Legend of Agartha ✔️

3 /Atlantis Magic Academy/

Marliyah's POV

Ngayon ang araw ng pagpunta namin sa kaharian ng Alastair kung nasaan ang Atlantis Magic Academy na siyang papasukan kong school para mapalakas pa ang magic ko at para narin magising ko ang sinasabi ni Tito Zedicus na natutulog kong magic.

'I feel so excited and at the same time scared. I don't know why?'

Kasalukuyan akong nakasakay sa isang silver na karwahe kasama si Tito Zedicus kasama na ang anak niyang si Zach na nag-aaral sa Atlantis Magic Academy at kababata ko rin.

Laking tuwa niya noong isang araw na malaman na nagbalik na ako dito sa Agartha. Hindi ko agad nasabi sakanya dahil busy siya sa pag-aaral sa AMA. Gusto kong magtatalon sa saya dahil makakapasok narin ako sa Atlantis Magic Academy dahil never akong nakapasok sa isang school.

In my 17 years of my existence ay si Mama ang naging Teacher at Master ko'sa paggamit ng magic. Bata palang ako ay nag-aaral na ako ng iba't-ibang spells at magic. Hindi ko alam kung bakit hindi ako ini-enroll ni Mama sa mga kilala at tanyag na magic school dito sa Agartha.

Sa Earth talaga ako unang nakapasok sa isang eskwelahan at naging sociable. Si Zach lang din kasi ang nag-iisang kaibigan ko magmula bata ako. Masaya din ako dahil makakasama ko ulit siya at iisa pa kami ng school na papasukan.

"Ang lalim yata ng iniisip mo?"

Napabalik ako sa ulirat ng biglang magsalita si Zach at kita ko ang hazel brown niyang mata. Nakasuot din siya ng uniform ng AMA.

"Haha naiisip ko lang kung anong feeling na mag-aral sa AMA. You know I've never been enrolled in a magic school before." sabi ko at ngumiti lang siya.

"Yeah, don't worry simula ngayon dito ka'na mag-aaral sa AMA plus kasama mo pa ang napaka-gwapo at nag-iisang bestfriend mo." sabi ni Zach at nagbuhat na naman ng sariling bangko.

Hindi ko maipagkakaila na gwapo talaga si Zach. Nagulat nga ako ng muli ko siyang makita, mas nag-matured ang physical appearance niya at lumalim din ang boses, mas matangkad na rin siya saakin ngayon. Dati lang ay napipingot ko pa siya pero ngayon parang malabo na.

"Mas maswerte ka dahil makakasama mo ang isang tulad ko." angal ko at nag-flip hair pa atsaka siya kinindatan.

Para naman siyang masusuka sa naging reaction niya kaya inirapan ko nalang. Pasalamat siya sinakyan ko ang trip ng mo'kong na'to.

"Hahaha!" natawa naman si Tito sa asaran namin ni Zach.

"Nakakamiss din pala ang kakulitan niyong dalawa..." asik pa niya pero pilit nalang akong natawa at hindi na sila pinansin.

Napatingin ako sa bintana ng karwahe at nasa bulwagan na kami ng palasyo ng Alastair at hindi ko maiwasang kabahan. Nasa mismong palasyo kasi ng Alastair ang Atlantis Magic Academy kaya nakaka-excite na nakaka-kaba.

"Chill napaghahalataan kang baliw." sita ni Zach dahil hindi ako mapakali.

"Che!"

Kita kong bumukas ang malaki at gawa sa gintong gate ng Alastair at pinapasok kami ng mga Royal Guards at todo-todo na talaga ang excitement at kaba ko.

Huminto ang karwahe na sinasakyan namin at naunang bumaba si Tito at Zach kaya mabilis na din akong bumaba pero agad din akong hinarang ni Zach.

"Bakit?" taka kong tanong.

"Pwede ba umayos ka, nasa Alastair Kingdom tayo so act as a normal maiden. Daig mo pa may alboruto eh." sabi niya pero binelatan ko lang siya.

"Alam ko naman yon. Hindi ba pwedeng ma-excite?" asik ko.