فينك أراجلي لعزيز؟؟(بالدارجة المغربية)

11

اصبحنا واصبح الملك لله
#فالوطو
نضال:هادي هي التمنية تلقاني فايقة؟
فيروز:ايواا ماعندي ماندير ليك راه كنت عيانا طحت طيحة وحدا
نضال(بعصبية):وانا مالي ماكاتهمنيش هاد لهضرة كانعرف الكلمة هي الكلمة فهمتييي
فيروز:ودابا مالك كتغوت وتهلل صافي قادي
  نضال حبس الفران على غفلة حتى تضرب ليا راسي
فيروز:ايييي واش ماكاتشوفش راه كنتي غاتقتلني
نضال(بهدوء مخيف):كانقسم ليك بالله وما سكتي ياتانلوحك  وراه ماكانضحكش وسدي فمك قبل مانقودوها
#فيروز
تكمشت فحوايجي ودربت الطم وزاد فالطريق بطبيعة الحال كاتسولو على فاتي انكوليكوم اش وقع
*فقنا معطلين حيت لبارح عيينا شعلت التيلي لقيت عشرة ديال ليزابيل يالاه بيت نجمع لوقفة حتى كانحس بشي حد هزني من كرفادتي بقيت كانحقق فيه بعينيا معمشين يالهوييييي نضال ، ناري كايشوفيا بعينين حمرين صافي قودتها درت هاه بغيت فاتي تعتقني لقيت مروان هازها وتاينخض فيها ودايرة شي تعابير فوجهها لخرى تضحك بقاو بطبيعة الحال  تايبصلو فينا ونزلو كايتسناونا لتحت لبسنا بزربة نزلت انا فاتي تاجهنا للوطو تاع مروان ساعاتك كاليك حكا ما حكا كولا واحد يدي مراتو بطبيعة الحال حنا ماشي من العاكيزين بقينا نحيحو نحيحو تا حسيت حد جرني من دراعي تاكانت غاطير ولاحني فلوطو وبقا تايغوت وانا تانغوت تال فين لقيتونا
نضال:نزلي
فيروز:هااا؟
نضال:نزلي فيحالاتك راه وصلنا
فيروز:اه اه واخا ولكن اش بيت ندير هنا؟
نضال:بيتي تشطحي لقرودة انوضي ياتا تكعدي راه هادا صالون سيري دخلي راه الواليدة و بنات العائلة تما وراه غاتلقاي ديك المسطية تاع بنت عمك
فيروز:هااااء؟ صالوون لالالالالا ديني فحالي ماكانحملش الصالونات
نضال:واش كاتهضري من نيتك
فيروز:اه والله عرفتي تما راه كاينين جميع انواع التعديب عافاك ديني احمباك.نضال(بخبث):لا باي باي فاش تسالي عيطي ليا
   ولد لحرام زاد خلفة مخلي هي لعجاجة وراه الزامل لاخور تفووو يالاه بيت نهرب تاكاتبان ليا خالتي حكيمة جايا مستقبلاني بلحليب والتمر هه يا حبيبي
حكيمة:اهلا بعروستنا لحبيبة دخلي دخلي مامزيانش تكعدي فالزنقة راه البنات كاينين لداخل و فاتي كاتسناك
انا هي سمعت فاتي وانا ندردك دخلت واواواو الدنيا مزموتة بالدخان هو الصالون كايبان واعر وتاع الناس الهاي كلاس شويا كاتبان ليا فاتي مجمعة مع واحد جوج تلبنات
فيروز:الهيشاااااا
فاتي:الكلباااااا
  تلاحينا على بعضياتنا تكول واش ماتشاوفنا شي عام
فاتي:ناااري يا ختي طاح عليا الظيييم
فيروز:ماشتي انا من الصباح وهو كايغوت ويبلبل طيب ليا راسي وكاليك والله وما تسكتي تانلوحك من اللوطو تباااارك الله
البنت:راه يديرها
فيروز:هااء؟شكون نتي
فاتي:احم احم كانعرفك على سمية اخت نضال
سمية:سلام امرات خويا هههه
