فينك أراجلي لعزيز؟؟(بالدارجة المغربية)

8

صبحنا على الله وملائكته وعلى الروينة لي نايضة فدار ايت حيدة اييه حيت جاية حكيمة و ولدها وحتى مروان كاتبان ليك فاتي كاتخمل فالصالون وبدلات لفراش وردات الدنيا كاتشعل وريحة سانيكروا معمرا الدنيا وفيروز كاتوجد ما لذ وطاب والعمات حتى هوما كايعاونو وهزو كاع لبراهش وشربوهوم سيرو تنعاس ودوخو الزمر وسورتو عليهوم البيت دابا هادي الطناش وكلشي وجد الصالون ولا على مزيناتو النقاوا كايلمع بيها وريحت الطياب عاطيا دارت  فيروز  طاجين كبير باللحم ولبرقوق مع اللوز ولموناضا اشكال وانواع والشلايظ نعام الالة وقادات حلوى تلاكريم وليكلاص تهلات فيهوم وتفننات طلعو لبيتهوم وجبدو واحد لبيجامات مخبينهوم هي لمناسبات لبسات فيروز بيجامة فزرق ملكي جاتها ايفازي وفاتي لبساتها فلكرونة وجمعو شعرهوم كعكة مهملة جاو سو كيوت
فاتي:صافي كانبانو هوما هادوك؟
فيروز:اه كانبانو هوما هادوك
ياسين:ناري ريحة الماكلة عاطيا واعرة توحشت ماكلتك العفريتة
ماجد:واهانتا اصاحبي غاتبرع مني تزوج بيها
فيروز:اوا راه راجلي لعزيز هادا
#فيروز
درت يدي فيديه وكنشير ليهوم زعما راني غاديا انا وراجلي وهوما خاريين علينا بالضحك
ياسين:مراتي لزيزة فين بيتيني نديك
فيروز:اوو مو شيغي بيت نمشي لجزر المادليف
ياسين:ننن حبيبة غانديك لبلاصة وااعرة
فيروز:فين احياتي
ياسين:غانديك لطواليت تشمي الروائح العطرة ههههههههه
   تلاحيت عليه كانضرب فيه ولد لحرام كشمني وبقاو كايضحكو عليا وتانا زدت كانضحك تاسمعنا السرسار
فيروز وفاتي:جاااااو
نزلنا كاندردبو فالدروج حليت الباب وانا دايرة اكبر ابتسامة بريئة فالعالم وفاتي كتر مني
فيروز:خالتي حكيمة مرحبا و الف مرحبا نورتي دارنا تفضلي
حكيمة:ربي يخليك ابنتي و يكبر بيك و يحجبك من العين
دخلات بكل تواضع تبعها مروان
فيروز:اهلا بسي لعريس ههههه
مروان:هه دابا نشوفو واش هاد الضحكة غاتبقا حيت كاين واحد لبلان باقي فميكتو
فاتي:مالكوم كيفاش اش واقع
مروان:ايهاي هاي على مراتي لعزيزة
فاتي:الله يا ربي دخل دخل
لوقيتا لي بين سد لباب حبساتو واحد الرجل ومع انا طلعات ليا لكناوية بديك لهضرة لي كال مروان بديت كانحيح
فيروز:اوا صااافييي دابا نكرض لدينمك رجليك نوريك...
  هاكا فمي هاكا فمي هاكا فمي كان داك جلاخة تاع نضال مخنزر ناري ليوم يخصر ليا لافيشور ديال وجهي
نضال:نعام اش كلتي؟
فيروز:استسمح اخي لعزيز تصحابني هي شي..
  ولد لحرام قمعني ودخل خلاني كانهضر هي بوحدي كي الراديو ناااري والله ومانردها ليه راني ماشي لالاه فيروز ردخت الباب ودخلت للصالون لي كان عامر بالعائلة ماما وبابا كالسين على الدخلة وحداهوم عمي محمد ونور الدين وبجنبهوم كاين تاني صلاح ونعيمة و عبد الفتاح و عبد القادر و يوسف عاد  عزيزة وخديجة وياسيوياسينجد وعماد وفاتي وحداها واحد لبليصة هاديك ديالي و لكن الصدمة لكبرى هي ان داك جلاخة كاعد جنب ديك لبليصة ومسرح نعام الالة بحالا كاعد فدارهوم شيرت لفاتي تبعني لكوزينة وتبعاتني بينما هوما ضاكين و ناشطين
فاتي:مالكي
فيروز:مالي خاريا فسوالي ودوزي تعاونيني نحطو للناس ياكلو
فاتي:باقي لحال
فيروز:فاتي شوفي انا داك جلاخة تاع نضال كايكتر على راسو و كالس بجنبي و الموشكيلة هي هي انه ماكاينة تاشي بلاصة فين نكلس انا
فاتي:صافي صافي فهمتك كالم طوا يالاه اري نعاونك
#فيروز
هزات فاتي لبلاطو ليفيه كيسان تلموناضا و انا ديت لخبز وكاندير فيها راسي حادكا و خالتي حكيمة كاترفع ليا لمعناويات وانا بيت ندير جناوح وحطيت ليهوم الطاجين ريحتو كاتحمق
فيروز:هانا اسيادي مرحبا بيكوم كولو ماتحشموش
