فينك أراجلي لعزيز؟؟(بالدارجة المغربية)

23

أصبحنا وأصبح الملك لله
فدار مروان وفاتي
فاتي: ودابا ماتبقاش تغوت وتحيح على الخوا الخاوي
مروان(بعصبية):كيفاش لخوا الخاوي ونتي دايراها كد راسك مع بنات العائلة مريضة فمخك اولا لا
فاتي: شوف أحياتي هادوك بنات القاف قلبو عليا ولي قلب عليا كايلقاني وماماك هيلا بدات كاتحيح سوقها هاداك أنا أصلا عارفا راسي متقلا على قلبها
مروان: ماسوقيش فهضرة الواليدة انا لي كانعرف هي ديك الروبالا لي درتي هاد شي ماشي من عوايدك تبدلتي وبزاف
فاتي: حبيبي كولشي كايتبدل وتا حاجا ماكاتبقا كيف كانت ودابا يالاه سربي لبس حوايجك نمشيو عند فيروزتي
مروان: كولي غادية عند إبليس بيت هي نعرف نتوما منين مصنوع عندكوم داك الدماغ
فاتي: من المعجون ههههه
#فاتي
ايوا كيفما تايكولو المشكل كايتعالج ولكن كايبقاو الأثار ديالو ديك التبهديلة لي درناها لبارح فلحفل دارت بووم💥💥💥 بسباب الصحافة وبانت حتا فدوزيم دورات الأم ديال مروان رفيدة وكعدات كاتغوت وتحيح بصراحا مع ختكوم عندها الرادارات مجهدين سمعت كولشي بلي انا ماشي من مستواهوم وبلي دايرة لخاطر لمروان وهي كانت نا ية تزوجو لكلارا هاد لكلام جرحني وبزاف حاولت مانبينش ليه ونحتافض بيه لنفسي يعني حتى نرجعو ليها بيا سيغ الضقة ماكاتبقاش فيا
مروان: هيهو فين ساهية يالاهي راه لبست حوايجي
فاتي: يالاه كون درتي بحالي ولبستيهوم قبل لفطور كون نتا بيخيير ولكن راصك قاسح
مروان: طفرتيه
خرجنا من القصر وتاجهنا للوطو
#فيروز&نضال
المديع ف2M:فضيحة في حفل موسيو خوليو سببه ضيوف الشرف مادام العمراني زوجة مروان وزوجة فيروز لتهجمهم على الصحافة والتي بدورهن أقارب في العائلة
فيروز(شادا تيليكوموند ونضال واقف معصب):بشااخ بشااخ بشااخ ولا هاد بوقال كايهضر عليا وفدوزيم
نضال (ضرب الطبلة بعصبية حتى قفزات):ماكانضحكوش هنايا أفيروز عجبك الحال والشوهاا ليدرتي
فيروز (كدور فعينيها):وبصرااحة انااا ...امم...وهي لي جبداتني دايرة كي الدبانة ضراتني فراسي وماشتيش داكشي لي كانت بادير ليا
نضال (بعصب): انا ماكاتهمنيش هاد الهضرة ضروري فينما تمشي خاصك ديري شي موصيبة كاطيري من المقلة علاش لي ماتبتيش ولا ضاروري خاصك ديري الحمية نتي وديك فليفلة
فيروز: ماتكولش عل...
نضال (ضرب الطبلة وغوت):سكتي ماتهضريش دابا مني يضورو ويبداو يهضرو و يخراو فتيليفون ويكولو مراتك مامربياش اش ندير نخرا ليهوم ففامهوم
فيروز: ههههههههههههههه جديدة هاد نخرا ليهوم ففامهوم أصلا شكوون يزعم ويهضر معاك
ترن ترن ترن
هز نضال تيلي ولقا مو مضورا ليه
نضال :ها وحدة وهاكي نتي هضري معاها
فيروز: مالها مي انا راها مك نتا
نضال: فيروووز
دوز لابيل ودار مكبر الصوت وعطاني بمعنا هضري
حكيمة:ألو ولدي نضال
فيروز: ألو خالتي حكيمة أنا فيروز
حكيمة:أهلا أبنتي لاباس عليك
فيروز: بيخير من الحاميدين الشاكرين ونتي توحشناك
حكيمة: عليها كاتسولي فيا
فيروز: والله أخالتي ايلا هي لخدمة
حكيمة: ايوا الله يسهل عليك فيناهو نضال
فيروز: نضال فطواليط جاه سهال مسكين
نضال ضرب راسو مع يديه مني شافني كدبت هاد الكدبة
حكيمة: وعلاش اش كلا
فيروز: ماكلة الزنقا عييت معاه ماتاكلهاش ولكن اش بيندير ليه راسو قاسح كي التيمومة
حكيمة:ههههههههههههههه جبتيها لاسقة ايوا سلمي عليه وردي البال لراسك
فيروز: صافي هادشي لي كاين ماتفرجتيش فالأخبار
حكيمة:اه ديك الفضيحة لي درتو لهادوك عبرتو عليهوم يستاهلو مايحشمو مايرمشو
