فتح عينيه على صوت داليا وهي تصيح " ماكانش بوكس خده ، ده من إمبارح وهو مغمى عليه فوقوه أنا زهقت مش كفاية الجوازة باظت بسببه "
نظر حوله فوجد الجميع ملتفون حول السرير ومريم تبكي " فيه إيه ؟ " سأل فصرخت داليا في وجهه " سعيد شافك وأنت حاضنها ومشي والجوازة باظت ياجلاب المصايب "
" ماتزعقولوش أنا الي حضنته " قالت مريم من بين بكائها فقامت هدير بلكمها في كتفها وهي تزمجر " يعني كان لازم تتهببي تحضنيه يوم فرحك !! أنا الحق عليا إني قولت أجيبلك ون ديركشن كنُقطة في فرحك "
" زين ياحبيبي أنت كويس ؟ " سألته مريم فوجدت هدير تصرخ في وجهها " زين حبيبك !! أنتي فرحك كان إمبارح على فكرة !! "
" مش مهم مادام سعيد مشي جوزوني زين أنا ماعنديش مانع وأهو يصلح غلطته "
توسعت أعين زين بخوف وسألها بنبرة باكية " غلطتي ؟ هو أنا بقيت بغلط وأنا مغمى عليا كمان مش كفاية بغلط وأنا صاحي !! "
حمحمت مريم ثم أخفضت رأسها " يعني أنت مش فاكر أنت عملت إيه ياشقي يا أولعوبان ؟ "
" اوباااا لا مادام وصلت لأولعوبان يبقى تصلح غلطتك يازين " قال هاري بابتسامة خبيثة لكنه وجد داليا ترمقه بأعين ضيقة ثم سرعان ماقالت بنبرة باكية " طب ماتصلح أنت غلطتك الأول وتتجوزني وتسترني أنا وابنك الي في بطنك "
وضع يده على بطنه بقلق ورفع حاجبه ليستفهم " بطني ؟! "
ابتلعت لعابها ونظرت نحو بطنه ثم سرعان ما صرخت في وجهه " أنا قولت بطنك ؟؟ أنا قولت بطني يا أستاذ أنت واضح إن هرمونات الحمل مأثرة عليك ومخلياك مش مركز "
" يعني أنتي الي حامل والا أنا ؟ "
" طب أنت مش هتصلح غلطتك يعني ؟ "
نقل بصره على الجميع ليجد لوي واضعًا يده على فمه ويضحك وليام ينكز تسنيم وهو يقول " أنا ممكن برضوا أصلح غلطتي والله !! "
أحمر وجه تسنيم ثم أجابت " غلطة إيه ؟ ماحصلش غلط عشان يتصلح على فكرة ! "
" يعني هو إحنا لسة هنستنى الغلط لما يحصل ؟ نصلحه من دلوقتي أحسن !! "
" أنا مابغلطش " قالت بنبرة صارمة فوجدته يميل عليها ليهمس في أذنها " أنا سألت الواد زين على نصيحة عشان هو خبرة وقالي إني ممكن اتغرغر بيكي وبعدها أنتي الي هتيجي تبوسي رجلي عشان أصلح غلطتي وإني ممكن أزلك كمان وأبتزك وأمسك عليكي فيديوهات وصور فنصلح الغلط دلوقتي قبل مايحصل والا أسمع كلام زين وأتغرغر بيكي ؟ "
توسعت عينيها ونظرت نحو زين ثم لكمته " آه ياقليل الأدب "
" لااااا مش هاري ستايلز الي يتدبس في جوازة تعالي نعمل تحليل ونشوف الواد ده ابن مين ياحبيبتي !! " فور صراخه وجد داليا تخرج مطوة من جيبها وتضعها على عنقه فسارع بالصراخ " قصدي تحليل عشان نتطمن على صحة البيبي مش قصدي حاجة يعني ! "
أنت تقرأ
في عالم موازي
Humorهذه القصة هزلية ، غير حقيقية وغير موضوعية وأي تشابه بينها وبين الواقع فهو أغرب من الخيال . هنا سنجد الواقع الواتبادي مقلوبا رأسا على عقب فإيميلي رود هي من ستخطف هاري ستايلز وزين مالك سيجبروه أن يكون رجل عصابات لكنه سيرفض هاري ستايلز هو من س...