  بداو على بركة الله خالتي حكيمة دخلات فيه طول وعرض مانلومهاش حيت اصلا طيابي رائع خخخخ مروان تاهو كلا منو وجاه بنين اما سي نضال دار فيه ديك شوفة تاع اش هادشي ساعاتك زمتاتو خالتي حكيمة خشاتليه الدغمة  ففمو بدا تايخصر فكمارتو ومن بعد بدا كايتبننها وزعمة مطمر وهو يبداكاياكول هادشي كولو حاضياه انا و فاتي سالاو من الماكلة وناضت فاتي عطاتهوم لما يغسلو يديهوم و انا مسحت الطبلة و جبنا الحلوى و لكلاس
خالتى حكيمة:الله علاش عدبتو راسكوم
فاتي:ماعذبنا والو راسنا حيت اصلا فيروز هي لي قادات هادشي كامل
حكيمة:بصاااح ابنتي
فيروز:اه اخالتي اصلا هادشي والو يعني كايجيني عادي
مروان(بهمس):كايبان ليا غانقلبها لجيهتك
فيروز:ايوا الله ينعل لي مايحشم
حكيمة:ايوا جيناكوم بالخير وبغينا نهضرو معاكوم فواحد الموضوع
بقا شي كايشوف فشي اناكنقل عينيا بين ياسين و ماجد و فاتي و نعاود نحنزز فمروان لي داير ابتسامة جانبية ونضال تاهو داير بحالها الحاصول العشران الله يحضر السلامة
جدة:اييه الالة مرحبا تفضلي خودي راحتك
حكيمة:انا جيت طالبة راغبة فيد بنتكوم فيروز لولدي نضال
الكل:اشنووووو
فيروز:هعععع اشناهوااااااا واش لي سالا قبو يجي يخطب خالتي حكيمة نتي عزيزة و ضريفة ولكن راه غانصدقو خارجين للعيب
حكيمة:بنتي نتي جيتيني ضريفة و مقبولة و صريحة و حادكة وانا كانبغي بنادم على طبيعتو وانا كلتها قبل لنضال وحتى هو وافق بزربة
فيروز:نعام ؟؟ كيفاش هادشي منين خرج ليا هاد لبلان
كريمة:فيروز واحد شوية الاحترام
فيروز:الالة مابقا بو احترام
عبد الجليل:بنتي شوفي السيدة كي كاتهضر و حتى الدري باينا فيه ضريف واما حسن هو ولا ولد حليمة
فيروز:فيروز ولكن ابابا..
عبد الجليل:ماكاين ما ولكن جاوبي
فيروز:اوف نضال حسن من ولد حليمة
حكيمة:بنتي ماتسرعيش
نضال:احم احم احم نقدرو نهضرو انا وياك على انفراد
فيروز:كيفااش
جدة:نوضي مع السيد وديه لبيتك يالاه
نضت كانضرب بجلايلي وهو تابعني كايبتاسم طلعنا لبيتي دخل تاهو وتلاح فوق طليقي و تايتمنضااار
نضال:مالكي منوضا حيحا هي معا راسك مالنا مانخافوش
فيروز:اه اسمع اداك جلاخة بلا مادير ليا فيها بار بوالديه وكوليا كيفاش هاد لبلان
ناض بجوج خطوات وقف قدامي مباشرة و عينيه حومر ونفسو لحارة كاتضرب فوجهي و كال بصوت هادي وكيخلع
نضال:من الاحسن ليك تحسني الفاضك والا راه نقدر نقتلك بدم بارد ونتي راكي عارفة فهمتي
   شداتني اللقوة ولساني تربط ناري حسيت بالاهانة بقيت كانبلك فعويناتي فيه عاد بدا كايتراجع وعاود تسرح فوق طليقي
نضال:نجيك من لخر انا ماباغيش نتزوج ولواليدة فرعات ليا راسي بالزواج وفديك لوقيتا خرجتي ليا نتي من جنب
فيروز:كيفاش
نضال(تقاد فلكلسة وخنزر فيا):هادوك الالة لي شفتيهومداك النهار و صورتيهوم راهوم مافيا وصوروك وصيفطو تصويرتك لمقر ديالهوم ووليتي مطلوبة ليهوم يعني دابا كايقلبو عليك باش يصفيوها ليك لذلك انا غانتزوج بيك لجوج تلاسباب لول هو باش نحضيك ومايطرا ليك والو حيت نتي قدمتي لينا مساعدة
فيروز:مساعدة؟؟
نضال:اه لانك سجلتي الجريمة وزدناها على الجرائم لوخرى لي دارو ووليت مطالب نحميك الى غاية انهم يتشدو ومايبقاش شي خطر عليك وسبب التاني هو انني مليت من هضرت الواليدة ولفريع ديالها داكشي باش وافقت حتى نتي كانضن انك غاتوافقي باش تهناي من فريعهوم
   بقيت كانشوف فيه وهضرة وحدة كادور ليا فراسي هي
فيروز:داباانا وليت روشيرشي ومن عند من؟من عند المافيا وااو
نضال(بصدمة):هادشي هو لي بان ليك مال مك مكلخة راه هيلا لقاوك غا يمسحو الاتر ديالك من هاد لحياة
فيروز:هااااا اويلي صافي هادي لخرة ليا غاانمووت وانا باقا صغيرة ماشفت نا تشوفت اهئ اهئ اهئ صافي انا ضعت
نضال:مال هاد الزبل هيتايبكي راه كلنا ليك الحل هو تزوجي بيا ودابا اش قررتي؟؟
......................................................
تدااااااا تداااااااا تداااااااااااااا
الصاحيبات كي جاكوم البارت واش بان ليكوم فهادشي وهاد لبلان ؟؟
توقعاتكم للفصل الجاي
Love you my best friends :-) :-)