عشق ليليان 💥💕

💕47💕

... الحقيقة انو قبل الحادث صاحب بابا جا بش يدينا انا و نتي ... بصح نتي ما قبلتيش تبعدي على بابا ... انا كنت صغير و مش فاهم ... مشيت معاه ... كي وقع الحادث نتي كنتي مع ماما و بابا و فقدتي الذاكرة ... سالم استغلك و هددك ... كاين اسباب لواش دارو كي نجيك راني نحكيلك كلش ... الفائدة درك نحب نوصيك كملي كيما قبل ما تحسسيش سالم الي نتي فقتي ... راح نجي منقدرش نحددلك وقتاش ... بصح راني نوجد فروحي و نجي نخرجك من الجحيم هداك و ننتاقمو من عايلة بن جابر ... #خوك_الصغير_اسامة ***
قرات الرسالة خلصة و ضمتها ليها ....
- كنت عارفة بلي نتا ... حسيت بلي نتا ... عينيك فضحوك .... بصح علاه ما حكيتش معاي
ليليان عرفت بلي اسامة هو نفسو اسامة الي شافتو فالحفلة ... قررت تستنا .. هي معندهاش حل آخر و كون دير خطوة غالطة تفسدلو وش دار .... ريحت شوية حبت تشطح بش تحبس التخمام .... حلت خزانة صغيرة و تبسمت
- هااااي معشوقاتي ... توحشتوني ؟ ... ليوم نقلبوها ... وريولي
صوتكم وين يوصل ههههههههه
ليليان عندها مكبرات صوت ... كون تزيد الفوليم تزعزع القصر ههههه ... كانت كلما تشعلهم تخليهم ناقصين بش ما يفضحوهاش
بدلت قشها ( التصويرة ) برونشات التيليفون و خيرت غناية *1.2.3 sofia rayes * (بنات اسمعوها تهبل ) زادتلو و بدات تشطح
سالم و ولادو كانو فالصالون يسمعو فالغناية .... و مش فاهمين منين جاية
- سالم : روحي شوفي منين الحس هدا
- الخدامة : حاضر
راحت الخدامة طلعت و تبع فالصوت لقاتو من بيت ليليان جات راجعة تقول لسالم
مهدي كان فبيتو يعدل فكمام الكوستيم ( التصويرة😍) على جال المؤتمر ... سمع الحس عقد حواجبو ستنى لحظات ما حبش الحس يحبس ... خرج من بيتو و ناوي يدقدق هدا الي راهو يغني و هوما فاوضاع هديك ... مع خرج من البيت لقا الخدامة الي راجعة عند سالم
- مهدي : منين جاي الحس هدا
- من عند مدموزال ليليان ... بعتني السي سالم نشوف ... اني رايحة نقولو
- نفخ على جنب بقلة صبر : قوليلو درك انا نحلها .. روحيي
- حاضر