فيروز(بفخر):شكرا اخالتي مازال ماشتي والو
حكيمة:بنادم كيداير انا من عند الله ماكانحملهومش فيهوم الطيرة وقلة التربية
فيروز: اه ياك بعدا
حكيمة: الله يخليكوم لبعضياتكوم أبنتي والله يعاونك وسلمي على نضال
قطعت معاها وأنا حاسة بلفخر كااع داك الطبلبيل ديال نضال تضرب فعرض الحائط
نضال: مالقيتي ماتكولي هي السهال
فيروز: وراك جبتي ليا التوتر ونتا كاتحلف اوف المووهييم النااس شكرونا حيت درنا الزبلة
نضال: داك المخ عندك أش فيه
فيروز: فيه المصايب الكحلة
نضال (بخبث): والسفالة
فيروز(تزنكت):لا صافي باراكا شو هاد العوجا باقي ماجات
نضال: تال ايمتا غاتبقاي تهربي الشويطينة (تايقرب)
تيين توون
فيروز: الباب كايصوني بااي
سلت منو وخليتو داير نصف ابتسامة حليت وهي تلاح عليا ديك الجالوقة ديال فاتي وهي هازا شي بوشيطات دخلت هي ومروان للدار وكلسو فالصالون
فاتي: لحيبان ديالي مال وجهك حمر
فيروز: كنت غانتعرض لعملية إغتصاب ههههههههههههههه
فاتي: ههههههههههههههه ماتكوليش فسدت اللحضة
فيروز: لا بلعكس عتقتيني اش جايبا معاك
حلات دوك الصيكان لقيناهوم عااااامرييين بسقاطا وجوج بيجامات
فاتي: ناوية نبات وجبت بيجامة ليا وليك وهاد القاطة ندوز بيها الوقت احووبي
فيروز: اوووو ماشتي أنا أش وجدت اجي تشوفي
دخلتها للكوزينة حلات فمها كنت مقادة كيسان تلكلاص هالفريز ها الشكلاط ها الفاني وكيكا مشكلطاااا عامرة بالشكلاط ولي كاب كيك ولكوكيز وشكيليطات محطوطين
فيروز: كيجاوك
فاتي:غزااليين بزااف جاني الجووع
فيروز: وزيدي الحاجة تبدلي حوايجك
ديتها لبيت ديالي وعطيتها تبدل حوايجها
#مروان ونضال فالحديقة
مروان:الموهيم أنا حاس بلي فاتي سمعات لهضرة كولها
نضال: ودابا ما مك معاها
مروان: وهي بانت ليا من لول ماعاجباهاش ودايرة ليا خاطري وخاصاها هي السبة باش نتفارقو
نضال: هيلا كنتي نتا كاتبغي فاتي دير المستحيل وبقا معاها هادشي لي نكول ليك
مروان: ونتا و فيروز
نضال: هاديك البنت بربي ماعنها كرام تلعقل والله
مروان: ههههه باينا
نضال: عالام والله ولكن قلبي بدا كايميل ليها يعني بديك كانتعلق بيها وكانبغيها عرفتي أنا من بعد داكشي لي طرا ليا حلقت مانباقي نديها فشي بنت القحبة ولكن هي هي جات قلبات ليا الماوازين
مروان: وهي فراسها....
نضال: لا وعندااك تكولها لشي حد ابداا
فاتي: مروااان نضاااااال اجييييو
دخل نضال ومروان لقاو فالصالة الطبلة محطوطة كاتشهي وريحة الكلية وقراعي تلموناضة كوولشي كايشهي
مروان: وااو الله يعطيك الصحة أختي فيروز
فيروز: هههه شكرا
نضال: واخييرا ولكن ضبرو نجيب واحد الحاجة
مشا نضال للبيت حل الكوفر وهز داكشي لي بغا ورجع
نضال :usbلي عطانا عماد ماكرهتش نتفرجو فيه
برونشاه مع شي تويشيات وولا كايبان داكشي فلبلازمة كانت أول كلمة مكتوبة هي "أحسن كادو ليكوم"
فاتي: ماعرفتش علاش حاسا بلي هاد اليوسبي فيه شي حاجة خايبة
فيروز:زيديني عليك
شويا وهو يبان عماد فلفيديو
عماد⏪⏪⏪ هاواحد السلام عليكوم هاد اليوسبي فيه كاع المصايب واللحضات الزينة والخايبة لي عاشتها فيروز وفاتي وبعض الأقوال دياول العائلة فيهوم تفرجو على راحتكوم ههههههههههههههه
نضال: واو مزيان
الصورة اللولة كانت عبارة عن فيروز كالسة فلكلاس وشادا الخامية وكاتخرا وكاتاكول الخبز
فاتي: ههههههههههههههه ياختي باقا عندو هاد التصويرة
فيروز: ولد لحرام وزعما مسحتها من عندو
