دخل هاري وزين إلي قسم الشرطة بينما دفع العسكري بلوي الذي كان يصيح " أوعى سيبني مش تومو الي يتمسك من قفاه كده أوعى إيدك بقولك "
" لا شرسة جوي ياجوطة " سخر منه العسكري فنفخ وجنتيه بغيظ ورفع يده ليحاول مسح رسمة القطة اللعينة عنه وجهه حتى أحمرت وجنتاه
" أنا عايز أعرف أنتوا قابضين علينا ليه ؟ " صاح هاري إلى الضابط فوجد زين يشده من سترته ويهمس " هاري أنت بالذات ماتزعقش أبوس صباع رجلك "
" ده مش قانوني وأنا مش هسكت " أكمل صياحه وأخرج هاتفه من جيب بنطاله فسخر منه الضابط " هتتصل بمين يعني !! "
نظر له بطرف عينيه ثم أجاب بكبرياء " هتصل بهدير "
" والله ياحضرة الباشا الواد ده زي ماجولت بالظبط نادية لطفي " سخر العسكري وبدأ الضابط والعساكر وزين بالضحك
" فتشولي الواد أبو حلق الي بيضحك ده " صاح فتوقف زين عن الضحك وابتلع لعابه وهو يتراجع إلى الخلف ويصيح " لا مش هتفتش طب فتشوا لوي "
" لا الواد أبو قطة ده هيتكشف عليه إنما أنت الي هتتفتش "
بدأ العساكر بتفتيشه فلم يجدوا غير هاتفه لكنه تمسك به برعب وهو يصيح " لا تلفوني لا ده عليه حاجات شخصية "
رمقه الضابط بأعين ضيقة ثم نهض عن مكتبه وتقدم منه ثم أمسك بياقة معطفه وهو يسأل بنبرة شاكة " أنت مخبي ايه ياض على الموبايل ؟ أوعى تكون معارض لنظام الحكم !! "
توسعت أعين زين بخوف قبل أن يعطيه هاتفه وهو يصيح " لا معارض لنظام الحكم إيه ياباشا والله أنا هلاس ومخبي مقاطع ساخنة على الموبايل وأنت ممكن تتأكد بنفسك "
دفعه الضابط بخفة وهو يضحك " أيوة كده شاطر، كده أنت تعجبني .. تعالى ابعتلي المقاطع دي وهسيبكم تمشوا "
تحرك زين وبدأ بنقل الملفات إليه عندما وقع نظر الضابط على هاري فسخر مرة أخرى " ماتحلق شعرك ده يابني "
" أنت متغاظ من شعري بس عشان أنت أقرع وعندك صلعة في النص " قال وحرك شعره يمينًا ويسارًا فوقع كيس بلاستيكي من شعره على الأرض
التقطه أحد العساكر وبدأ بشمه ثم صاح " إلحق ياسعادة الباشا ده مخبي حشيش في شعره !! "
توسعت أعين هاري ثم نظر إلى زين وزمجر " آه يابن ال******* !! "
نهض الضابط وفتح الكيس وهو ينظر إلى هاري بنظرة غامضة حتى نطق فجأة " الحشيش ده نوعه نضيف أوي !! جايبه منين ده ؟ "
" ده حشيش أفغاني أصلي فاخر " قال زين ثم غمز إلى الضابط فوضعه في جيبه وهو يقول " تصدقوا أنا هسيبكم تمشوا عشان الحلاوة دي !! "
التفت إلى العساكر وصاح " خدهم يابني وصلهم مطرح ماهما عايزين " ثم عاد بنظره إلى زين " وأنت هات رقمك عشان شكلنا أنا وأنت هنبقى أصحاب ، ليك في البنات ؟ "
أنت تقرأ
في عالم موازي
Humorهذه القصة هزلية ، غير حقيقية وغير موضوعية وأي تشابه بينها وبين الواقع فهو أغرب من الخيال . هنا سنجد الواقع الواتبادي مقلوبا رأسا على عقب فإيميلي رود هي من ستخطف هاري ستايلز وزين مالك سيجبروه أن يكون رجل عصابات لكنه سيرفض هاري ستايلز هو من س...
