فينك أراجلي لعزيز؟؟(بالدارجة المغربية)

25

#فاتي
بقيت الطريق كلها وأنا كانفكر وساااهية تصحابكوم على قبل فيروز هاها عارفاا هاديك جنية كاطييير من المقلة وجاب ليها الله لي يكادها ويواطيها دجاجة بكامونها أنا دابا لي شاطني هو القرار لي اتخدتو واش نفركع الرمانة ولا نخليها مجموعة حرت حرت حرت أنا كانبغي مروان واخا مرة مرة كانعصبو وكانستافزو ولكن أنا كانحبو ويعني لاداعي باش نماطل ونتعطل فنهاية المطاف غانلعبو قاش قاش ههههه اه صافي غانديرها غااانديرها
مروان: أش غاديري؟
فاتي:غانديرها فحوايجي هه تا منين خرجتي ليا ومنين جبتي هاد لهضرة
مروان: ماشي أنا لي كنت كالس وكانتركل بوحدي وتانكول غانديرها صافا با ولا ياكما تاتني بيتي شي هرسة فيديك عارفك ماكاتبتيش للأرض
فاتي:اوووف صافي خليني نتا لي بقيتي ليا راسي عامر
مروان: مالكي عرفتي مني خرجنا من السبيطار ونتي مبدلة واش بقات فيك فيروز
فاتي: اه(اليمسخني) بقات فيا
مروان: ماعندكي ميديري ليها تاهي را فليفلة ومابان ليها هي نضال يالاه نزلي راه وصلنا
نزلت وتاجهت نيشان للداخل تبعني هو للكوزينة
مروان: فيا جووع
فاتي:اممم أش باليك نطيبو شي حاجا
مروان: نعام نعام ماسمعتش مزيان سيري طراكاي للأرض نوريك نطيبو داك لفطور ديال الصباح مادوزتو هي بلكشايف
فاتي: حقير كيداير
مروان: ههه خرجو عليك المسلسلات ابنتي
جريت كرسي فلكوزينة وكعدت كانشوف فيه كيتايطيب ببراعة تكول شاف موحا وصافي خاصاه هي ديك الطريبيشة قاد نعام ألالة الصوصيط مع واحد لاصوص ماعقلتش عاى سميتها شخنبون بحال هاكا لموهيم ماعلينا نضت جبت لموناضا من الثلاجة وحطيت جوج كيسان وحط هو داكشي فطبيسلات وكعدنا تاناكلو
فاتي :يممممممم بنيين
مروان: عارف ههه
فاتي: ولايني كنتي زوفري من المزيان
مروان: اه مني وليت مشيت للخاريج حاولت نعتامد على راسي وكانت الهواية ديالي هي الطبخ
فاتي: واو على الطبخ أنا الهواية ديالي هي الشقا هههه
كلينا فجو من الضحك واخا قلبي كايضرب فالتسعين سالينا الماكلة ونضت غسلت داكشي بلخف
مروان: نمشي ندوش ونبدل حوايجي
فاتي :لاا مروان شوف أنا غانطلع للبيت ومني نعيط ليك أجي صافي
مروان: كيفاش
فاتي:واهي دير هادشي لي كلت ليك
مروان: ماعرفت هاد حماقك فين غاديا بيه يالاه سيري
طلعت بجرا فالدروج دخلت للبيت سديت مورايا مزيان توترت ماعرفت منين نبدا اووف اه لبلاكار حليتو جبدت واحد دو بياس فلحمر هي شريوطات مامغطيين ما تا قلوة لبستهوم ودهنت بكريم منعم للبشرة اليوما تبرع ليا مع راصاتك أودا مروان شعري خليتو مطلوق ودرت ماكياج مثير وحتا الريحة صافي أنا موجودة نعيط ليه؟؟؟ماعرفتش خفت .أوييلي كاع هادشي درتو وفلخر مانكملش اه غانعيط ليه فاتي: مرواان
مروان: شنو
فاتي: وطلع كالاك شنو
تم طالع وهو تاينكر دخل للبيت مروان: هاني أش....
بقا مصدوم كايطلع عينيه ويهبطهوم وهو حال فمو بالصدمة بالسيف مسيكين وانا لابسة دوك جوج خيوطا تم جاي جيهتي وملاميحو تبدلو ولا داير إبتسامة غزااالة وفرحاان الله عليه راه السيد ضامن راسو غايدوق لحلوة شد ليا فيديا وبقا طالع بلبوسة من تم حتى لعنقي تبورش عليا لحمي
مروان: جيتي غزالة كاتهبلي ليوما نبرعك ونبرع راسي
فاتي: شش..شووف...مرواان..
