Legend of Agartha ✔️

32 /Goddess of the Moon/

Marliyah's POV

Napadilat ako ng at tumambad saakin ang maaliwalas na kalangitan, kitang-kita ko ang mga nagliliparang mga nilalang sa himpapawid, naramdaman ko din na nakahiga ako sa malambot na damuhan.

Bumangon ako't tumayo sa pagkakahiga at inilibot ko ang tingin ko sa buong paligid, ibang-iba ang itsura nito kumpara sa Atlantis. May mga punong kulay puti ang kahoy at sanga, at kulay lila naman ang mga dahon nito.

May nakita din akong mga nakalutang na mga isla at mga kakaibang nilalang sa paligid, kitang-kita ko din ang dalawang malaking buwan. Makapigil hininga ang kagandahan ng paligid at pamilyar saakin ang lugar na ito.

'Celestial Islands'

Tila may bumulong saakin kaya natumbok ko ang iniisip ko, tama nga. Ito ang Celestial Islands kung saan ang tirahan ng mga magigiting na mga bathala at bathaluman.

Dito rin kami dinala ni Amarra noon para sa lunas sa lason na nasa katawan ni Scarlet. Ang tanong ko ay bakit ako nandirito? Ang alam ko ay nasa AMA ako dahil sa naganap na luminous ball.

Shit. Napailing ako ng bumalik lahat sa alaala ko ang buong pangyayari. Mula sa biglaang pag-kompronta saakin ni Princess Victoria patungkol kay Prince Xyrell, ang pagtama saakin ng sinag ng buwan at panghuli ay ang pagsugod saamin ng mga naka-blacked cloaked.

"Marliyah!"

Napalingon ako ng may tumawag sa pangalan ko, kilalang-kilala ko ang boses na'yon at hindi ako pwedeng magkamali.

Kasabay ng paglingon ko ay ang paglitaw ng puting liwanag sa kalangitan at unti-unti itong bumaba malapit sa gawi ko at unti-unti itong nawala at nabuo ang isang pigura.

Napalaki ako ng mata ng makita ko ang isang babae na nakatayo sa harap ko, nakasuot ito ng puting gown na may palamuting mga diyamante, nakakaakit din ang makislap at mahaba nitong gintong buhok at ang nakakabighani niyang mukha.

"Ma?"

Hindi ko maipaliwanag na bulalas ng makita ko ang nanay ko sa sitwasyong ito, halos hindi ko siya mamukhaan dahil sa mala-dyosa nitong itsura.

"Marliyah anak."

Doon na ako tuluyang napaluha ng tawagin niya akong anak kaya mabilis akong tumakbo at niyakap siya ng mahigpit. Naramdaman ko din na niyakap niya ako pabalik. Hindi ko mapigilan ang sarili kong mapahagulgol dahil nakita ko ulit ang nanay ko, masaya ako dahil buhay siya at hindi nakaratay.

"Ma? Anong nangyayari? Akala ko hindi ka'na magigising?" tanong ko sa pagitan ng pag-iyak ko.

"Ssshhh, tahan na Marliyah, huwag kang mag-alala. Buhay ako anak, hindi ako pa ako patay."

"Paanong nangyari yun? Nasa Mansion of White Council ang katawan mo at binabantayan ito ni Tito Zedicus?" taka kong tanong sakanya at nginitian niya naman ako.

"Oo anak, nasa pangangalaga ni Zedicus ang katawan ko pero hindi ang ispirito ko."

"Ibig mong sabihin, hiwalay ang katawan mo at ang spirit mo?" paninigurado ko.

"Tama anak, hindi ako makakabalik sa katawan ko hangga't hindi nabubuo ang mga hinati kong mga crystals."

"Crystals? Ang mga crystals na nasa pangangalaga ng mga Royal Bearers?"

"Tama, yun lang ang tanging paraan para makabalik ako sa pisikal kong katawan. Huwag kang mag-alala, ligtas ako dito."

"Isn't this Celestial Islands? The home of the great gods and goddesses? You're here so does that mean you are a goddess too?" tanong ko at umiling siya.