عشق ليليان 💥💕

💕30💕

مشات قبل ما يهدر معاها ... هي دخلت و هو غمض عينيه فوت يدو على شعرو نفخ و لحقها شافها رايحة للتوالات خلاها و رجع للحفلة ..دخلت شافت مع روحها فالمرايا
- ليليان : فوق ما راني خايفة تستقبلني هكدا ... ماعليش الليلة هادي نخلف فيك السي مهدي
عدلت ماكياجها و غمقت فالروج ... داخلة لصالة و العيون الكل عليها .. حست روحها اميرة ... تمشي و راسها مرفوع تخبي فالستراس .. رجال كلاوها بعينيهم و نساء يتهامسو عليها الغيرة خارجة من عينيهم ... حتى مهدي سارح فعينيها فاق على الراجل لي واقف قدامو كي قالو ... - شكون الصاروخ هادي ... شاف مع الرجال الي ياكلو فيها بعينيهم ... عقد حواجبو ... حكم روحو يهدي فاعصابو ... وقفت فطابلة فارغة جاية فالكوانة .... راح ليها وقف مقابلها يحكي و تبسيمة مصطنعة على فمو .. مزير على سنانو ..
- شوفي نهدر هدرة و ما نعاودهاش ... تهدري مع واحد ولا يهدر معاك واحد و تجاوبيه تخلصيها غالية
- هههههههه ... ( حبست ظحك و حطت عينها فعينو ) ... ماشي شغلك ... نتا مديري فالشركة و تامرني بصح هنا حفلة مش خدمة ... نهدر مع الي نحب
كان راح يجاوبها شاف كريم داخل جيهة الباب
- اقعدي هنا اني راجعلك ... ايه و راكي سيكريتير تاعي نحبك ليلة كامل في جنبي .. مهيش حفلة بش تتمتعي ... درتها على خدمتي
راح استقبل كريم تصافحو
- مهدي : مرحبا بيك...
- كريم : مرسي ... نقدملك اسامة العميري صاحب شركة LO
مد يدو تصافحو و بقى مهدي يشوف معاه و فقلبو - هدا راني شايفو وجهو مش غريب عليا .. شبه لانسان نعرفو
- اسامة : متشرفين مسيو بن جابر ... نقدملك ابتسام .. مساعدتي الشخصية
- مدت يدها : متشرفين .
- مهدي : الشرف لينا ... نورتونا تفضلو
مد يدو جيهة الطابلة لي فيها ليليان ( ميخليهاش وحدها ههههههه )
من جيهة اخرى سالم رعشة حكمتو ... و اب مهدي و اب عبدوو حاكمينو و يحلو فعينيهم .حابين يتاكدو هدا هو اسامة وش جابو هنا ؟ و علاه مهدي يعرفو و يرحب بيه ؟ اسئلة دارت فراسهم ... عاونو سالم داوه لجيهة مجبودة على العباد و قعدو
اما اسامة الي كان من الدخلة ابتسام معنكشة في يدو يبانو كوبل كانت لابسة غوب فالنوار ( التصويرة ) زيرت على يدو ..شاف معاها يطمن فيها بعينيه .. قدمت ليه تهدر بصوت خافت
- ابتسام : راني معاك ...تبسملها و كمل داخل

جام 👍🌟 بش نكمل