فينك أراجلي لعزيز؟؟(بالدارجة المغربية)

6

صبح صباح جديد باحداث جديدة على ابطالنا المميزين تابعونا*٠*
#فيروز
فقت بكري علي غير العادة بان ليا كولشي ناعس و السقيل نضت غست سناني ووجهي وكلت اش ندير ماندير ارا ندير السبور  لبست سورفيتا كحلا جات مع فصالتي وسبرديلا واراش بيضة جمعت شعري كوب شوفال دخلت لبيت الضياف لي ناعس فيه ياسين و ماجد استغفر الله السيد لابي شورض و كاع عريان هزيت ليه الكيت نزلت و دخلت الكوزينة شربت كاس ديال العصير وهزيت واحد خمسة الدراهم كانت فوق الثلاجة حلالا مباركا و خرجت بتسليتا درت لكيت فودنيا وزدت مع الطريق تانجري كلت ارا نمشي فطريق الغابة لي قريبة لينا مشيت على بركة الله شي نص ساعة دازت بحال هكاك صافي سخفت تفو اش داني كاع نخرج و التيلي بايطفا ليا من الشارج هيهي وزهر هادا جريتها على رجليا هي انا و لخلا ونادرا ماكادوز شي طاموبيل شويا كانسمع صوت شي بنت كاتغوت هاويلي اش هادشي عاودت سمعت الصوت لداخل فالزيتون لي كاين تما زغبني الله و الشيطان ودخلت كانتسلت كانتسلت حتى كايبان ليا واحد 3ترجال قد السخط و كحلين اشاوا هاد لعجب منين جا حتى كانلمح واحد اخور تايغتاصب واحد البنت بوحشية ناري تصدمت و تروع عليا خاطري سالا منها هاداك داز ليها لاخور ناريييي جاتني الدوخة وتقيا جبدت تيليفوني واخا بايفا وبدبيت كانصور فيهوم بقاو كايتناوبو تاسالاو ومن بعد واحد فيهوم جبد سلاح و تيرا فيها انا معا ديك تيرا فيها مع غوت بلخلعة ومع زهري زين سمعوني وتبعوني صافي انا برد ليا لما فركابي غي شفتهوم قربو ليا و عطيت لاطاك تانجري تانجري تانجري ورجلي ولاو تايضربو فدهري والمشكيلة هي انهوم بداو تايضربو بلقرطاس ميمتي ميمتي اش هاد لوحلة تيليفوني خفتو لايطيح طفيتو و خشيتو فسوتياناتي وانا كانجري تا خرجت لشانطي شويا كانسمع لاكصون درت هاه كاتبان ليا واحد لوطو كدها كد سخط باضربني صافي ليوما يوصلوني كفتة للدار حبسات ليا عند رجليا و الصدمة باقا ليا على وجهي مافيقني منها هي صوت القرطاس شويا تحلات اللوطو و خرج منها واحد الزين واحد اللوز واحد الجمال الله الله فين كنتي يا لحبيب شويا تايبان ليا خرج معه واحد السلاح دار هاه هاه لقا هادوك الرجال دارو بيا وواحد شدني جرني من شعري وطيحني كاليك بايديني صحة انا بداك الالم عضيتو فيديه تا طووش الدم وهو يغوت بداك الحر قبسني على كرشي حتى تقييت الدم شويا سمعت بااق هاداك لبوكوص تيرا فيه جاو دوك لوخرين بايضربوه تيرا فيهوم بقا هي واحد لي صورني و ماعرت اش دار فتيليفونو و بتاسم ولوقيتا لي بايهز السلاح تيرا فيه داك لبوكوس وانا باقا مسرحة فالارض كنتوجع جا لعندي قااس نبض ديالي و بدا تايسرفقني باش نتوكض ساعاتك عاد غيبت حدي كانسمع صوت شي مرا كبيرة كاتهضر معاه كاتكوليه خاصنا نعتقوها و هو كايكوليها وانا مالي ، ياك البوكوس بيتيني نموت واخا هاهي فيك من بعد فقدت الوعي
#نضال
فقت مع الصباح بكري باش ندي لواليدة دوز و دك ليبرة لبست سروال كحل مع تيشورت كحل و برودكان كحل قاديت الحالة نزلت لقيت لواليدة مغوبشة بست ليها راسها و كلست كانفطر معاها
نضال:وا الواليدة واش باقا مقلقة مني راه خاصك تفهمي بلي انا مزال مابغيت نتزوج
حكيمة:سمعني اولدي انا بغيت هي مصلاحتك و دابا ختار ها السخط و ها الرضى
نضال:بغينا رضاتك الواليدة و لكن
حكيمة:ماكاين ما ولكن صافي بغيتي رضاتي ادن بغيتي تزوج و انا نختارها لولدي حادكة و ضريفة و ترتاح ليها
سمية:ايهاي هاي ايا نشاء الله غايكون لعرس
نضال:هادشي لي نتي حاضيا
حكيمة:صافي باراكا نتوما يالاه نوض ديني
  وكلت امري لله نضنا و خرجنا هزيت اللوطو مشينا فواحد الطريق اخرى مختاصرة و الواليدة هيكا تهضر
حكيمة:اصلا اولدي البنت كاتعرف هي بالشوفة تكون على طبيعتها و تعرف طيب و ترد ليك البال