مروان: شششش عارف أول مرة ليك وماتخافيش بيتك ترخااي وصافي
حسيت نسبيا بالراحة لأنو طمأني وعرفتو مغايئادينيش سلمتو راسي بكل فرحة ودوزت أحسن لحضات حياتي معاه وفبيت النعاس وعاملني كي الأميرة
#فمرجان
فيروز: خاصني مانسا تاواحد فيهوم
نضال (جار ديك لي كايحطو فيها المشتريات):تبارك الله كل واحد فعمامك والد فرقة هي بوحدو
فيروز: هههه ماشتي والو نبداو بالجناح ديال البنات عندنا ياسمين وفرح وريحانة وزينب و دكرى وهبة وكريمة وعلية ووئام غانشريو ليهوم كسيوة كل وحدة فلونها المفضل
نضال: ايه و باش غاتعرفيه
فيروز: هه راه حياتي كلها دوزتها معاهوم ياسمين الزرق وفرح الغوز وريحانة الخضر وزينب لكحل و دكرى الحمر و هبة لبيض و كريمة الموف و علية لصفر ووئام لكري
نضال: واو تبزيقات حارة عليك هههه
فيروز: ليمسخك
خدينا لكساوي كل وحدة فلون ومختالفين فالطول حيت كل وحدة كبر من لوخرا وخديت ليهوم صبيبطات فلكحل حيت كايجي مع كاع الألوان
نضال: واو كاع هادشي وهي لبنات
فيروز: وييي ودابا ندوزو للدراري هادو ماغانلقاوش معاهوم وحلة بحال لبنات لي جبناها هي هاديك عندنا نبيل و عبد الرحمان و عثمان و عمر و نصير وأويس و وليد و عبد الودود و يحيى و مهدي و زهير
نضال: واو وكاتبقاي عاقلة عليهوم
فيروز: هه مازال ماشتيش جدة فالدار وتخرى بالضحك عندك عثمان و عبد الرحمان غانشريو ليهوم جاباضور و بلغة والبقية تريكو تاع الفليب لان و سروال مشرمل و واراش كحلة نضال: وعلاش هادوك جوج نشريو ليهوم جابادور ؟؟
فيروز: حيت عبد الرحمان غليييض ومايجيش معاه وعثمان راه ولد اللحية ووالله ويشوفو لابس داكشي يا حتا ينحرو
نضال: عادم ليه الحرية ديالو
فيروز: وعبر عليه كالاك راه ضااااسر
بقينا كانهضرو ونضحكو وشرينا حوايج الدراري من بعد دزت لجناح الإكسسوارات
فيروز: هنا غانشري مكانة لبابا و لعبد القادر و ليوسف و لصلاح ولنور الدين وياسين وماجد وعبد الإله
نضال :هاهوما ايه والبقية ؟؟
فيروز: فتاح غانشري ليه تسبيح وسمحمد غانشي ليه عود السبسي
نضال: والله ماعندك عقل
فيروز: كانشري ليهوم داكشي ليكايعجبهوم ماما غانشري ليها كتاب علم النفس تاع الدكتور ابراهيم وخديجة دبليج هي وعزيزة ونعيمة وجدة غانشري ليها باكية التوفيت
نضال: من نيتك التوفيت
فيروز: كاتحمااق عليه هي صبر تشوف
نضال: هاني غادي معاك فهبالك
بفيت كانفكر ياكما نسيت شي حاجااا شوية بانت ليا واحد لفوقية مفركعة كحلة غزااالة هي شتها وهي دير ليا فراسي طن غاتجي مع نضال هزيتها ودرتها فلكروصة لي ولات عامرة دزنا لجناح رايبي و بيموات هزيت لكل واحد عاصيري وكيكا ومشينا للاكيس باش نخلص جمعات لحساب لقيت 126ألف ريال جبدت باش نخلص
المرأة:لا ألالة راه السيد خلص عليك
فيروز: شكوناهوا
نضال: أنا
فيروز: ياومعامن تشاورتي
نضال: ومالي غانديها فيك تخلصي نتي أنا ماراجلش جمعي زبلك عندك وأخر مرة ديري هاكا مفهوم يالاه زيدي
حمر فيا دوك لعينين وأنا نضرب الطم وهزينا داك التخربيق درناه فلكوفر وزدنا مع الطريق جبدت التيلي وشعلت لكونكس لقيت فاتي مسيفطة أوديو طلقتو على نيتي وتسمع مجهد
فاتي: فريزتي عرفتي أخر الأخبار دوزت أجمل لحضات حياتي مع مروان وعرفتي فين فوق الناموسية
هي كالتها ودنيا تقلشو بيت هي نطفي الأوديو حلف بحلوفو مابايطفا وييلييي شوووهتك
فاتي: ناري يافيروز تباوسنا وتعانقنا وعاملني كي الأميرة واااو خاصكي تجربيها والله هي زعمي الموهيم لي نكول ليك هو راه دورات ليا جدة وكالت ليك بلي غدا مع لعشرة تصباح نكونو فالدار تهلاي وانمشي عند حبيبي
فيروز: وبيت لقحبة يماك حبة فالزك يالمكبوتاا بنت المكبوتة كولي حواني وهني السوق شوهتيني كدام الراجل تفو على طاسيلة
سيفطها ليها فأوديو تانحس بلحمورية طالعا معايا تلفت لقيت نضال داير ابتسامة جانبية
نضال: هي السيدة داقت لحلوة وعجبها لحال
فيروز: صافي أنضال اووف
نضال: كتولي زوينة فاش كاتحشمي وتتعصبي ولكن احشمة هي حيديها هيلا بيتينا نلعبو تاحنا بحالهوم 😉
فيروز: سير سير عاود لراسك
وصلنا وهو باقي كايستافزني ويلعب بأعصابي ولد لحرام دخلت للبيت وسديت تليا كانسمعو من برى كايكول واسديه مزيان راه غانغتاصبك ولد لحرام بدلت حوايجي بلكشيفة حيت يديا باقا ضاراني تنفخات واحد الشوية اووف هي ليبقات ليا نزلت لتحت شميت ريحة الماكلة وبنييينة دخلت للكوزينة لقيت نضال كايطيب!!!!