الصورة التانية كانت فيها فاتي لابسة سايا خضرا و تريكو حمر وسروال زرق وحنيقزا وواقفة حدا الحمار فلخلا وهي صغيرة
فيروز: ههههههههههههههه ومي كرشي شوهك
مروان: واش هادي نتي نيت
فاتي: سكت بلا هضرة
الفيديو لاخور كانو فيه ناعسين شويا دخل عليهوم وليد الصغير تلعائلة وكعد تايبول عليهوم وهوما يفيقو قافزين تايسبو ويعيرو و التوقيت كان لوحدة تلعشية
نضال: هههه والله ايلا عبر عليكوم علاه كاين شي حد كايبقا ناعس تال ديك لوقيتا
الفيديو لاخور كان الليل التلاتة تصباح فاتي كاتفيلمي غاديين كايتسلتو للكوزينة وخشات فيروز يديها تحت الفران وجبدات كاوبيل وهزات معاها معيلقا وعاودات رجعات بتسليتا للبيت
فيروز: عقلتي عليه داك كاوبيل لي مقاديا ليه الصلاحية اعععع
فاتي: ههههههههههههههه
لفيديو لاخور لكمالة تاع لي قبل منو فيه فاتي طايحة بالضحك على فيروز لي فطواليت كاتعصر ولبراهش كايطفيو عليها ضو ويخليوها كاتغوت هي راسها
نضال: من نيتك واكلاه ومقاديا ليه الصلاحية
فيروز: وأش بيت ندير
الفيديو لاخور كانت فيه فيروز كاتفيلمي باب الزنقة من بعيد شويا حتى كايبانو ليها رجلين طايحين تاع فاتي لي زلقات فدروج وتكركبات وجات على راسها
فاتي: ولد لحراام باقيا عندو
الفيديو لاخور كانت فيه فيروز وفاتي سادين عليهوم ومعاهوم وليد وتايعلموع الهضرة من لحزام لتحت ووقتما كالها مزيان كاتعطيه فاتي سكارة يكالها
نضال (قرمع فيروز):هادشي لي كاتعلمي الدري وهو صغير
فيروز: اوتش باش يطلع راجل
الفيديو لاخور كانت فيه فيروز محامية هي وفاتي على جداهوم وتايحيحو
فيروز: غاتخرجينا الشارفة
جدة:والله ديك الزنقة لا شفتوها
فاتي: اجي لهاد جيه (جرات ليها منخرها) شوية تم داخل صلاح ولقاهوم دايرين هاكاك وخلا ليهوم ضاربوهوم
مروان: هههههه زمتكوم
من بعد ولاو كايبانو العائلة كايهضرو وعماد كايسولهوم
⏪⏪
عماد: عمتي عزيزة كي كاتجيك فيروز
عزيزة:فليفلة كاطير من المقلة
عماد: وفاتي
عزيزة:بصيلة كاطير من الكوكوط
عماد: عمتي كملي نصيبك وسكتي
⏪⏪
عماد:عمتي كريمة كيكاتجيك بنتك
كريمة:ماكاتحشم ما كاترمش ولسانها مبري منها سلكوطة
عماد: وفاتي
كريمة:هاديك عوراجا بفف كتتر من لوخرا
⏪⏪
عماد: عمتي خديجة كيكايجيوك دوك جوجات
خديجة :الصكعة على ختها فينما تلقاهوم بجوجات عرف البلان خاسر
⏪⏪
عماد: عمي فتاح كي كايجيوك هادوك جوجات
فتاح:فااسقاات زانيااات لا يخشون ربهم
عماد:صافي صافي
⏪⏪
عماد:عمي سيمحمد كيكايجيوك دوك جوجات
سمحمد:هادوك سميتهوم لحلاقم وحالة نادرة فلعائلة
⏪⏪
عماد: عمي صلاح كيكايجيوك دوك جوجات
صلاح (مخنزر):سير بدل ساعا بخرا
⏪⏪
عماد: عمي نور الدين كيكايجيوك دوك الحلاقم
نور الدين:خاصاهوم العصا والعصا والعصا باش يتقادو
⏪⏪
عماد: جدة دوك الجوجات توحشتيهوم
جدة:اتف اتف اتف بحرا ما تهنينا منهوم وبردو ليا ودنيا من فريعهوم
شويا وهو يبان فيديو عائلي كايضحكو فيه وتايقولو فدقة وحدا
الكل:كاميرا كااشي خليتو بلاصتكوم علينا وحنا عارضين عليكوم بعد غدا الحضور ضارووري
وسالا الفيديو
فاتي: وااو رائعين
فيروز: وبزاااف والله
نضال: وعائلة عندكوم
مروان: واييه
تسريع للأحداث
كلاو وشربو وضحكو مع راساتهوم كانت فاتي ناويا تبات مع فيروز ولكن سي مروان كاليك لا باغي ينفارد بلحبيبة ديالو عرفت لبلان فيه إن مشاو لدلرهوم مع ليل ومع لعيا تاع ليوم طاحو دودة وغدا مليء بالأحدااث الشيقة
+++++++++++++++++++++
كيجاكوم البارت بصرااحة وكانتسنا التصويت على ليكوبل