في عالم موازي

الدارك (زين مالك )

فتح عينيه ونظر حوله حتى أستقر نظره على الشقراء الواقفة أمامه

" مرحبا بك أيها اللعين " نطقت بنبرة شريرة مما جعله يعقد حاجبيه " نعم ؟ "

" ماعرفش هما بيفتتحوا القصة كده وبعدين ماتقاطعنيش وانا بتكلم يالعين ! " أردفت لكن وجهه اشتعل غضبا " أهو انتي الي لعينة وستين لعينة كمان " صاح وحاول الذهاب إليها لضربها لكنه وجد نفسه مربوطا في ظهر عمود في غرفة فارغة

" لا بقى هي شغلانة ! كل شوية واحدة تخطفني وتكتفني ! جرا ايه يادنيا ماوراكيش إلا زين مالك والا ايه !! "

" أخرس بدل ما أحبسك في أوضة الفران ! " هددته وحملقت به بأعين متسعة ثم أكملت " يالعين ... يا ل ع ي ن " شاورت بإصبعها وهي تقسم الكلمة مما جعله ينظر لها باستغراب لكنها صفقت بإيديها بفرح وقفزت في الهواء وهي تتمتم بنبرة متحمسة " يااه ! أخيرا جه اليوم الي أقولك فيه يالعين ! "

" دي شكلها مجنونة باين " همس بنبرة منخفضة لكنه وجد عينيها تتسع وتتقدم منه ممثلة ملامح شريرة على وجهها " سمعتك يا ... " وقفت لثانية وقربت وجهها إلى وجهها ورفعت حاجبيها إليه وهي تبتسم إليه ابتسامة خبيثة ثم أكملت " يا لعين "

" هو انتي عايزة مني اي..." بدأ في التحدث لكنها قاطعته " اخرس أيها العاهر "

" تصدق عاهر بتدي إحساس أحلى من لعين ؟ " رفعت عينيها إلى السقف لتفكر قليلا ثم رجعت ببصرها إليه " أو مش عارفة انهو واحدة أحلى ! عاهر والا لعين ! .. خلاص أنا هقولك الإتنين أيها العاهر اللعين "

" يابنتي خلصيني بقى وقوليلي عايزة مني ايه .. وقبل ماتقولي بصي انا مخدرات مابتاجرش .. أسلحة مابسلمش ! لو عايزة قلة أدب انا اوكيه إنما غير كده لا "

" قلة أدب ايه ياقليل الأدب أنت ! " تجهم وجهها ثم اقتربت منه " أنا قررت انتقم منك وإشتريتك عشان تبقى اللعين بتاعي وانتقم لكل اللعينات الي انت اشتريتهم وضربتهم ! " 

" اشتريتيني من مين بقى إن شاء الله ؟ هي جيجي حطت صورتي على أمازون وعرضتني للبيع زي ماكانت بتهددني قبل كده ! " اتسعت عينيه بجنون ! أيعقل ! 

" لا .. أنا اشتريتك من أمك تريشا " أجابت ثم اقتربت من وجهه وضحكت " يا ابن ... تريشا "

" بت ! بلاش ابن تريشا دي ! شكلها كأنها شتيمة ! " مثل الصرامة لكنه وجد صفعة تلتحم فجأة بوجهه " يابنت ال**** يا*** ده انتي ماتعرفينيش ده انا ممكن ا***** ... " قاطعت صفعة أخرى وابل الشتائم الذي سال من فمه

" كل ماهتقل أدبك هضربك يالعين " رفعت سبابتها في وجهه فأحتقنت ملامحه وهو يشعر بغضب العالم كله يتجمع بداخله

" ماسميش بت .. اسمي سيدتي " حذرته لكنه نطق بنبرة بلهاء " يعني أهلك مالقولكيش اسم فسموكي سيدتي ! "