نضال:اه و تسنايها تصب مع الشتا
حكيمة:ومالها تلقاها باقيين بنات الناس و اصلا يالاه تكادك واحد شوي
   بقات الواليدة كاتعيير كما العادة حتى كاتبان ليا واحد البنت كاتجري على بونت كنت غانضربها بلوطو نزلت بينبدا نحيح حتى كايبانو ليا وحدين جايين بالسلاح هادشي لي بقا وواحد منهوم شدها من شعرها و هي تعضو بصراحة عبرات عليه و لكن فاش ركلها و بان ليا الوشم تاع المافيا لي كانقلب عليها جنوني ناضو ليا بديت كانتيري فيهوم وواحد منهوم صورها صافي عرفتهوم حطو لعين عليها قتلتو تاهو مشيت قلبتها واش باقا حيا لقيتها كتنفس شويا خرجات الواليدة كتغوت و تكشكش
حكيمة:اويلي على البنت زيد نهزوها نديوها لكلينيك
نضال:اووف خليها هنا غاتصدق واحلة فيا
حكيمة:يااك هادشي علاياش ربيتك هز لبنت ولا والله تانسخط عليك
نضال:شفت نتي هاد السخط هي كايتشاير عندك هاحنا غانهزوها
هزيتها و ديتها للكلينيك و هي كاتوجع دخلها الطبيب وبقيت كالس انا والواليدة و عقلي كايفكر اش بغاو من هاد البنت
حكيمة:مسكينة البنت بقات فيا دوك المجرمين اش بغاو عندها
نضال:ماعرفتش يا كما تكون دارت ليهوم شيحاجة
شويا خرج الطبيب
حكيمة:امدرا اسي طبيب
طبيب:لبنت لحالة ديالها مستقرة الحمد لله جبتوها فلوقت لمناسب نخليكوم دابا تقدرو طمنو عليها
ترن ترن ترن
نضال:وي خويا مروان
مروان:افينك العشير
نضال :انا فلكلينيك****** وقع واحد لموشكيل
مروان:هاني قريب لتما هاني جاي لعندك
   دازت تقريبا شي نص ساعة مابين دكو ليبرة للواليدة و طمنت على الحالة ديالها حتىكايبان ليا مروان جاي
مروان:خالتي حكيمة كيدايرا
حكيمة:لاباس اوليدي ونتا عقل فيها ما بقيتي كاتسول ما والو
مروان:راه هي لخدمة و صداع الدار وصافي نضال مالك اش واقع
نضال(عاود ليه كولشي):ودابا هاهي ناعسة هنايا
مروان:مادخلتوش تشوفوها
حكيمة:لا ولكن مني فكرتينا يالاه ندخلو
   دخلنا لقيناها باقة ناعسا كاتبان فشكل عمرني شفت بنادم فسبيطار ناعس و ريوكو سايلين و مشعكك ومسرررح فوق الناموسية
مروان:فيروز؟؟؟
نضال:علاه كاتعرفها
مروان:اه هادي هي بنت عمة فاتي ديك لي غانتزوجها
نضال: ااامممم
مروان:ولقيتوها بوحدها ؟ماكايناش معاها شي بنت
نضال:لا هي بوحدها
حكيمة:الله على البنت مسكينة دور امروان لعائلتها
مروان :واخا
#مروان
هزيت التيلي دوزت نمرت فاتي
تووت تووت تووت
فاتي(بصوت مخنوق):الوو مروان
مروان:مالكي
فاتي:اهئ اهئ اهئ فيروز ماعرفتش فيناهي كولشي تايقلب عليها نايضة قربالة فالدار و تيليفونها طافي خفتها هي لاطرا ليها شي حاجة
مروان:هاهي فلكلينيك
فاتي:هااااا اوييلي مالها ماتت الله على ختي حبيبتي مازال ماشافت ما تشوفت اهئ اهئ اهئ
مروان:واش غاتسدي فمك ولا لا راه ماطرا ليها والو لموهيم كوليها للدار وجيو لكلينيك****
فاتي:واخا داااباا نكونو تم
نضال:كلتيها ليهوم
مروان:اه
#فاتي
نااري بنت لحرام فسبيطار زعما تكون كلات سم تلفار نونونو مانضنش يكر فيها  بفيت ببيجامتي و كلتها لمالين الدار كولشي لبس حوايجو بكبيرهوم و صغيرهوم و خرجنا تانشيرو للطوبيس الحمد لله داز واحد الطوبيس خاوي ويالاه كدنا ووصلنا بعدا لتما الحمد لله دخلنا كولشي معجب تصحابهوم هي شي حد ميات
#فيروز
حلييت عينيا وراسي كايضرني احححح ماقاداش نتحرك و كاتبان ليا الضبابة بقيت كانحقق فشكون لي كاين بانت ليا واحد لمرا كبيرة شويا هازا كاس تلما و كاتشربني باش نتوكض
حكيمة:شوية ابنتي؟
فيروز:شويا اي اياي اعضامي تنحس براسي فحالا كنت فحرب لاندوشين
حكيمة:هههه سملاه عليك ابنتي
فيروز:لحاجة فين انا؟
حكيمة:نتي ابنتي فصبيطار
  عاد بديت كانستعقل واكنحل عينيا وفمي ببلاهة ناري لفرادة والاغتصاب وديك البنت نااري هزيت عينيا كايبان ليا داك البوكوس ومعاه مروان؟