في عالم موازي

الأندر إيدج (هاري ستايلز )

" ابعدي عنه أنا الي هتجوزه "

" لا أنا .. ده بتاعي "

" بس دي كانت فكرتي إننا نخطفه "

" مانا الي وريتك القصة الي كان متجوز فيها إيميلي بعد ماكان متبنيها "

اخترقت تلك الجمل آذانه قبل أن يفتح عينيه وينظر نحو المراهقتين اللتان تتشاجران أمامه

" بقولك إيه هو مش هيتجوز طفلة عندها خمستاشر سنة "

" يعني أنتي الي كبيرة أوي مانتي ستاشر سنة !! "

بدأ يفهم مايحدث ثم ابتسم ابتسامة مصدومة وهو ينقل بصره بين الشقراوتين ويهمس بداخله " هي ليلة سودة أنا عارف "

" إحم إحم " حمحم جاذبًا انتباههما فحولا نظرهما إليه ليكمل " إزيكم ياقمامير ؟ "

" بجد أنا قمورة ؟ " هرعت إليه الصغرى فوقفت الأخرى واضعة يديها على خصرها وهي تنظر إليهما بأعين مشتعلة

" دارين ابعدي عنه .. قولتلك أنا الي هآخده "

احتضنته دارين من الخلف بقوة ثم صرخت " على جثتي وجثة هاري "

" انتي بتحضني جوزي قدامي كمان ! " صاحت الفتاة الأخرى والتي تدعى سام ثم هرولت لتشدها بعيدًا عن هاري لكنها تمسكت بعنقه أكثر فبدأ يختنق " هموت ياولاد ال*** "

تركته دارين بسرعة فسارعت سام لتمسك بوجهه وتنظر إلى عينيه " أنت كويس ياقلبي ؟ " لكن دارين هرعت خلفها لتمسك بوجهه وتشده إليها " بيبي أنت تمام ؟ "

اشتلعت أعين سام ثم شدت وجهه إليها " مالكش دعوة بيها دي طفلة أصلا "

شدت دارين وجهه إلى جهتها مرة أخرى وهي تردف " ماتصدقهاش والله أنا مش طفلة ده أنا أرتبطت أكتر ماستحميت "

" شايف !! يعني أندر ايدج ومنحرفة كمان .. صدقني أنا بحبك بجد "

" يعني أنا الي مابحبوش بجد ؟ "

رسم هاري ملامح باكية على وجهه وهو يبتلع لعابه بقلق وينظر إليهما عندما بدأن في التشاجر من جديد

" نسيتي مايكل الي خطفتيه مني !! عايزة تخطفي هاري كمان ؟ "

" يابنتي أخطفه ايه ! أنتي بالنسباله أندر إيدج أصلا ! "

وقع نظره على الباب فوجده مفتوح فنهض وهو مربوط بالكرسي وبدأ يتحرك بهدوء لألا يلفت نظرهما لكنهما توقفا فجأة ونظرا نحوه

ابتلع لعابه ونطق بتقطع " ده أنا ..لقيت الباب مفتوح بس فقولت أروح أقفله ! " 

وجد سام تومئ مصدقة إياه لكن دارين رمقته بنظرة غير مصدقة قبل أن تتقدم نحوه وتعاتبه " بقى كده ياهاري ؟ عايز تهرب مني ؟ "

" لا مش .. " كان سيتكلم لكن سام قاطعته بنبرة غاضبة " تهرب !! ماحنا لو كان اسمنا إيميلي وبنلبس هوت شورت ماكنتش هتهرب "