فيروز:ههههه لله واش هاداك خوك؟راه شي نهارات تلقاوني فالاخبار فدوك مبتسمون رغم الاعاقة
سمية:ههههههههههههههه والله ايلا نتي عالام اصلا هاكاك طبيعتو ديما مغوبش
فاتي: نااااري يا فيروز بتعودي ديما تصبحي على كمارتو السباحاتو الله
مريم:سالاااام
فيروز:وشكووون هاد الزعرة؟
فاتي:هادي لوستي مريم اخت مروان
فيروز:متشرفييين اختي اجي تا انا عندي لوستي سمية يا حليلي اجي عنداكي تكوني بحال خوك اطونسيون
سمية:ههههه لا بلعكس غانكونو بحال لخواتات
فيروز(عنقاتها ):يا حليلي
رفيدة:سلام بنتي انا مامات مروان تبارك الله شحال زوينة
فيروز:هييهيي حشمتيني
فاتي:اه عنداكو تيقو بيها راه واحد الطولانطية منها ماكاين
فيروز:كي شتي نتي مطفراه
حكيمة:يالاه البنات باراكا من الهضرة ودخلو ديرو سبا
فيروز:اشمن سبا ولا سوبا انا ماكانديرش هادشي هي عفيوني
فاتي:البنات اش كلت ليكوم ايوا يالاهو
#فاتي
انا عااارفة فيروز ماكاتحملش هادشي ديال الماكياج عكسي انا دخلناها وهي كاتنخصص دخلنا درنا حمام البخار ومن بعد درنا لاسيغ بيتكوم تسمعو لغوات ديال فيروز و السبان ههههههههه ومن بعد قادينا راسنا قطعنا لي بوان و الحجبان كاديناهوم والضفار يدينا حتا هوما خلاصة القول درنا لراسنا اعادة الهيكلة سالينا مني ضرنا نشوفو راسنا فلمرايا تصدمنا
سمية:واااو امرات خويا كاتباني غزاااااالة
فيروز:واو حتا نتيا ماكرهتكش لولد عمتي ياسين هو غزال ونتي فنة واو كي بيتجيو
سمية:امممم بصااح
فاتي:راه هي كاطنز عليك هو كاليك ماكايتصاحبش
فيروز:سكتي سكتي هاداك هي مكنوي
مريم:ها؟وماكاينش شي واحد اخوور؟
فاتي:ويليييي كاين ماجد هووك كايدير بالزيين غزاال والله نتي زعرة وهو زعر بيتولدو لينا المشيشات
سررر سرررر سررر
فيروز:الووووو
نضال:ساليتي؟
فيروز:جونو باغل با لاغاب؟
نضال:باراكا من هاد التبرهيش ديالك جاوبي راه مامساليش ليك
فيروز:واسير حتى تسالي اصلا ماشي نتا لي غاتديني
نضال:وشكون لي غايديك؟
فيروز:مك هيا لي غاديني باش نباتو فداركوم ياك وغدا كالت ليك غايكون الحفل مع الطناش تصباح
نضال:يعني؟
فيروز:يعني غادي نتهنا منك تال غدا ونتلاقاو فلحفل
نضال:وااو خبر مفرح تخرجي من الدار نهرسك تووت تووت تووت
#فيروز
قطع عليا ولد لحرام الله ينعل بوه
سمية:كاتحابو؟
فيروز:سيري سيري قبل مانكول شي كلمة راه كفرني داك خوك
فاتي:يااه غانباتو معاكوم فداركووم
مريم:احسن حاجة
فيروز:نااري النهار كولو وحنا فالصالون وعييت والله
مريم:ويي و باقي تابعنا غدا نهاار على كدو
فاتي:واييه
رفيدة:تبارك الله عليكوم ابنياتي الله يحميكم من العين
حكيمة:يالاه راش الشيفور كايتسناكوم انا غانمشي لدار رفيدة باش نشوفو داكشي فين وصل نتوما هي سيرو ورتاحو وراه ضورت لعئلتكوم وعلمتهوم وراه تاهوما كايتوجدو
#الكاتبة
خرجو البنات و داهوم الشيفور للفيلا كانت خاوية فيها هي لخدامة
فيروز:ختي سمية فيا الجوع
