصدمي كاتسخفي
عمران: كي كاتحسي براسك
فيروز: هاني الحمد لله حية أرزق أش وقع ؟؟
فاتي: أنعاود ليك أحبيبة فراس خرج هو وتريشا تبعتهوم بتسليتة عرفتي هاد لقاعدة لي فيا شحال خايبة سمعتو تايكول
#فلاش باك
تريشا: اهئ اهئ اهئ علاش أنا ماعنديش الزهر علاااش هي طاحت فلحب وانا لا
فراس:شكون لي كالها ليك نتي بنت زوينة وأي واحد يتمناك
تريشا:شكووون هااا شكوون!!
فراس:أنا أنا كانبغييك أترييشا عرفتي منيمتا وأنا بغيت نكولها ليك وخفت من الرفض حيت كانو عينيك معميين بحب نضاال ولكن دابا انا كانبغييك وبغيت نخطبك من دارك؟؟
تريشا (بفرح):ههه مواافقة
#نهاية الفلاش باك
فيروز: أوااه الله تهنينا وفيناهي لوخرا
مريم:رجعات فحالها
فيروز:الله على راحة
نضال: فراسك فواحد اللحضة خفتك ترجعي ليه
فيروز: لا عمرني نرجع ليه ولا نشوف فشي حد من غيرك أنا كانبغيك نتا
عمران: ايوا صاافييي راعيو للمشاعر دياولنا
كولشي زاد تايضحك عليه
فيروز: أش غانديرو ليوم
فاتي: فيروز نطلبك طلييباا
فيروز: أشنو؟؟
فاتي: قادي ليا ليييكرييييب عاافاااك
فيروز: اييه علاش لا
نضت للكوزينة طلقت لمزيكة وكعدت كانصاوب فيهوم بكل حب حيت غانقادهوم لحبيبتي وختي ساليت وحطيتهوم ليها
فاتي (عينيها قلوبا):اللله علييييك
بدات كاتخشي فوجهها وانا دايرة ليها فيديو بلاما تحس
فاتي: هادو غانخبيهوم تانعاود نرجع ناكلهوم
مروان: لبنات غدا غانرجو فحالنا
فيروز:نيت توحشت الجو ديال مراكش
نضال: يالاه نخرجو أخر خرجة
لبسو الأبطال ديولنا حوايجهوم وخرجو تايتسركلو فليل
فيروز: انا فرحانة حيت انا معاك
نضال: حتى انا ولكن بيني وبينك توحشت فيروز الهمجية
فيروز: وقتما بغيتيها غاتحضر
فاتي:مرواان شوف هاد لبنيتا شحال كاتحمق
مروان: ههه جاك لوحم عليها
فاتي: اجي نبوسك
شدات لبنت باستا تاكانت غاتاكلها ومتنا عليها بالضحك رجعنا معطلين وجمعنا بالزنا ونعسنا
🌞🌞🌞
فاق كولشي مع الستة تصباح ووجدو راسهوم باش يشدو الطريق لمراكش وصلو مع 12:00
فاتي:اووف عييت والله وكانحس براسي تقاليت
مروان:حيت حاملة ياك كاتحسي براسك مزيانة
فاتي: خاصني هي ننعس فيا لموت تنعااس
ترن ترن ترن
مروان: نعام الواليدة
رفيدة:أجي عندي أولدي توحشتك بزاااف وجيب معاك مرتك نبارك ليها
مروان:تال ليل ونشوف
رفيدة:إيوا هاني كانتسناك
فاتي: مالها أش واقع
مروان:بغات تشوفك وتبارك ليك
فاتي:الله الله ليدومها محبة
###
فيروز:يووه الطريق طويلا وعييت
نضال: كاديري فحالا نتي لي كنتي صايكة
فيروز: ممم ماسوقيش انا عييت وصافي
نضال: توحشتك
فيروز: سير تلعب هي لبارح تاني توحشتيني ودرنا ليك خاطرك واداابا خليني عليك راني عيااااانة
نضال: علا راحتك أحبي انا غانرتاح شويا
فيروز: يالاه اجي رتاح هييي حدايا
نعسو بكترة لعيا والطريق العلاقة بيناتهوم تطورات بزااف نضال العصبي والقاسح ولا عاشق ولهان وفيروز الهمجية ولات ضريفة وحشومية
20:00
رفيدة:مرحبا بيكووم
مروان:شكرا الواليدة
رفيدة:دخلي
فاتي: ليدومها محبة
دخلنا انا مشيت هي عند عمي هاشم توحشتو داك الشخص عزييز على قلبي
هاشم:بنتي كيظايرة مبروك عليك
فاتي: شكرا أعمي بصراحة بيت هاد لولد ليتزااد يكونو عينيه بحااالك زوينين
هاشم :ههههه شرف كبير ليا
كلارا:هيلا تزاد بعدا
مريم:عرفتي أبابا دوزنا عطلة واعرة
رفيدة:ولكن بالنسبة لبتي كلارا لا مسكينة
مروان: صافي نساو هادشي  يالاهو ناكلو
مريم طلعات لفوق ماعرفتش علاش لموهيم كعدنا تاناكلو وانا وعمي هاشم خلقين جو تاع الضحك وحتى مروان طلعت نعيط لمريم
فاتي: مريم نزلي نضحكو
مريم: هاني جايا
هضرت معاها منورا الباب درت وانا نلقا كلارا ورايا وانا يالاه بيت ننزل من الدروج
كلارا :هاد لولد ماغايعيشش
مدات يديها ودفعاتني فالدروج اخر حاجة سمعتها هي لغوات