فتح عينيه وبدأ بالضحك فورًا عندما شعر بيديه مربوطتان خلف ظهره
" بيضحك على إيه الأهبل ده ! "
سمع صوت أنثوى من بعيد لكنه لم يرى شيئًا لأن هناك كيس أسود موضوع على رأسه ورغم ذلك فهو أكمل ضحكاته حتى دخل في نوبة هيستيرية من الضحك
" مين ؟ " سمع صوت صراخ لوي من بعيد فبدأ بالضحك بشكلٍ أعلى وهو يصيح " ولا يالوي ! أنت هنا أنت كمان ! "
" أيوة " صاح لوي من بعيد فأكمل هاري " طب فين باقي العيال ؟ "
" مش موجودين، أنا وأنت لوحدنا باين "
" طب إشمعنى ! أصل أنا متعود يا أتخطف فردي يا في مجموعة، إنما أتخطف ثنائي .. جديدة دي ! "
" مش أنتم كوبل ؟ " جائهم صوت أنثوي من بعيد فبدأ هاري بالضحك مرة أخرى وهو يتمتم " خلاص فهمت، ده أنا أفهمها وهي طايرة، باينها ليلة زي الفل... "
" فهمت إيه ياهاري ! أنا مش فاهم !! " صاح لوي فوجد فتاة أخرى تنهره " إطلع من دول يالئيم، بقى أنت مش فاهم برضوا !! "
" وأنا هضحك على ميتين أهلك ليه !! وربنا ما فاهم !! "
" باين كده والله أعلم يا لوي هيقيموا علينا الحد " صاح هاري من بين ضحكاته لكنه صمت فجأة بعد أن أجابت عليه الفتاة " لا طبعا ! إحنا هنجوزكم "
ابتلع لعابه وحاول فك يديه بقوة حينما صرخ لوي " يعني إيه جايبينلنا عرايس وهتجوزونا والا إيه ؟ "
" عرايس مين الله يخربيت غباء أهلك ده هيجوزونا إحنا " صاح هاري
" لا أنا مش هتجوز بالطريقة دي مهما كانت العروسة حلوة، أنا لازم أختار شريكة حياتي "
بدأ هاري بالضحك وهو يصيح " عروسة آه، لوي أنا العروسة قصدي أنت العروسة، بص مش متأكد بس حد فينا عروسة "
" أيًا كانت مين العروسة، أنا مش هتجوز حتى لو كاتي بيري بذات نفسها " صرخ الآخر فتمتم الآخر من بين ضحكاته " يخربيت أمك بقولك أنت العروسة !! "
عقد لوي حاجبيه بغضب وصاح بدون فهم " مين الزفتة العروسة !! "
" يالهوي... " صاح بنفاد صبر ثم أكمل " أنا العروسة يا لوي، أنا عروستك ياغبي مش سامعهم بيقولوا هيجوزونا !! "
صمت لوي لدقيقتين ثم صاح " موافق "
توسعت أعين هاري وصرخ " موافق إيه يابابا موافق ايه ياحبيبي !! "
" بس ياض ياهاري أنا عارف أنا بعمل إيه كويس ماتقلقش "
" شوفتي، قولتلي لاري إذ ريل وأدينا هنجمعهم سوا عشان تبقى أجمل قصة حب " قالت الفتاة لصديقتها فرمقتها الأخرى بقرف
" لا الجوازة دي على جثتي، أنا مش موافقة على القرف ده "
" اخرسي ماتقوليش على هرهورتي قرف " تهكم لوي ثم أكمل بنبرة ماكرة " بحبك ياقلبي "
أنت تقرأ
في عالم موازي
Humorهذه القصة هزلية ، غير حقيقية وغير موضوعية وأي تشابه بينها وبين الواقع فهو أغرب من الخيال . هنا سنجد الواقع الواتبادي مقلوبا رأسا على عقب فإيميلي رود هي من ستخطف هاري ستايلز وزين مالك سيجبروه أن يكون رجل عصابات لكنه سيرفض هاري ستايلز هو من س...