فاتي:تا انا بغيت غا خبيز فيه الزييت
مريم:هههه
سمية:هههه اييه اجيو للكوزينة
#فاتي
دخلنا للكوزينة ناااري كداااش كبر من الصالون عندنا فيها كليسة تما و الماعن اشكال و انواع والتلاجة عاااامرة حنى تلاجتنا تعياي ما تحلي فيها و فلخر كاتلقاي هي لكرافص و القزبور مقلزين ليا اييه على الفلوس جبدات سمية لفرماج و الكاشير .لاداند.الشكلاط.الزبدة اشكال و انواع و الكوفيتير تلفريز و تلمشماش  وااو
فيروز:تبااارك الله عندكوم لخير
سمية:اشنووو هادشي هي حيت ما زال ماعمرنا التلاجة
فاتي:شنيييييي؟؟ عرفتي حنا كانحلو التلاجة كاتلقاي قويلبات من عهد الفراعنة و قزبور كايدير تحية عسكرية وحريرة دشيشة قربات دود
مريم:هههههههههه اجي بصاح نتوما عائلة كبيرة
فاتي:شكون لي كالها ليك؟
مريم:خويا بقيت كانجبد منو لهضرة تا كر ليا فاتي:اه حنا عندنا حداش لعم و عمة و 24حفيد
سمية:واااو سعداتكوم حنا عندنا جوج بنات عمتنا  وجوجخوتهوم
فيروز(وهي تاتخشي فوجها):اه وفراسك ماكانلقاوش نوبتنا فطواليط هههه وشكون هاد ولاد عمامكوم
مريم:كاينا تريشا اخت معاذ
سمية:وكاينا كلارا اخت فيصل
فاتي:ومالهوم ماجاو؟؟
مريم:هوما يالاه شادين الطريق من كازا غدا غاتلقايهوم هنا
سمية:ياربييي و الله ماكانحملهوم تفوو
مريم:اه ديك كلارا هيتاضور بخويا وحتا تريشا تاضور بنضال
فيروز:تا نتي الله يطليهوم بيه
فاتي:الحمد لله شبعت يالاه نعسو راه عييت
طلعو البنات لبيت سمية وااااو كان اكتر من روعة عطاتهوم سمية بيجاماات تنعاس شوية هزات فيروز واح لمخدة وهي تنزل على مريم للراس وهي تنوض فاتي ضربات فيروز
فاتي:هاكي لمك نوريك ضربي ليا لوستي
فيروز:ياك لمك بيديري لحمية . سمية هيا لنقاتل
       ناضو لبنات تايضاربو و الضحك و النشاط شويا قلبوها شيخات تايكرحو وفرحانين
سمية:يااه اول مرة كانشط مع شي حد
مريم:اه و الله دوك بنات عمي مشياكات تايبقاو هي شادين النميمة الخاوية و الماركات و الماكياج اوف
سرر سرر سرر سرر
فاتي:الوووو
جدة:اشوفي  راه  جمعنا ليكوم حوايجكوم وشرينا ليكوم بياسات جداد راه جا الشيفور وداهوم لدار عدوزتك صافي
فاتي:صافي وشوفي..
طوط طوط طوط طوط
فيروز:شكون
فاتي:جدة لحبيبة كالت ليك راه جمعات لينا حوايجنا
سمية:الصااحييباتت
مريم:يالاهو تنعسو باقي تابعنا نهار مبرع
   نعسات كل وحدة فجيه ماجابوش خبار للدنيا
#فالبواط
مروان:اذن ليوم الحلقة الاخيرة من حياة لعزوبة
نضال:اممم متفكرنيش غانعيش مع ديك لخليقة
مروان:تا انا مازال فاتي عارفاني مزيان اش كانسوا و تا انا عارف الكاراكطير ديالها مي فيروز ماعرفتش دغيا كاتقلب
نضال:نساو علينا هادشي و يالاه ندوزو احسن ليلة اعشيري
****  *******   **** *** ** **   ***
سلااااام لعشيرااات كيجاااكوم البارت عارفا راسي كانزررب عليكوم هي حيت اول مرة كانكتب ساعفو ساعفو