عشق ليليان 💥💕

💕4💕

- مسيو مهدي انا ماريا ( مدت يدها تسلم عليه ) مديرة العلاقات العامة ( مد يدو بادلها السلام ) ...
- متشرفين مدام ...
-ااااه لالا مسيو .. مدموزال ( طفاها و ما ردش عليها فهمها وين تحب توصل )
ليليان تشوف فيه يهدر معاها و مغزلة منها تعرف ماريا تحب ترمي روحها بقات تتامل فيه و هو يتعرف على المسؤولين حتى وصل عندها تبسمت معاه و قاتلو
- بونجور مسيو انا ليليان المديرة التنفيدية
-(جبدها على جنب سألها و علامات السخرية على وجهو ) راكي تخدمي هنا ؟ كفاش جدي خلى وحدة كيما نتي تخدم هنا!!!!
مشى و خلاها ... حست ماء بارد تصب عليها ما توقعتوش يجرحها بالكلام كلامو يتعاود في راسها ... لعنة روحها و لعنت قلبها لي حبو من اول نظرة
فالقصر رايح جاي فالصالون و يخمم كفاش يعدبها كتر كفاش يكسرلها راسها و يقهرها... دخلت سلمى لصالون قعدت على البونك و تشوف معاه
- سلمى : جدو ... شبيك غير الخير.... كاش مشكل نعاونك فيه
- ( شاف معاها مليح و قعد ) اييه يا بنتي راني نخمم نكسرلها راسها بش ما تزيدش تجاوب ف وجهي مرة الجاية
- ( عقدت حواجبها ) شكون ؟ .... ااا هاديك ليليان وجه النحس !!.. ايييييه مالا خمم و عاود و كشما تحتاج راني هنا هههههه ( ظحكة من قلبها )
- خلاص لقيتلها لحل ليلة هادي تشوفي وش ندير فيها ههههههههههههه
كملت خدمتها هزت ساكها و خرجت رايحة لنادي تفرغ قلبها فالرقص كيما كل يوم .... كان واقف ورا البيرو ديالو يشوف مع الدخلة تاع الشركة حتى شافها خارجة حاطة كيت فودنيها و تمشي
- هادي مزلت تغلق ودنيها و تمشيي ... تجيبها فراسها ... ( شاف مع الساعة فيدو ) راهي 15 نكمل دوسي برك و نروح نرتح
رجع لبيرو ديالو و غطس فالخدمة ..... راحت للنادي تلاقات صحابها امين و مروة هوما كوبل يحبو بعضاهم لابعد الحدود
- مروة : ليلي وشبيك ليوم
- ليوم ؟؟ انا دايمن وشبيا مش غير ليوم ههههههه ( تنهدة ) اااه يا مروة انا كش نهار جيت فرحانة و مطيشة همومي؟
حضنتها مروة و طبطب على ظهرها - معليش حببتي كلش يفوت يجي نهار لي ينسيك ف همك ( حكمتلها وجها بين يديها ) هههه هيا نبداو بجي امين يديرلنا درس ..ظحكوا و بداو تدريباتهم فرغة هم قلبها و تخمامها كامل مع 17 خلصت لبست حوايجها و رجعت ل دار...