" أهلا برئيس العصابة " عدلت ياقة بذلتها الرسمية وهي تزيل السيجارة الغير مشتعلة عن فمها
فتح زين عينيه ونظر حوله .. يبدو المكان كجراج مهجور !
" انا فين ! " تمتم بخوف بعدما وجد أنه مربوطا على كرسي فوجدها تتقدم منه " مالك ياض خايف كده ليه ؟ أومال فالح بس تتصور ويكأنك باد بوي كل شوية ليه ؟ "
" أنا باد بوي فعلا ! أنتي ماتعرفيش اني خدت لقب أسوأ قدوة للإطفال السنادي ؟ " كانت نبرته متفاخرة مما جعلها ترمقه بإستحقار لكنه أكمل " يااه ! ماتتصوريش فرحت باللقب ده قد ايه ! أصله ماجاش بالساهل كده يا ... هو أنتي أسمك ايه ؟ "
" بيري "
" أصله ماجاش بالساهل كده يابيري ! ده انا شربت سجاير وعملت قصات غريبة في شعري لحد ماتكحرت وكنت بين كل كلمة والتانية بحط شتيمة من الي قلبك يحبها لا والأهم من ده كله الأغاني بتاعتي "
" مالها الأغاني بتاعتك ؟ "
" كنت بشتم فيها بقى وبحط تعبيرات سافلة وقليلة الأدب .. أصلي بموت في الأباحة "
كانت ترمقه بنفاد صبر لكنه أكمل " يااه .. خدت اللقب ده بعد منافسة شرسة مع جاستن بيبر بس على مين ! أنا الي كسبت طبعا "
نفخت الهواء من أنفها بغيظ لكنه ضيق عينيه ونطق " بالمناسبة اسمك على اسم الإكس بتاعتي ! دي بداية مش حلوة لينا ، أصلي بكرهها كره العمى "
كانت مازالت ترمقه بغموض فأكمل " بس أنتي شكلك عسل وشرسة .. أنا بحب البنات الشرسات .. انتي مرتبطة ؟ "
" يابني أنت مش مرتبط ؟ " قلبت عينيها فنفى برأسه " لسة مفركش أنا وجيجي إمبارح قبل ماتخطفيني وأسكر في الكباريه على أساس إني حزين على فراقها وكده "
" صبرني يارب .. وفركشتوا ليه بقى إن شاء الله ؟ "
" لا مش هقولك عشان جيجي دي عرضي وانتي ممكن تروحي تقولي للصحافة والصحافة تسيحلنا .. لا يابيري مش أنا الراجل الي يفضح بنت كانت ماشية معاه "
" ممكن تبطل الكلام الغريب الي بتقوله ده وتخرس شوية ؟ منك لله نسيتني كنت خاطفاك ليه ! "
أكيد كنتي خاطفاني علشان أنا وسيم وحليوة وكل البنات هتموت عليا .. ماعدا جيجي ربنا ينتقم منها "
نفخت الهواء من أنفها مرة أخرى ثم تحركت إلى حقيبة سوداء موضوعة على الأرض وأخرجت منها شريطا لاصقا وهددته " هتقعد ساكت وإلا أقسم بالله هألزقه على بوئك ؟ "
تراجع بخوف " هأقعد ساكت "
" عندي صفقة مخدرات لازم تسلمها " نطقت بعد أن جلست على كرسيا مقابلا له ووضعت رجلا فوق الأخرى
" لا بصي حضرتك واضح ان فيه سوء تفاهم .. أنا اسكر ماشي .. اضربلي سجارتين حشيش ممكن .. أشتم اوكيه إنما اتاجر في المخدرات لا "
أنت تقرأ
في عالم موازي
Humorهذه القصة هزلية ، غير حقيقية وغير موضوعية وأي تشابه بينها وبين الواقع فهو أغرب من الخيال . هنا سنجد الواقع الواتبادي مقلوبا رأسا على عقب فإيميلي رود هي من ستخطف هاري ستايلز وزين مالك سيجبروه أن يكون رجل عصابات لكنه سيرفض هاري ستايلز هو من س...