فيروز: أويلي أش كادير
نضال: كانشطح لقرودة راه كانطيب
فيروز: على طيابك الزين باغي تصيفطني للسبيطار او
نضال (حط داكشي فوق الطبلة) :هاهو غادوقيه ماعجبكش غاتحكمي عليا عجبك غانحكم عليك موافقة
فيروز: موافقة
هزيت لفورشيط بكل ثقة درتها ففمي الاش نكوليكوم المداق كان هاااااااائل حسن من طيابي غزاال ولد لقاف وديك لمرة كان بايوكلني التوكال بلعلالي ولخيل تشالي
نضال (بخبث):كيجاك الزين
فيروز: ولد لهم كيدرتي ليه
نضال: أنا عزيز عليا نطيب وديك المرة حاولت ننتاقم منك وصافي ههه
فيروز: سير ليعطيك لوجع تفو
نضال: دابا لحكمة ديالي
فيروز: أشمن حكمة؟؟
نضال: لي تحاطينا عليه أمراتي لعزيزة
فيروز: ها مراتي لعزيزة لقادية حامضة أسي لعثماني
بدا تايقرب تايقرب حتى لاسقني مع لحيط وانا عينيا قربو يفلتو والنفس تحبسات فيا لوا يديه على خصري ولاسقني معاه مركاااا معاه صدري فوق سدرو وليد لوخرة بدا تايتلمس بيها وجهي ونيفي
نضال(بهمس مثير):تنفسي وترخاي ماغايوقع ليك والو
فيروز: هاا...أشنوو..
نضال (بابتسامة عذبة):هه بغيت هي بوسة من دوك الشنينفات 
قرب بشوياا بشوياا وباسني بوسا خلاني فيها ترفعت وسافرت لسما السابعة بقا شحال عاد حيد شفايفو وشافني
نضال: بخيير؟؟
فيروز: بي..بيخير
عاودت هزيت راسي لعندو وقربت بشويا وبستو حتى أنا تصدمتو ياكو وتا أنا تصدمت فراسي وتاهو تصدم فيا ولكن ولا تجاوب معايا ماطولتش معاه ودغيا تسلت منو خفت لايصدق غالط فيا
نضال: ديك الساعة خلينا نديرو بحال بنت عمك
فيروز (فالدروج):سير تلعب كالاك
طلعت كانجري دخلت وسديت عليا الباب وقلبي كايضرب فالتسعين والرعدة شاداني بلكشايف تا شديت بلاصتي وتكيت بقيت شي نص ساعة وأنا فايقة حسيت بيه جا وأنا ندير موتا حمار ونعست جا عنقني من لور وهاديك هي نعستنا
""""""""""""''''''''''''''''''''""""'""'
سلام لبنات كيدوزتو عيدكوم 🐏🐏🐏أنا بعدا ماكليتوش ببساطة حيت ماعنديش معاه ههه كيجاتكوم القصة بصراحة ماكرهتش ديرو فوت وقتما قريتو يعني هي كاتشجيع وتكومونطيو ليا باش نزعم ونكمل ولو هي كلمة وحدة أش غاتخصرو منها تشجعوني ومنها نكمل القصة كانقرا الروايات تاوع المصريين والدول العربية الأخرى كايشعو بعضياتهوم ماكرهتش نكونو تاحنا هاكا اوكي😍😍😍😉
      الموهيم كيجاكوم الفصل كتبتو مع لوحدة تليل حيت بنت عمي كالت ليك وتكوووول لوحي شي بارت ولا نعوجك وبزاف هي لي كاتشجعني وتكومونطي ليا الوغ مروان داق لحلوة من عند فاتي واش فناضاركوم هادشي غايحفز فيروز دير بحالها أولا لا كاين سر خطيير تاع نضال وهيلا مشا حتى تعرف فيروز غاتفارق معاه وغاتكرهو وكاين سر خطيير تاع فيروز وماعارفو تاواحد من غير فاتي أش ناهو فناداركوم القصة غانحاول نكملها قبل المدرسة باش التيليفون تحيدو ليا ماما😬😬😬😠 الفصل جاي غايكون كوميدي وماغايطيحش ليكوم عالبال شجعوني وغانعطيكوم دائما الأفضل😇😇😇😇😇😇😇